adipatealberto_pid_obs_text_obs/17/04.txt

Israel ttü̧ja̧mä̧ David-rü rü̧ȩnä̧ repeinä̧tü̧, ja̧wa̧nü̧ jo̧mȩnä̧ Saulmä ä'cuoyäwinü. Rüjí ja̧a̧cü̧ Saulmä cuäü icuá päinü, ja̧wa̧nü̧ ja̧á̧ttü̧ Davidmä mȩjȩ'cacü tuipächü dajawächinü Saúlrü. Yaüte mo̧ro̧, Saulmä umüwäyotücü Davidrü usü 'chi̧nä̧tü̧, ja̧wa̧nü̧ ja̧á̧ Saulmä idoränä doächinü David udajuächäijome, ja̧wa̧nü̧ ja̧á̧nä̧ toócocü pinü. Davidmä tü'cü ki̧nü̧ Saulrü cuäü icuaánü, ja̧wa̧nü̧ jȩpü̧ jueimä Saul u̧'ca̧tä̧wä̧ta̧tä̧ a̧u̧cü̧nä̧ 'cuiopinü, ja̧u̧nü̧ o'caá Saul idorättü räoiomenä Davidmä pü̧jä̧tä̧ 'chu̧ä̧rü̧ wopinü Saul toá päü. Pa̧á̧nü̧ jȩo̧mȩnä̧, Saulmä wo̧jä̧chi̧í̧nü̧ Davidmä rey ü̧ja päümä cuäü icua päococüsä.