adipatealberto_pid_obs_text_obs/16/14.txt

Diosmä Madianita ttü̧ja̧ru̧mä̧ ttieruwächiunä jȩpi̧nü̧, ja̧wa̧nü̧ ja̧á̧ttü̧ jitutä ttawäruwäcu rowäwutä cuääwu icuinä̧tü̧. Gedeónmä̧ yotäcu weinü korotu Israel su̧ro̧da̧u̧tu̧ru̧ jittäwa päü, ttojusodettu räoiü fäädu tticha päü Madianitaru usu 'chä̧nü̧. Israel ttü̧ja̧mä̧ cuäü icuinä̧tü̧ recuäturu, koroturumä tto'caánä ruinä̧tü̧ tti̧rȩjä̧ttu̧ räepü tticuá päümä. Ja̧u̧nu̧ mo̧ro̧mä̧ Madianita ttü̧ja̧mä̧ 120,000nü jo̧mȩnä̧ 'corujuoächinä̧tü̧. Diosmä Israel ttü̧ja̧ru̧mä̧ ttü̧ji̧pu̧nä̧ fäädinu.