adipatealberto_pid_obs_text_obs/17/04.txt

Israel ttü̧ja̧ David-rü rü̧ȩnä̧ repettomenä rey Saúlmä ja̧ü̧rü̧ ä'cuoyäwinü. Rüji ja̧á̧cü̧ Saúlmä cuäü icua päinä̧cü̧, ja̧wa̧nü̧ ja̧á̧nä̧ Davidmä meje'cara̧á̧ tuipü dajawächinü Saúl-ttüínä su̧ro̧da̧u̧ttu̧í̧nä̧. Yaüte mo̧ro̧, Saúlmä umüwäyotü su̧ro̧da̧u̧cu̧ David-rü usu 'chi̧nä̧tü̧, Saúlmä idoränä doächinü. Juȩnȩmä̧ David udajuächäijome ji̧na̧á̧, ja̧wa̧nü̧ ja̧á̧nä̧ Saúlmä toócocü pinü. Davidmä Saúl ü̧jo̧mȩcu̧ ttü̧wȩcuä̧nä̧ 'chä̧wi̧ü̧ ü̧'ca̧tä̧wä̧ta̧ a̧u̧cü̧nä̧ 'cuiopinü. A̧u̧cua̧á̧tä̧ jä̧ji̧ o'caá, Saúl idorättü räoiomenä, Davidmä pü̧jä̧ta̧ 'cui̧o̧pä̧ta̧ 'chu̧ä̧rü̧ kä̧nü̧ wopinü Saúl toá päü. Pa̧á̧nü̧ jȩo̧mȩna̧, Saúlma̧ wo̧juä̧chi̧í̧nü̧ Davidmä cuäü icuamä päococü päjisä rey ü̧ja päümä.