adipatealberto_pid_obs_text_obs/48/06.txt

Recuó a̧ȩ jo̧mȩnä̧, Sacerdotemä sacrificio jȩpü̧ iyinä̧tü̧ Diosru. Pa̧á̧nü̧ jȩtto̧mȩnä̧ i̧jȩpi̧nä̧tu̧ ttü̧ja̧ru̧mä̧ surojunä jȩttä̧ji̧mä̧ Diosttu ro̧ȩcuä̧tä̧ micuäwächu päü. Pi̧yȩ sacrificiomä ttüja̧ surojunä jȩttä̧ji̧mä̧ jȩpü̧ icuocu ji̧nü̧. Ja̧wa̧nü̧ ja̧á̧nä̧ Jesús jinäiso Sacerdote ttu̧ru̧wa̧mä̧, korotu sacerdote jȩtto̧cu̧ ji̧nü̧ jȩpi̧nü̧, Chutä a̧'cua̧ru̧ iyäwinü pi̧yȩ sacrificio jȩo̧mȩnä̧tä̧ pi̧jä̧ ttü̧ja̧ surojunä jȩttä̧ji̧mä̧ jȩä̧chi̧na̧á̧. Jesúsmä ubara ttuínu ujutu o'catoiunä surojunä jȩtä̧ji̧ micuäwächunä. Pa̧á̧nü̧ jo̧mȩnä̧, Jesús ja̧á̧ jinäiso sacerdote ttu̧ru̧wa̧mä̧.