adipatealberto_pid_obs_text_obs/21/05.txt

Diosmä profeta Jeremíancu̧ ucuocu päinü yaüte mo̧ro̧ jareunä chȩsȩcuä̧cua̧sä̧ päü. Pi̧yȩ jareunä Dios esecua päinümä Sinaí muä'cattü Israel ttü̧ja̧cü̧ esecuinü̧ttü̧í̧nä̧ i̧mi̧cu̧nä̧nü̧ esecuä päinü. Pi̧yȩ ttü̧ja̧cü̧ jareunä esecuomenä tü'cünänü ttu̧wo̧jä̧chi̧ä̧rü̧ päinü, repettärü päü, iweneínä ucuotu ttü̧ja̧cü̧nä̧. Diosmä esecua päinü ttami iso'quinä i̧wȩnȩ i̧wȩyu̧tä̧ jä̧i̧nü̧ä̧nü̧, i̧wȩnȩ esetätumä umüwäyotü pättiünä, ja̧wa̧nü̧ jo̧mȩnä̧ Diosmä juätü surojunä jȩttä̧ji̧mä̧ unichia päinü. Cristo ji̧na̧á̧ jareunä esecua päinäcümä.