Zuna_sgh_obs_text_obs/17/12.txt

Батшоба̄ Урийо ну̊м чориканд wи ɣин вад. Йу Доwӯданд йӣw аз wи зӯр аскарен вуд. Wи даwра̄ Урийо тар δе̂д вуд. Доwӯди Урийо аз δе̂д қӣwдху, фарму̊ни wирд δод иде̂, тар ху ɣин хез су̊д. Амо Урийойи тар ху чӣд ситоwат ху да̄м δе̂доw начемт, хе̂р дига аскренен тар δе̂д ғал вад. Та̄ми Доwӯд Урийо асараϑ тар δе̂д бох̇тат, қуманду̊нарди фарму̊н δод иде̂, йик wи ҷонди wи не̂δд, йаманд  сар хах̇ δе̂д ца , ла̄к йу мӣрт.  Йикдити сутху, Урийо δе̂данд мӯд.