Фук арча̄йен йаманд ца вад, айру̊нен сат иде̂, Петрусат Йуаннойен цара̄нг беғамаϑ га̄п δод. Wа̄δен wӣнт, wев пирондийен бечора̄йат бесаwод одамен вад, амо ба̄д wев байод δод иде̂, wевен Исо қати wӣнт. Та̄мен рӯу̊ни робаренат пӣренен Петрусат Йуаннойард лу̊д: «Ага тамата дар борайи Исо ну̊м одам йикдити мардумард нақл ца кинет, ма̄шта тама ҷазо δа̄δа̄м». Ди х̇оҷат wе̂с қатийен wа̄δ Петрусат Йуанно ла̄кчӯд.