Потх̇о Доwӯди чил сол укмру̊ни чӯд. Ба̄ди wи мӣдоwи wи пуц Сулайму̊н укмру̊ни сар чӯд. Хуδойи аз Сулайму̊н  пех̇цти иде̂, аз фукаϑ бех̇ди йу чӣз хойих̇ ких̇т. Сулайму̊ни аз Хуδой хойих̇ чӯд иде̂, халқти укмруни чӣдоw ҷа̄т wирд хирад да̄ких̇т. Йид Хуδойард хуш йатху, Йуйи Сулайму̊н дунйоти сар хирадманд одам чӯд. Хуδойи Сулайму̊н хирадманд потх̇о ца чӯд, бойи зоргайи мис wи чӯд.