Zuna_sgh_obs_text_obs/21/11.txt

Ишайо пайғумбари ди мис лу̊д иде̂, Масета бейичӣзаϑ  фукаϑард бад су̊дат, қабӯлта Wи накинен. Пайғумбаренен дивих̇т иде̂, Масейардта wи наздӣк одам хиу̊нат ких̇т. Закарийо пайғумбари лу̊д иде̂, йид чорикта ху хиу̊нат ҷа̄т 30 нуқраги танга̄ зе̂зд. Дисгагайен йила̄в пайғумбарен лу̊д иде̂, мардумта Масе зӣнху, wа̄δ зӣнӣҷента қура̄  пите̂wен, ку Wи луқента чирд фира̄пен.