Əgər sən indi Allahın dostusansa və İsa sənin Rəbbin, sən isə Onun qulusansa, onda sən İsanın sənə öyrətdiklərini yerinə yetirmək istəyəcəksən. Amma sən İsaya iman etsən belə, iblis səni günah etməyə vadar edəcək. İblis səni sövq edəcək ki, İsaya sadiq şagird olmayasan. Ancaq Allah həmişə vədinə əməl edir. O söz vermişdi ki, əgər sən öz günahlarını etiraf edib, onları Allaha söyləsən, onda O səni bağışlayıb, günaha qarşı durmağına güc verəcək.