# 36. İsanın görünüşü dəyişir

![Frame 36-01](https://cdn.door43.org/obs/jpg/360px/obs-en-36-01.jpg)

Bir dəfə İsa dua etmək üçün hündür dağa qalxdı. O Özü ilə üç şagirdini – Peter, Yaqub və Yəhyanı götürdü. Özü ilə götürdüyü Yəhya, Onu vəftiz edən Yəhya deyil, şagirdi idi.

![Frame 36-02](https://cdn.door43.org/obs/jpg/360px/obs-en-36-02.jpg)

İsa dağda dua etdikdə Onun üzü günəş kimi parlaq oldu. Onun libası göz qamaşdırıcı ağ rəng aldı, yer üzündə heç bir insan onu belə ağarda bilməzdi.

![Frame 36-03](https://cdn.door43.org/obs/jpg/360px/obs-en-36-03.jpg)

Həmin an yüz illər bundan əvvəl yaşamış Musa və İlyas peyğəmbər peyda oldular. Dağın üzərində görünərək, onlar İsa ilə onun ölümü haqqında və tezliklə Yerusəlimdə öləcəyi barədə danışırdılar.

![Frame 36-04](https://cdn.door43.org/obs/jpg/360px/obs-en-36-04.jpg)

Musa və İlyas İsa ilə danışan zaman Peter İsaya dedi: “Nə yaxşı ki, biz buradayıq! Gəlin, üç çadır quraq: biri – Sənin üçün, biri – Musa üçün, biri isə – İlyas üçün.” Peter qorxu və həyəcan keçirdiyindən belə danışırdı.

![Frame 36-05](https://cdn.door43.org/obs/jpg/360px/obs-en-36-05.jpg)

Peter hələ danışan zaman parlaq bir bulud gəldi və onları əhatə etdi. Buluddan bir səs gəldi: “Bu Mənim sevimli Oğlumdur! Ondan razıyam! Ona qulaq asın!” Şagirdlərin üçünü də böyük dəhşət bürüdü və onlar üzüstə yerə qapandılar.

![Frame 36-06](https://cdn.door43.org/obs/jpg/360px/obs-en-36-06.jpg)

Onda İsa onlara toxunaraq dedi: “Qorxmayın! Qalxın!” Onlar ətrafa baxdılar,lakin yanlarında İsadan başqa kimsəni görmədilər.

![Frame 36-07](https://cdn.door43.org/obs/jpg/360px/obs-en-36-07.jpg)

Bundan sonra İsa üç şagirdi ilə dağdan endi. İsa onlara dedi: “Burada nə baş verdiklərini heç kəsə söyləməyin. Tezliklə Mən öləcəyəm, sonra isə həyata qayıdacağam. Bundan sonra siz bu hadisəni insanlara danışa bilərsiniz.”

_Müqəddəs Kitabdan hekayə. Matta 17:1-9; Mark 9:2-9; Luka 9:28-36_