# 29. İnsafsız qul məsəli

![Frame 29-01](https://cdn.door43.org/obs/jpg/360px/obs-en-29-01.jpg)

Bir dəfə Peter İsadan soruşdu: “Müəllim, mənə qarşı günah işlətmiş qardaşımı neçə dəfə bağışlamalıyam? Yeddi dəfəmi?” İsa cavab verdi: “Yeddi dəfə yox, yetmiş dəfə yeddi!” İsa nəzərdə tuturdu ki, biz hər zaman bağışlamalıyıq. Daha sonra İsa belə bir məsəl danışdı:

![Frame 29-02](https://cdn.door43.org/obs/jpg/360px/obs-en-29-02.jpg)

“Səmavi Padşahlıq qulları ilə hesablaşmaq istəyən bir padşaha bənzəyir. Bir qulun 200 000 illik əmək haqqı həcmində, çox böyük borcu var idi.

![Frame 29-03](https://cdn.door43.org/obs/jpg/360px/obs-en-29-03.jpg)

Qul bu borcu ödəyə bilmədiyinə görə padşah əmr etdi: “Bu adamı ailəsi ilə birlikdə borcu ödəmək üçün köləliyə satın!”

![Frame 29-04](https://cdn.door43.org/obs/jpg/360px/obs-en-29-04.jpg)

Onda qul diz çöküb padşaha yalvardı: “Xahiş edirəm, bir az gözlə. Mən sənə olan borcumun hamısını ödəyəcəyəm!” Padşahın o qula rəhmi gəldi və onun bütün borcunu bağışlayıb azadlığa buraxdı.

![Frame 29-05](https://cdn.door43.org/obs/jpg/360px/obs-en-29-05.jpg)

Qul padşahın yanından çıxanda ona borclu olan başqa bir qul ilə qarşılaşdı. Bu borc dörd aylıq əmək haqqına bərabər idi. Qul borclunu tutub dedi: “Mənə borclu olduğun pulu qaytar!”

![Frame 29-06](https://cdn.door43.org/obs/jpg/360px/obs-en-29-06.jpg)

Borclu diz çöküb yalvarmağa başladı: “Xahiş edirəm, bir az da səbr et, borcumun hamısını qaytaracağam”. Amma borcunu ödəyənə qədər qul onu zindana saldırdı.

![Frame 29-07](https://cdn.door43.org/obs/jpg/360px/obs-en-29-07.jpg)

Digər qullar baş verənləri gördü və bu, onları kədərləndirdi. Onlar padşahın yanına gedib ona hər şeyi danışdılar.

![Frame 29-08](https://cdn.door43.org/obs/jpg/360px/obs-en-29-08.jpg)

O zaman Padşah qulu yanına çağırıb dedi: “Ey pis qul! Bütün borcunu sənə bağışladım, çünki mənə yalvarırdın. Sən də belə etməli idin.” Padşah elə qəzəb içində idi ki, pis qulu bütün borcunu qaytarana qədər zindana atdı.”

![Frame 29-09](https://cdn.door43.org/obs/jpg/360px/obs-en-29-09.jpg)

İsa dedi: “Hər biriniz qardaşlarınızı ürəkdən bağışlamasanız, Səmavi Atam da sizə elə edər.”

_Müqəddəs Kitabdan hekayə. Matta 18:21-35_