# 25. İblis İsanı sınağa çəkir

![Frame 25-01](https://cdn.door43.org/obs/jpg/360px/obs-en-25-01.jpg)

Vəftiz olunan kimi Müqəddəs Ruh İsanı səhraya apardı. İsa orada qırx gün - qırx gecə qaldı. Bütün bu vaxt ərzində O, oruc tuturdu və bu günlərin sonunda bərk acıdı. O zaman iblis İsaya yaxınlaşıb Onu sınağa çəkməyə başladı.

![Frame 25-02](https://cdn.door43.org/obs/jpg/360px/obs-en-25-02.jpg)

İblis İsaya dedi: “Əgər Sən Allahın Oğlusansa, bu daşları çörəyə döndər ki, onları yeyə biləsən!”

![Frame 25-03](https://cdn.door43.org/obs/jpg/360px/obs-en-25-03.jpg)

Lakin İsa iblisə belə cavab verdi: “Allahın Kəlamında belə yazılmışdır: “İnsan yalnız çörəklə deyil, Allahdan gələn hər bir kəlmə ilə yaşayar!””

![Frame 25-04](https://cdn.door43.org/obs/jpg/360px/obs-en-25-04.jpg)

Sonra iblis İsanı Məbədin ən yüksək qülləsinə gətirdi və dedi: “Əgər Sən Allahın Oğlusansa, Özünü aşağı at, çünki yazılıb: “Allah Öz mələklərinə əmr edər ki, Səni əlləri üstündə aparsınlar, ayağın daşa dəyməsin.””

![Frame 25-05](https://cdn.door43.org/obs/jpg/360px/obs-en-25-05.jpg)

Lakin İsa iblisin Ondan istədiyini etmədi. O dedi: “Allah hamıya deyir: “Allahın olan Rəbbi sınama.””

![Frame 25-06](https://cdn.door43.org/obs/jpg/360px/obs-en-25-06.jpg)

Sonra iblis İsanı çox yüksək bir dağa gətirdi və Ona dünyanın bütün padşahlıqlarını, onların qüdrətini və sərvətini göstərdi. İblis İsaya dedi: “Əgər Sən yerə qapanıb mənə səcdə etsən, bütün bunları Sənə verəcəyəm.”

![Frame 25-07](https://cdn.door43.org/obs/jpg/360px/obs-en-25-07.jpg)

Amma İsa cavab verdi: “Rədd ol, şeytan! Allahın Kəlamında Allah Öz xalqına əmr edir: “Allahınız Rəbbə səcdə edin və yalnız Ona ibadət edin.”

![Frame 25-08](https://cdn.door43.org/obs/jpg/360px/obs-en-25-08.jpg)

İsa iblisin sınaqlarına təslim olmadı və iblis Onu tərk etdi. Bundan sonra mələklər İsanın yanına gəlib Ona xidmət etdilər.

_Müqəddəs Kitabdan hekayə. Matta 4:1-11; Mark 1:12-13 və Luka 4:1- 13_