27 lines
3.4 KiB
Plaintext
27 lines
3.4 KiB
Plaintext
\id 3JN EN_LING rml_Baltic⋅Romani_ltr Baltic Romani Ruskaroma Bible Sun Nov 07 2021 23:42:48 GMT+0200 (Восточная Европа, стандартное время) tc
|
||
\usfm 3.0
|
||
\ide UTF-8
|
||
\h Трито бичадо лав Иоаностыр
|
||
\toc1 Трито бичадо лав Иоаностыр
|
||
\toc2 3 Иоаностыр
|
||
\toc3 3Jn
|
||
\mt 3 Иоаностыр
|
||
\c 1
|
||
\s1 Шэро 1
|
||
\p
|
||
\v 1 Пхуро́м — дро́го миро́ Гайо, савэ́с мэ кама́м до чачибэ́н.
|
||
\v 2 Дро́го миро́, буты́р сарэ́стыр манга́впэ, соб ту тэ авэ́с састо́ и бахтало́ дя́кэ сыр ту зоралэ́с полэ́с Дэвлэ́с дэ йило́.
|
||
\v 3 Мэ лошало́ дрыва́н кай явнэ́ пшала́ и роспхэндэ́ пал тыро́ джюипэ́н сыр ту дживэ́с до чачибэ́н.
|
||
\v 4 Мэ дрыва́н лошало́ тэ шуна́в кай мирэ́ чаворэ́ пхирэ́н до чачибэ́н.
|
||
\v 5 Дро́го миро́, тыри́ буты́ бари́, ту куч кэрэ́с ва́шэ пшалэ́нгэ и авирэ́ манушэ́нгэ.
|
||
\v 6 Ёнэ́ роспхэндэ́ дэ кхангири́ пал тыро́ камлыпэ́н. Ту куч кэрэ́са сыр пролыджя́са лэн до дро́м сыр трэ́би Дэвлэ́стыр.
|
||
\v 7 Пал одова, со ёнэ́ ґинэ́ ваш Дэвлэ́ско Лав и нисо́ на лынэ́ чюжонэ́ манушэ́ндыр.
|
||
\v 8 И дасавэ́н амэ́ трэ́би тэ прыла́с, соб тэ ава́с лэ́нса дэ ек Дэвлэ́ски буты́ до чачибэ́н.
|
||
\v 9 Мэ чиндём лыл кхангиря́кэ, нэ Диотре́фо саво́ камэ́л саро́ тэ рикирэ́л дэ пэ́скирэ васта́, на прылэ́л амэ́н.
|
||
\v 10 Пал одова́, коли́ мэ ява́ва, мэ зрипира́ва лэ́скэ, со ёв кэрэ́л и со ёв пэ амэ́ндэ на́лачё ракирэ́л. Лэ́скэ ещё кадава́ нафтылэ́л так ёв кокоро́ на прылэ́л пшалэ́н, савэ́н амэ́ бичадя́м и одолэ́нгэ кон камэ́л лэн тэ прылэ́ запхэнэ́л, а кон прылэ́л лэн ёв вытрадэ́л кхангиря́тыр.
|
||
\v 11 Миро́ дро́го! На дыкх пэ да́савэндэ манушэ́ндэ, савэ́ кэрэ́н на́лачипэн и на кэр адя́кэ, а кэр лачипэ́н. Кон кэрэ́л лачипэ́н — одова́ Дэвлэ́стыр, а кон кэрэ́л на лаче́ де́лы — одова́ на дыкхья́ Дэвлэ́с.
|
||
\v 12 Па́ло Димитростэ всарэ́нса роспхэндо́ лачипэ́н, чачибна́са и амэ́ ракира́с пал лэ́стэ и ту джинэ́с амаро́ ракирибэ́н чачюно́ исы́.
|
||
\v 13 Бут камйо́м тэ чина́в ту́кэ, нэ на кама́в тэ чина́в вастэ́са,
|
||
\v 14 нэ думина́в, со сы́го дыкхасампэ и поракира́сам як пэ як.
|
||
\v 15 Бахт ту́кэ Дэвлэ́стыр! Приве́тствуют тут пшала́. Приве́тствуй пшалэ́н пиро́ лэ́нгиро лав.
|