61 lines
11 KiB
Plaintext
61 lines
11 KiB
Plaintext
\id tit Обычный
|
||
\ide usfm
|
||
\h Titus
|
||
\toc1 Titus
|
||
\toc2 Titus
|
||
\toc3 tit
|
||
\mt Titus
|
||
\c 1
|
||
Лыл кэ Ти́то
|
||
Шэро 1
|
||
\v 1 Па́вло, слуга́ Дэвлэ́ско, и апо́столо Христо́ско, апо́столо савэ́с приджиндэ́ мануша́ савэ́н выкэдыя́ Дэвэ́л,
|
||
\v 2 и кай тэгалёва́с чачибэ́н сыр тэджива́с пир Лэ́ско Лав саво́ лыджя́л кэ ве́чно джюипэ́н, пал саво́ ракирэ́лас гара́ Дэвэ́л,
|
||
\v 3 а Ёв на хохавэ́л, и сыр явья́ одова́ дэвэ́с, то откэрдя́ Пэ́скиро Лав саво́ мэ лыджя́в манушэ́нгэ, кай пхэндя́ ма́нгэ амаро́ Спаси́тилё Дэвэ́л,
|
||
\v 4 Тито́скэ, чачюнэ́ чавэ́скэ дэ патябэ́н: бах и ми́ро Дэвлэ́стэр Дадэ́стэр и Иисусо́стэр Христо́стэр, амарэ́ Спасителёстэр.
|
||
\v 5 Ваш дава́ ачадём тут дэ Кри́то, кай ту тэдокэрэ́с буты́ и тэчивэ́с до фо́ры пхурэдырэ́н пшалэ́н, сыр мэ ту́кэ прыпхэндём:
|
||
\v 6 сыр исы́н одова́ пшал саво́ би доша́киро, екхэ́ ромня́ко ром, чаворэ́ лэ́стэ кандунэ́, нанэ́ шундо́ пал лэ́ндэ дылыно́ лав.
|
||
\v 7 Пал дова́ со пхурэды́р пшал трэ́би тэявэ́л би доша́киро, сыр дэ Дэвлэ́скиро кхэр хула́й, ёв на сыкавэ́л холы́, нанэ́ матима́рё, на кошэ́лпэ манушэ́нса, и народэ́л сыр тэхохавэ́л манушэ́н,
|
||
\v 8 нэ ёв йилэ́са прылэ́л манушэ́н, камэ́л тэкэрэ́л миштыпэ́н, патывало́, годяви́р, чачюно́,
|
||
\v 9 пхирэ́л анги́л Дэвлэ́стэр, рикирэ́л пэс до васта́, пририкирэ́лпэ чачюно́ лав саво́ ракирэ́л, Дэвэ́л, соб тэявэ́л зор тэсыклякирэ́л адя́кэ сыр трэ́би манушэ́н, и тэвракирэ́л одолэ́н савэ́ на прылэ́н лав.
|
||
\v 10 Дя́кэ сыр бут исы́н манушэ́н савэ́ на камэ́н тэшунэ́н, ракирэ́н бут, хоханэ́, буты́р сарэ́ндыр ада́ иуде́и обчиндэ́,
|
||
\v 11 савэ́нгэ трэ́би тэзакэрэ́ муй, бо ёнэ́ улыджя́н се́мьи Дэвлэ́стэр, сыклякирэ́н одова́ со на трэ́би, ёнэ́ закэрэ́н пэ дава́ и на ладжя́н.
|
||
\v 12 Варико́н лэ́ндэр савэ́с ёнэ́ гинэ́н пророко́са пхэндя́, со Критя́ни исы́н хоханэ́, захалэ́ сыр джюкэла́, накамэ́н тэкэрэ́ буты́.
|
||
\v 13 И ада́ исы́н чачибэ́н. Пал адава́ ра́кир лэ́нгэ на́дар, соб ёнэ́ тэпатя́н,
|
||
\v 14 на́шун иуде́йска ба́сни и со припхэнэ́н мануша́, савэ́ отгинэ́ чачибнастэ́р.
|
||
\v 15 Кон жужо́ йилэ́са, ваш лэ́нгэ саро́ жужо́, а кон джювэ́л до бэзэха́, ваш лэ́нгэ саро́ нанэ́ лачо́, бо лэ́ндэ нанэ́ ни лач, ни паты́в.
|
||
\v 16 Ёнэ́ ракирэ́н со джинэ́н Дэвлэ́с, нэ лэ́нгиро джюипэ́н ракирэ́л ави́р, со ёнэ́ на джинэ́н и накандэ́н Дэвлэ́с, и лачипэ́н лэ́ндэ нанэ́.
|
||
\c 2
|
||
Шэро 2
|
||
\v 1 А ту ра́кир манушэ́нгэ одова́, со чиндо́ до Лав Дэвлэ́ско,
|
||
\v 2 соб пхурэды́р пшала́ тэавэ́н годяви́р, патывалэ́, тэрикирэ́н пэс до васта́, дя́кэ сыр трэ́би тэпатя́н дэ Дэвлэ́ско Лав, до камлыпэ́н, тэрикирэ́нпэ коли́ лэ́нгэ пхаро́.
|
||
\v 3 Адя́кэ и пхурэды́р пхэня́ — тэдживэ́н сыр свэ́нта мануша́: тэна́хохавэн, тэна́прыдчюрдэнпэ кэ ви́но, а тэсыклякирэ́н лачипэ́н
|
||
\v 4 и тэдэ́н годы́ тэрнэнгэ́ пхэненгэ́, соб ёнэ́ тэкамэ́н пэ́скирэн ромэ́н и пэ́скирэн чаворэ́н,
|
||
\v 5 тэзрикирэ́н пэс, тэна́кэрэн бэзэ́х, и тэдыкхэ́н пало́ кхэр, тэавэ́н ковлэ́, тэкандэ́н пэ́скирэн ромэ́н, соб ни кон тэна́пхэнэл дылныпэ́н пэ Дэвлэ́скиро Лав.
|
||
\v 6 Адя́кэ и тэрнэ́н чавэ́н сыкля́кир тэрикирэ́н пэс до васта́.
|
||
\v 7 Кокоро́ сыка́в дэсаро́ сыр трэ́би тэлыджя́ пэс: коли́ сыклякирэ́с кэр ада́ адя́кэ, соб тэявэ́л пир Дэвлэ́скиро Лав, патыва́са,
|
||
\v 8 и тэавэ́л дэ саро́ лав здра́во и ада́саво сыр трэ́би, соб одова́ кон на́лачэстэр тэавэ́л ладжя́кирдо, кай лэ́скэ тэнаявэл со тэпхэнэ́л пал амэ́ндэ нисо́ на́лачо.
|
||
\v 9 Бутярнэ́нгэ припхэ́н тэавэ́н кандунэ́ пэ́скирэ хулае́нгэ, тэкэрэ́н саро́ сыр ёнэ́ камэ́н и тэна́обракирэнпэ лэ́нса,
|
||
\v 10 тэна́чорэн кэ ёнэ́, нэ дя́кэ сыр трэ́би тэкэрэ́н буты́, соб дэ саро́ тэявэ́л душло́ гожипэ́н Дэвлэ́ско сыр сыклякирэ́л амэ́н Спасителё Дэвэ́л.
|
||
\v 11 Пал одова́ кай явья́ Дэвлэ́скири бах, сави́ зракхэ́л сарэ́н манушэ́н
|
||
\v 12 и сыклякирэ́л амэ́н, соб амэ́ тэачава́с бэзэха́ и со камэ́л адава́ свэ́то и тэджива́с дадэвэ́с годяви́р, пра́видно и дэ дар Дэвлэ́ски
|
||
\v 13 и тэдожакира́с бах Дэвлэ́ски, сави́ явэ́ла сы́го, сави́ Ёв сыкавэ́ла дэ Дадэ́ски Дэвлэ́скири и Христо́скири сла́ва.
|
||
\v 14 Ёв отдыя́ Пэс пало́ амэ́ндэ, соб тэвыкинэ́ амэ́н всарэ́ндыр бэзэхэ́ндэ и тэвыморэ́л амэ́н ваш Пэ́скэ, соб тэкэрэ́л амэ́н авирэ́нса манушэ́нса, савэ́ дрыва́н камэ́н тэкэрэ́н лачипэ́н.
|
||
\v 15 Ра́кир адава́, прыкха́р кэ дава́ и ра́кир пал дова́ со кэрэ́н нанэ́ дя́кэ, ра́кир на́дарпэ яв мурш, соб ёнэ́ тэкандэ́н тут.
|
||
\c 3
|
||
Шэро 3
|
||
\v 1 Ра́кир лэ́нгэ кай тэавэ́н кандунэ́ пэ́скирэ власте́нгэ и начальникэ́нгэ, соб дэ саро́ тэкэрэ́н лачипэ́н,
|
||
\v 2 никонэ́с тэна́кошэн, тэявэ́н ми́рна и кро́тка сарэ́нса манушэ́нса.
|
||
\v 3 Пал одова́ кай и амэ́ варико́ли исы́с нанэ́ годяви́р, нанэ́ кандунэ́, на пола́сас нисо́, кэра́сас со камэ́ласпэ и со амэ́нгэ чялёлас, джива́сас дэ хохаибэ́н и дэ холы́, исы́с якхалэ́ пэ чю́жо, ек екхэ́с накамнэ́ тэдыкха́с.
|
||
\v 4 Нэ коли́ явья́ лачипэ́н и камлыпэ́н амарэ́ Спасителёско Дэвлэ́ско,
|
||
\v 5 Ёв зракхья́ амэ́н нанэ́ пал амарэ́ лачипэ́н саво́ амэ́ кэра́сас, нэ пир Пэ́скири ми́лость, вымордя́ амэ́н Свэнтонэ́ Духо́са и биандя́ амэ́н нэвэ́ манушэ́нса,
|
||
\v 6 Духо́са Савэ́с Ёв вычюдя́ пэ амэ́нгэ че́рез Иисусо́стэ Христо́стэ, амарэ́ Спасителёстэ,
|
||
\v 7 соб Лэ́скири ми́лость тэзлэ́л амэ́ндэр бангипэ́н, и соб амэ́ пал одова́ кай патя́с тэява́с наследникэ́нса дэ ве́чно джюипэ́н.
|
||
\v 8 Лав кадава́ чачё, и мэ кама́в, соб ту лав адава́ тэракирэ́с, соб долэ́ кон пятя́н дэ Дэвлэ́стэ тэавэ́н патывалэ́ дэ лачипэ́н саво́ камэ́н тэкэрэ́, пал одова́ кай ада́ куч и трэ́би ва́шэ манушэ́нгэ.
|
||
\v 9 Нанэ́ годяви́р ракирибна́стэр, пал кодова́ кон савэ́ родо́стэр и кошибэ́н пало́ зако́но кэ сканда́ло, ада́ ту́кэ на трэ́би, уджя́ далэ́стэр, ада́ нисо́ лачо́ надэ́л.
|
||
\v 10 Ману́ш саво́ ракирэ́л нанэ́ чачё лав, е́кхвар ави́р мо́ло лэ́скэ припхэ́н, а тэ́нче отджя́ лэ́стэр,
|
||
\v 11 джи́н, со адасаво ману́ш кэрдя́пэ на́лачо, кэрэ́л бэзэ́х и ёв ужэ́ сындякирдо́ кокоро́ дэ пэ́стэ.
|
||
\v 12 Коли́ бичава́ва кэ ту Артемо́с и Тихико́с сыгэды́р яв кэ мэ дэ Ни́кополё, адя́кэ сыр мэ кама́в тэпролыджя́в одо́й мра́зы.
|
||
\v 13 Дык тэпролыджя́с джинглэ́с дэ зако́но Зина́с и Аполосо́с адя́кэ, соб лэ́ндэ саро́ тэфтылэ́л.
|
||
\v 14 Мэк и амарэ́ сыклён тэкэрэ́н лачипэ́н, соб тэподрикирэ́н ек екхэ́с сыр пхаро́, соб ёнэ́ тэна́дживэн йивья́.
|
||
\v 15 Приве́тствуют тут сарэ́ кон ма́нса. Приве́тствуй долэ́н кон амэ́н полэ́л дэ пятябэ́н. Тэавэ́л сарэ́нса тумэ́нса Дэвлэ́скири бах. Ами́нь.
|