STR_ml_iev/48-2CO.usfm

\id 2CO - Indian Easy Version (IEV) Malayalam
\ide UTF-8
\h 2 കൊരിന്ത്യർ
\toc1 2 കൊരിന്ത്യർ
\toc2 2 കൊരിന്ത്യർ
\toc3 2co
\mt1 2 കൊരിന്ത്യർ


\s5
\c 1
\p
\v 1 പൌലൊസ് എന്ന ഞാനും ഞങ്ങളുടെ സഹോദരനായ തിമൊഥെയൊസും ചേര്‍ന്ന് ഈ കത്ത് നിങ്ങൾക്ക് എഴുതുന്നു. അവനെ ശുശ്രൂഷിക്കുവാനും ദൈവഹിതം അനുസരിക്കുവാനും യേശു മശിഹ എന്നെ അയച്ചു. കൊരിന്ത് നഗരത്തിൽ ദൈവജനമായി ഒത്തുചേരുന്നവർക്കാണ് ഞങ്ങൾ ഈ കത്ത് അയയ്ക്കുന്നത്; ദൈവത്തിനായി വേര്‍തിരിക്കപ്പെട്ട് അഖായയില്‍ വസിക്കുന്ന എല്ലാ മശിഹാ വിശ്വാസികള്‍ക്കും ഞങ്ങൾ ഇത് അയയ്ക്കുന്നു
\v 2 അവന്‍റെ സൗജന്യ ദാനമായ സ്നേഹവും സമാധാനവും ദൈവം നിങ്ങൾക്കു നൽകട്ടെ—ഇവ നമ്മുടെ പിതാവായ ദൈവത്തിൽനിന്നും മശിഹയായ കർത്താവായ യേശുക്രിസ്തുവിൽനിന്നും വരുന്നു.
\s5
\v 3 നമ്മുടെ മശിഹയായ കർത്താവായ യേശുക്രിസ്തുവിന്‍റെ പിതാവായ ദൈവത്തെയും നാം എല്ലായ്പ്പോഴും സ്തുതിക്കട്ടെ. അവനാണ് നമ്മോടു ദയയോടെ പ്രവർത്തിക്കുകയും എപ്പോഴും ആശ്വസിപ്പിക്കുകയും ചെയ്യുന്നത്.
\v 4 ഏതെങ്കിലും വേദനാജനകമായ പരിശോധനയിലൂടെ കടന്നുപോകുമ്പോൾ ദൈവം നമ്മെ ആശ്വസിപ്പിക്കുന്നു. അവന്‍റെ ആശ്വാസം നമ്മുടെ ജീവിതത്തെ സുഖപ്പെടുത്തുന്നതിനാൽ കഷ്ടത അനുഭവിക്കുന്നവര്‍ക്ക് അതേ ആശ്വാസത്തോടെ മറ്റുള്ളവരെ ആശ്വസിപ്പിക്കാൻ കഴിയും.
\s5
\v 5 എല്ലാ അളവിനും അപ്പുറത്തുള്ള മശിഹായുടെ കഷ്ടപ്പാടുകൾ നാം അനുഭവിക്കുന്നതുപോലെ, അളക്കാൻ കഴിയാത്ത മശിഹായുടെ ആശ്വാസവും നാം അനുഭവിക്കുന്നു.
\v 6 അതിനാൽ, നാം കഷ്ടങ്ങള്‍ അനുഭവിക്കുമ്പോഴെല്ലാം, ദൈവം നിങ്ങളെ ആശ്വസിപ്പിക്കുകയും അപകടത്തിൽനിന്നു നിങ്ങളെ രക്ഷിക്കുകയും ചെയ്യും. ദൈവം നമ്മെ ആശ്വസിപ്പിക്കുമ്പോഴെല്ലാം നിങ്ങൾക്കു കൂടുതൽ ആശ്വാസം ലഭിക്കും, അതിനാൽ ഞങ്ങൾ അനുഭവിച്ച അതേവിധത്തിൽ നിങ്ങൾ കഷ്ടത അനുഭവിക്കുമ്പോൾ ദൈവത്തിനായി കാത്തിരിക്കാൻ അവന്‍ നിങ്ങളെ പഠിപ്പിക്കുന്നു.
\v 7 നിങ്ങൾക്ക് എന്തു സംഭവിക്കുമെന്നു ഞങ്ങൾക്കു നിശ്ചയമുണ്ട്; ഞങ്ങൾ കഷ്ടത അനുഭവിക്കുന്നതുപോലെ നിങ്ങൾ കഷ്ടത അനുഭവിക്കുന്നു, ദൈവം ഞങ്ങളോടു ചെയ്തതുപോലെ നിങ്ങളെയും ആശ്വസിപ്പിക്കും.
\s5
\v 8 മശിഹായുടെ സഹോദരീ സഹോദരന്മാരെ, ഏഷ്യയില്‍ ഞങ്ങൾക്ക് ഉണ്ടായ കഷ്ടതയെക്കുറിച്ചു നിങ്ങൾ അറിയണമെന്നു ഞങ്ങൾ ആഗ്രഹിക്കുന്നു. ആ പ്രശ്‌നം ഞങ്ങൾക്കു സഹിക്കാൻ കഴിയാത്തത്ര വേദന നൽകി. ഞങ്ങൾ മരിക്കുമെന്ന് ഏതാണ്ട് ഉറപ്പായിരുന്നു.
\v 9 അവർ ഞങ്ങൾക്കു വധശിക്ഷ വിധിച്ചു; കൊല്ലപ്പെടാൻ ഞങ്ങൾ കാത്തിരിക്കുകയായിരുന്നു. മരണശിക്ഷ നമ്മെ പഠിപ്പിച്ചതു നമ്മുടെ സ്വന്തം ശക്തിയെ ആശ്രയിക്കാനല്ല, മറിച്ച് മരിച്ചവരെ ഉയിർപ്പിക്കുകയും അവരെ ജീവിപ്പിക്കുകയും ചെയ്യുന്ന ദൈവത്തില്‍ ആശ്രയിക്കാനാണ്.
\v 10 എന്നാൽ ആ ഭയാനകമായ അപകടങ്ങളിൽനിന്ന് ദൈവം ഞങ്ങളെ രക്ഷിച്ചു, വീണ്ടും ഞങ്ങളെ രക്ഷിക്കുമെന്ന് അവൻ വാഗ്ദാനം ചെയ്യുന്നു. ഞങ്ങളെ രക്ഷിക്കുന്നതു തുടരുമെന്നതിനാല്‍ അവനിൽ ഞങ്ങൾ പ്രത്യാശ വച്ചിരിക്കുന്നു.
\s5
\v 11 ഞങ്ങൾക്കുവേണ്ടി പ്രാർത്ഥനയാല്‍ നിങ്ങൾ ഞങ്ങളെ സഹായിക്കുന്നതുപോലെ അവൻ ഇതും ചെയ്യും.
\s5
\v 12 ഞങ്ങൾ എല്ലാവരോടും സത്യസന്ധമായും ആത്മാർത്ഥമായും ജീവിച്ചുവെന്ന് വളരെ സന്തോഷത്തോടെ പറയാൻ കഴിയും. ദൈവത്തിന്‍റെ സ്വന്തം ജനമായാണ് ഞങ്ങൾ ലോകത്തിൽ ജീവിച്ചത്, ദൈവത്തിൽ ഞങ്ങൾക്ക് ആഴമായ വിശ്വാസമുണ്ട്, അത് അവനിൽ നിന്നുള്ള ഒരു ദാനമാണ്. ലോക മൂല്യങ്ങള്‍ക്കനുസരിച്ചുള്ള ഒരു വഴികളിലും നാം ജീവിക്കുന്നില്ല. ഞങ്ങൾ എന്തു ചെയ്യുമെന്നു തിരഞ്ഞെടുക്കുമ്പോൾ ലോകത്തിന്‍റെ ജ്ഞാനം ഞങ്ങൾ കേൾക്കുന്നില്ല. പകരം, സത്യസന്ധരും വിശുദ്ധരുമായി ജീവിക്കുവാന്‍ ദൈവം നമ്മെ സൃഷ്ടിച്ചു.
\v 13 നിങ്ങൾ എന്‍റെ കത്തുകൾ വായിച്ചു. നിങ്ങൾക്കു മനസ്സിലാകുന്ന വിധത്തില്‍ ഞാൻ അവ എഴുതിയിട്ടുണ്ട്. ഒരു ദിവസം നിങ്ങൾ ഞങ്ങളെ പൂർണ്ണമായി മനസ്സിലാക്കുമെന്ന് ഞാൻ പ്രതീക്ഷിക്കുന്നു,
\v 14 നിങ്ങൾക്ക് ഇതിനകം ഞങ്ങളെക്കുറിച്ച് അല്പമായി അറിയാം, എന്നാൽ കർത്താവായ യേശു മടങ്ങിവരുന്ന ദിവസം, അവന്‍റെ സാന്നിധ്യത്തിൽ നിങ്ങൾ ഞങ്ങളെക്കുറിച്ചും ഞങ്ങൾ നിങ്ങളിലും വളരെ അഭിമാനിക്കുമെന്ന് ഞാൻ പ്രതീക്ഷിക്കുന്നു.
\s5
\v 15 രണ്ട് സന്ദർശനങ്ങളിൽ നിന്നു നിങ്ങൾക്കു പ്രയോജനം ലഭിക്കുന്നതിനായി ഞാൻ ആദ്യം നിങ്ങളിലേക്കു വരാൻ ആഗ്രഹിച്ചിരുന്ന സാഹചര്യമാണിതെന്ന് എനിക്ക് ഉറപ്പുണ്ട്.
\v 16 ഞാൻ മാസിഡോണിയയിലേക്കുള്ള യാത്രയിലും അവിടെ നിന്നു മടങ്ങിവരുമ്പോഴും നിങ്ങളെ കാണാനാണ് ഞാൻ പദ്ധതിയിട്ടത്, അതിനാൽ നിങ്ങൾ എന്നെ യഹൂദ്യയിലേക്കുള്ള യാത്രയ്ക്കായി അയയ്ക്കുക.
\s5
\v 17 ഇതാണ് പദ്ധതിയെന്ന് എന്‍റെ മനസ്സ് രൂപപ്പെടുത്തി എടുത്തു. ഞാൻ നിങ്ങളോട് “ഉവ്വ്” എന്നു പറഞ്ഞില്ലെങ്കിലും, അപ്പോള്‍ തന്നെ “ഇല്ല” എന്നു പറയുകയായിരുന്നു. അവിശ്വാസികൾ പലപ്പോഴും പദ്ധതികൾ ആസൂത്രണം ചെയ്യുന്നതു പോലെ ഞാൻ എന്‍റെ പദ്ധതികൾ തയ്യാറാക്കുകയല്ലായിരുന്നു.
\v 18 ഞങ്ങളെ നയിക്കുന്നതിൽ ദൈവം വിശ്വസ്തനാണ്, ഞങ്ങൾ നിങ്ങളെ ആശയക്കുഴപ്പത്തിലാക്കുന്നില്ല. ഞങ്ങൾ ഞങ്ങളുടെ പദ്ധതികൾ തയ്യാറാക്കുകയും അവരോടൊപ്പം തുടരുകയും ചെയ്യുന്നു.
\s5
\v 19 ഞാനും സിൽവാനസും തിമൊഥെയൊസും നിങ്ങളോടു പ്രഖ്യാപിച്ച ദൈവപുത്രനായ യേശു മശിഹായില്‍ നിന്നാണ് ഞങ്ങളുടെ “ഉവ്വ്” വന്നത്; അവനിൽ ഒരിക്കലും ഒരു ആശയക്കുഴപ്പവും ഉണ്ടായിട്ടില്ല. അവനോടൊപ്പം “ഉവ്വ്, പിന്നെ ഇല്ല” എന്നില്ല. പകരം, എല്ലായ്പ്പോഴും അവനിൽ “ഉവ്വ്” മാത്രമാണ്.
\v 20 ദൈവത്തിന്‍റെ വാഗ്‌ദാനങ്ങൾ “ഉവ്വ്” എന്നാണ് കാരണം അത് അവനിൽ നിന്നാണു വരുന്നത്. അവന്‍റെ “ഉവ്വ്” എന്നതിലേക്കു ഞങ്ങൾ സ്ഥിരീകരണം ചേർക്കുന്നു. ദൈവത്തിന്‍റെ ബഹുമാനത്തെക്കുറിച്ച് ഞങ്ങൾ പറയുന്നു: “ഇതു ശരിയാണ്! അതെ!
\s5
\v 21 നിങ്ങളോടൊത്ത് മശിഹായുമായുള്ള ബന്ധത്തിൽ ഞങ്ങളെ സ്ഥാപിക്കുന്നതു ദൈവമാണ്. ആളുകളോട് സുവാർത്ത അറിയിക്കുവാൻ ഞങ്ങളെ അയയ്ക്കുന്നത് അവനാണ്.
\v 22 അവൻ തന്‍റെ ഔദ്യോഗിക മുദ്ര ഞങ്ങളുടെ മേൽ വച്ചു, അതിനാൽ അവൻ ഞങ്ങളെ അംഗീകരിക്കുന്നുവെന്ന് ആളുകൾ മനസ്സിലാക്കും. നമുക്കുവേണ്ടി ഇനിയും കൂടുതൽ കാര്യങ്ങൾ ചെയ്യുമെന്ന അചഞ്ചലമായ വാഗ്ദാനവുമായി അവൻ നമ്മുടെ ഉള്ളിൽ വസിക്കുന്ന ആത്മാവിനെ നൽകി.
\s5
\v 23 കൊരിന്തിലെ മശിഹാ വിശ്വാസികളായ നിങ്ങളുടെ അടുക്കൽ ഞാൻ വരാതിരിക്കാനുള്ള കാരണം ദൈവം തന്നെ നിങ്ങൾക്കു വെളിവാക്കട്ടെ: നിങ്ങൾക്കു തിരുത്തലുകള്‍ നൽകിക്കൊണ്ട് എന്നെ അഭിമുഖീകരിക്കേണ്ടതില്ല.
\v 24 നിങ്ങൾ ദൈവത്തിൽ എങ്ങനെ വിശ്വസിക്കണം എന്നതിനെക്കുറിച്ച് നിങ്ങൾക്കു കൽപന നൽകുന്ന യജമാനന്മാരെപ്പോലെയല്ല ഞങ്ങൾ. എന്നിരുന്നാലും, ഞങ്ങൾ നിങ്ങളോടൊപ്പം പ്രവർത്തിക്കുവാൻ ആഗ്രഹിക്കുന്നു, അതിനാൽ എന്തുതന്നെ സംഭവിച്ചാലും ദൈവത്തെ വിശ്വസിക്കുവാനും അവനിൽ വിശ്വസിക്കുന്നതിൽ സന്തോഷിക്കുവാനും നിങ്ങൾക്കു കഴിയും.

\s5
\c 2
\p
\v 1 കൊരിന്തിൽ ഞാൻ നടത്തിയ അവസാന സന്ദർശനത്തിൽ, ഞാൻ നിങ്ങളോടു പറഞ്ഞ കാര്യങ്ങള്‍ ഞാൻ നിങ്ങളെ വളരെയധികം വേദനിപ്പിച്ചുവെന്ന് എനിക്കറിയാം. നിങ്ങളെ വേദനിപ്പിക്കുന്ന മറ്റൊരു സന്ദർശനം ആകരുതെന്നു ഞാൻ ഇത്തവണ തീരുമാനിച്ചു
\v 2 എന്‍റെ അവസാന സന്ദർശനത്തിൽ ഞാൻ നിങ്ങളെ വളരെയധികം വേദനിപ്പിച്ചു, ഞാൻ അവിടെ ഉണ്ടായിരുന്നപ്പോൾ വേദനിച്ച അതേ ആളുകളായിരിക്കും എന്നെ അധികം സന്തോഷിപ്പിക്കാൻ ശ്രമിക്കുന്നതും.
\s5
\v 3 ഞാൻ ആ കത്ത് നിങ്ങള്‍ക്ക് എഴുതിയതിനാൽ ഞാൻ നിങ്ങളുടെ അടുത്തെത്തുമ്പോള്‍ നിങ്ങൾ എന്നെ വീണ്ടും ദു:ഖിപ്പിക്കരുത്—നിങ്ങളില്‍ ആരാണ് എന്നെ അധികം സന്തോഷിപ്പിക്കുന്നത്! നമുക്കെല്ലാവർക്കും സന്തോഷിക്കാൻ കാരണങ്ങളുണ്ടാകുമെന്ന് എനിക്ക് ഉറപ്പാണ്.
\v 4 എന്‍റെ ഹൃദയത്തിൽ ഇപ്പോഴും വളരെയധികം സങ്കടവും വേദനയും ഉള്ളതിനാൽ ഞാൻ നിങ്ങൾക്ക് ഒരു കത്തെഴുതി—ഞാൻ നിങ്ങൾക്കായി ധാരാളം കണ്ണുനീർ പൊഴിച്ചു, ഇനി നിങ്ങളെ വേദനിപ്പിക്കാൻ ഞാൻ ആഗ്രഹിക്കുന്നില്ല. പകരം, ഞാൻ നിങ്ങളെ എല്ലാവരെയും എത്രമാത്രം സ്നേഹിക്കുന്നുവെന്ന് നിങ്ങൾ അറിയണമെന്നു ഞാൻ ആഗ്രഹിക്കുന്നു.
\s5
\v 5 പാപത്തിൽ അകപ്പെട്ട ഈ വ്യക്തി— അവൻ അതു ചെയ്തത് എന്നെ മാത്രമല്ല സങ്കടപ്പെടുത്തിയത്; അവന്‍റെ പാപം നിങ്ങളെ എല്ലാവരെയും സങ്കടപ്പെടുത്തി.
\v 6 ഈ മനുഷ്യനെക്കുറിച്ചും അവന്‍റെ പാപത്തെക്കുറിച്ചും ഞങ്ങൾ എന്തു ചെയ്യണമെന്ന് എല്ലാവരും സമ്മതിക്കുന്നു. നിങ്ങളിൽ ഭൂരിഭാഗത്താലും അവൻ ഇപ്പോൾ ശിക്ഷിക്കപ്പെട്ടു, അവന്‍റെ ശിക്ഷ ന്യായമായിരുന്നു.
\v 7 അതിനാൽ, ഇനി അവനെ ശിക്ഷിക്കുന്നതിനുപകരം, നിങ്ങൾ അവനോടു ക്ഷമിക്കുകയും അവനോടു ദയയോടെ പെരുമാറുകയും വേണം. നിങ്ങൾ അവനോടു ക്ഷമിക്കുന്നില്ലെങ്കിൽ, അവൻ വളരെ ദു:ഖിതനായി തീരുകയും, നിങ്ങൾ ഒരിക്കലും അവനോടു ക്ഷമിക്കില്ലെന്ന് അവൻ ചിന്തിക്കാനും തുടങ്ങും.
\s5
\v 8 എല്ലാ വിശ്വാസികൾക്കും മുന്നിൽ, നിങ്ങൾ അവനെ എത്രമാത്രം സ്നേഹിക്കുന്നുവെന്ന് അവനോടു പറയുക.
\v 9 നിങ്ങൾ ദൈവത്തെ അനുസരിക്കുകയും ഈ പ്രശ്നത്തെ നേരിടുകയും ചെയ്യുമോ എന്ന് അറിയാൻ ഞാൻ നിങ്ങൾക്ക് എഴുതി.
\s5
\v 10 അതിനാൽ നിങ്ങൾ ക്ഷമിച്ച മനുഷ്യനോടും ഞാനും ക്ഷമിക്കുന്നു. ഞാൻ ക്ഷമിച്ചതെന്തും—ചെറിയ കാര്യങ്ങൾ പോലും—നിങ്ങളോടുള്ള എന്‍റെ സ്നേഹത്തിൽനിന്നു ഞാൻ ക്ഷമിച്ചു, മശിഹ എന്‍റെ മുമ്പിലുള്ളതുപോലെ ഞാൻ ക്ഷമിക്കുന്നു.
\v 11 ഈ മനുഷ്യനോടു ക്ഷമിച്ചതിനാല്‍ മോശമായ എന്തെങ്കിലും ചെയ്തു സാത്താനു നമ്മെ കബളിപ്പിക്കാൻ കഴിയില്ല. അവന്‍റെ തന്ത്രങ്ങളെയും നുണകളെയും കുറിച്ച് നമുക്കെല്ലാം അറിയാം.
\s5
\v 12 ത്രോവാസ് നഗരത്തിൽ മശിഹായുടെ സുവിശേഷം പങ്കുവെക്കാൻ കർത്താവ് നമുക്കു പല വഴികൾ തുറന്നെങ്കിലും,
\v 13 നമ്മുടെ സഹോദരൻ തീത്തോസിനെക്കുറിച്ച് ഞാൻ ആശങ്കയുള്ളവനായിരുന്നു, കാരണം ഞാൻ അവനെ അവിടെ കണ്ടില്ല. അങ്ങനെ ഞാൻ ത്രോവാസിലെ വിശ്വാസികളെ വിട്ട് അവനെ അന്വേഷിക്കാൻ മാസിഡോണിയയിലേക്ക് മടങ്ങി.
\s5
\v 14 മശിഹായോടൊപ്പം ചേർന്നതിനു ഞങ്ങൾ ദൈവത്തിനു നന്ദി പറയുന്നു, മശിഹ തന്‍റെ വിജയയാത്രയിൽ എപ്പോഴും നമ്മെ നയിക്കുന്നു. ഞങ്ങളുടെ ജീവിതത്തിലൂടെയും സന്ദേശത്തിലൂടെയും, ഞങ്ങള്‍ പോകുന്നിടത്തെല്ലാം, ഞങ്ങൾ സുഗന്ധവർഗ്ഗം കത്തിക്കുന്നവരെപ്പോലെയാണ്; എന്നാൽ നമ്മുടെ സൗരഭ്യം യഥാർത്ഥ സുഗന്ധത്തിൽ നിന്നല്ല, മറിച്ച് അത് മശിഹായെ അറിയുന്നതിൽനിന്നാണ്. അവനെ അറിയുന്നതിനാൽ അവന്‍റെ സുഗന്ധമുള്ള വാസന നമുക്കുണ്ട്.
\v 15 രക്ഷിക്കപ്പെടുന്നവരുടെ ഇടയിലും ശിക്ഷിക്കപ്പെടുന്നവരുടെയിടയിലും വ്യാപരിക്കുന്ന മശിഹ ദൈവത്തിനു സമർപ്പിക്കപ്പെട്ട സൗരഭ്യമുള്ള സുഗന്ധം പോലെയാണ് നാം.
\s5
\v 16 ദൈവം മരണത്തിനു വിധിക്കുന്ന ആളുകൾക്ക്, മശിഹായുടെ സുഗന്ധം മരിച്ച ഒരാളുടെ ഗന്ധം വീണ്ടും നശിക്കുന്നതുപോലെയാണ്. എന്നാൽ ദൈവം രക്ഷിക്കുന്നവർക്കു, ജീവനുള്ളവനായ, അവരെ ജീവിപ്പിക്കാന്‍ വരുന്ന മശിഹായെ മണത്തറിയുന്നു. സ്വയം ഈ സുഗന്ധം പരത്താൻ ആർക്കും കഴിയുകയില്ല.
\v 17 ധാരാളം ആളുകൾ നഗരത്തിൽ നിന്നു നഗരത്തിലേക്കു ദൈവവചനം പണത്തിനായി വിൽക്കുന്നുണ്ടെന്നു നിങ്ങൾക്കറിയാം. പക്ഷെ നമ്മൾ അവരെപ്പോലെയല്ല. ദൈവത്തെ പ്രസാദിപ്പിക്കാൻ ഞങ്ങൾ കഠിനമായി പരിശ്രമിച്ച്, അവന്‍റെ ഇഷ്ടം ഞങ്ങൾ ചെയ്യുന്നു. ഞങ്ങള്‍ മശിഹായെക്കുറിച്ചു സംസാരിക്കുന്നതും ചെയ്യുന്നതുമെല്ലാം ദൈവം കാണുന്നുവെന്നു നമുക്കറിയാം, ഞങ്ങള്‍ മശിഹായെ വിളംബരം ചെയ്യുന്നതിനാല്‍ നാം അവനോടുകൂടെ ചേർന്നിരിക്കുന്നു.

\s5
\c 3
\p
\v 1 നിങ്ങൾക്കു ഞങ്ങളെ നന്നായി അറിയാം, നിങ്ങൾ ഞങ്ങളെ വിശ്വസിക്കണം. ഒരു അപരിചിതനു നിങ്ങളെ പരിചയപ്പെടുത്തി നിങ്ങൾക്ക് ഒരു കത്ത് എഴുതുവാന്‍ നിങ്ങൾക്കറിയാവുന്ന ഒരാളെ ആവശ്യമായി വന്നേക്കാം, പക്ഷേ നിങ്ങൾക്കു ഞങ്ങളെ നന്നായി അറിയാം.
\v 2 നിങ്ങൾ ഞങ്ങളെ മറ്റുള്ളവരെ പരിചയപ്പെടുത്തുന്ന ഒരു കത്തു പോലെയാണ്, കാരണം നിങ്ങളെ അറിയുന്ന എല്ലാവർക്കും നിങ്ങൾ ഞങ്ങളെ എത്രമാത്രം വിശ്വസിക്കുന്നുവെന്നു മനസ്സിലാക്കുവാന്‍ കഴിയും.
\v 3 മശിഹ എഴുതിയതും ഞങ്ങൾ നിങ്ങളുടെ അടുക്കൽ കൊണ്ടുവന്നതുമായ ഒരു കത്തു പോലെയാണ് നിങ്ങൾ ജീവിക്കുന്ന രീതി. തീർച്ചയായും, ഇതു മഷിയിലോ കല്പലകകളിലോ എഴുതിയ കത്തല്ല. സത്യദൈവത്തിന്‍റെ ആത്മാവ് നിങ്ങളുടെ ഹൃദയത്തിൽ എഴുതിയ ഒരു കത്താണ്.
\s5
\v 4 നിങ്ങൾക്കിടയിൽ ഞങ്ങൾ ചെയ്ത ജോലിയെക്കുറിച്ച് എനിക്ക് ആത്മവിശ്വാസത്തോടെ എഴുതുവാൻ കഴിയും. ഞാൻ എഴുതുന്നതു സത്യമാണെന്ന് ദൈവത്തിന് അറിയാം, കാരണം നമ്മിൽ പ്രവർത്തിച്ചതു മശിഹയാണ്.
\v 5 നമ്മുടെ സ്വന്തം ശക്തിയിൽ നമുക്കു ദൈവത്തിനായി ഒന്നും ചെയ്യാൻ കഴിയില്ല, അതിനാൽ നമുക്കു കഴിയുമെന്ന് അവകാശപ്പെടാനും കഴിയില്ല. പകരം, അവനെ സേവിക്കാൻ ആവശ്യമായതെല്ലാം നൽകുന്നതു ദൈവം തന്നെയാണ്
\v 6 തന്‍റെ ജനത്തിനു നൽകിയ പുതിയ വാഗ്ദാനത്തെക്കുറിച്ചുള്ള സന്ദേശം ആളുകളോടു പറയുവാൻ അവൻ ഞങ്ങളെ പ്രാപ്തനാക്കി. യഹൂദ ജനതയുമായി അവന്‍ ഉണ്ടാക്കിയ പഴയ പ്രമാണത്തിന്‍റെ എഴുതപ്പെട്ട എല്ലാ നിയമങ്ങളും അനുസരിക്കുന്നതിനുള്ള സന്ദേശമല്ല ഇത്. പകരം, ദൈവം തന്‍റെ ആത്മാവിനെ തരുന്നതിനെക്കുറിച്ചുള്ള സന്ദേശമാണിത്. മുമ്പ്, തന്‍റെ നിയമങ്ങൾ അനുസരിക്കുന്നില്ലെങ്കിൽ ആളുകൾ എന്നേക്കുമായി തന്നിൽനിന്നു വേര്‍പെട്ടവരായി ദൈവം അവരെ പുറന്തളളും. എന്നാൽ ദൈവത്തിന്‍റെ പുതിയ വാഗ്ദാനത്താൽ അവന്‍റെ ആത്മാവ് ആളുകളെ നിത്യജീവനിലേക്കു പ്രാപ്തരാക്കുന്നു.
\s5
\v 7 ദൈവത്തിന്‍റെ നിയമം മരണം കൊണ്ടുവരുന്നു, അവൻ അതു കല്പലകകളിൽ എഴുതി, മോശെയ്ക്കു നൽകി. ദൈവം ഉള്ളിടത്ത് എപ്പോഴും തിളങ്ങുന്ന ശോഭയുള്ള പ്രകാശവുമായാണ് അതു വന്നത്. ആ മഹത്വം മോശെയുടെ മുഖത്തു പ്രകാശിച്ചു; അവന്‍റെ മുഖം യിസ്രായേല്യർക്കു കാണാൻ കഴിയാത്തവിധം തിളങ്ങി. ആ പ്രകാശം അവന്‍റെ മുഖത്തുനിന്നു സാവധാനം മങ്ങി.
\v 8 ആത്മാവിന്‍റെ ശുശ്രൂഷ തീർച്ചയായും കൂടുതൽ തിളക്കമാർന്നതായി പ്രകാശിക്കുന്നു!
\s5
\v 9 ന്യായ പ്രമാണം പോലും ദൈവത്തിന്‍റെ തിളക്കമാർന്ന പ്രകാശത്താൽ പ്രകാശിച്ചു. എന്നാൽ ന്യായപ്രമാണത്തിന്‍റെ ഉജ്ജ്വലമായ ഈ വെളിച്ചം എല്ലാവർക്കും മരണം മാത്രമേ നൽകൂ. ദൈവം നമ്മെത്തന്നെ നീതീകരിക്കുമ്പോൾ അവന്‍റെ തിളക്കമാർന്ന പ്രകാശം നമ്മിൽ എത്രത്തോളം പ്രകാശിക്കുന്നു!
\v 10 നിയമത്തിന്‍റെ തിളക്കമാർന്ന വെളിച്ചം നമ്മെ തന്നോടൊപ്പം നീതീകരിക്കാനുള്ള ദൈവത്തിന്‍റെ പ്രവൃത്തിയുമായി താരതമ്യപ്പെടുത്തുമ്പോൾ, നിയമം ഒട്ടും മഹത്വകരമല്ല, കാരണം അതിനെ മാറ്റിസ്ഥാപിച്ചത് അതിലും മഹത്വകരമാണ്!
\v 11 അതിനാൽ, മാറ്റം വരുന്ന നിയമം ഉത്കൃഷ്ടമാണെന്നു നിങ്ങൾക്കു കാണാൻ കഴിയും, എന്നാൽ അതു മാറ്റി സ്ഥാപിക്കുന്നതു കൂടുതൽ അത്ഭുതകരമാകുമെന്നും നിങ്ങൾക്കു കാണാൻ കഴിയും; അത് എന്നേക്കും നിലനിൽക്കും.
\s5
\v 12 അപ്പൊസ്തലന്മാരായ ഞങ്ങള്‍ ഭാവി കാര്യങ്ങള്‍ ദൈവത്തിൽ ആശ്രയം വച്ചിരിക്കുന്നതിനാല്‍, ഞങ്ങൾക്കു വലിയ ധൈര്യമുണ്ട്.
\v 13 നാം മോശെയെപ്പോലെയല്ല, അവന്‍റെ മുഖത്ത് ഒരു മൂടുപടം ഇരിക്കുന്നു, അതിനാൽ യിസ്രായേൽ മക്കൾക്കു ദൈവത്തിൽ നിന്നുള്ള മങ്ങിയ വെളിച്ചത്തെ നോക്കേണ്ടതില്ല.
\s5
\v 14 വളരെക്കാലം മുമ്പ്, യിസ്രായേൽ മക്കൾ ദൈവത്തിന്‍റെ സന്ദേശം വിശ്വസിക്കാൻ വിസമ്മതിച്ചു. ഇന്നും, പഴയ നിയമം വായിക്കുമ്പോൾ, അവർ അതേ മൂടുപടം ധരിക്കുന്നതുപോലെയാണ്. നാം മശിഹായുമായി ഒന്നു ചേരുമ്പോൾ മാത്രമേ ദൈവം മൂടുപടം നീക്കുകയുള്ളൂ.
\v 15 അതെ, ഇന്നും അവർ മോശെയുടെ ന്യായപ്രമാണം വായിക്കുമ്പോഴെല്ലാം അവരുടെ മനസ്സിൽ ഒരു മൂടുപടം ഉള്ളതുപോലെ തോന്നുന്നു.
\v 16 ഒരു വ്യക്തി കർത്താവിലേക്കു തിരിയുമ്പോൾ ദൈവം ആ മൂടുപടം നീക്കുന്നു.
\s5
\v 17 ഇപ്പോൾ ഇവിടെ “കർത്താവ്” എന്ന വാക്കിന്‍റെ അർത്ഥം “ആത്മാവ്” എന്നാണ്. കർത്താവിന്‍റെ ആത്മാവ് എവിടെയാണോ അവിടെ ആളുകൾ സ്വതന്ത്രരാകുന്നു
\v 18 എന്നാൽ വിശ്വസിക്കുന്ന നാം, നമ്മുടെ മുഖത്ത് ഒരു മൂടുപടവുമില്ലാതെതന്നെ നാം അവനെ നോക്കുന്നതുപോലെയാണ്, മാത്രമല്ല അവന്‍റെ തിളക്കമാർന്ന പ്രകാശം കൂടുതൽ കൂടുതൽ പ്രതിഫലിപ്പിക്കുന്നവരായി നാം മാറുന്നു. ഇതു തന്നെയാണു കർത്താവ് ചെയ്യുന്നതും; അവൻ ആത്മാവാകുന്നു.

\s5
\c 4
\p
\v 1 ദൈവം ഞങ്ങൾക്കു നൽകിയ ഉത്തരവാദിത്വം നടപ്പിലാക്കുവാന്‍, അവന്‍ നമ്മോടു കരുണ കാണിച്ചു. അതിനാൽ ഞങ്ങൾ നിരാശരല്ല
\v 2 ഞങ്ങൾ ചെയ്യുന്ന പ്രവൃത്തികളില്‍ ലജ്ജ ഉളവാക്കുന്ന യാതൊന്നും ചെയ്യാതിരിക്കാൻ ഞങ്ങള്‍ ശ്രദ്ധാലുക്കളാണ്, മാത്രമല്ല ആരിൽനിന്നും മറച്ചുവയ്ക്കാന്‍ ഞങ്ങൾക്ക് ഒന്നുമില്ല. ദൈവം നൽകാത്ത എന്തെങ്കിലും ഞങ്ങൾ വാഗ്ദാനം ചെയ്യുന്നില്ല, മാത്രമല്ല ഞങ്ങൾക്ക് ആവശ്യമുള്ളതു പറയാൻ ദൈവത്തിന്‍റെ സന്ദേശം വളച്ചൊടിക്കുന്നില്ല. ഞങ്ങൾ സത്യം മാത്രം പ്രഖ്യാപിക്കുന്നു. ഈവിധത്തിൽ, ഞങ്ങൾ ദൈവമുമ്പാകെ നിൽക്കുമ്പോൾ ഞങ്ങളെ വിധിക്കുവാൻ ഞങ്ങൾ നിങ്ങൾക്കായി സ്വയം പ്രദര്‍ശിപ്പിക്കുന്നു.
\s5
\v 3 ഞങ്ങള്‍ പ്രസംഗിക്കുന്ന സുവിശേഷം മൂടുപടത്താൽ മറയ്ക്കപ്പെടുന്നത്, വിശ്വസിക്കാൻ വിസമ്മതിക്കുകയും ദൈവത്തെക്കൂടാതെ മരിക്കുകയും ചെയ്യുന്നവര്‍ക്കു മാത്രമാണ്.
\v 4 അവരെ സംബന്ധിച്ചിടത്തോളം, ഈ ലോകത്തിന്‍റെ ദൈവം സത്യത്തിലേക്കു നയിക്കപ്പെടുവാന്‍ കഴിയാതെ അവരെ അന്ധരാക്കിയിരിക്കുന്നു, കാരണം മശിഹായുടെ അത്ഭുതകരമായ ബഹുമാനത്തെക്കുറിച്ചുള്ള സുവിശേഷം അവർ വിശ്വസിക്കുന്നില്ല - ദൈവം എങ്ങനെയുള്ളവനെന്ന് നമുക്കു കാണിച്ചുതരുന്നതു മശിഹയാണ്.
\s5
\v 5 ഏതെങ്കിലും തിന്മയിൽനിന്നു നിങ്ങളെ രക്ഷിക്കാൻ കഴിയുന്ന ആളുകൾ എന്ന നിലയിൽ ഞങ്ങൾ നിങ്ങളോടു സ്വയം പ്രഖ്യാപിക്കുന്നില്ല. പകരം, യേശുമശിഹായെ ഞങ്ങളുടെ യജമാനനായി ഞങ്ങൾ പ്രഖ്യാപിക്കുന്നു, ഞങ്ങൾ യേശുവിനോടൊപ്പം ചേർന്നതിനാൽ നിങ്ങളുടെ ദാസന്മാരാണ്.
\v 6 “വെളിച്ചം ഇരുട്ടിൽനിന്നു പ്രകാശിക്കും” എന്നു പറഞ്ഞവനാണ് ദൈവം. അത് അവൻ തന്‍റെ പ്രകാശത്തെ നമ്മുടെ ഹൃദയങ്ങളിൽ പ്രകാശിപ്പിച്ചിരിക്കുന്നതുപോലെയാണ്, അതിനാൽ യേശു മശിഹയിൽ വിശ്വസിക്കുമ്പോൾ, ദൈവം എത്ര അത്ഭുതവാനാണെന്നു നമുക്കു മനസ്സിലാക്കാൻ കഴിയും.
\s5
\v 7 ദൈവത്തിൽനിന്നുള്ള ഈ വിലയേറിയ സമ്മാനങ്ങൾ കളിമൺ പാത്രങ്ങള്‍ പോലെ ദുർബലമായ ശരീരത്തിൽ ഇപ്പോൾ നാം വഹിക്കുന്നു. നമ്മുടെ ശക്തി എവിടെ നിന്നാണു വരുന്നതെന്ന് ഒരു സംശയവുമില്ല: അതു ദൈവത്തിൽനിന്നു മാത്രമാണ്.
\v 8 ഞങ്ങൾ‌ക്കു പലതരത്തിലുള്ള പ്രശ്‌നങ്ങൾ‌ നേരിട്ടിട്ടുണ്ട്, പക്ഷേ അവ ഞങ്ങളെ നശിപ്പിച്ചിട്ടില്ല. ഞങ്ങള്‍ എന്തുചെയ്യണമെന്നതിനെക്കുറിച്ച് ആശയക്കുഴപ്പത്തിലായേക്കാം, പക്ഷേ ഞങ്ങൾ ഒരിക്കലും ഉപേക്ഷിച്ചുപോകുന്നില്ല.
\v 9 ചില ആളുകൾ ഞങ്ങളെ ഉപദ്രവിക്കാൻ ശ്രമിക്കുന്നു, പക്ഷേ ഞങ്ങൾ ഒരിക്കലും ഒറ്റയ്ക്കല്ല; ചില ആളുകൾ ഞങ്ങളെ അടിച്ചു വീഴ്ത്തുന്നതുപോലെയാണ്, പക്ഷേ ഞങ്ങൾ എല്ലായ്പ്പോഴും വീണ്ടും എഴുന്നേൽക്കും.
\v 10 യേശു മരിച്ചതുപോലെ ഞങ്ങള്‍ പലപ്പോഴും മരിക്കത്തക്ക അവസ്ഥയിലാണ്, എന്നാൽ യേശു ജീവിച്ചിരിക്കുന്നതിനാൽ നമ്മുടെ ശരീരം വീണ്ടും ജീവിക്കും.
\s5
\v 11 അതിനാൽ, ഞങ്ങള്‍ ഇപ്പോഴും ജീവിച്ചിരിക്കുന്നെങ്കിലും, യേശുവിനെക്കുറിച്ചു പഠിപ്പിക്കുന്നതിനാൽ ആളുകൾ ഒരു ദിവസം ഞങ്ങളെ കൊല്ലുമെന്നു ഞങ്ങൾ എപ്പോഴും അറിയുന്നു. യേശു ജീവിച്ചിരിപ്പുണ്ടെന്നും ഒരു ദിവസം മരിക്കാൻ പോകുന്ന നമ്മുടെ ശരീരങ്ങളെ അവൻ ശക്തിപ്പെടുത്തുമെന്നും ആളുകൾ കാണുന്നതിനുവേണ്ടി കഷ്ടത അനുഭവിക്കാൻ ദൈവം നമ്മെ അനുവദിക്കുന്നു.
\v 12 അതിനാൽ, അപ്പൊസ്തലന്മാരായ ഞങ്ങള്‍ നിരന്തരം കഷ്ടത അനുഭവിക്കുകയും താമസിയാതെ മരിക്കുകയും ചെയ്‌തേക്കാമെങ്കിലും, അതിന്‍റെ ഫലം നിങ്ങൾക്കെല്ലാവർക്കും ഇപ്പോൾ നിത്യജീവൻ ലഭിച്ചു എന്നതാണ്.
\s5
\v 13 ഞങ്ങൾ നിരാശപ്പെടുന്നില്ല. തിരുവെഴുത്തുകളിൽ എഴുതപ്പെട്ട വ്യക്തിയെപ്പോലെയാണ് ഞങ്ങൾ: “ഞാൻ ദൈവത്തിൽ ആശ്രയിക്കുന്നു; അതുകൊണ്ട് ഞാൻ അതു സംസാരിക്കുന്നു". ഞങ്ങളും ദൈവത്തില്‍ ആശ്രയിക്കുന്നു, അതിനാല്‍ അവൻ നമുക്കുവേണ്ടി ചെയ്ത കാര്യങ്ങളെക്കുറിച്ചു സംസാരിക്കുന്നു.
\v 14 കർത്താവായ യേശുവിനെ മരിച്ചവരിൽനിന്ന് ഉയിർപ്പിച്ച ദൈവം അവനോടൊപ്പം നമ്മെ മരിച്ചവരിൽനിന്ന് ഉയിർപ്പിക്കുകയും യേശു ഞങ്ങളെ നിങ്ങളോടൊപ്പം ദൈവം ഉള്ളിടത്തേക്കു കൊണ്ടുപോകുകയും ചെയ്യും എന്നു ഞങ്ങള്‍ അറിയുന്നു
\v 15 ഞാൻ അനുഭവിച്ചതെല്ലാം നിങ്ങള്‍ക്കു സഹായം ആയിത്തീരുവാനാണ്, അതിലൂടെ ദൈവം തങ്ങളെ അളവില്ലാതെ എങ്ങനെ സ്നേഹിക്കുന്നുവെന്നു അധികം അധികമായി ആളുകൾക്ക് അറിയാൻ കഴിയും, അങ്ങനെ അവർ അവനെ കൂടുതൽ കൂടുതൽ സ്തുതിക്കും.
\s5
\v 16 ഞങ്ങൾ നിരാശപ്പെടുന്നില്ല. നമ്മുടെ ശരീരം ഓരോ ദിവസവും ബാഹ്യമായി അല്പം മരിക്കുമ്പോൾ, ദൈവം നമ്മെ എല്ലാ ദിവസവും ഉള്ളിൽ പുതിയതാക്കുന്നു.
\v 17 ഈ ഹ്രസ്വവും എളുപ്പവുമായ കഷ്ടപ്പാടുകൾ ദൈവം നമ്മെ എന്നെന്നേക്കുമായി അത്ഭുതപ്പെടുത്തുന്ന ദിവസത്തിനായി ഒരുക്കുന്നത് ആർക്കും അളക്കാനോ വിശദീകരിക്കാനോ കഴിയാത്ത വിധത്തിൽ അത്ഭുതകരമാക്കും.
\v 18 എന്തെന്നാൽ നമുക്കു കാണാൻ കഴിയുന്ന കാര്യങ്ങൾക്കല്ല, മറിച്ച് കാണാൻ കഴിയാത്ത കാര്യങ്ങൾക്കാണ് നാം കാത്തിരിക്കുന്നത്. നമുക്ക് ഇപ്പോൾ കാണാൻ കഴിയുന്ന കാര്യങ്ങൾ താൽക്കാലികമാണ്, പക്ഷേ നമുക്കു കാണാൻ കഴിയാത്തവ എന്നെന്നേക്കുമായി നിലനിൽക്കുന്നതാണ്.

\s5
\c 5
\p
\v 1 ഈ ശരീരങ്ങൾ താൽക്കാലിക വാസസ്ഥലങ്ങൾ പോലെയാണെന്നും വളരെക്കാലം നിലനിൽക്കാത്ത കൂടാരങ്ങൾ പോലെയാണെന്നും നമുക്കറിയാം. എന്നാൽ നാം മരിക്കുമ്പോൾ, നമുക്കു ജീവിക്കുവാനുള്ള ഒരു ശാശ്വതമായ സ്ഥലം, എന്നേക്കും നിലനിൽക്കുന്ന ഒരു ശരീരം, ദൈവം സൃഷ്ടിച്ച ഒരു ശരീരം എന്നിവ ദൈവം നൽകുന്നുവെന്നു നമുക്കറിയാം.
\v 2 നമ്മുടെ ഭൌതിക ശരീരങ്ങളിൽ ജീവിക്കുമ്പോൾ നാം കഷ്ടത അനുഭവിക്കുന്നു, നാം ദൈവത്തോടൊപ്പം ജീവിക്കുമ്പോൾ നമുക്കു ലഭിക്കുന്ന ശരീരത്തിനായി നാം പലപ്പോഴും ഞരങ്ങുന്നു.
\v 3 കാരണം, ദൈവം നമ്മെ പുതിയ ശരീരം ധരിപ്പിക്കുമ്പോള്‍ അത് നാം ധരിച്ചിട്ടുള്ള വസ്ത്രം പോലെ ആയിരിക്കും.
\s5
\v 4 എന്നെന്നേക്കുമായി നിലനിൽക്കാത്ത ഈ ശരീരങ്ങളിൽ നാം ജീവിച്ചിരിക്കെ, അവയിൽനിന്ന് സ്വതന്ത്രരാകാൻ ആഗ്രഹിക്കുന്നതിനാൽ നാം പലപ്പോഴും ഞരങ്ങുന്നുവെന്നതു സത്യമാണ്. ശരീരമില്ലാതെ ജീവിക്കുവാൻ ഞങ്ങൾ ആഗ്രഹിക്കുന്നില്ല. പകരം, നമ്മുടെ പുതിയ ശരീരങ്ങളെ സ്വർഗത്തിൽ സ്വീകരിക്കാൻ ആഗ്രഹിക്കുന്നതിനാൽ ഞങ്ങൾ ഞരങ്ങുന്നു. ഇതു സംഭവിക്കണമെന്ന് ഞങ്ങൾ ആഗ്രഹിക്കുന്നു, അങ്ങനെ ഒരു ദിവസം മരിക്കാൻ പോകുന്ന ഈ ശരീരങ്ങൾ പെട്ടെന്ന് എന്നെന്നേക്കുമായി ജീവിക്കുന്ന ശരീരങ്ങളായി മാറും.
\v 5 ദൈവം തന്നെ പുതിയ ശരീരങ്ങളെ നമുക്കായി ഒരുക്കുന്നു, അവന്‍റെ ആത്മാവിനെ നൽകി നാം അവ സ്വീകരിക്കുമെന്ന് അവൻ ഉറപ്പുനൽകുന്നു.
\s5
\v 6 അതിനാൽ, ദൈവത്തിന്‍റെ ആത്മാവ് നമ്മിൽ വസിക്കുന്നതിനാൽ, ദൈവം നമുക്കു പുതിയ ശരീരങ്ങൾ നൽകുമെന്നു ഞങ്ങൾക്ക് എല്ലായ്പ്പോഴും ഉറപ്പുണ്ട്. ഭൂമിയിൽ നമ്മുടെ ശരീരത്തിൽ ജീവിക്കുന്നിടത്തോളം കാലം നാം ഇതുവരെ കർത്താവായ യേശുവിനോടൊപ്പം സ്വർഗത്തിൽ ജീവിക്കുന്നില്ല.
\v 7 (അവനിൽ ആശ്രയിച്ചാണ് ഞങ്ങൾ ജീവിതം നയിക്കുന്നത്, നാം കാണുന്നതില്‍ ആശ്രയിക്കുന്നില്ല).
\v 8 നാം അവനിൽ ആശ്രയിച്ചിരിക്കുന്നതിനാൽ, നാം ഇപ്പോൾ ജീവിച്ചിരിക്കുന്ന ഈ ശരീരങ്ങളെ ഉപേക്ഷിച്ച് കർത്താവായ യേശുവിനോടൊപ്പം സ്വർഗത്തിലുള്ള നമ്മുടെ വീട്ടിൽ ജീവിക്കുവാൻ ആഗ്രഹിക്കുന്നു.
\s5
\v 9 അതിനാൽ ഞങ്ങള്‍ ഇവിടെയാണെങ്കിലും സ്വർഗത്തിലായാലും അവനെ അനുസരിക്കുകയെന്നതാണ് ഞങ്ങളുടെ ലക്ഷ്യം
\v 10 മശിഹ എല്ലാവരുടെയും ന്യായാധിപനായി ഇരിക്കുമ്പോൾ നാം എല്ലാവരും അവന്‍റെ മുമ്പാകെ നിൽക്കും. നാം ഈ ജീവിതത്തിൽ ആയിരുന്നപ്പോൾ ചെയ്ത കാര്യങ്ങളെ അവൻ വിധിക്കും. മശിഹ നമുക്ക് അർഹമായതു നൽകും, മാത്രമല്ല നല്ലതോ ചീത്തയോ ആയിരുന്നു എന്ന് അവൻ വിധിക്കും
\s5
\v 11 അതിനാൽ കർത്താവിനെ ബഹുമാനിക്കുകയെന്നത് എന്താണെന്നു നമുക്കറിയാം, അതുകൊണ്ട് അവൻ എങ്ങനെയുള്ള ദൈവമാണെന്ന് ആളുകളോടു പറയുന്നതില്‍ നാം ഉറപ്പുവരുത്തുക. ഞങ്ങൾ ഏതുതരം ആളുകളാണെന്ന് ദൈവത്തിന് അറിയാം, ഞങ്ങൾ ചെയ്യുന്നതു നന്മയോ തിന്മയോ എന്നു നിങ്ങൾക്കും മനസ്സിലാകുന്നുവെന്ന് ഞാൻ പ്രതീക്ഷിക്കുന്നു.
\v 12 ഞങ്ങള്‍ ദൈവത്തിന്‍റെ യഥാർത്ഥ ദാസന്മാരാണെന്നു വീണ്ടും തെളിയിക്കുവാൻ ശ്രമിക്കുന്നില്ല. ഞങ്ങൾ എങ്ങനെയുള്ള ആളുകളാണെന്ന് നിങ്ങൾ അറിയണമെന്നും ഞങ്ങളെക്കുറിച്ച് അഭിമാനിക്കാൻ ഒരു കാരണം വേണമെന്നും ഞങ്ങൾ ആഗ്രഹിക്കുന്നു. സ്വന്തം പ്രവൃത്തികളെ പ്രശംസിക്കുന്നവർക്ക് ഉത്തരം നൽകുന്നതിന് ഞങ്ങൾ ഇതു ചെയ്യുന്നു, പക്ഷേ അവരുടെ ഉള്ളില്‍ അവർ യഥാർത്ഥത്തിൽ എന്താണെന്നതിനെക്കുറിച്ചു ശ്രദ്ധിക്കുന്നില്ല.
\s5
\v 13 ഞങ്ങൾക്കു ഭ്രാന്താണെന്ന് കരുതുന്ന ചില ആളുകളുണ്ട്. അതു കുഴപ്പമില്ല. ഞാൻ ദൈവത്തെ പ്രസാദിപ്പിക്കാൻ ആഗ്രഹിക്കുന്നു. മറുവശത്ത്, ഞാൻ ഗൗരവമായി സംസാരിക്കുകയും പ്രവർത്തിക്കുകയും ചെയ്യുന്നുവെന്നു നിങ്ങൾ കരുതുന്നുവെങ്കിൽ, അതും നല്ലതാണ്. നിങ്ങളെ സഹായിക്കാനാണ് ഞാൻ അതു ചെയ്യുന്നതെന്നു നിങ്ങൾ അറിയണമെന്ന് ഞാൻ ആഗ്രഹിക്കുന്നു.
\v 14 മശിഹായോടുള്ള നമ്മുടെ സ്‌നേഹം നമ്മെ പ്രേരിപ്പിക്കുന്നു. ഞങ്ങള്‍ക്ക് ഉറപ്പുണ്ട് മശിഹ എല്ലാവർക്കുമായി മരിച്ചു, അതിനാൽ നാമെല്ലാവരും അവനോടുകൂടെ മരിച്ചിരിക്കുന്നു.
\v 15 മശിഹാ എല്ലാവർക്കുoവേണ്ടി മരിച്ചു, ഇനി ജീവിക്കുന്നവർ തങ്ങൾക്കുവേണ്ടി ജീവിക്കാതെ, തങ്ങളുടെ പാപങ്ങൾ നിമിത്തം മരിച്ച മശിഹായ്‌ക്കുവേണ്ടി ജീവിക്കണം. അവനെയാണ് ദൈവം മരിച്ചവരിൽനിന്ന് ഉയിർപ്പിച്ചത്.
\s5
\v 16 ഇനി നാം നമുക്കുവേണ്ടിയല്ല ജീവിക്കുന്നത് എന്നതിനാൽ, അവിശ്വാസികള്‍ വിധിക്കുന്ന വിധത്തിൽ ഞങ്ങൾ ആരെയും വിധിക്കുന്നില്ല. ഈ മാനുഷിക മാനദണ്ഡങ്ങളാൽ നാം ഒരിക്കൽ മശിഹായെ വീക്ഷിച്ചു. എന്നാൽ മശിഹായുടെ ജനം എന്ന നിലയിൽ, ഇപ്പോൾ ഞങ്ങൾ ഇതുപോലുള്ള ആരെയും വിധിക്കുന്നില്ല.
\v 17 ആരെങ്കിലും മശിഹായുമായി ചേരുകയും അവനിൽ വിശ്വസിക്കുകയും ചെയ്യുമ്പോൾ, അവൻ ഒരു പുതിയ വ്യക്തിയായിത്തീരുന്നു. പഴയതിൽ നിന്നുള്ളതെല്ലാം ഇല്ലാതായി—കാണുക! —ദൈവം നിങ്ങളില്‍ സകലവും പുതിയതാക്കുന്നു.
\s5
\v 18 ഈ ദാനങ്ങള്‍ എല്ലാം ദൈവത്തിൽ നിന്നുള്ളതാണ്. നാം ഇനി ദൈവത്തിന്‍റെ ശത്രുക്കളാകാതിരിക്കാൻ അവൻ നമ്മോടു സമാധാനം സ്ഥാപിച്ചു. മശിഹായുടെ ക്രൂശിലൂടെ നമുക്ക് ഇപ്പോൾ ദൈവവുമായി സമാധാനമുണ്ട്. കൂടാതെ, ദൈവം മനുഷ്യരെയും തന്നെയും ഒരുമിച്ചു കൊണ്ടുവരുന്നുവെന്നു പ്രഖ്യാപിക്കാനുള്ള ഉത്തരവാദിത്തം നമുക്കു നൽകിയിട്ടുണ്ട്.
\v 19 ആ സന്ദേശം ദൈവത്തെയും ആളുകളെയും ഒരുമിച്ചു കൊണ്ടുവരുന്നു, മശിഹ ചെയ്തതിലൂടെ ദൈവം ലോകവുമായി സമാധാനം സ്ഥാപിച്ചത് ഇങ്ങനെയാണ്. ദൈവം അവരുടെ പാപങ്ങൾ അവരുടെ കണക്കിൽ ഉള്‍പ്പെടുത്തുന്നില്ല. പകരം, മശിഹ നമ്മുടെ പാപങ്ങൾ നീക്കി, സമാധാനം ദൈവത്തെയും ആളുകളെയും ഒരുമിപ്പിക്കുന്നതുമായ ഈ സന്ദേശം ഞങ്ങൾക്കു നൽകി.
\s5
\v 20 അതിനാൽ മശിഹായെ പ്രതിനിധീകരിക്കാൻ ദൈവം നമ്മെ നിയോഗിച്ചിരിക്കുന്നു. ഞങ്ങളിലൂടെ ദൈവം നിങ്ങളോട് അപേക്ഷിക്കുന്നു. അതിനാൽ മശിഹായുടെ പേരിൽ ഞങ്ങൾ നിങ്ങളോട് അപേക്ഷിക്കുന്നു: മശിഹ മുഖാന്തരം അവൻ നിങ്ങളുമായി സമാധാനം സ്ഥാപിക്കുകയും നിങ്ങളെ തന്നിലേക്ക് അടുപ്പിക്കുകയും ചെയ്യട്ടെ.
\v 21 യേശു ഒരിക്കലും പാപം ചെയ്തിട്ടില്ലെങ്കിലും, യേശു ആ പാപകരമായ കാര്യങ്ങൾ ചെയ്തതായി കണക്കിട്ട്, നാം ചെയ്യുന്ന എല്ലാ പാപപ്രവൃത്തികൾക്കും ദൈവം അവനെ ശിക്ഷിച്ചുവെന്നു നിങ്ങൾ വിശ്വസിക്കണം, മാത്രമല്ല ക്രിസ്തുവുമായുള്ള നമ്മുടെ അടുത്ത ബന്ധം നിമിത്തം പാപങ്ങളിൽ നാം കുറ്റക്കാരല്ലെന്ന് ദൈവം പ്രഖ്യാപിച്ചിരിക്കുന്നു.

\s5
\c 6
\p
\v 1 നിങ്ങളോടൊപ്പം പ്രവർത്തിക്കുന്നവരായ ഞങ്ങള്‍, നിങ്ങൾക്കു ദൈവസ്നേഹത്തിന്‍റെ ദാനം ലഭിച്ചത് വ്യര്‍ത്ഥമായിത്തീരരുത് എന്നു നിങ്ങളോടു യാചിക്കുന്നു.
\v 2 ദൈവം പറഞ്ഞു: “ഞാൻ എന്‍റെ സ്നേഹനിർഭരമായ കാരുണ്യം പ്രകടിപ്പിച്ച ഒരു സമയത്ത്, ഞാൻ നിങ്ങളെ ശ്രദ്ധിച്ചു, എന്‍റെ രക്ഷയുടെ വേല പൂർത്തിയാക്കിയപ്പോൾ ഞാൻ നിങ്ങളെ സഹായിച്ചു.” നോക്കൂ, ഇതാ, ദൈവം നിങ്ങളോടു കരുണ കാണിക്കുന്ന ദിവസമാണിത്. അവൻ നിങ്ങളെ രക്ഷിക്കുന്ന ദിവസമാണിത്.
\v 3 തെറ്റു ചെയ്യാൻവേണ്ടി ആർക്കും കാരണം പറയാൻ തീർച്ചയായും ഞങ്ങൾ ആഗ്രഹിക്കുന്നില്ല, കാരണം തിന്മ ചെയ്യുന്നതിനെ പ്രോത്സാഹിപ്പിക്കുവാന്‍ സുവിശേഷം പ്രസംഗിച്ചുവെന്ന് ആരും ആരോപിക്കരുതെന്ന് ഞങ്ങൾ ആഗ്രഹിക്കുന്നു.
\s5
\v 4 ഞങ്ങൾ ദൈവത്തിന്‍റെ യഥാർത്ഥ ദാസന്മാരാണെന്ന് ഞങ്ങൾ വീണ്ടും വീണ്ടും തെളിയിച്ചു. ഞങ്ങൾ വലിയ കഷ്ടപ്പാടുകൾ സഹിക്കുന്നു, ഞങ്ങളെ വേദനിപ്പിക്കുന്ന ആളുകളെ ധൈര്യത്തോടെ അഭിമുഖീകരിക്കുന്നു, ഞങ്ങൾ ദുഷ്‌കരമായ സമയങ്ങളിൽ ജീവിക്കുന്നു.
\v 5 ആളുകൾ ഞങ്ങളെ വളരെ ക്രൂരമായി അടിച്ചു; മറ്റുള്ളവർ ഞങ്ങളെ ജയിലുകളിൽ അടച്ചു; ഞങ്ങൾ കലാപത്തിനു കാരണക്കാരായി; ഞങ്ങൾ വളരെ കഠിനാധ്വാനം ചെയ്തു; വളരെ നീണ്ട രാത്രികള്‍ ഉറക്കമില്ലാതെ കടന്നുപോയി, പലപ്പോഴും ഞങ്ങൾ വളരെ കുറച്ചു ഭക്ഷണവുമായി കഴിഞ്ഞു.
\v 6 എന്നാൽ ഇതിലെല്ലാം ഞങ്ങളുടെ ജീവിതം ശുദ്ധമാണ്, ഞങ്ങളുടെ അറിവ് ആഴമുള്ളതാണ്, ദൈവം ഞങ്ങളുടെ കഷ്ടപ്പാടുകൾ അവസാനിപ്പിക്കുന്നതുവരെ ഞങ്ങള്‍ക്കു കാത്തിരിക്കാൻ കഴിയും. മിശിഹാ നമ്മോട് എത്ര ദയയുള്ളവനാണെന്നു ഞങ്ങള്‍ക്കറിയാം; ഞങ്ങള്‍ പരിശുദ്ധാത്മാവിനാൽ നിറയപ്പെട്ടവരും, മറ്റുള്ളവരെ സ്നേഹിക്കുന്നവരും ആകുന്നു.
\v 7 ഞങ്ങള്‍ ദൈവത്തിന്‍റെ യഥാർത്ഥ വചനമനുസരിച്ചു ജീവിക്കുന്നവരും ദൈവിക ശക്തിയുള്ളവരും ആണ്. മശിഹ മുഖാന്തരം ദൈവം നമ്മെ തന്നോടുത്തന്നെ നിരപ്പാക്കിയിരിക്കുന്നു . ഞങ്ങൾ നിരന്തരം വിശ്വസിക്കുന്ന സത്യമാണിത്; അത് ഒരു സൈനികൻ ധരിക്കുന്ന കവചം പോലെയും, അവന്‍റെ രണ്ടു കൈകൾക്കുമുള്ള ആയുധങ്ങൾ പോലെയുമാണ്.
\s5
\v 8 ചിലപ്പോൾ ഞങ്ങളെ ആളുകൾ ബഹുമാനിക്കുന്നു; മറ്റു ചിലപ്പോൾ അവർ ഞങ്ങളെ അപമാനിക്കുന്നു. ചിലപ്പോൾ അവർ ഞങ്ങളെക്കുറിച്ച് പല തിന്മകളും പറയും; മറ്റു ചിലപ്പോൾ അവർ ഞങ്ങളെ പുകഴ്ത്തുന്നു. ഞങ്ങൾ സത്യം പറയുന്നുണ്ടെങ്കിലും ഞങ്ങള്‍ കള്ളം പറയുന്നതായി അവർ കുറ്റപ്പെടുത്തുന്നു
\v 9 ആരും അറിയാത്ത വ്യക്തികളെപ്പോലെയാണ് ഞങ്ങൾ ജീവിക്കുന്നത്, പക്ഷേ ചില ആളുകൾക്കു ഞങ്ങളെ നന്നായി അറിയാം. മശിഹായെക്കുറിച്ചുള്ള സന്ദേശം പ്രഖ്യാപിച്ചതിന് ആരും നിയമപരമായി ഞങ്ങളെ മരണശിക്ഷയ്ക്ക് വിധിച്ചിട്ടില്ലെങ്കിലുംചിലർ ഞങ്ങളെ കൊല്ലാൻ ശ്രമിക്കുന്നു.
\v 10 ഞങ്ങൾ വളരെ സങ്കടത്തോടെയാണു ജീവിക്കുന്നത്, എങ്കിലും ഞങ്ങൾ എപ്പോഴും സന്തോഷിക്കുന്നു. ഞങ്ങൾ‌ ഏറ്റവും ദരിദ്രരായ ചില ആളുകളെപ്പോലെയാണ് ജീവിക്കുന്നത്, പക്ഷേ ധാരാളം പേരെ സമ്പന്നരാക്കുന്ന സുവിശേഷത്തിന്‍റെ നിധി ഞങ്ങള്‍ക്കുണ്ട്. ഞങ്ങൾ ഒന്നും സ്വന്തമാക്കിയിട്ടില്ലെന്ന് നിങ്ങൾക്കു കാണാൻ കഴിയും, എന്നാൽ എല്ലാം നമ്മുടേതാണ് എന്നതാണ് സത്യം
\s5
\v 11 കൊരിന്തിൽ സഹവിശ്വാസികളായ നിങ്ങളോടു ഞങ്ങൾ വളരെ തുറന്ന മനസ്സോടെയും സത്യസന്ധമായും സംസാരിച്ചു. മടികൂടാതെ ഞങ്ങൾ നിങ്ങളെ സ്നേഹിക്കുന്നു എന്ന്‍ തെളിവായി കാണിച്ചിരിക്കുന്നു
\v 12 ഞങ്ങൾ അല്ല, പക്ഷേ നിങ്ങൾ ഞങ്ങളെ സ്നേഹിക്കുന്നതില്‍ വിമുഖത കാണിക്കുന്നു.
\v 13 നിങ്ങൾ ഞങ്ങളെ സ്നേഹിക്കുന്നതു ന്യായമായ ഒരു കൈമാറ്റമായിരിക്കും—കുട്ടികളോട് എന്നപോലെ ഞാൻ സംസാരിക്കുന്നു.
\s5
\v 14 മശിഹായെ വിശ്വസിക്കാത്ത ആളുകളുമായി അനുചിതമായ രീതിയിൽ പ്രവർത്തിക്കരുത്. ദൈവത്തിന്‍റെ പ്രമാണങ്ങളും നിയമങ്ങളും അനുസരിച്ച് ജീവിക്കുന്ന ആളുകൾക്ക് അവന്‍റെ നിയമങ്ങൾ ലംഘിച്ച് അവർ ആഗ്രഹിക്കുന്നതെന്തും ചെയ്യുന്നവരുമായി യാതൊരു ബന്ധവുമില്ല. ഇരുട്ടും വെളിച്ചവും ഒരുമിച്ചായിരിപ്പാന്‍ കഴിയില്ല.
\v 15 ബെലിയാല്‍ എന്ന ഭൂതവുമായി മശിഹായ്‌ക്ക് ഒരുതരത്തിലും യോജിക്കാൻ കഴിയില്ല. ദൈവത്തിൽ ആശ്രയിക്കുന്ന ഒരു വ്യക്തിക്ക് ദൈവത്തിൽ വിശ്വസിക്കാത്ത മറ്റൊരു വ്യക്തിയുമായി പൊതുവായി ഒന്നുമില്ല.
\v 16 പുറജാതീയ വിഗ്രഹങ്ങളെ ദൈവാലയത്തിലേക്കു കൊണ്ടുവരുന്നതു ശരിയല്ല. ദൈവം പറഞ്ഞതുപോലെ നമ്മുടെ ശരീരം ജീവനുള്ള ദൈവത്തിന്‍റെ ആലയമാണ്: “എന്‍റെ ജനത്തിന്‍റെ ഇടയിൽ എന്‍റെ ഭവനം ഉണ്ടാകും. ഞാൻ അവരുടെ ഇടയിൽ വസിക്കും. ഞാൻ അവരുടെ ദൈവമായിരിക്കും അവർ എന്‍റെ ജനമായിരിക്കും.
\s5
\v 17 അതിനാൽ തിരുവെഴുത്തുകൾ ഇപ്രകാരം പറയുന്നു: “അവിശ്വാസികളുടെ ഇടയിൽനിന്നു പുറപ്പെടുക അവരിൽനിന്നു വേറിട്ടുനിൽക്കുക” എന്നു കർത്താവു പറയുന്നു: “നിങ്ങളെ മലിനമാക്കുന്നതും എന്നെ ആരാധിക്കാൻ കഴിയാത്തതുമായ ഒന്നും കൈകാര്യം ചെയ്യരുത്; ഞാൻ എന്‍റെ കരങ്ങള്‍ തുറന്നു നിങ്ങളെ സ്വാഗതം ചെയ്യും.
\v 18 ഞാൻ നിങ്ങളുടെ പിതാവായിരിക്കും; നിങ്ങൾ എന്‍റെ പുത്രന്മാരും പുത്രിമാരും ആകും.” എന്നു സർവ്വശക്തനായ കർത്താവ് പറയുന്നു.

\s5
\c 7
\p
\v 1 പ്രിയമുള്ളവരേ, നമുക്കുവേണ്ടി ദൈവം ഈ വാഗ്‌ദാനങ്ങള്‍ ചെയ്‌തിരിക്കുന്നതിനാൽ, ശരീരംകൊണ്ടോ മനസ്സുകൊണ്ടോ ദൈവത്തെ ആരാധിക്കുന്നതിൽനിന്ന് നമ്മെ തടയുന്ന എന്തും അവസാനിപ്പിക്കണം. പാപം ചെയ്യുന്നത് അവസാനിപ്പിക്കുക; നമുക്കു ദൈവത്തെ ബഹുമാനിക്കുകയും അവന്‍റെ സന്നിധിയിൽ വിറയ്ക്കുകയും ചെയ്യാം
\s5
\v 2 നിങ്ങളുടെ ഹൃദയം ഞങ്ങൾക്കായി തുറക്കൂ! നിങ്ങൾ ഞങ്ങളെക്കുറിച്ച് എന്താണ് കേട്ടിട്ടുള്ളത് എന്നതു പ്രശ്നമല്ല, ഞങ്ങൾ ആരോടും അനീതി കാണിച്ചിട്ടില്ല. ഞങ്ങൾ ഒരിക്കലും ആരെയും മുതലെടുപ്പു നടത്തിയിട്ടില്ല
\v 3 നിങ്ങളെ കുറ്റംവിധിക്കാൻ ഞാൻ ശകാരിക്കുന്നില്ല. ഞങ്ങൾ പൂർണ്ണഹൃദയത്തോടെ നിങ്ങളെ സ്നേഹിക്കുന്നു! ഞങ്ങൾ ഏക ലക്ഷ്യമുള്ളവരായി, നിങ്ങളോടൊപ്പം ജീവിക്കുകയും നിങ്ങളോടൊപ്പം മരിക്കുകയും ചെയ്യും.
\v 4 ഞാൻ നിങ്ങളെ സ്നേഹിക്കുക മാത്രമല്ല, മറ്റുള്ളവരുടെ ഇടയില്‍ ഞാൻ നിങ്ങളെ പുകഴ്ത്തുകയും ചെയ്യുന്നു—ഞങ്ങൾ കഠിനമായ കഷ്ടതകളിലൂടെ കടന്നുപോകുമ്പോഴും നിങ്ങൾ നിമിത്തം സന്തോഷത്താല്‍ നിറഞ്ഞു കവിയുന്നു.
\s5
\v 5 ഞങ്ങൾ മാസിഡോണിയയിൽ നിങ്ങളുടെ അടുത്തെത്തിയപ്പോൾ ഞങ്ങൾ തളർന്നുപോയി. ഞങ്ങൾക്ക് എല്ലാ വശത്തുനിന്നും പ്രശ്‌നങ്ങൾ ഉണ്ടായിരുന്നു - മറ്റുള്ളവര്‍ വരുത്തിയ ബുദ്ധിമുട്ടുകൾ ഞങ്ങൾ നേരിട്ടു, ഞങ്ങൾ പലതും ഭയപ്പെട്ടു.
\v 6 എന്നാൽ നാം അധൈര്യപ്പെടുമ്പോൾ ദൈവം എപ്പോഴും നമ്മെ ആശ്വസിപ്പിക്കുന്നു, തീത്തോസിനെ ഞങ്ങളോടുകൂടെ അയച്ച് അവൻ ആ സമയത്ത് ആശ്വസിപ്പിച്ചു.
\v 7 തീത്തോസിന്‍റെ വരവ് ഒരു വലിയ ആശ്വാസമായിരുന്നു, എന്നാൽ നിങ്ങൾ അവനോടൊപ്പം ഉണ്ടായിരുന്നപ്പോൾ നിങ്ങൾ അദ്ദേഹത്തെ ആശ്വസിപ്പിച്ചു. അവൻ ഞങ്ങളുടെ അടുത്തെത്തിയപ്പോൾ, ഞങ്ങളോടുള്ള നിങ്ങളുടെ ആഴമായ സ്നേഹത്തെക്കുറിച്ചും ഞങ്ങളുടെ കഷ്ടതകളിൽ നിങ്ങൾക്കു ഞങ്ങളോടുള്ള സഹതാപത്തെക്കുറിച്ചും അവൻ ഞങ്ങളോടു പറഞ്ഞു. നിങ്ങൾ എന്നെ എങ്ങനെ ആഴത്തിൽ കരുതുന്നുവെന്നും അദ്ദേഹം ഞങ്ങളോടു പറഞ്ഞു, അതിനാൽ നിങ്ങൾ കാരണം ഞാൻ കൂടുതൽ സന്തോഷിച്ചു.
\s5
\v 8 ഞാൻ നിങ്ങൾക്ക് എഴുതിയ കത്ത് നിങ്ങളെ ദു:ഖിപ്പിച്ചതായി എനിക്കറിയാം, പക്ഷേ എനിക്ക് അത് എഴുതേണ്ടിവന്നു. ഞാൻ ഇത് എഴുതിയപ്പോൾ ഖേദിച്ചെങ്കിലും സഭയിലെ പ്രശ്നങ്ങൾ കൈകാര്യം ചെയ്യുവാൻ നിങ്ങളെ സഹായിക്കാൻവേണ്ടിയാണ് ഞാൻ ഇതു നിങ്ങൾക്ക് എഴുതിയത്. നിങ്ങളുടെ സങ്കടം ഒരു ചെറിയ സമയത്തേക്കു മാത്രമേ നിലനിൽക്കൂ എന്ന് എനിക്കറിയാം.
\v 9 അതിനാൽ ഇപ്പോൾ എനിക്കു സന്തോഷിക്കാൻ കഴിയും, നിങ്ങൾ എന്‍റെ കത്തു വായിച്ചപ്പോൾ നിങ്ങൾ ദു:ഖിച്ചതുകൊണ്ടല്ല, നിങ്ങളുടെ ദു:ഖം നിങ്ങളെ വളരെയധികം വേദനിപ്പിച്ച പാപത്തിൽനിന്നു നിങ്ങളെ പിന്തിരിപ്പിച്ചതിനാലും, അതു നിങ്ങളുടെ സങ്കടത്തെ നിങ്ങളുടെ അടുക്കൽ കൊണ്ടുവന്ന ഒരു ദു:ഖമായി ദൈവം മാറ്റി, ആ ദുഃഖം നിങ്ങൾക്കു നഷ്ടപ്പെട്ടതിനേക്കാൾ എത്രയോ അധികമായി നൽകി.
\v 10 ഇത്തരത്തിലുള്ള ദു:ഖം ഒരു വ്യക്തിയെ പാപത്തിൽനിന്ന് അകറ്റുന്നു, അങ്ങനെ അവനെ രക്ഷിക്കാൻ ദൈവത്തിനു കഴിയും. അവസാനം, ഇത്തരത്തിലുള്ള ദു:ഖം അനുഭവിച്ചതിൽ ആളുകൾ സന്തോഷിക്കുന്നു. മറുവശത്ത്, ലൌകിക ദു:ഖം, നിങ്ങളുടെ പാപങ്ങളിൽ നിങ്ങൾ അകപ്പെട്ടതുകൊണ്ട് മാത്രമുള്ള സങ്കടം, മരണത്തിലേക്കു മാത്രമേ നയിക്കൂ
\s5
\v 11 ദൈവം നിങ്ങൾക്കു നൽകിയ ഈ ദു:ഖം നിങ്ങൾക്കുണ്ടായതിനാൽ നിങ്ങൾ എത്രമാത്രം നല്ലതു ചെയ്യാൻ നിങ്ങളെ പ്രാപ്തരാക്കിയെന്ന് ഇപ്പോൾ ചിന്തിക്കുക. നിങ്ങൾ നിരപരാധികള്‍ ആണെന്ന് എന്നെ കാണിയ്ക്കുവാൻ നിങ്ങൾ ആഗ്രഹിച്ചു. പാപത്തെക്കുറിച്ചുള്ള ആ ആരോപണത്തെക്കുറിച്ച് നിങ്ങൾക്കു വളരെയധികം ആശങ്കയുണ്ടായിരുന്നു, ആ വ്യക്തി എങ്ങനെ പാപം ചെയ്തുവെന്നു നിങ്ങൾ ഭയപ്പെട്ടു. നീതി ലഭിക്കണമെന്നു നിങ്ങൾ ആഗ്രഹിച്ചു. ചുരുക്കത്തിൽ, നിങ്ങൾ നിരപരാധികളാണെന്നു കാണിച്ചു.
\v 12 ഞാൻ നിങ്ങൾക്ക് എഴുതിയത് തെറ്റുകാരനെ ഉദ്ദേശിച്ചുള്ളതല്ല, അതു അന്യായം അനുഭവിച്ച വ്യക്തിക്കുവേണ്ടിയുമല്ല എഴുതിയത്, എന്നാൽ നിങ്ങൾ ഞങ്ങളോട് എത്രമാത്രം വിശ്വസ്തരാണെന്നു മനസിലാക്കാൻ വേണ്ടിയാണ് ഇത് എഴുതിയത്. നിങ്ങൾ ഞങ്ങളോടു വിശ്വസ്തരാണെന്നു ദൈവത്തിന് അറിയാം.
\s5
\v 13 ഇതെല്ലാം ഞങ്ങളെ വളരെയധികം പ്രോത്സാഹിപ്പിക്കുന്നു! തീത്തോസ് ഞങ്ങളോടു പറഞ്ഞതിൽ ഞങ്ങൾ വളരെ സന്തുഷ്ടരായിരുന്നു, നിങ്ങൾ അവനു വിശ്രമം നൽകി അവനെ സഹായിച്ചതിനാൽ ഞങ്ങളും സന്തോഷിച്ചു.
\v 14 ഞാൻ അവനോടു നിങ്ങളെക്കുറിച്ച് വളരെ നല്ല കാര്യങ്ങൾ പറഞ്ഞു, ഞാൻ നിങ്ങളെക്കുറിച്ച് എത്രമാത്രം അഭിമാനിക്കുന്നു, അവൻ നിങ്ങളുടെയടുത്തെത്തിയപ്പോൾ നിങ്ങൾ എന്നെ ലജ്ജിപ്പിച്ചില്ല. തീത്തൊസിനോട് ഞങ്ങൾ നിങ്ങളെ വളരെയധികം പ്രശംസിച്ചു, എല്ലാം ശരിയാണെന്നു നിങ്ങൾ തെളിയിക്കുകയും ചെയ്തു!
\s5
\v 15 ഇപ്പോൾ നിങ്ങളോടുള്ള അവന്‍റെ സ്നേഹം വര്‍ദ്ധിച്ചു കാരണം, നിങ്ങൾ ദൈവത്തെ എത്രമാത്രം പിന്തുടരുന്നുവെന്ന് അവൻ സ്വയം കണ്ടു. മാത്രമല്ല നിങ്ങള്‍ അവനെ ഭയത്തോടും വിറയലോടും സ്വീകരിച്ചു, എന്തെന്നാല്‍, ദൈവം വിശുദ്ധനും, വലിയവനുമാണെന്നു നിങ്ങൾക്കറിയാം
\v 16 എല്ലാറ്റിലും എനിക്കു നിങ്ങളില്‍ വിശ്വാസമുള്ളതിനാൽ ഞാൻ സന്തോഷം നിറഞ്ഞവനാണ്.

\s5
\c 8
\p
\v 1 സഹോദരീ സഹോദരന്മാരേ, മാസിഡോണിയ സംസ്ഥാനത്തെ സഭകളിൽ ദൈവം എങ്ങനെ അത്ഭുതകരമായി പ്രവർത്തിക്കുന്നുവെന്നു നിങ്ങൾ അറിയണമെന്നു ഞങ്ങൾ ആഗ്രഹിക്കുന്നു.
\v 2 അവിടെയുള്ള വിശ്വാസികൾ വളരെയധികം കഷ്ടപ്പെട്ടിരുന്നുവെങ്കിലും, അവർ വളരെ സന്തോഷിച്ചു, അവർ ദരിദ്രരാണെങ്കിലും, യെരുശലേമിലെ വിശ്വാസികൾക്കായുള്ള ശേഖരണത്തിനായി ധാരാളം പണം നൽകി.
\s5
\v 3 അവർ തങ്ങളാല്‍ പ്രാപ്തിപോലെ നൽകി-അതു സത്യമാണെന്ന് ഞാൻ സാക്ഷ്യപ്പെടുത്തുന്നു-ചിലർ ത്യാഗം സഹിക്കുകയും വളരെയധികം കഷ്ടത അനുഭവിക്കുകയും ചെയ്തു, എന്നിട്ടും അവർ കൊടുത്തു. അവർ നൽകാൻ ആഗ്രഹിക്കുന്നു.
\v 4 അവർ ഞങ്ങളോടു വീണ്ടും വീണ്ടും യാചിക്കുകയും ഈ ശേഖരണo നൽകാൻ അനുവദിക്കണമെന്നു ഞങ്ങളോടു അപേക്ഷിക്കുകയും ചെയ്തു, ദൈവം തനിക്കായി വേര്‍തിരിച്ച വിശ്വാസികളെ സഹായിക്കാൻ അതിനാൽ അവർക്കു കഴിയും
\v 5 അവർക്ക് ഇപ്രകാരം നല്‍കുവാന്‍ കഴിയുമെന്നു ഞങ്ങൾ കരുതിയില്ല. എന്നാൽ അവർ ആദ്യം തങ്ങളെത്തന്നെ കർത്താവിനു സമർപ്പിച്ചു, പിന്നീട് അവർ തങ്ങളെത്തന്നെ ഞങ്ങൾക്കു നൽകി.
\s5
\v 6 പണം സംഭാവന ചെയ്യാൻ തീത്തോസ് നിങ്ങളെ പ്രോത്സാഹിപ്പിക്കാൻ തുടങ്ങിയിരുന്നു, അതിനാൽ ശേഖരണം അതിന്‍റെ ലക്ഷ്യത്തിലേക്കു നയിക്കാൻ ഞങ്ങൾ അദ്ദേഹത്തോട് അഭ്യർത്ഥിച്ചു
\v 7 നിങ്ങൾ മറ്റുള്ളവരെക്കാൾ മികച്ചതു ചെയ്തതുപോലെ, ദൈവത്തിലുള്ള നിങ്ങളുടെ വിശ്വാസത്തിലും, പ്രോത്സാഹജനകമായ വാക്കുകളിലും, നിങ്ങൾ പഠിച്ച കാര്യങ്ങളിലും, ഒരു ദൗത്യം പൂർത്തിയാക്കുന്നതിലും, ഞങ്ങളോടുള്ള നിങ്ങളുടെ സ്നേഹത്തിലും മാത്രമല്ല ഈ ശേഖരണം പൂർത്തിയാക്കി നിങ്ങൾ നന്നായി പ്രവർത്തിക്കുന്നുവെന്നും ഉറപ്പാക്കുക.
\s5
\v 8 ഞാൻ നിങ്ങൾക്ക് ഒരു കല്‍പന നൽകുകയല്ല, എന്നാൽ ആവശ്യത്തിലിരിക്കുന്ന ആളുകൾക്കു മറ്റുള്ളവർ നൽകുന്നതിനെ നിങ്ങൾ നല്‍കുന്നതുമായി താരതമ്യപ്പെടുത്തുമ്പോള്‍ നിങ്ങൾ കർത്താവിനെ എത്രമാത്രം സ്നേഹിക്കുന്നുവെന്നു തെളിയിക്കാന്‍ ഞാൻ ആഗ്രഹിക്കുന്നു
\v 9 ഞാൻ ഇതു പറയുന്നത്, നമ്മുടെ കർത്താവായ യേശു മശിഹ നിങ്ങളോട് എത്ര ദയ കാണിച്ചുവെന്നു നിങ്ങൾക്കറിയാമല്ലോ. എല്ലാം കൈവശമുണ്ടെങ്കിലും അവൻ എല്ലാം ഉപേക്ഷിച്ച് ദരിദ്രനായി. നിങ്ങളെ സമ്പന്നനാക്കാനാണ് അവൻ ഇതു ചെയ്തത്.
\s5
\v 10 ഇതിൽ ഞാന്‍ നിങ്ങളെ പ്രോത്സാഹിപ്പിക്കുന്നു: നിങ്ങൾ ഒരു വർഷം മുമ്പാണ് ഈ ശുശ്രൂഷക്ക് സഹായം നല്‍കുവാന്‍ ആരംഭിച്ചത്, നിങ്ങൾ ആരംഭിച്ചപ്പോൾത്തന്നെ അതു ചെയ്യാൻ നിങ്ങൾ ഉല്‍സാഹമുള്ളവരായിരുന്നു.
\v 11 അതുപോലെ, നിങ്ങൾ ഈ പ്രവൃത്തി പൂർത്തിയാക്കണം. ഈ പ്രവൃത്തി ആരംഭിക്കാൻ നിങ്ങൾ ഉല്‍സാഹമുള്ളവരായിരുന്നതുപോലെ, നിങ്ങൾക്കു കഴിയുന്നത്ര വേഗത്തിൽ അതു പൂര്‍ത്തീകരിക്കാനും ഉല്‍സാഹമുള്ളവരായിരിക്കണം.
\v 12 ഈ ദൗത്യത്തിൽ നിങ്ങൾ അതു ചെയ്യാൻ ആഗ്രഹിക്കുന്നുവെങ്കിൽ നിങ്ങൾ ചെയ്യുന്ന കാര്യങ്ങളില്‍ ദൈവം പ്രസാദിക്കും . നിങ്ങളുടെ പക്കലുള്ള പണത്തിൽനിന്നു നൽകി നിങ്ങൾ പ്രവൃത്തി പൂർത്തിയാക്കണം. നിങ്ങൾക്ക് ഇല്ലാത്തതു നൽകാൻ കഴിയില്ലല്ലോ?
\s5
\v 13 മറ്റുള്ളവർ‌ സ്വയം സഹായിക്കണമെന്നു ഞങ്ങൾ‌ ആഗ്രഹിക്കാത്തതിനാൽ‌ ഞങ്ങൾ‌ നിങ്ങളെ ക്ലേശിപ്പിക്കുന്നില്ല. എന്നാൽ നിങ്ങൾ അവരെ സഹായിക്കുന്നതു ന്യായമാണ്.
\v 14 നിങ്ങൾക്ക് ഇപ്പോൾ ആവശ്യമുള്ളതിനേക്കാൾ കൂടുതൽ ഉണ്ട്; നിങ്ങൾ മിച്ചം വയ്ക്കുന്നവ അവർക്കു മതിയാകും. ഭാവിയിൽ, അവർക്ക് ആവശ്യമുള്ളതിനേക്കാൾ കൂടുതൽ ഉണ്ടായിരിക്കും, ഒരുപക്ഷേ, നിങ്ങളെ സഹായിക്കാൻ അപ്പോള്‍ അവർക്കു കഴിയും. അത് എല്ലാവർക്കും ന്യായമായ ഒന്നാണ്
\v 15 ഇതു തിരുവെഴുത്തുകൾ‌ പറയുന്നതുപോലെയാണ്‌: "വളരെയധികം ഉണ്ടായിരുന്നവന് പങ്കിടാൻ ഒന്നും ബാക്കിയില്ല; എന്നാൽ കുറച്ചുമാത്രം ഉണ്ടായിരുന്നവനു കൂടുതലൊന്നും ആവശ്യവുമില്ല.”
\s5
\v 16 നിങ്ങളെ പരിപാലിക്കാൻ എന്നെപ്പോലെ തന്നെ തീത്തോസിനെ കാരണമാക്കിയ ദൈവത്തെ ഞാൻ സ്തുതിക്കുന്നു.
\v 17 നിങ്ങളെ സഹായിക്കുവാന്‍ ഞങ്ങൾ അവനോട് ആവശ്യപ്പെട്ടപ്പോൾ അദ്ദേഹം അങ്ങനെ ചെയ്യാമെന്നു സമ്മതിച്ചു. നിങ്ങളെ സഹായിക്കുവാന്‍ അവൻ വളരെയധികം താത്‌പര്യമുള്ളവനാകയാല്‍, നിങ്ങളെ കാണുന്നതിനും അദ്ദേഹം തീരുമാനിച്ചു.
\s5
\v 18 മശിഹായുടെ മറ്റൊരു സഹോദരനോടൊപ്പം ഞങ്ങൾ തീത്തൊസിനെ അയച്ചു. അവൻ സുവിശേഷം നന്നായി പ്രസംഗിക്കുന്നതുകൊണ്ട് സഭകളിലെ എല്ലാ വിശ്വാസികളും അവനെ പുകഴ്ത്തുന്നു.
\v 19 അവിടത്തെ വിശ്വാസികളുടെ അടുക്കല്‍ ഞങ്ങളെ കൊണ്ടുപോകുവാന്‍, ഞങ്ങളോടൊപ്പം യെരുശലേമിലേക്കു പോകുവാന്‍ അദ്ദേഹത്തോട് സഭയിലെ വിശ്വാസികള്‍ ആവശ്യപ്പെട്ടു. നിങ്ങളും മറ്റുള്ളവരും അവര്‍ക്കു നല്‍കുന്ന കാര്യങ്ങള്‍ വിശ്വാസികളിലെത്തിക്കുവാന്‍ വേണ്ടിയായിരുന്നു അത്. വിശ്വാസികള്‍ തമ്മില്‍ത്തമ്മില്‍ എത്രത്തോളം സഹായം ചെയ്യുന്നു എന്നു കാണിക്കുന്നതിനും ദൈവത്തെ ബഹുമാനിക്കുന്നതിനും ആണ് ഇങ്ങനെയുള്ള ധനശേഖരണം ഞങ്ങള്‍ ആഗ്രഹിക്കുന്നത്.
\s5
\v 20 നിങ്ങൾ വളരെ ഉദാരമായി നൽകുന്ന ഈ പണം ഞങ്ങൾ എന്തിനാണ് ആവശ്യപ്പെടുന്നതെന്ന് ആരും ചോദിക്കാതിരിക്കാൻ ഞങ്ങളാല്‍ കഴിയുന്നതെല്ലാം ചെയ്യുന്നു
\v 21 ഇതെല്ലാം സത്യസന്ധമായും മറച്ചുവച്ചിട്ടില്ലാത്ത രീതിയിലും ചെയ്യാൻ ഞങ്ങൾ ശ്രദ്ധാലുവാണ്. ഞങ്ങൾ ഇത് എങ്ങനെ ചെയ്യുന്നുവെന്ന് എല്ലാവരും അറിയണമെന്നു ഞങ്ങൾ ആഗ്രഹിക്കുന്നു, കർത്താവ് നമ്മെയും കാണുന്നുവെന്നു നമുക്കറിയാം.
\s5
\v 22 ഈ സഹോദരന്മാർക്കൊപ്പം ഒരു സഹോദരനെ കൂടി ചേർത്ത് ഞങ്ങൾ നിങ്ങളുടെ അടുത്തേക്ക് അയയ്ക്കുന്നു. ഈ സഹോദരൻ വളരെ വിശ്വസ്തതയോടെ പ്രധാനപ്പെട്ട ജോലി ചെയ്യുന്നുവെന്നു നാം കണ്ടു. അവൻ നിങ്ങളെ വളരെയധികം വിശ്വസിക്കുന്നതിനാൽ നിങ്ങളെ കൂടുതല്‍ സഹായിക്കാൻ അവൻ ഇപ്പോൾ ആഗ്രഹിക്കുന്നു
\v 23 തീത്തൊസിനെ സംബന്ധിച്ചിടത്തോളം, അവൻ എന്‍റെ പങ്കാളിയാണ്; അവൻ എന്നോടൊപ്പം പ്രവർത്തിക്കുന്നു. യെരുശലേമിലേക്കു ഞങ്ങളോടൊപ്പം പോകുവാന്‍ ഈ പ്രദേശത്തെ സഭകള്‍ തിരഞ്ഞെടുത്ത സഹോദരന്മാരാണ്. മറ്റുള്ളവർ അവരെ കാണുമ്പോൾ, അവർ കാരണം അവർ മശിഹായെ സ്തുതിക്കും.
\v 24 അതിനാൽ ഈ സഹോദരന്മാരെ നിങ്ങൾ എങ്ങനെ സ്നേഹിച്ചുവെന്ന് കാണിക്കുക; എന്തുകൊണ്ടാണ് ഞങ്ങൾ നിങ്ങളെക്കുറിച്ച് നന്നായി സംസാരിച്ചതെന്നും ഞങ്ങൾ നിങ്ങളെക്കുറിച്ച് എത്രമാത്രം അഭിമാനിക്കുന്നുവെന്ന് എല്ലാ സഭകളോടും പറഞ്ഞുകൊണ്ടിരിക്കുന്നതും എന്തുകൊണ്ടാണെന്നും അവരെ കാണിക്കുക.

\s5
\c 9
\p
\v 1 ഇപ്പോൾ യെരുശലേമിലെ വിശ്വാസികൾക്കുവേണ്ടിയുള്ള ഈ ധനശേഖരണത്തെക്കുറിച്ച്, —ദൈവം തനിക്കായി വേര്‍തിരിച്ച എല്ലാവര്‍ക്കും—വാസ്തവത്തില്‍ ഞാൻ നിങ്ങൾക്കു കൂടുതൽ ഒന്നും എഴുതേണ്ട ആവശ്യമില്ല.
\v 2 നിങ്ങൾ‌ക്കു സഹായിക്കാൻ‌ താൽ‌പ്പര്യമുണ്ടെന്ന് എനിക്കറിയാം, മാസിഡോണിയയിലെ വിശ്വാസികളോട് ഇതിനായി ഞാൻ നിങ്ങളെ പ്രശംസിച്ചു. വാസ്തവത്തിൽ, നിങ്ങളും അഖായ പ്രദേശത്തിലെ മറ്റ് ആളുകളും കഴിഞ്ഞ വർഷം മുതൽ ഈ ശേഖരണത്തിനായി തയ്യാറെടുക്കുകയാണെന്നു ഞാൻ അവരോടു പറഞ്ഞു. നിങ്ങളുടെ ഉത്സാഹമാണ് നടപടിയെടുക്കാൻ മാസിഡോണിയയിലെ വിശ്വാസികള്‍ക്കു മാതൃകയായിത്തീര്‍ന്നത്.
\s5
\v 3 എനിക്കു മുമ്പായി ഞാൻ സഹോദരന്മാരെ അയക്കുന്നു; അവർ നിങ്ങളെ കണ്ടുമുട്ടുമ്പോൾ ഞങ്ങൾ നിങ്ങളെ വെറുതെ പ്രശംസിച്ചിട്ടില്ലെന്ന് അവർ അറിയും. ഞാൻ മറ്റുള്ളവരോടു വാഗ്ദാനം ചെയ്തതുപോലെ, ജോലി പൂർത്തിയാക്കാൻ നിങ്ങൾ തയ്യാറാകേണ്ടതിന് ഞാൻ അവരെ എനിക്കു മുമ്പായി അയച്ചു.
\v 4 കുറച്ചു കഴിഞ്ഞ് വരുമ്പോൾ ചില മാസിഡോണിയക്കാർ എന്നോടൊപ്പം വരുമെന്നും നിങ്ങൾ നൽകാൻ ആഗ്രഹിക്കുന്നതെല്ലാം നൽകാൻ നിങ്ങൾ തയ്യാറല്ലെന്നും അവർ കണ്ടെത്തിയേക്കാം എന്നു ഞാന്‍ ഭയപ്പെടുന്നു. അങ്ങനെ സംഭവിക്കുകയാണെങ്കിൽ, ഞങ്ങൾ നിങ്ങളെക്കുറിച്ചു നന്നായി സംസാരിച്ചതിൽ ഞങ്ങൾ ലജ്ജിക്കും നിങ്ങളും ലജ്ജിക്കും.
\v 5 സഹോദരന്മാരെ നിങ്ങളുടെ അടുക്കലേയ്ക്ക് അയയ്‌ക്കാൻ എല്ലാ ശ്രമവും നടത്തേണ്ടതുണ്ടെന്നു ഞാൻ തീരുമാനിച്ചു, അതിനാൽ നിങ്ങൾ വാഗ്ദാനം ചെയ്ത പണം സ്വീകരിക്കാൻ ആവശ്യമായതെല്ലാം ക്രമീകരിക്കാൻ അവർക്കു കഴിയും. ഈ രീതിയിൽ, ഈ പണം ഞങ്ങൾ നിങ്ങളിൽനിന്ന് എടുക്കുന്നതിനു പകരം നിങ്ങൾ സൗജന്യമായി വാഗ്ദാനം ചെയ്യുന്ന ഒന്നായിരിക്കും.
\s5
\v 6 വളരെ കുറച്ച് വിത്തു വിതയ്ക്കുന്ന ഏതൊരാൾക്കും വിളവെടുക്കുമ്പോള്‍ ഒരു ചെറിയ വിളവെടുപ്പ് മാത്രമേ ഉണ്ടായിരിക്കുകയുള്ളൂ, എന്നാൽ വലിയ അളവിൽ വിത്തു വിതയ്ക്കുന്നവർക്കു വലിയ വിളവെടുപ്പ് ലഭിക്കും. അതുപോലെ, മറ്റുള്ളവരെ സഹായിക്കാൻ നിങ്ങൾ കുറച്ചു നൽകിയാൽ, ദൈവം നിങ്ങൾക്കു കുറച്ച് അനുഗ്രഹങ്ങൾ മാത്രമേ നൽകൂ. ആളുകളെ സഹായിക്കാൻ നിങ്ങൾ മനസ്സോടെയും സന്തോഷത്തോടെയും നൽകിയാൽ, നിങ്ങൾക്കു ദൈവത്തിൽനിന്നു ധാരാളം അനുഗ്രഹങ്ങൾ തിരികെ ലഭിക്കും.
\v 7 എത്ര പണം നൽകണമെന്ന് ആദ്യം നിങ്ങളുടെ ഹൃദയത്തിൽ തീരുമാനിക്കുക, അതിനാൽ അതു നൽകുമ്പോൾ നിങ്ങൾ ഖേദിക്കേണ്ടി വരികയില്ല. കൊടുക്കുന്നതിന് ആരെങ്കിലും നിങ്ങളെ നിർബന്ധിക്കുന്നുവെന്നു നിങ്ങൾക്കു തോന്നരുത്, കാരണം സന്തോഷത്തോടെ കൊടുക്കുന്നവരെ ദൈവം സ്നേഹിക്കുന്നു.
\s5
\v 8 എല്ലാത്തരം ദാനങ്ങളും നിങ്ങൾക്കു കൂടുതൽ കൂടുതൽ നൽകാൻ ദൈവത്തിനു കഴിയും, അതുവഴി നിങ്ങൾക്ക് ആവശ്യമുള്ളത് എല്ലായ്പ്പോഴും ലഭിക്കും, അതോടൊപ്പം നല്ല കാര്യങ്ങൾ ചെയ്യാനും ഇതു മതിയാകും.
\v 9 തിരുവെഴുത്തുകളിൽ എഴുതിയിരിക്കുന്നതുപോലെ:
\q “അവൻ എല്ലായിടത്തുമുള്ള ആളുകൾക്കു നല്ല കാര്യങ്ങൾ
\q നൽകുന്നു, അവൻ ദരിദ്രർക്ക് ആവശ്യമുള്ളതു നൽകുന്നു.
\q അവൻ എന്നെന്നേക്കും ഇതു ചെയ്യുന്നു. 
\s5
\p
\v 10 വിതയ്ക്കുന്നവനു ദൈവം വിത്തു കൊടുക്കുന്നു; അപ്പം ഉണ്ടാക്കുന്നവന് അവൻ അപ്പം കൊടുക്കുന്നു അവൻ നിങ്ങള്‍ക്കു വിത്തു നല്‍കുകയും മറ്റുള്ളവർക്കു കൊടുക്കുവാന്‍ കഴിയുന്നതുപോലെ വർദ്ധിപ്പിക്കുകയും ചെയ്യും.
\v 11 നിങ്ങൾ ഉദാരമതികളായിത്തീരുവാന്‍ ദൈവം നിങ്ങളെ പലവിധത്തിൽ സമ്പന്നനാക്കും. തൽഫലമായി, നാം അപ്പൊസ്തലന്മാർ ചെയ്ത വേലയിലൂടെ ലഭിച്ചതിനു മറ്റു പലരും ദൈവത്തിനു നന്ദി പറയും.
\s5
\v 12 ഞങ്ങൾ ഈ പണം സ്വീകരിക്കുന്നത് ആവശ്യത്തിലിരിക്കുന്ന മശിഹായുടെ സഹോദരങ്ങളെ സഹായിക്കാൻ മാത്രമല്ല; നാമും അങ്ങനെ ചെയ്യുന്നതുകൊണ്ട് അനേകം വിശ്വാസികൾ ദൈവത്തിനു നന്ദി പറയും.
\v 13 നിങ്ങൾ ഈ ദൗത്യം ആരംഭിച്ചതിനാൽ, നിങ്ങൾ എങ്ങനെയുള്ള ആളുകളാണെന്നു കാണിച്ചു. ദൈവത്തെ അനുസരിക്കുകയും മശിഹായെക്കുറിച്ചുള്ള സുവിശേഷത്തിൽ അവൻ പറയുന്ന കാര്യങ്ങൾ വിശ്വസിക്കുകയും ചെയ്തുകൊണ്ട് നിങ്ങൾ ദൈവത്തെ ബഹുമാനിക്കുന്നു. നിങ്ങൾ ഉദാരമായി നൽകിക്കൊണ്ടും അവനെ ബഹുമാനിക്കുന്നു.
\v 14 നിങ്ങൾ നൽകുന്നവർ നിങ്ങളെ കാണാൻ വളരെയധികം ആഗ്രഹിക്കും; ദൈവം നിങ്ങളോടു ദയ കാണിച്ച അത്ഭുതകരമായ വഴി കാരണം അവർ നിങ്ങള്‍ക്കുവേണ്ടി പ്രാർത്ഥിക്കും.
\v 15 അവനില്‍നിന്നുള്ള ഈ ദാനത്തിനു ഞങ്ങൾ ദൈവത്തിനു നന്ദി പറയുന്നു—അവന്‍റെ ദാനം വളരെ വലുതാണ്, നമുക്ക് അതു വാക്കുകളിൽ പ്രകടിപ്പിക്കാൻ കഴിയില്ല.

\s5
\c 10
\p
\v 1 ഇപ്പോൾ പൌലൊസ് എന്ന ഞാൻ, നിങ്ങളോട് അപേക്ഷിക്കുന്നു—ഞാൻ താഴ്മയുള്ളവനും സൗമ്യനുമായ കാരണം മശിഹ എന്നെ അങ്ങനെ ചെയ്യുന്നതിനായി ആക്കിയിരിക്കുന്നു: ഞാൻ നിങ്ങളുടെ മുൻപിൽ ലജ്ജിച്ചു, എന്നാല്‍ വിദൂരത്തുനിന്ന് നിങ്ങൾക്ക് ഒരു കത്ത് എഴുതുമ്പോൾ ഞാൻ ശക്തനായിരുന്നു.
\v 2 ഞാൻ വരുമ്പോൾ നിങ്ങളോടു പരുഷമാകാതെയിരിപ്പാന്‍ അപേക്ഷിക്കുന്നു. എന്നിരുന്നാലും, ഞങ്ങൾ മാനുഷിക മാനദണ്ഡങ്ങൾക്കനുസൃതമായി പ്രവർത്തിക്കുന്നുവെന്നു കരുതുന്ന ആളുകൾക്കെതിരെ സംസാരിക്കുമ്പോള്‍ ഞാൻ അങ്ങനെ ആയിപ്പോകുമോയെന്ന് ഭയപ്പെടുന്നു.
\s5
\v 3 ഇപ്പോൾ ഞങ്ങള്‍ ഭൌതിക ശരീരത്തിലാണ് ജീവിക്കുന്നതെങ്കിലും, സൈന്യം യുദ്ധം ചെയ്യുമ്പോൾ ചെയ്യുന്ന അതേ തത്വങ്ങൾ ഉപയോഗിച്ചു ഞങ്ങള്‍ പോരാടുന്നില്ല.
\v 4 ഞങ്ങൾ ആയുധങ്ങളുമായി യുദ്ധം ചെയ്യുന്നു, എന്നാൽ ഈ ആയുധങ്ങൾ രൂപകൽപ്പന ചെയ്തിരിക്കുന്നതു മനുഷ്യരല്ല, ദൈവമാണ്. ഈ ആയുധങ്ങൾ ശക്തമാണ്, തെറ്റായ വാദങ്ങൾ കീറിമുറിക്കാൻ കഴിയുന്നത്ര ശക്തമാണ്.
\s5
\v 5 ഈവിധത്തിൽ എല്ലാ തെറ്റായ വാദങ്ങളെയും ദൈവത്തിന്നെതിരെ ഉയർന്നുവരാവുന്ന എല്ലാവരെയും നമുക്കു കീറിമുറിക്കാം. അവനെ അറിയുന്നതിൽനിന്ന് ആളുകളെ തടയുവാന്‍ ശ്രമിക്കുന്നത് അങ്ങനെയുള്ളവരാണ്. ആളുകളുടെ എല്ലാ ചിന്തകളും ഞങ്ങൾ സൂക്ഷിക്കുകയും നിലനിർത്തുകയും ചെയ്യുന്നു, ഒപ്പം ആ ചിന്തകളെ ഞങ്ങള്‍ തടവിലാക്കുകയും ചെയ്യുന്നു. തന്നെ അനുസരിക്കാത്തവരിൽ ദൈവം പ്രവർത്തിക്കുന്നു, അവർ ഒരു ദിവസം അവനിലേക്ക് തിരിഞ്ഞ് മശിഹായെ അനുസരിക്കുകയും ചെയ്യും.
\v 6 നിങ്ങൾ മശിഹായെ പൂർണമായും അനുസരിക്കുമ്പോൾ, അവനോട് അനുസരണക്കേടു കാണിക്കുന്ന ആരെയും ശിക്ഷിക്കാൻ ഞങ്ങൾ തയ്യാറാകും.
\s5
\v 7 നിങ്ങൾ വ്യക്തമായ വസ്തുതകൾ കാണണം. താന്‍ മശിഹായുടേതാണെന്ന് ആരെങ്കിലും വിശ്വസിച്ച് തിരിച്ചറിയുന്നുണ്ടെങ്കിൽ, അവൻ മശിഹായുടെ വകയായിരിക്കുന്നതുപോലെ, നാമും തിരിച്ചറിഞ്ഞ് അവനെ അംഗീകരിക്കാന്‍ ഓർക്കുക!
\v 8 അപ്പൊസ്തലന്മാരെന്ന ഞങ്ങളുടെ അധികാരത്തെക്കുറിച്ച് ഞാൻ എന്നെത്തന്നെ പ്രശംസിച്ചപ്പോൾ, അതു വളരെയധികം ആയിപ്പോയി എന്ന് നിങ്ങൾക്കു തോന്നിയിരിക്കാം. എന്നാൽ കർത്താവ് ആ അധികാരം എനിക്കു തന്നിരിക്കുന്നതു നിങ്ങളെ നശിപ്പിക്കാനല്ല, മറിച്ച് നിങ്ങളെ സഹായിക്കാനും ശക്തരാക്കാനുമാണ്. അതിനാൽ കർത്താവ് എനിക്കു നൽകിയ അധികാരത്തെക്കുറിച്ച് ഞാൻ ലജ്ജിക്കുന്നില്ല.
\s5
\v 9 നിങ്ങൾ വായിക്കുമ്പോൾ എന്‍റെ കത്തുകള്‍ ശക്തമാണെന്നു തോന്നുമെങ്കിലും, അവ വായിക്കുമ്പോൾ നിങ്ങൾ ഭയപ്പെടണമെന്ന് ഞാൻ ആഗ്രഹിക്കുന്നില്ല. അതുകൊണ്ടല്ല ഞാൻ ഇതു നിങ്ങൾക്ക് എഴുതുന്നത്.
\v 10 എന്നെ അറിയുകയും എന്‍റെ കത്തുകൾ വായിക്കുകയും ചെയ്യുന്ന ചിലർ പറയുന്നു, “അവന്‍ ശക്തമായ കാര്യങ്ങൾ പറയുന്നതിനാൽ നാം അവന്‍റെ കത്തുകൾ ഗൗരവമായി കാണണം, എന്നാൽ പൌലൊസ് നമ്മോടൊപ്പമുണ്ടെങ്കിൽ അവൻ ശാരീരികമായി ദുർബലനായതുകൊണ്ട്, അവൻ നമ്മുടെ വാക്കുകള്‍ കേള്‍ക്കുന്നില്ല.”
\s5
\v 11 ഞങ്ങളുടെ അസാന്നിധ്യത്തില്‍ ഞങ്ങളുടെ കത്തുകളില്‍ നിങ്ങള്‍ക്ക് എഴുതുന്നതു ഞങ്ങള്‍ നിങ്ങളോടൊപ്പമുള്ളപ്പോള്‍ ചെയ്യുന്നതായ കാര്യങ്ങള്‍ തന്നെ ആണെന്നു എന്നെ വിമര്‍ശിക്കുന്നവരെ അറിയിക്കുക.
\v 12 സ്വയം പ്രശംസിക്കുന്നവരുമായി താരതമ്യം ചെയ്യാൻ പോലും ഞങ്ങൾ ശ്രമിക്കാറില്ല. അവർ പരസ്പരം താരതമ്യം ചെയ്യുമ്പോൾ, അവർ ബുദ്ധിശൂന്യരാണെന്ന് ഇതു തെളിയിക്കുന്നു.
\s5
\v 13 ദൈവം നമുക്കു നൽകിയിട്ടുള്ള കാര്യങ്ങളെക്കുറിച്ച് മാത്രമേ നാം സ്വയം പ്രശംസിക്കുകയുള്ളൂ. അവൻ പ്രവർത്തിക്കുവാൻ പറഞ്ഞതുപോലെ മാത്രമേ ഞങ്ങൾ പ്രവൃത്തിക്കൂ; എന്നിരുന്നാലും, ഞങ്ങളുടെ പ്രവൃത്തിയിൽ നിങ്ങളും ഉൾപ്പെടുന്നു
\v 14 ഞങ്ങൾ നിങ്ങളെ സമീപിച്ചപ്പോൾ, ദൈവം ഞങ്ങളെ ജോലിക്കു നിയോഗിച്ച സ്ഥലത്തിനപ്പുറത്തേക്കു ഞങ്ങൾ പോയില്ല. അവൻ നിങ്ങളുടെ പ്രദേശം ഞങ്ങൾക്കു നൽകി, മശിഹായെക്കുറിച്ചുള്ള സുവിശേഷം ഞങ്ങൾ ആദ്യം നിങ്ങളോടു പറഞ്ഞു.
\s5
\v 15 ദൈവം മറ്റുള്ളവർക്കു നൽകിയ വേലയെക്കുറിച്ച് ഞങ്ങൾ വേല ചെയ്തതുപോലെ പ്രശംസിക്കുന്നില്ല, പകരം, നിങ്ങൾ കൂടുതൽ കൂടുതൽ ദൈവത്തെ വിശ്വസിക്കുമെന്നു ഞങ്ങൾ പ്രതീക്ഷിക്കുന്നു, അതുപോലെതന്നെ, പ്രവർത്തിക്കുവാൻ ഒരു വലിയ പ്രദേശം ദൈവം ഞങ്ങൾക്കു നൽകും.
\v 16 നിങ്ങൾ താമസിക്കുന്ന സ്ഥലത്തിനപ്പുറമുള്ള ആളുകളുമായി ഞങ്ങൾ സുവിശേഷം പങ്കുവെക്കുന്നതിനായി ഞങ്ങൾ ഇതു പ്രതീക്ഷിക്കുന്നു. ദൈവത്തിന്‍റെ മറ്റു ദാസന്മാർ, അവരുടെ സ്വന്തം പ്രദേശങ്ങളിൽ ചെയ്യുന്ന വേലയുടെ ബഹുമതി ഞങ്ങൾ ഏറ്റെടുക്കാറില്ല.
\s5
\v 17 തിരുവെഴുത്തുകൾ പറയുന്നു, “പ്രശംസിക്കുന്നവൻ കർത്താവിനെക്കുറിച്ചു പ്രശംസിക്കട്ടെ.”
\v 18 ഒരു വ്യക്തി താൻ ചെയ്തതിന്‍റെ പേരിൽ സ്വയം പുകഴുമ്പോൾ, അതു ചെയ്തതിനു കർത്താവ് പ്രതിഫലം നൽകുന്നില്ല. പകരം, താൻ അംഗീകരിക്കുന്നവർക്ക് അവൻ പ്രതിഫലം നൽകുന്നു.

\s5
\c 11
\p
\v 1 ഒരു വ്യക്തി സ്വയം പ്രശംസിക്കുന്നതു ബുദ്ധിശൂന്യമാണ്, എന്നാൽ അതാണ് ഞാൻ ചെയ്യുന്നത്. അല്പംകൂടി തുടരാൻ എന്നെ അനുവദിക്കുക.
\v 2 നിങ്ങളെ ശ്രദ്ധാപൂർവ്വം സംരക്ഷിക്കാൻ ഞാൻ ആഗ്രഹിക്കുന്നു. ദൈവം നിങ്ങളെ കാത്തുസൂക്ഷിക്കുന്ന രീതിയിൽ നിങ്ങളെ കാത്തുസൂക്ഷിക്കാൻ ഞാൻ ആഗ്രഹിക്കുന്നു. ഒരു ഭർത്താവിനെ മാത്രം വിവാഹം കഴിക്കുമെന്നു നിങ്ങൾക്കു വാഗ്ദാനം ചെയ്ത ഒരു പിതാവിനെപ്പോലെയാണ് ഞാൻ, വിശുദ്ധ കന്യകയായ മണവാട്ടിയെപ്പോലെ നിങ്ങളെ മശിഹായ്‌ക്കു സമർപ്പിക്കുന്നവനാകാൻ ആഗ്രഹിക്കുന്നു.
\s5
\v 3 എന്നാൽ നിങ്ങളെക്കുറിച്ചു ഞാൻ ചിന്തിക്കുമ്പോൾ, പിശാച് ഹവ്വായെ കബളിപ്പിച്ചതുപോലെ ആരെങ്കിലും നിങ്ങളെ കബളിപ്പിക്കുമോ എന്നു ഞാൻ ഭയപ്പെടുന്നു. സത്യസന്ധമായ ഹൃദയത്തോടെ മശിഹായെ സ്നേഹിക്കുന്നത് നിർത്താൻ ആരെങ്കിലും നിങ്ങളെ വശത്താക്കിയോയെന്നു ഞാൻ ഭയപ്പെടുന്നു.
\v 4 ഞാൻ നിങ്ങളോടു പറഞ്ഞതിനേക്കാൾ വ്യത്യസ്തമായ കാര്യങ്ങൾ യേശുവിനെക്കുറിച്ച് മറ്റൊരാൾ വന്നു നിങ്ങളോടു പറയുകയോ അല്ലെങ്കില്‍ ദൈവാത്മാവിൽനിന്ന് അന്യമായ ഒരു ആത്മാവിനെയോ മറ്റൊരു സുവിശേഷത്തെയോ സ്വീകരിപ്പാന്‍ ആവശ്യപ്പെടുന്നവരെ നിങ്ങള്‍ ശ്രദ്ധിക്കതിരിക്കേണ്ടതിനത്രേ ഞാന്‍ ഇതു പറയുന്നത്.
\s5
\v 5 ആളുകൾ ആ അധ്യാപകരെ “വിശിഷ്‌ട അപ്പൊസ്തലന്മാർ” എന്നു വിളിക്കുന്നു, പക്ഷേ അവർ എന്നെക്കാൾ വലിയവരാണെന്നു ഞാൻ കരുതുന്നില്ല.
\v 6 അതിശയകരമായ പ്രസംഗങ്ങൾ എങ്ങനെ നടത്താമെന്ന് ഞാൻ ഒരിക്കലും പഠിച്ചിട്ടില്ല എന്നതു ശരിയായിരിക്കാം, എന്നാൽ ഞാൻ നിങ്ങളോടു സംസാരിച്ചപ്പോൾ നിങ്ങൾ പഠിച്ചതുപോലെ ദൈവത്തെക്കുറിച്ച് പലതും എനിക്കറിയാം.
\s5
\v 7 എനിക്കു പകരം മറ്റുള്ളവർ നിങ്ങളെ പ്രശംസിക്കുന്ന തരത്തിൽ ഒരു എളിയ വ്യക്തിയായി നിങ്ങളെ സേവിക്കുന്നതു തെറ്റാണോ? പണം ഈടാക്കാതെ നിങ്ങളോടു സുവിശേഷം പ്രസംഗിക്കുന്നത് എന്‍റെ തെറ്റാണോ?
\v 8 അതെ, നിങ്ങളെ ശുശ്രൂഷിപ്പാന്‍ മറ്റു സഭകളിലെ വിശ്വാസികള്‍ എനിക്കു പണം നൽകാൻ ഞാൻ അനുവദിച്ചു. ഞാൻ അവരെ കൊള്ളയടിച്ചുവെന്ന് നിങ്ങൾ പറയുമായിരിക്കും . പക്ഷെ ഞാൻ നിങ്ങളോട് ഒന്നും ചോദിച്ചില്ല.
\v 9 ഞാൻ നിങ്ങളോടൊപ്പമുണ്ടായിരുന്ന ഒരു കാലത്ത് എനിക്കു പലതും ആവശ്യമായിരുന്നു, പക്ഷേ ഞാൻ നിങ്ങളോടു പണം ആവശ്യപ്പെട്ടിട്ടില്ല. മാസിഡോണിയയിൽനിന്നു വന്ന സഹോദരന്മാർ എനിക്ക് ആവശ്യമുള്ളതെല്ലാം നൽകി. ഞാൻ നിമിത്തം നിങ്ങൾ കഷ്ടപ്പെടാതിരിക്കാൻ ഞാൻ ആവുന്നതെല്ലാം ചെയ്തു, ഇതു ഞാൻ തുടരും.
\s5
\v 10 മശിഹായെക്കുറിച്ചും അവനുവേണ്ടി പ്രവർത്തിച്ചതിനെക്കുറിച്ചും പൂർണ്ണമായ സത്യം ഞാൻ പറയുന്നു. അതിനാൽ അഖായയിലെ എല്ലാ മേഖലയിലുമുള്ള എല്ലാവരേയും ഇതിനെക്കുറിച്ച് അറിയിക്കുന്നതു ഞാൻ തുടരും.
\v 11 ഞാൻ നിങ്ങളെ സ്നേഹിക്കാത്തതിനാലാണ് നിങ്ങളുടെ പണം നിരസിച്ചതെന്നു നിങ്ങൾ തീർച്ചയായും കരുതുന്നില്ല. അതിലും അപ്പുറമായി! ഞാൻ നിങ്ങളെ സ്നേഹിക്കുന്നുവെന്നു ദൈവത്തിന് അറിയാം.
\s5
\v 12 ഇതേരീതിയിൽ ഞാൻ നിങ്ങളെ ശുശ്രൂഷിക്കുന്നതു തുടരും, അതിനാൽ അവർ ഞങ്ങൾക്കു തുല്യരാണെന്ന് പറയുന്നവരെ ഞാൻ തടയുന്നു. അവർ എങ്ങനെ പ്രശംസിക്കുന്നുവെന്നതിന് ക്ഷമാപണം അര്‍ഹിക്കുന്നില്ല.
\v 13 അത്തരം ആളുകൾ ദൈവം തങ്ങളെ അയച്ചുവെന്ന് അവകാശപ്പെടുന്ന വ്യാജ അപ്പൊസ്തലന്മാരാണ്. അവർ എപ്പോഴും നുണ പറയുന്ന തൊഴിലാളികളാണ്, അവർ മശിഹായുടെ അപ്പൊസ്തലന്മാരായി നടിക്കുകയാണ്.
\s5
\v 14 അവർ നമ്മെ അത്ഭുതപ്പെടുത്തരുത്. സാത്താൻ പോലും ദൈവ സാന്നിധ്യത്തിന്‍റെ പ്രകാശത്താൽ പ്രകാശിക്കുന്ന ഒരു മാലാഖയാണെന്ന് നടിക്കുന്നു.
\v 15 അവന്‍റെ ദാസന്മാരും ദൈവത്തെ സേവിക്കുന്നതായി നടിക്കുന്നു; അവർ നല്ലവരാണെന്നു നടിക്കുന്നു. അവർക്ക് അർഹിക്കുന്നതുപോലെ ദൈവം അവരെ ശിക്ഷിക്കും.
\s5
\v 16 ഞാൻ ഒരു ബുദ്ധിശൂന്യനാണെന്ന് ആരും കരുതരുത്. പക്ഷേ നിങ്ങൾ എന്നെ ഒരു ബുദ്ധിശൂന്യനാണെന്ന് കരുതുന്നുവെങ്കിൽ, ഞാൻ എന്നെ കുറച്ചുകൂടി പ്രശംസിക്കുന്നതില്‍ മുമ്പോട്ടു പോകും.
\v 17 ഞാൻ ഈവിധത്തിൽ സംസാരിക്കുമ്പോൾ, കർത്താവ് എന്നെക്കുറിച്ച് ഇങ്ങനെയല്ല സംസാരിക്കുന്നത്; ഞാൻ ഒരു ബുദ്ധിശൂന്യനെപ്പോലെ സംസാരിക്കുന്നു.
\v 18 ഈ ജീവിതത്തിൽ തങ്ങൾ ആരാണെന്ന് പലരും അഭിമാനിക്കുന്നു. ശരി, എനിക്കും അങ്ങനെ ആകാം.
\s5
\v 19 നിങ്ങൾ സ്വയം ജ്ഞാനികളായതിനാൽ നിങ്ങൾ തീർച്ചയായും എന്‍റെ ബുദ്ധിശൂന്യത സഹിക്കും
\v 20 നിങ്ങളെ അടിമകളായി പരിഗണിച്ച നേതാക്കളെ നിങ്ങൾ സഹിച്ചതിനാലാണ് ഞാൻ ഇതു പറയുന്നത്; നിങ്ങളിൽ ഭിന്നത സൃഷ്ടിച്ചവരെ നിങ്ങൾ പിന്തുടർന്നു; നിങ്ങളെ മുതലെടുക്കാൻ നിങ്ങളുടെ നേതാക്കളെ നിങ്ങൾ അനുവദിച്ചു; മറ്റുള്ളവരെക്കാൾ മികച്ചവരാണെന്നു സ്വയം സങ്കൽപ്പിക്കാൻ നിങ്ങളുടെ നേതാക്കളെ നിങ്ങൾ അനുവദിച്ചു; നിങ്ങളെ മുഖത്തടിക്കാൻ നിങ്ങൾ അവരെ അനുവദിച്ചെങ്കിലും നിങ്ങൾ അതിനെക്കുറിച്ച് ഒന്നും ചെയ്യുന്നില്ല. അത്തരമൊരു കാര്യം ശരിക്കും ബുദ്ധിപരമല്ല!
\v 21 ഇത് അംഗീകരിക്കുന്നതിൽ എനിക്ക് ലജ്ജയുണ്ട്, എന്നാൽ തിമൊഥെയൊസിനും എനിക്കും നിങ്ങളോട് ആ കാര്യങ്ങൾ ചെയ്യാനുള്ള ശക്തിയില്ല. എന്തുതന്നെയായാലും മറ്റുള്ളവർ‌ ആത്മപ്രശംസ നടത്തുവാന്‍ തുനിയുമ്പോള്‍, ഒരു ബുദ്ധിശൂന്യമായവനെപ്പോലെ എനിക്കും ആത്മപ്രശംസ നടത്തുവാന്‍ കഴിയും.
\s5
\v 22 അവര്‍ സത്യസന്ധരായ എബ്രായരാണെന്ന് അവകാശപ്പെടുന്നു. ഞാനും അങ്ങനെ തന്നെ. അവർ യിസ്രായേല്യരാണെന്ന് അവകാശപ്പെടുന്നു. ഞാനും അങ്ങനെതന്നെ. അവർ അബ്രഹാമിന്‍റെ പിൻഗാമികളാണെന്ന് അവകാശപ്പെടുന്നു. ഞാനും അങ്ങനെതന്നെ.
\v 23 അവർ മശിഹായുടെ ദാസന്മാരാണോ? മനസ്സാന്നിധ്യം നഷ്ടപ്പെട്ട ഒരു മനുഷ്യനെപ്പോലെ ഞാന്‍ സംസാരിക്കുന്നു. അവരേക്കാള്‍ ഞാൻ കഠിനാധ്വാനം ചെയ്തു; അവരെക്കാൾ കൂടുതൽ ജയിലുകളിൽ കഴിഞ്ഞു; അവരെക്കാൾ കഠിനമായി ഞാന്‍ അടികൾ ഏറ്റു, അവരെക്കാൾ കൂടുതൽ തവണ ഞാൻ മരണത്തെ മുഖാമുഖം കണ്ടു.
\s5
\v 24 യഹൂദന്മാർ എന്നെ അഞ്ചു പ്രാവശ്യം മുപ്പത്തൊമ്പതു ചാട്ടവാറടികളാൽ ശിക്ഷിച്ചു, ഓരോ തവണയും മരണത്തോളം എന്നെ അടിക്കുന്നു.
\v 25 തടവിലാക്കിയര്‍ മൂന്നു പ്രാവശ്യം എന്നെ കോല്‍കൊണ്ട് അടിച്ചു. ഒരിക്കൽ അവർ എന്നെ കല്ലെറിഞ്ഞു കൊല്ലാൻ ശ്രമിച്ചു. ഞാൻ ഉണ്ടായിരുന്ന മൂന്നു വ്യത്യസ്ത കപ്പലുകൾ കൊടുങ്കാറ്റിൽ തകര്‍ന്നു, രക്ഷപ്പെടുമെന്നു പ്രതീക്ഷിച്ചു. ഞാൻ ഒരു രാത്രിയും പകലും സമുദ്രത്തിൽ ചെലവഴിച്ചു.
\v 26 ഞാൻ നിരവധി യാത്രകള്‍ ചെയ്തിട്ടുണ്ട്, നദികളിലെ ആപത്തുകളെക്കുറിച്ച് എനിക്കറിയാം, കവർച്ചക്കാരിൽനിന്നുള്ള ആപത്ത്, എന്‍റെ സ്വന്തം ജനമായ യെഹൂദന്മാരില്‍ നിന്നുള്ള ആപത്ത്, യഹൂദേതരരാലുള്ള ആപത്ത്, പട്ടണങ്ങളിലുള്ള ആപത്ത്, മരുഭൂമിയിലെ ആപത്ത്, സമുദ്രത്തിലെ ആപത്ത്, ഞങ്ങളെ ഒറ്റിക്കൊടുത്ത വ്യാജ സഹോദരന്മാരിൽനിന്നുള്ള ആപത്ത് എന്നിവ ഞാന്‍ അറിഞ്ഞു.
\s5
\v 27 ഞാൻ കഠിനാധ്വാനം ചെയ്യുകയും കഷ്ടത അനുഭവിക്കുകയും ചെയ്തു, പലപ്പോഴും ഉറക്കമില്ലാതെ ആയിരുന്നു; ഒന്നും കഴിക്കാതെ വിശപ്പും ദാഹവും എനിക്ക് ഉണ്ടായിരുന്നു. എനിക്കു മതിയായ വസ്ത്രവുമില്ലാതിരുന്നതിനാല്‍ തണുപ്പും സഹിച്ചു.
\v 28 ഇതിനെല്ലാം പുറമേ, സഭകൾ എത്ര നന്നായി പ്രവർത്തിക്കുന്നു എന്നതിനെക്കുറിച്ച് ഓര്‍ത്ത് എല്ലാ ദിവസവും ഞാൻ വിഷമിക്കുന്നു.
\v 29 എന്നെ കൂടാതെ അവനോടൊപ്പം ബലഹീനതയുള്ള ദുർബലനായ ഒരു സഹവിശ്വാസിയുമില്ല. പാപസംബന്ധമായി എനിക്കു കോപം ജനിപ്പിക്കാതെ ഒരു വിശ്വാസിപോലും സഹവിശ്വാസിയെ പാപത്തിലേക്ക് നയിച്ചിട്ടില്ല.
\s5
\v 30 ഞാൻ ഇതുപോലുള്ള കാര്യങ്ങളെക്കുറിച്ചും ഞാൻ എത്ര ദുർബലനാണെന്നും കാണിക്കുന്ന കാര്യങ്ങളെക്കുറിച്ചു മാത്രമേ പ്രശംസിക്കുകയുള്ളൂ.
\v 31 കർത്താവായ യേശുക്രിസ്തുവിന്‍റെ ദൈവവും പിതാവുമായവനെ എല്ലാവരും സ്തുതിക്കട്ടെ! ഞാൻ പറയുന്നതു കള്ളമല്ലെന്ന് അവനറിയാം!
\s5
\v 32 ദമാസ്കസ് നഗരത്തിൽ, അരേതാ രാജാവിന്‍റെ കീഴിലുള്ള ഗവർണർ എന്നെ അറസ്റ്റ് ചെയ്യാമെന്ന പ്രതീക്ഷയിൽ നഗരത്തിനു ചുറ്റും ഒരു കാവൽ ഏർപ്പെടുത്തി.
\v 33 എന്നാൽ എന്‍റെ സുഹൃത്തുക്കൾ എന്നെ ഒരു കൊട്ടയിൽ ആക്കി, മതിലിലെ ഒരു ജനലിലൂടെ പട്ടണത്തിൽനിന്നും എന്നെ ഇറക്കിവിട്ടു, അവരിൽനിന്നു ഞാൻ രക്ഷപ്പെട്ടു.

\s5
\c 12
\p
\v 1 ഗുണം ചെയ്യുന്നില്ലെങ്കിലും, ഞാൻ സ്വയം പ്രതിരോധിക്കുന്നതു തുടരണം, അതിനാൽ കർത്താവ് എനിക്കു നൽകിയ ചില ദർശനങ്ങളെക്കുറിച്ച് പ്രശംസിക്കുന്നതിലൂടെ ഞാൻ അതു തുടരും
\v 2 പതിന്നാലു വർഷം മുമ്പ് ദൈവം എന്നെ, മശിഹായുടെകൂടെ ചേർന്ന ഒരു മനുഷ്യനെ, ഏറ്റവും ഉയർന്ന സ്വര്‍ഗ്ഗത്തിലേക്കു കൊണ്ടുപോയി—എങ്കിലും ആത്മാവിലാണോ ശരീരത്തിലാണോ എന്നെ അവൻ എടുത്തതെന്നു ദൈവത്തിനു മാത്രമേ അറിയൂ.
\s5
\v 3 ഞാൻ എന്‍റെ ശരീരത്തിലാണോ ആത്മാവിലാണോ എന്നു ദൈവത്തിനു മാത്രമേ അറിയൂ
\v 4 സ്വർഗത്തിലെ പറുദീസ എന്ന സ്ഥലത്തേക്ക് എന്നെ കൊണ്ടുപോയി. വളരെ വിശുദ്ധവും നിങ്ങളോടു പറയാൻ കഴിയാത്തതുമായ കാര്യങ്ങൾ ഞാൻ അവിടെ കേട്ടു
\v 5 എനിക്ക് അതിനെക്കുറിച്ച് പ്രശംസിക്കാൻ കഴിയും—എന്നാൽ എല്ലാം സംഭവിക്കുമാറാക്കിയതു ദൈവമാണ്, ഞാനല്ല—എന്നെ സംബന്ധിച്ചിടത്തോളം, ഒരു ദുർബലനായ എന്നിൽ ദൈവം എങ്ങനെ പ്രവർത്തിക്കുന്നു എന്നതിനെക്കുറിച്ച് മാത്രമേ എനിക്ക് അഭിമാനിക്കാൻ കഴിയൂ.
\s5
\v 6 ഞാൻ എന്നെക്കുറിച്ച് പ്രശംസിച്ചുകൊണ്ടിരിക്കുകയാണെങ്കിലും ഞാൻ ബുദ്ധിശൂന്യനാകില്ല, കാരണം ഞാൻ സത്യം മാത്രമേ പറയൂ. എന്നിരുന്നാലും, ഞാൻ ഇനി പ്രശംസിക്കുകയില്ല, അതിനാൽ ഞാൻ പറയുന്നതു നിങ്ങൾ കേൾക്കുന്നതിലൂടെയോ അല്ലെങ്കിൽ എന്നെക്കുറിച്ച് നിങ്ങൾക്ക് ഇതിനകം അറിയാവുന്നതിലൂടെയോ മാത്രമേ നിങ്ങൾക്ക് എന്നെ വിധിക്കുവാൻ കഴിയൂ.
\v 7 അതിനാൽ ദൈവം എനിക്കു നൽകിയ അത്ഭുതകരമായ ദർശനങ്ങളുടെ വിഷയം ഞാൻ ഉപേക്ഷിക്കും; എനിക്കു സഹിക്കാൻ വളരെ പ്രയാസകരമായ ഒരു കാര്യം, സാത്താനിൽനിന്നുള്ള ഒരു ഉപകരണം ദൈവം എനിക്കു നല്‍കിയതായി ഞാൻ നിങ്ങളോടു പറയണം. ഞാൻ കണ്ട ദർശനങ്ങളെക്കുറിച്ച് അഭിമാനിക്കാതിരിക്കാനാണ് ദൈവം ഇതു ചെയ്തത്.
\s5
\v 8 ഇക്കാര്യത്തിൽ ഞാൻ മൂന്നു പ്രാവശ്യം കർത്താവിനോട് പ്രാർത്ഥിച്ചു; ഓരോ തവണയും ഇത് എന്നിൽനിന്ന് അകറ്റാൻ ഞാൻ അവനോട് അപേക്ഷിച്ചു.
\v 9 അവൻ എന്നോടു പറഞ്ഞു, “ഇല്ല, ഞാൻ നിന്നിൽനിന്ന് ഇതു എടുത്തുകളയുകയില്ല. നിനക്കു വേണ്ടതു ഞാൻ നിന്നെ സ്നേഹിക്കുകയും നിങ്ങളോടൊപ്പമുണ്ടാകുകയും ചെയ്യുക എന്നതാണ്, കാരണം നീ ബലഹീനനായിരിക്കുമ്പോൾ ഞാൻ നിന്നിൽ എന്‍റെ ഏറ്റവും ശക്തമായ ജോലി ചെയ്യുന്നു. "അതുകൊണ്ടാണ് എന്‍റെ ബലഹീനതയെക്കുറിച്ച് ഞാൻ അഭിമാനിക്കുന്നത്, അതിനാൽ മശിഹായുടെ ശക്തിയാല്‍ എനിക്കു ശക്തനാകാന്‍ കഴിയും.
\v 10 മശിഹ എന്നോടൊപ്പമുള്ളതിനാൽ എനിക്ക് എന്തും നേരിടാൻ കഴിയും. ഞാൻ ദുർബലനായിരിക്കണം, അല്ലെങ്കിൽ മറ്റുള്ളവർ എന്നെ പുച്ഛത്തോടെ പെരുമാറാം, അല്ലെങ്കിൽ എനിക്കു വലിയ ബുദ്ധിമുട്ടുകൾ ഉണ്ടായിരിക്കണം, അല്ലെങ്കിൽ മറ്റുള്ളവർ എന്നെ കൊല്ലാൻ ശ്രമിച്ചേക്കാം. പലതരം ബുദ്ധിമുട്ടുകൾ ഞാൻ തുടർന്നും അനുഭവിച്ചേക്കാം. എന്തായാലും, എന്‍റെ ശക്തി ഇല്ലാതാകുമ്പോൾ, ഞാൻ ഏറ്റവും ശക്തനാണ്.
\s5
\v 11 ഈ രീതിയിൽ എഴുതുമ്പോൾ ഞാൻ എന്നെത്തന്നെ പ്രശംസിക്കുന്നു. പക്ഷെ എനിക്ക് അങ്ങനെ ചെയ്യേണ്ടിവന്നു, കാരണം നിങ്ങൾക്ക് എന്നിൽ വിശ്വാസമുണ്ടായിരിക്കണം. ഞാൻ യഥാര്‍ത്ഥത്തില്‍ ഒന്നുമല്ലെങ്കിലും ഈ “ശ്രേഷ്ഠ അപ്പൊസ്തലന്മാരെ” പോലെതന്നെ നല്ലവനാണ്.
\v 12 ഒരു ആധികാരിക അപ്പൊസ്തലൻ എന്നതിന്‍റെ യഥാർത്ഥ അടയാളങ്ങൾ ഞാൻ നിങ്ങൾക്കു തന്നു—ഞാൻ നിങ്ങളുടെ ഇടയിൽ വളരെ ക്ഷമയോടെ ചെയ്ത അത്ഭുതങ്ങൾ: മശിഹായായ യേശുവിനെ ഞാൻ യഥാർഥത്തിൽ സേവിക്കുന്നുവെന്നു തെളിയിച്ച അതിശയിപ്പിക്കുന്ന അത്ഭുതങ്ങൾ.
\v 13 മറ്റെല്ലാ സഭകളെയും പോലെ നിങ്ങൾ തീർച്ചയായും നിങ്ങൾക്കും പ്രാധാന്യമുണ്ടായിരുന്നു! നിങ്ങൾ വ്യത്യസ്തരായിരുന്ന ഒരേയൊരു വഴി ഞാൻ അവരിൽനിന്ന് ചെയ്തതുപോലെ നിങ്ങളിൽനിന്ന് എനിക്ക് പണം ലഭിച്ചില്ല എന്നതാണ്. ഞാൻ നിങ്ങളിൽനിന്ന് ഇതു ചോദിക്കാത്തതിൽ ക്ഷമിക്കുക!
\s5
\v 14 അതിനാൽ ഇതു ശ്രദ്ധിക്കൂ! ഞാൻ ഇപ്പോൾ നിങ്ങളെ മൂന്നാം തവണ സന്ദർശിക്കാൻ തയ്യാറാണ്, ഈ യാത്രയിൽ, മറ്റെല്ലാവരെയും പോലെ, ഞാൻ നിങ്ങളോട് ഒരു പണവും ആവശ്യപ്പെടുകയില്ല. നിങ്ങളുടെ പക്കലുള്ളതൊന്നും ഞാൻ ആഗ്രഹിക്കുന്നില്ല. എനിക്കു വേണ്ടതു നിങ്ങളാണ്! നമ്മുടെ കുടുംബങ്ങളിൽ നാമെല്ലാവരും പിന്തുടരുന്ന തത്വം നിങ്ങൾക്കറിയാം: കുട്ടികൾ അവരുടെ മാതാപിതാക്കളുടെ ചെലവുകൾ നൽകേണ്ടതില്ല, പക്ഷേ കുട്ടികളുടെ ചെലവുകൾ വഹിക്കാൻ വേണ്ടി മാതാപിതാക്കൾ ലാഭിക്കുന്നു.
\v 15 എന്‍റെ ജീവൻ നഷ്ടപ്പെടുന്നു എന്നാണെങ്കിൽപ്പോലും, നിങ്ങൾക്കായി എനിക്കു കഴിയുന്നതെല്ലാം ഞാൻ വളരെ സന്തോഷത്തോടെ ചെയ്യും. എല്ലാ കാലത്തെക്കാളും കൂടുതല്‍ ഞാൻ നിങ്ങളെ സ്നേഹിക്കുന്നു എന്നർത്ഥം, തീർച്ചയായും നിങ്ങൾ മുമ്പത്തെക്കാള്‍ കൂടുതല്‍ എന്നെ സ്നേഹിക്കണം.
\s5
\v 16 അതിനാൽ, ഞാൻ നിങ്ങളോടു പണം ആവശ്യപ്പെട്ടിട്ടില്ലെങ്കിലും, എനിക്ക് ആവശ്യമുള്ളതെല്ലാം നൽകുന്നതിന് എന്നെ അനുവദിക്കാൻ ഞാൻ നിങ്ങളെ കബളിപ്പിച്ചുവെന്ന് ആരെങ്കിലും പറഞ്ഞേക്കാം.
\v 17 നിങ്ങളുടെ അടുക്കൽ ഞാൻ അയച്ച ആളുകളോട് ഞാൻ ഒരിക്കലും നിങ്ങളില്‍നിന്നു പണം വാങ്ങി എന്‍റെ അടുത്തുകൊണ്ടുവരാൻ ആവശ്യപ്പെട്ടിട്ടില്ല!
\v 18 ഉദാഹരണത്തിന്, ഞാൻ തീത്തോസിനെയും മറ്റ് സഹോദരനെയും നിങ്ങളുടെ അടുത്തേക്ക് അയച്ചു, പക്ഷേ അവരെ പിന്തുണയ്ക്കാൻ അവർ നിങ്ങളോട് ആവശ്യപ്പെട്ടില്ല. തീത്തോസ് ഒരിക്കലും തങ്ങളുടെ ചെലവുകൾ വഹിക്കാൻ നിങ്ങളെ പ്രേരിപ്പിച്ചില്ല. തീത്തോസും മറ്റേ സഹോദരനും ഞാൻ ചെയ്തതുപോലെ നിങ്ങളോടു പെരുമാറി. ഞങ്ങൾ ഞങ്ങളുടെ ജീവിതം അതേരീതിയിൽ ജീവിച്ചു; നിങ്ങൾ ഒരിക്കലും ഞങ്ങൾക്കുവേണ്ടി ഒന്നും നൽകേണ്ടതില്ല.
\s5
\v 19 തീർച്ചയായും, ഈ കത്തിൽ ഞാൻ എന്നെത്തന്നെ പ്രതിരോധിക്കാൻ ശ്രമിക്കുകയാണെന്ന് നിങ്ങൾ ശരിക്കും ചിന്തിക്കരുത്. ഞാൻ മശിഹായുമായി ചേർന്നിരിക്കുന്നുവെന്നും അവനിൽ വിശ്വസിക്കുന്നതിൽ നിങ്ങളെ ശക്തിപ്പെടുത്തുവാനാണ് ഞാൻ എല്ലാം എഴുതിയതെന്നും ദൈവത്തിന് അറിയാം
\s5
\v 20 ഞാൻ നിങ്ങളുടെ അടുക്കൽ വരുമ്പോൾ, ആഗ്രഹിച്ചതുപോലെ ഞാൻ നിങ്ങളെ കണ്ടെത്തിയേക്കില്ല. ഞാൻ വരുമ്പോൾ ഞാന്‍ പറയുന്നതു കേൾക്കാൻ നിങ്ങൾ ആഗ്രഹിച്ചേക്കില്ല. നിങ്ങൾ തമ്മിൽ ധാരാളം തർക്കങ്ങൾ നടക്കുന്നുണ്ടെന്നും നിങ്ങളിൽ ചിലർ പരസ്പരം അസൂയപ്പെടുന്നുവെന്നും നിങ്ങളിൽ ചിലർ പരസ്പരം വളരെ കോപിക്കുന്നുവെന്നും ഞാൻ ഭയപ്പെടുന്നു. നിങ്ങളിൽ ചിലർ സ്വയം ഒന്നാം സ്ഥാനത്ത് ഇരിക്കുന്നുവെന്നും അതു നിങ്ങൾ പരസ്പരം സംസാരിക്കുന്നുവെന്നും നിങ്ങളിൽ ചിലർ വളരെ സ്വാർത്ഥരാകയാലും ഞാൻ ഭയപ്പെടുന്നു.
\v 21 ഞാൻ നിങ്ങളുടെ അടുക്കൽ വന്നു നിങ്ങളെ കാണുമ്പോൾ ദൈവം എന്നെ താഴ്ത്തുമെന്നു ഞാൻ ഭയപ്പെടുന്നു. നേരത്തെ ദൈവത്തോട് അനുസരണക്കേട് കാണിക്കുകയും വിവിധ ലൈംഗിക രീതികളിൽ പാപം ചെയ്യുന്നത് അവസാനിപ്പിക്കാതിരിക്കുകയും ചെയ്ത നിങ്ങളിൽ പലർക്കും വേണ്ടി ഞാൻ വിലപിക്കേണ്ടിവരുമെന്നു ഞാൻ ഭയപ്പെടുന്നു.

\s5
\c 13
\p
\v 1 മൂന്നാം തവണയാണ് ഞാൻ ഇക്കാര്യങ്ങൾ കൈകാര്യം ചെയ്യാൻ നിങ്ങളുടെയടുത്തു വരുന്നത്. ഈ പ്രശ്‌നങ്ങൾ കൈകാര്യം ചെയ്യുന്നതിലെ തത്വം തിരുവെഴുത്തു പറയുന്നത് ഇതാണ്: “മറ്റൊരാൾക്കെതിരായ എല്ലാ ആരോപണങ്ങളും ഒരാൾ മാത്രമല്ല, രണ്ടോ മൂന്നോ വ്യക്തികളുടെ സാക്ഷ്യത്തെ അടിസ്ഥാനമാക്കിയുള്ളതായിരിക്കണം,”.
\v 2 രണ്ടാമത്തെ സന്ദർശനത്തിനെത്തിയപ്പോൾ ഞാൻ പാപം ചെയ്തവരോടും സഭയുടെ മുമ്പാകെ കുറ്റം ചുമത്തപ്പെട്ടവരോടും മുഴുവൻ സഭയോടും പറഞ്ഞത്, ഞാൻ വീണ്ടും പറയുന്നു: ഈ ആരോപണങ്ങൾക്കു ഞാൻ മാപ്പുകൊടുക്കുകയില്ല.
\s5
\v 3 മശിഹ എന്നിലൂടെയാണ് സംസാരിക്കുന്നത് എന്നതിന്‍റെ തെളിവ് നിങ്ങൾ അന്വേഷിക്കുന്നതുകൊണ്ടാണ് ഞാൻ ഇതു നിങ്ങളോടു പറയുന്നത്. നിങ്ങളോട് ഇടപെടുന്നതിൽ അവൻ ദുർബലനല്ല; പകരം, അവൻ അവന്‍റെ മഹത്തായ ശക്തിയാൽ നിങ്ങളിൽ പ്രവർത്തിക്കുന്നു
\v 4 മശിഹായുടെ മാതൃകയിൽനിന്നു നാം പഠിക്കുന്നു, കാരണം അവൻ ബലഹീനനായിരുന്നപ്പോൾ അവർ അവനെ ക്രൂശിച്ചു, എന്നിട്ടും ദൈവം അവനെ വീണ്ടും ജീവിപ്പിച്ചു. നാം ജീവിക്കുകയും അവന്‍റെ മാതൃക പിന്തുടരുകയും ചെയ്യുമ്പോൾ നാമും ബലഹീനരാണ്, എന്നാൽ നിങ്ങളിൽ ചിലർ ചെയ്ത ഈ പാപങ്ങളെക്കുറിച്ച് ഞങ്ങള്‍ നിങ്ങളോടു സംസാരിച്ചപ്പോൾ അവനോടൊപ്പം ദൈവം നമ്മെ ശക്തിപ്പെടുത്തി.
\s5
\v 5 നിങ്ങൾ സ്വയം പരിശോധിക്കുകയും നിങ്ങൾ എങ്ങനെ ജീവിതം നയിക്കുന്നു എന്നു കാണുകയും വേണം. ദൈവം നിങ്ങളെ എങ്ങനെ സ്നേഹിക്കുന്നുവെന്നും നിങ്ങളോട് എപ്രകാരം കരുണ കാണിക്കുന്നുവെന്നും നിങ്ങൾ വിശ്വസിക്കുന്ന തെളിവുകൾക്കായി അന്വേഷിക്കണം. യേശു മശിഹ നിങ്ങളുടെ ഉള്ളിൽ വസിക്കുന്നുണ്ടോ എന്നു ചോദിക്കുകയും നിങ്ങൾ സ്വയം പരീക്ഷിക്കുകയും ചെയ്യുവിന്‍. നിങ്ങൾ ഈ പരിശോധനയിൽ പരാജയപ്പെടുന്നില്ലെങ്കിൽ തീർച്ചയായും, നിങ്ങളിൽ ഓരോരുത്തരിലും അവൻ ജീവിക്കുന്നു.
\v 6 ഞങ്ങൾ പരീക്ഷയിൽ വിജയിക്കുകയും മശിഹ ഞങ്ങളിൽ വസിക്കുകയും ചെയ്യുന്നുവെന്നു നിങ്ങൾ കണ്ടെത്തുമെന്നു ഞാൻ പ്രതീക്ഷിക്കുന്നു.
\s5
\v 7 നിങ്ങൾ തെറ്റായ ഒന്നും ചെയ്യാതിരിപ്പന്‍ ഞങ്ങൾ ഇപ്പോൾ ദൈവത്തോടു പ്രാർത്ഥിക്കുന്നു. ആ പരീക്ഷണം വിജയിച്ചുകൊണ്ട് നിങ്ങളെക്കാൾ മികച്ചതായി തോന്നാൻ ഞങ്ങൾ ആഗ്രഹിക്കുന്നതിനാലല്ല ഞങ്ങൾ ഇതിനായി പ്രാർത്ഥിക്കുന്നത്. പകരം, നിങ്ങൾ ശരിയായ കാര്യങ്ങൾ അറിയുകയും പ്രവർത്തിക്കുകയും ചെയ്യണമെന്നു ഞങ്ങൾ ആഗ്രഹിക്കുന്നതിനാലാണ്. പരാജയപ്പെട്ടുവെന്നു ഞങ്ങൾക്കു തോന്നുകയാണെങ്കിൽപ്പോലും, നിങ്ങൾ വിജയിക്കണമെന്നു ഞങ്ങൾ ആഗ്രഹിക്കുന്നു.
\v 8 നാം ചെയ്യുന്നതിനെ സത്യം നിയന്ത്രിക്കുന്നു; നമുക്കു സത്യത്തിനെതിരെ ഒന്നും ചെയ്യാൻ കഴിയില്ല.
\s5
\v 9 ഞങ്ങൾ ബലഹീനരും നിങ്ങൾ ശക്തരുമായിരിക്കുമ്പോഴും ഞങ്ങൾക്കു സന്തോഷമുണ്ട്. നിങ്ങൾ എപ്പോഴും ദൈവത്തെ പൂർണ്ണമായി വിശ്വസിക്കുകയും അനുസരിക്കുകയും ചെയ്യണമെന്നു ഞങ്ങൾ പ്രാർത്ഥിക്കുന്നു
\v 10 ഇപ്പോൾ ഞാൻ ഇതു നിങ്ങൾക്ക് എഴുതുമ്പോൾ നിങ്ങളിൽനിന്ന് അകലെയാണ്. ഞാൻ നിങ്ങളുടെ അടുക്കൽ വരുമ്പോൾ, ഞാൻ നിങ്ങളോടു പരുഷമായി പെരുമാറേണ്ടതില്ല. കർത്താവ് എന്നെ ഒരു അപ്പൊസ്തലനാക്കിയതിനാൽ, നിങ്ങളെ പ്രോത്സാഹിപ്പിക്കാനും നിങ്ങളെ ദുർബലപ്പെടുത്താതിരിക്കാനുമാണ് ഞാൻ ആഗ്രഹിക്കുന്നത്.
\s5
\v 11 സഹോദരീസഹോദരന്മാരേ, അവസാനത്തെ കാര്യം, ഇതാണ്: സന്തോഷിക്കൂ! നിങ്ങൾ പ്രവർത്തിച്ചതിനേക്കാൾ നന്നായി പ്രവർത്തിക്കുകയും പെരുമാറുകയും ചെയ്യുക, നിങ്ങൾക്കു ധൈര്യം നൽകാൻ കർത്താവിനെ അനുവദിക്കുക. പരസ്പരം യോജിക്കുകയും സമാധാനത്തോടെ ജീവിക്കുകയും ചെയ്യുക. നിങ്ങൾ ഇവ ചെയ്താൽ, നിങ്ങളെ സ്നേഹിക്കുകയും സമാധാനം നൽകുകയും ചെയ്യുന്ന ദൈവം നിങ്ങളോടൊപ്പമുണ്ടാകും.
\v 12 നിങ്ങൾ പരസ്പരം എത്രമാത്രം സ്നേഹിക്കുന്നുവെന്ന് എല്ലാവരോടും വെളിവാക്കുന്ന രീതിയിൽ പരസ്പരം സ്വാഗതം ചെയ്യുക.
\s5
\v 13 കർത്താവായ യേശു മശിഹ നിങ്ങളെ അനുഗ്രഹിക്കുകയും നിങ്ങളോടു കരുണ കാണിക്കുകയും ചെയ്യട്ടെ എന്നു ഞാൻ പ്രാർത്ഥിക്കുന്നു. ദൈവം തന്‍റെ സ്നേഹത്താൽ നിങ്ങളെ അനുഗ്രഹിക്കട്ടെ, പരിശുദ്ധാത്മാവ് നിങ്ങളുടെ എല്ലാ ഹൃദയങ്ങളെയും ഒരുമിച്ചു ചേര്‍ക്കട്ടെ.
\v 14 കർത്താവായ യേശു മശിഹ നിങ്ങളോടു ദയയോടെ പ്രവർത്തിക്കട്ടെ, ദൈവം നിങ്ങളെ സ്നേഹിക്കട്ടെ, പരിശുദ്ധാത്മാവ് നിങ്ങളോടൊപ്പമുണ്ടായിരിക്കുമാറാകട്ടെ.