I oro tönö Gedeon nö ai tö nu wai toita api Tiosö saia totiapalawi a nö tö nu tama sinimo opawi tö nu tapalöma. Maike i nu tö nu waina sanöma töpö japalo toita apa sisama. Inatö kuaiaja Tiosö nö Israel tili töpö wasisama kotama. töpö nisi taö öpawi töpönö Tiosö pina i töpö sakömaköma. Töpö pi joni ipa salo töpö pasilia kopalöpö töna Tiosö na töpö nako jöto koiaja, töpö löa konöpö töna Tiosö nö ai löa kowi a sima jöta kopalöma.