"Au pusupa Sarai nö ai ula tapalö piasalo, ia liki au ulu sa toto pianoi ia kupaso piasalo. Isaac i wa jilo tapalö pökö. Ia naja satö tama piale i töjö, ia nö sa kuiaja tö tama totiatalo opa pö töjö, itö pewöna sa japalo piasalo, Isaac i ola sa töpö pala totimanö piasalo. Ismael i ola sa töpö pala totia naimanö piasalo, maike satö tama piale i Isaac na i satö tama totio asa piasalo". Ina Tiosö kuma. Ina tö kuanö "sateje toti ipi töpö i pöa" tö kutowi töna Tiosö nö Abram jilo ta noma kopalönö, Abraham a jilo ta nomöpalöma. Tiosö nö Sarai jilo tikoa naia kopalönö, "kaikana tö patea" tö kutowi töna Sarah a jilo ta naia kopalöma.
See in Reader
