# يوحنا يعمد يسوع

![OBS Image](https://cdn.door43.org/obs/jpg/360px/obs-en-24-01.jpg)

يوحنا، ولد زكريا و اليصابات، كبر و بقى نبى. سكن فى البرية، بياكل عسل البرية و الجراد و بلبس ملابس عملوها من صوف الجمل .

![OBS Image](https://cdn.door43.org/obs/jpg/360px/obs-en-24-02.jpg)

ناس كتير خرجوا  للبرية عشان يسمعوا ليوحنا. هو بشرهم وقال ليهم : "توبوا،  لان ملكوت الله  قريب!"

![OBS Image](https://cdn.door43.org/obs/jpg/360px/obs-en-24-03.jpg)

لمن الناس سمعوا رسالة يوحنا، كتار منهم تابوا من خطاياهم و يوحنا عمدهم. كمان  كتير من القادة  الدينين جوا عشان يشوفوا يوحنا، لكن هم ما تابوا ولا اعترفوا بخطاياهم.

![OBS Image](https://cdn.door43.org/obs/jpg/360px/obs-en-24-04.jpg)

يوحنا قال للقادة الدينين: "انتو دبايب سامة! توبوا و غيروا سلوككم . الله حيقطع اي  شجرة  الما بتجيب ثمر كويس، حيرميها  فى النار" . يوحنا تمم  القالوا  الانبياء، "شوفوا ، انا  قريب  برسل رسولى قدامك، البجهز طريقك" .

![OBS Image](https://cdn.door43.org/obs/jpg/360px/obs-en-24-05.jpg)

بعض من القادة الدينين سالوا يوحنا لو كان  هو  المسيا. يوحنا جاوب "انا ما المسيا لكن هو جاى بعدى . هو عظيم شديد حتى انا ما بستحق افك رباط نعاله".

![OBS Image](https://cdn.door43.org/obs/jpg/360px/obs-en-24-06.jpg)

فى اليوم التاني، يسوع جاء ليوحنا عشان يعمدو، لمن يوحنا شافو قال: "شوفوا! ياهو داك حمل الله البشيل خطايا العالم" .

![OBS Image](https://cdn.door43.org/obs/jpg/360px/obs-en-24-07.jpg)

يوحنا قال ليسوع:  "انا ما بستحق عشان اعمدك. انت  المفترض تعمدنى بدل ده ".  لكن يسوع قال: "انت المفروض تعمدنى . لانو ده الحاجة الصح عشان تعمله". يوحنا عمده رغم انو يسوع ما عمل  خطية  ابدا   .

![OBS Image](https://cdn.door43.org/obs/jpg/360px/obs-en-24-08.jpg)

لمن يسوع طلع من الموية  بعد  ما عمدو، روح الله  ظهر فى شكل حمامة و نزل و استقر عليهو . فى نفس الزمن، الله اتكلم من السماء. وقال: " انت ابني  ، انا بحبك و انا فرحان بيك شديد" .

![OBS Image](https://cdn.door43.org/obs/jpg/360px/obs-en-24-09.jpg)

الله كلم يوحنا: "الروح القدس حينزل  ويستقر علي  زول  انت عمدتو . الزول ده هو ابن الله". فى الله واحد  بس . لكن لمن يوحنا عمد يسوع، هو سمع الله الاب بتكلم، شاف الله الابن، هو يسوع، و شاف الروح القدس.

_القصة من الكتاب المقدس ماخوذة من انجيل متى ٣   و انجيل مرقس ١:٩ - ١١ ، وانجيل لوقا ٣: ١- ٢٣ ._