# الله يبارك يعقوب

![OBS Image](https://cdn.door43.org/obs/jpg/360px/obs-en-07-01.jpg)

لمن الأولاد كبرو، يعقوب حب  قعاد البيت . لكن عيسو حب صيد الحيوانات . رفقة حبت يعقوب  ، لكن اسحاق حب عيسو.

![OBS Image](https://cdn.door43.org/obs/jpg/360px/obs-en-07-02.jpg)

في يوم ، لمن  عيسو رجع من الصيد ، هو كان جعان شديد . عيسو قال ليعقوب ، "لو سمحت اديني  شوية من الاكل العملتو".  يعقوب رد ، "اولا اوعدني  انو كل الحاجات البتلقاهو لانك انت  مولود اول ، حتديني  ليها كلها". عشان كده عيسو وعده بانو حيديهو كل الحاجات ديل . بعد داك يعقوب اداهو شوية  اكل .

![OBS Image](https://cdn.door43.org/obs/jpg/360px/obs-en-07-03.jpg)

اسحاق كان داير يدي بركته لعيسو . لكن قبل ما يديهو ، رفقة و يعقوب غشوه  جابو يعقوب يمثل بانو هوعيسو . و اسحاق كان عجوز ما بقدر بشوف . يعقوب لبس ملابس عيسو و ختا  جلد الغنم في رقبته و يدينو.

![OBS Image](https://cdn.door43.org/obs/jpg/360px/obs-en-07-04.jpg)

يعقوب جاء لأسحاق و قال "انا عيسو. انا  جيت عشان  تباركني".  ولما اسحاق اتحسس شعرالغنماية  و شمة  ريحة الملابس ،  هو افتكر بانو ده  كان عيسو و باركه .

![OBS Image](https://cdn.door43.org/obs/jpg/360px/obs-en-07-05.jpg)

عيسو كره يعقوب لانو يعقوب  سرق منو حقوقو كالولد الاكبر و بركته . فخطط يقتل يعقوب بعد موت ابوهم .

![OBS Image](https://cdn.door43.org/obs/jpg/360px/obs-en-07-06.jpg)

ولكن رفقة  سمعت بخطة عيسو. عشان كده هي وإسحاق رسلو يعقوب بعيد ليعيش مع أهلها.

![OBS Image](https://cdn.door43.org/obs/jpg/360px/obs-en-07-07.jpg)

يعقوب  سكن مع أهل  رفقة  لسنين كتير. في الزمن داك اتزوج و بقى عندو اتنا عشر اولاد  و بت . والله  بقاهو غنيان شديد .

![OBS Image](https://cdn.door43.org/obs/jpg/360px/obs-en-07-08.jpg)

بعد عشرين سنة  بعيد عن بيته في كنعان ، يعقوب رجع  هناك مع اسرتو ، خدامو ، و كل بهايمو .

![OBS Image](https://cdn.door43.org/obs/jpg/360px/obs-en-07-09.jpg)

يعقوب كان خايف شديد  لأنو هو افتكر انو عيسو لسع  داير يقتلو . عشان كده هو رسل رؤؤس كتير من البهايم  كهدية  لعيسو . الخدام  الجابو البهايم  قالو لعيسو  خادمك  يعقوب بديك البهايم ديل  وهو جاي  قريب .

![OBS Image](https://cdn.door43.org/obs/jpg/360px/obs-en-07-10.jpg)

لكن عيسو ما كان داير ياذي  يعقوب تاني . بالعكس هو كان فرحان شديد عشان يشوفه تاني . بعداك يعقوب عاش بسلام في كنعان . بعداك اسحاق مات ، يعقوب و عيسو دفنوه . وعود العهد الكان الله و عده لابراهيم انتقل من اسحاق الى يعقوب .

_القصة من الكتاب المقدس ماخوذة من سفر  تكوين الاصحاحات  ٢٥ : ٢٧   -  ٣٥ : ٢٩ ._