# دخول الخطية في الدنيا

![OBS Image](https://cdn.door43.org/obs/jpg/360px/obs-en-02-01.jpg)

ادم ومرتو كانوا  عايشين فرحانين في الجنة السمحة  الله عملو ليهم. وكانوا عريانين وما خجلانين, لانو كان مافي خطية في الدنيا .هم دايما بتمشوا في الجنة واتكلم مع الله.

![OBS Image](https://cdn.door43.org/obs/jpg/360px/obs-en-02-02.jpg)

و لكن في الجنة كان في دبيب. و كان  الدبيب دا محتال شديد. سال المراة، "هل صحيح  الله قال ليكم ماتاكلوا من ثمر كل الشجر في الجنة؟"

![OBS Image](https://cdn.door43.org/obs/jpg/360px/obs-en-02-03.jpg)

المراة جاوبت للدبيب، "الله قال لينا من ثمراي شجر ناكل في الجنة الا شجرة  معرفة الخير و الشر. "الله قال لينا، لو اكلتوا اوحتى حبشتوا منها بتموتو."

![OBS Image](https://cdn.door43.org/obs/jpg/360px/obs-en-02-04.jpg)

االدبيب رد للمراة، "الكلام ده ما صح! انتوا ما بتموتوا . الله عارف لو اكلتوا منها،  حتكونوا زي الله  حتعرفوا الخير و الشر."

![OBS Image](https://cdn.door43.org/obs/jpg/360px/obs-en-02-05.jpg)

المراة شافت الثمرة سمحة وحلوة للاكل. وهي دايرة تكون حكيمة ، عشان كدة شالت بعض الثمرة واكلتها . و ادت معاها زوجها واكل، كمان.

![OBS Image](https://cdn.door43.org/obs/jpg/360px/obs-en-02-06.jpg)

و فجاة ,عيونهم انفتحت، وعرفو انهم  عريانين.  حاولوا يغطوا جسمهم بورق الشجر.

![OBS Image](https://cdn.door43.org/obs/jpg/360px/obs-en-02-07.jpg)

بعداك الراجل ومرتو سمعوا صوت الله ماشي في الجنه. و اندسوا من الله. بعداك الله نادى الراجل، " انت وين؟" ادم رد، "انا سمعتك ماشي في الجنة وخفت ،واندسيت عشان انا عريان."

![OBS Image](https://cdn.door43.org/obs/jpg/360px/obs-en-02-08.jpg)

وبعداك الله سال ، "منو القال ليك انت عريان؟ هل انت اكلت من ثمر الشجرة  انا قلت ليك ما تاكل  ؟ " الراجل  جاوب، "المراة  انت اديتني ليها، ادتني من ثمر الشجرة وانا اكلت." بعداك الله سال المراة،  "ليه عملت كدة؟" المراة قالت، "الدبيب غشاني."

![OBS Image](https://cdn.door43.org/obs/jpg/360px/obs-en-02-09.jpg)

الله قال للدبيب، " انت ملعون! تزحف على بطنك وتاكل تراب. ويكون في كراهية بينك وبين المراة وبين  عيالك  و عيالها ،كمان.ونسلها  يدوس راسك، وانت تعضي كعبو."

![OBS Image](https://cdn.door43.org/obs/jpg/360px/obs-en-02-10.jpg)

والله قال للمراة،"و انا بخلي ولادتك تكون بوجع. ويكون عندك نية لراجلك وهو حيتسلط عليك."

![OBS Image](https://cdn.door43.org/obs/jpg/360px/obs-en-02-11.jpg)

الله قال للراجل، "انت سمعت كلام مرتك وخالفتني. ملعونة الارض بسببك، تشتغل بتعب عشان تاكل وحتموت وترجع لتراب. 
"الراجل سمى مرتو حواء ، معناها" ام كل حي "وهي بتكون ام لكل الناس ،" الله عمل ليهم ملابس من جلد الحيوان ولبسهم.

![OBS Image](https://cdn.door43.org/obs/jpg/360px/obs-en-02-12.jpg)

بعداك الله قال ،  "هسع الانسان بقي زينا عارف الخير و الشر،
 عشان ما ياكلوا من  ثمر شجرة الحياة ويعيشوا الى الابد،" الله طردهم من الجنة الجميلة وختا اتنين من الملاك قويين في باب الجنة، عشان مافي زول ياكل من شجرة الحياة.

_القصة من الكتاب المقدس ماخوذة من سفر تكوين الاصحاح3_