# محاكمة يسوع

![OBS Image](https://cdn.door43.org/obs/jpg/360px/obs-en-39-01.jpg)

العساكر قادوا يسوع في نص الليل لبيت الكاهن الاعلي لانو هو داير يسال يسوع . بطرس كان بتبعهم من بعيد لمن العساكر شالو يسوع للبيت ، بطرس قعد برا بدفي بالنار.

![OBS Image](https://cdn.door43.org/obs/jpg/360px/obs-en-39-02.jpg)

جوه البيت، قادة اليهود قدموا يسوع للمحاكمة. جابوا شهود كذابين الكذبوا عنه. علي كل حال، القالوه ما متفق مع بعض. عشان كده قادة اليهود ما قدروا يثبتوا انو هو مذنب باي حاجة ، بعد داك يسوع ما قال اي حاجة .

![OBS Image](https://cdn.door43.org/obs/jpg/360px/obs-en-39-03.jpg)

في النهاية ،الكاهن الاعلي عاين دغري ليسوع و قال: "قل لينا انت المسيا، ابن الله الحي؟"

![OBS Image](https://cdn.door43.org/obs/jpg/360px/obs-en-39-04.jpg)

يسوع قال: "انا هو، وحتشوفوني قعدت مع الله وجاي من السماء". الكاهن الاعلي شرط ملابسو عشان هو زعل من الحاجة القالو يسوع . هو صرخ لقادة التانين، "احنا ما محتاجين لشهود تاني عشان يورينا انو الراجل ده عمل شنو! انتو بانفسكم سمعتوا انو هو قال بنفسو هو ابن الله. قراركم شنو عنه.

![OBS Image](https://cdn.door43.org/obs/jpg/360px/obs-en-39-05.jpg)

كلو قادة اليهود جابوا الكاهن الاعلي، " هو بيستحق الموت!" بعد داك ربطو عيون يسوع، بصقوا عليهو، ضربوه و استهزوا بيهو.

![OBS Image](https://cdn.door43.org/obs/jpg/360px/obs-en-39-06.jpg)

اما بطرس، كان منتظر برا البيت، بت خادمة شافتو و قالت ليه: "انت كمان كنت مع يسوع، بطرس نكر. بعدو، بت تانية قالت نفس الكلام، برضو بطرس نكر. اخيرا، بعض من الناس قالوا: بنعرف انو انت كنت مع يسوع لانو كلكم من الجليل".

![OBS Image](https://cdn.door43.org/obs/jpg/360px/obs-en-39-07.jpg)

بعد داك بطرس قال:خلي الله يلعني لو انا بعرف الراجل دا ،طوالي بعد ما بطرس حلف ذي دا ، صاح الديك. يسوع لفت وعاين لبطرس.

![OBS Image](https://cdn.door43.org/obs/jpg/360px/obs-en-39-08.jpg)

بطرس مشي برا وبكي بمرارة. في نفس الوقت، يهوذا، الكان خان يسوع، لمن شاف قادة اليهود الحكموا علي يسوع بالموت. يهوذا بقي حزنان شديد ومشي وقتل نفسه.

![OBS Image](https://cdn.door43.org/obs/jpg/360px/obs-en-39-09.jpg)

وكان بيلاطس حاكم البلد شغال لروما. قادة اليهود جابوا ليهو يسوع . هم دايرين عشان بيلاطس يدين ويحكم عليهو بالموت. بعد داك بيلاطس سال يسوع، "هل انت ملك اليهود؟"

![OBS Image](https://cdn.door43.org/obs/jpg/360px/obs-en-39-10.jpg)

يسوع جاوب: "انت قلت الحقيقة. لكن مملكتي ما هنا علي الارض، لو كان زي ده، كان خدامي حيشاكلوا من اجلي. انا جيت للعالم عشان اقول الحقيقة عن الله، كل زول بحب الحقيقة بيسمع لي. بيلاطس سال: "شنو الحقيقة؟"

![OBS Image](https://cdn.door43.org/obs/jpg/360px/obs-en-39-11.jpg)

بعد ما اتكلم مع يسوع، بيلاطس مشي برا للجمهور وقال: "انا مالقيت اي سبب في الزول ده عشان يستحق الموت" لكن قادة اليهود والشعب صرخوا وقالوا: "اصلبوه" بيلاطس رد "هو ما مذنب في اي حاجة غلط". لكن قادة اليهود والجمهور صرخوا وبعد داك بيلاطس قال للمرة التالتة "هو ما مذنب!" .

![OBS Image](https://cdn.door43.org/obs/jpg/360px/obs-en-39-12.jpg)

بيلاطس بقي خايف شديد انو الجمهور يبدوا يشاغبوا، عشان كده هو وافق لعساكرو يصلبوا يسوع. عساكر الرومان جلدو يسوع ولبسوهو ملابس ملوكي وختوا ليهو تاج من شوك في راسو وضحكوا عليهو واستخفوا بيه وقالوا: "شوفوا ملك اليهود!"

_القصة من الكتاب المقدس ماخوذة من انجيل متي الاصحاح ٢٦ : ٢٧ - ٥٧ _ ٢٧ : ٢٦ وانجيل مرقس ١٤ : ٥٣ _ ١٥ : ١٥ الاصحاح وانجيل لوقا الاصحاح ٢٢ : ٥٤ _ ٢٣ : ٢٥ وانجيل يوحنا الاصحاح ١٨ : ١٢ _ ١٩ : ١٦ ._