# الخليقة

![OBS Image](https://cdn.door43.org/obs/jpg/360px/obs-en-01-01.jpg)

دي الطريقة  الله عمل  بيها الدنيا  من البداية . الله خلق الأرض من مافي، دي كل الحاجات  الله عملو في الأرض و السماء, الظاهرة  والماظهرة, فى ستة يوم . كانت  الدنيا  ظلمة  وكانت  الأرض مافيه اي حاجة ،  الله  كان ما خلق  اي  حاجة  فى الدنيا  و كان  روح  الله  بحوم  فوق  الموية .

![OBS Image](https://cdn.door43.org/obs/jpg/360px/obs-en-01-02.jpg)

بعد داك الله قال: "خلى يكون فى نور!" و بقى فى نو، الله شاف انو النور كويس وسماهو "نهار". فرقو من الظلام، سماه "ليل". الله خلق النور فى اليوم الاول من الخليقة.

![OBS Image](https://cdn.door43.org/obs/jpg/360px/obs-en-01-03.jpg)

في اليوم التاني من الخليقة، الله قال: "خلى يكون فى فسحة فوق الموية". وبقى فى فسحة. والله سمه فسحة "سماء".

![OBS Image](https://cdn.door43.org/obs/jpg/360px/obs-en-01-04.jpg)

فى اليوم التالت، الله قال: "خلى الموية تلم فى محل واحد و الارض اليابسة تظهر". سمى الارض اليابسة "ارض"، سمى الموية "بحار". الله شاف انو الحاجات الكان خلقها كويسة.

![OBS Image](https://cdn.door43.org/obs/jpg/360px/obs-en-01-05.jpg)

بعداك الله قال: "خلي الأرض تطلع كل انواع الأشجار و النباتات". وده الحصل. الله شاف انو الحاجات الكان خلقها كويسة.

![OBS Image](https://cdn.door43.org/obs/jpg/360px/obs-en-01-06.jpg)

في اليوم الرابع من الخليقة، الله قال: "خلى يكون فى انوار فى السماء" و الشمس، القمر، النجوم ظهروا. الله عملهم عشان يدوا الارض نور، ليفرق الليل من النهار، المواسم و السنين. الله شاف انو الحاجات الكان خلقها كويسة.
 .

![OBS Image](https://cdn.door43.org/obs/jpg/360px/obs-en-01-07.jpg)

في اليوم الخامس، الله قال: "خلى الاحياء تملا الموية، و الطيور تطير فى السماء". ودى الطريقة العمل بيه كل الحاجة البعوم فى الموية وكل الطيور. الله شاف ده كان كويس، و باركهم.

![OBS Image](https://cdn.door43.org/obs/jpg/360px/obs-en-01-08.jpg)

في اليوم السادس من الخليقة، الله قال: "خلي يكون فى الارض كل انواع الحيوانات البرية!" و حصل زى ما الله قال. و كان فى الحيوانات البتعيش مع الناس و الحيوانات البتزحف على الارض و حيوانات الخلا. و الله شاف انو دا كان كويس.

![OBS Image](https://cdn.door43.org/obs/jpg/360px/obs-en-01-09.jpg)

بعداك الله قال: "خلينا نعمل الانسان في صورتنا و يكون زينا. يكونوا مسؤولين عن الارض وكل الحيوانات".

![OBS Image](https://cdn.door43.org/obs/jpg/360px/obs-en-01-10.jpg)

و الله شال شوية تراب، وعمل منو انسان، ونفخ فيه روح الحياة.  و راجل  دا كان اسمو ادم. و الله عمل الجنة  كبير وشال ادم وختاه فىها عشان ادم يعيش فيها،  و يهتم بيها.

![OBS Image](https://cdn.door43.org/obs/jpg/360px/obs-en-01-11.jpg)

فى نص الجنة، الله زرع شجرتين خاص، شجرة الحياة و شجرة معرفة الخير و الشر،الله قال لادم ياكل من اى شجرة فى الجنة إلا شجرة معرفة الخير و الشر. ولو هو اكل من الشجرة دي حيموت.

![OBS Image](https://cdn.door43.org/obs/jpg/360px/obs-en-01-12.jpg)

بعد داك الله قال: "ما كويس لراجل يكون براه". عشان مافى اي حيوان بيقدر يكون مساعد لادم.

![OBS Image](https://cdn.door43.org/obs/jpg/360px/obs-en-01-13.jpg)

عشان كده الله خلى ادم ينوم نوم تقيل. و بعد داك الله شال واحد من ضلوع ادم وعمل منو مراة و جابها ليهو.

![OBS Image](https://cdn.door43.org/obs/jpg/360px/obs-en-01-14.jpg)

لما ادم شافها، قال: "اخيرا ! دي واحدة زيي! خلي يسموها مراة، لانو عملوها من الراجل". عشان كده الراجل بخلى ابوه و امو و يكون واحد مع مرتو.

![OBS Image](https://cdn.door43.org/obs/jpg/360px/obs-en-01-15.jpg)

الله عمل الراجل و المراة في صورتو. باركهم وقال ليهم: "حيكون عندكم عيال كتير واملوا الارض!" الله شاف كل الحاجات العمله كان كويس شديد، كان مبسوط بكل الحاجات. و ده كل الحصل فى اليوم السادس من الخليقة.

![OBS Image](https://cdn.door43.org/obs/jpg/360px/obs-en-01-16.jpg)

لمن اليوم السابع جاء، الله انتهي من كل الشغل الكان بيعمل فيه. بارك اليوم السابع و قدسه، لانو فى اليوم ده وقف الشغل. ودي الطريقة الله خلق بيها العالم واي حاجة فيها.

_القصة  من الكتاب المقدس ماخوذة من سفر التكوين الاصحاح الاول والتانى._