# عهد الله الجديد

![OBS Image](https://cdn.door43.org/obs/jpg/360px/obs-en-49-01.jpg)

الملاك كلم مريم المراة الشابة، انو هي حتلدي ابن الله. هي كانت عذراء، لكن الروح القدس نزل عليها وبقاها حامل. ولدت ابن وسمته يسوع. عشان كده، يسوع هو الله وإنسان

![OBS Image](https://cdn.door43.org/obs/jpg/360px/obs-en-49-02.jpg)

يسوع عمل معجزات كتيرة البوري انو هو الله. بعداك هو مشى على الموية و وقف الرياح. شفى ناس عيانين كتار و طرد ارواح شريرة من تانين . قوم الناس الميتين للحياة، بقا خمسة رغيف واتنين سمك صغار لاكل كفاية يكفي لاطعام اكتر من ٥٠٠٠ ناس.

![OBS Image](https://cdn.door43.org/obs/jpg/360px/obs-en-49-03.jpg)

يسوع كمان كان معلم عظيم. اي حاجة علمو ، علمو صحيح. الناس لازم يعملو الحاجة القالو ليهم لا نو هو ابن الله. مثلا هو علم انو انت محتاج عشان تحب الناس التانين زي ما انت بتحب نفسك.

![OBS Image](https://cdn.door43.org/obs/jpg/360px/obs-en-49-04.jpg)

هو كمان علم انو انت محتاج عشان تحب الله اكتر من اي حاجة تانية. بيشمل حتي ممتلكاتك.

![OBS Image](https://cdn.door43.org/obs/jpg/360px/obs-en-49-05.jpg)

يسوع قال: انو احسن تكون في ملكوت الله من ما تكون عندك اي حاجة تانية في العالم. الله لازم يخلصك من خطاياك،عشان تدخل ملكوته.

![OBS Image](https://cdn.door43.org/obs/jpg/360px/obs-en-49-06.jpg)

يسوع قال: انو بعض الناس بيقبلوه. الله بيخلص الناس ديل. لكن، بعض الناس ما حيقبلوه. كمان قال: انو بعض الناس زي التربة الكويسة. لانو قبلوا الاخبار الكويسة عن يسوع والله خلصهم. لكن ناس تانين زي التربة الحجرية في الطريق. كلمة الله زي البذرة الوقعت في الطريق، لكن مافي اي حاجة قام هناك. الناس ديل رفضوا رسالة يسوع و رفضوا عشان يدخلوا في ملكوتو.

![OBS Image](https://cdn.door43.org/obs/jpg/360px/obs-en-49-07.jpg)

يسوع علم انوالله بحب الخطاة شديد. هو داير عشان يغفر ليهم و يبقيهم ابناءو.

![OBS Image](https://cdn.door43.org/obs/jpg/360px/obs-en-49-08.jpg)

يسوع كمان كلمنا ان الله بيكره الخطية. عشان ادم و حواء اخطوا، كلو نسلهم اخطوا كمان، اي زول في العالم اخطأ و هو بعيد من الله. كل زول هو عدو لله.

![OBS Image](https://cdn.door43.org/obs/jpg/360px/obs-en-49-09.jpg)

لكن الله حب كل واحد في العالم بالطريقة دي: هو ادي ابنه الوحيد عشان ما يعاقب الناس البيؤمن بيهو . بدل ده، حيحيوا معاه للابد.

![OBS Image](https://cdn.door43.org/obs/jpg/360px/obs-en-49-10.jpg)

انتو بستحقوا عشان تموتوا، لانو انتو اخطاتوا. من حق الله انو يغضب منكم، لكن هو كان غضب من يسوع، بدلكم. هو عاقب يسوع بقتله علي الصليب.

![OBS Image](https://cdn.door43.org/obs/jpg/360px/obs-en-49-11.jpg)

يسوع ما اخطأ ابدا، لكن هو سمح الله يعاقبه و قبل عشان يموت. بالطريقة دي، هو كان الذبيحة الكاملة عشان يشيل خطاياك و خطية اي زول في العالم. يسوع قدم نفسو ذبيحة لله، عشان كده الله غفر كل خطية حتي الخطايا الصعبة.

![OBS Image](https://cdn.door43.org/obs/jpg/360px/obs-en-49-12.jpg)

حتي لو عملت حاجات كتيرة كويسة، ده ما بخلي الله يخلصك. مافي اي حاجة بتعملو عشان تكون صديق ليهو. بدل ده انت لازم تؤمن انو يسوع هو ابن الله، المات علي الصليب بدلك. والله قومو للحياة تاني. انت لو امنت بده الله حيغفر خطاياك.

![OBS Image](https://cdn.door43.org/obs/jpg/360px/obs-en-49-13.jpg)

الله حيخلص اي زول البيؤمن بيسوع و بيقبلوا كسيد . لكن ما بخلص الما بيؤمن بيهو. ما مهم انك غنيان او فقير، راجل او مراة، صغير او كبير، او بتسكن وين. الله بحبك و دايرك تؤمن بيسوع عشان يكون صديق ليك.

![OBS Image](https://cdn.door43.org/obs/jpg/360px/obs-en-49-14.jpg)

يسوع بناديك عشان تؤمن بيهو و تتعمد. هل انت بتؤمن انو يسوع هو المسيا ابن الله الوحيد؟ هل انت بتؤمن انوانت خاطي و بتستحق الله يعاقبك؟ هل انت بتؤمن انو يسوع مات علي الصليب عشان يشيل خطاياك؟

![OBS Image](https://cdn.door43.org/obs/jpg/360px/obs-en-49-15.jpg)

لو انت بتؤمن بيسوع والحاجة العملو ليك، انت مسيحي! شيطان ما بيقدر يسيطر عليك في مملكة الظلام حقو. الله هسي مسيطر عليك في مملكة النور حقو. الله وقفك من الخطية، زي ما انت بتعملو. هو اداك طريق الجديد الصح للحياة

![OBS Image](https://cdn.door43.org/obs/jpg/360px/obs-en-49-16.jpg)

لو انت مسيحي، الله غفر خطاياك عشان الحاجة العملو يسوع. هسي، الله بيعتبرك تكون اقرب صديق بدل عدو.

![OBS Image](https://cdn.door43.org/obs/jpg/360px/obs-en-49-17.jpg)

لو انت صديق الله وخادم يسوع السيد، انت حتريد عشان تطيع الحاجة يسوع بعلمك. حتي لو انت مسيحي، الشيطان لسه حيجربك عشان تخطأ. لكن الله دائما بيعمل الحاجة الهو بيقولو. هو قال انو لو اعترفت بخطاياك، هو بيغفر ليك. هو بديك القوة عشان تحارب الخطية.

![OBS Image](https://cdn.door43.org/obs/jpg/360px/obs-en-49-18.jpg)

الله بقول ليك تصلي و تدرس كلمتو. كمان بقول ليك تعبدوه سوا مع المسيحيين التانين. انت كمان لازم توري ناس تانين عن الحاجة العملو ليك. لو انت عملت كل الحاجات ديل، انت بتكون اقوي صديق ليهو.

_القصة من الكتاب المقدس ماخوذة من رسالة رومية الاصحاحات ٣ : ٢١ - ٢٦ ٥ : ١ - ١١ وانجيل يوحنا الاصحاح ٣ : ١٦ وانجيل مرقس الاصحاح ١٦ : ١٦ وكولوسي ١ : ١٣ - ١٤ و كورنتوس التانية الاصحاحات ٥ : ١٧ - ٢١ و انجيل يوحنا الاصحاح ١ : ٥ - ١٠ رسالة يوحنا الاولي ١ : ٥ - ١٠ ._