# يسوع يقوم لعازر من الموت

![OBS Image](https://cdn.door43.org/obs/jpg/360px/obs-en-37-01.jpg)

كان في راجل اسمو لعازر. عندو اختين ، اسمهم مريم و مرثا. كلهم كانوا اصدقاء القريبين ليسوع. في يوم من الايام، في زول قال ليسوع: انو لعازر كان عيان شديد. لمن يسوع سمع ده، هو قال: "المرض ده ما بينتهي بموت لعازر لكن بخلي الناس يكرموا الله".

![OBS Image](https://cdn.door43.org/obs/jpg/360px/obs-en-37-02.jpg)

يسوع كان بحب اصدقاءه ، لكن انتظر لمدة يومين في المكان الكان فيه. بعد اليومين ديل، هو قال لتلاميذه: "خلينا نرجع لليهودية". التلاميذ جاوبوا: "لكن يا معلم" "قبل فترة قصيرة الناس هناك كانوا دايرين يقتلوك!" يسوع قال: "صديقنا لعازر نام وانا لازم اقومو".

![OBS Image](https://cdn.door43.org/obs/jpg/360px/obs-en-37-03.jpg)

تلاميذ يسوع جاوبوا: يا سيد "لو لعازر نايم،هو حيكون كويس". بعد داك يسوع قال ليهم: بوضوح، "لعازر مات. انا مبسوط لانو انا ما كنت هناك، عشان تؤمنوا بي".

![OBS Image](https://cdn.door43.org/obs/jpg/360px/obs-en-37-04.jpg)

لمن يسوع وصل بلد ناس لعازر،كان لعازر مات قبل اربع يوم. بعد داك مرثا مشت عشان تقابل يسوع و قالت: يا سيد، لو كنت هنا اخوي ما كان حيموت. لكن انا مؤمن انو الله بديك اي حاجة انت بتسألو منو".

![OBS Image](https://cdn.door43.org/obs/jpg/360px/obs-en-37-05.jpg)

يسوع جاوب: "انا القيامة و الحياة. اي زول امن بي حيحيا، حتي لو مات. اي زول بيؤمن بي ما بموت ابدا. بتؤمني بده "؟ مرثا جاوبت: "نعم، يا سيد! انا بؤمن انو انت المسيا ابن الله ".

![OBS Image](https://cdn.door43.org/obs/jpg/360px/obs-en-37-06.jpg)

بعد داك مريم وصلت. ووقعت عند قدمي يسوع وقالت: "يا سيد لوانت بس كنت هنا اخوي ما كان حيموت" يسوع سالهم "انتو ختيتوا لعازر وين" قالوا ليه: "في القبر. تعال و شوف" و بعد داك بكي يسوع .

![OBS Image](https://cdn.door43.org/obs/jpg/360px/obs-en-37-07.jpg)

القبر كان كهف بتقفل بحجر مدحرج من قدامه .لمن يسوع وصل القبر قال ليهم، "دحرجوا الحجر ". لكن مرثا قالت: "هو ميت ليهو اربع يوم. بكون فيه ريحة كعبة ".

![OBS Image](https://cdn.door43.org/obs/jpg/360px/obs-en-37-08.jpg)

يسوع جاوب: "انا ما كلمتك لو امنتي بي حتشوفي قوة الله ؟" بعد كده هم دحرجوا الحجر.

![OBS Image](https://cdn.door43.org/obs/jpg/360px/obs-en-37-09.jpg)

بعد داك يسوع عاين للسماء وقال: "ابوي، شكرا لانك بتسمعني. عارف انت دايما بتسمعني، لكن انا قلت ده عشان تساعد كل الناس الواقفين هنا، عشان يؤمنوا بانو انت رسلتني". بعد داك يسوع صرخ لعازر اطلع برا!"

![OBS Image](https://cdn.door43.org/obs/jpg/360px/obs-en-37-10.jpg)

عشان كده لعازر طلع برا! كان لسه مربوط بكفن. يسوع قال ليهم: "ساعدوه وفكوا منو الكفن! "كتار من اليهود امنوا بيسوع عشان المعجزة دي.

![OBS Image](https://cdn.door43.org/obs/jpg/360px/obs-en-37-11.jpg)

لكن قادة اليهود الدينيين حسدوا يسوع، عشان كده اجتمعوا سوا عشان يخططوا كيف يقدروا يقتلوا يسوع ولعازر.

_القصة من الكتاب المقدس ماخوذة من انجيل يوحنا الاصحاح ١١ : ١ - ٤٦  ._