# التجلي

![OBS Image](https://cdn.door43.org/obs/jpg/360px/obs-en-36-01.jpg)

في يوم من الايام، يسوع شال معاه تلاميذو التلاتة، بطرس، يعقوب، يوحنا. (التلميذ الاسمو يوحنا ده ما ياهو نفس الزول العمد يسوع). هم مشوا فوق لجبل عالي عشان يصلوا.

![OBS Image](https://cdn.door43.org/obs/jpg/360px/obs-en-36-02.jpg)

لمن يسوع كان بصلي، وشو بقي لامع زي الشمس. ملابسو بقت لامعة، بيضا زي النور، ابيض من اي حاجة ممكن في الارض.

![OBS Image](https://cdn.door43.org/obs/jpg/360px/obs-en-36-03.jpg)

بعد داك موسي والنبي ايليا ظهروا. الرجال ديل عاشوا ميات السنين في الارض قبل كده. اتكلموا مع يسوع عن موته، عشان هو حيموت قريب في اورشليم.

![OBS Image](https://cdn.door43.org/obs/jpg/360px/obs-en-36-04.jpg)

لمن موسي و ايليا كانوا بتكلموا مع يسوع، بطرس قال ليسوع: "كويس لينا عشان نكون هنا، خلينا نعمل تلاتة مظلات، واحد ليك، واحد لموسي و واحد لايليا". لكن بطرس ما كان عارف هو بقول في شنو.

![OBS Image](https://cdn.door43.org/obs/jpg/360px/obs-en-36-05.jpg)

ولمن بطرس كان بتكلم، سحابة لامعة نزلت و حاوطتهم. بعد داك سمعوا صوت جاء من السحابة. وقال: "ده ابني الحبيب، انا مسرور بيه، اسمعوا ليهو". التلاميذ التلاتة كانوا خايفين و وقعوا علي الارض.

![OBS Image](https://cdn.door43.org/obs/jpg/360px/obs-en-36-06.jpg)

بعد داك يسوع لمسهم و قال: "ما تخافوا. قوموا". لمن هم عاينوا حولهم، الزول الوحيد الكان هناك هو يسوع.

![OBS Image](https://cdn.door43.org/obs/jpg/360px/obs-en-36-07.jpg)

يسوع و التلاميذ التلاتة نزلوا من الجبل. بعد داك يسوع قال ليهم: "ما توروا اي زول عن شنو الحصل هنا. انا قريب بموت وبعد داك انا برجع للحياة . بعدو انتو ممكن توروا الناس".

_القصة من الكتاب المقدس ماخوذة من انجيل متي الاصحاح ١٧ : ١ - ٩   وانجيل مرقس الاصحاح ٩ : ٢ - ٨   وانجيل لوقا الاصحاح ٩ : ٢٨ - ٣٦   ._