# يسوع يشفي الراجل المسكون بالارواح الشريرة  و المراة العيانة

![OBS Image](https://cdn.door43.org/obs/jpg/360px/obs-en-32-01.jpg)

يسوع و تلاميذه  مشوا  بمركبهم للمنطقة الساكنين فيها الجرجسيين. وصلوا الارض و طلعوا من المركب.

![OBS Image](https://cdn.door43.org/obs/jpg/360px/obs-en-32-02.jpg)

كان هناك في راجل  مسكون بالارواح الشريرة.

![OBS Image](https://cdn.door43.org/obs/jpg/360px/obs-en-32-03.jpg)

الراجل ده كان قوي شديد حتي انو مافي زول بقدر يتحكم فيه. مرات الناس بربطوا رجلينو  ويدينو بجنازير و لكن هو دائما  بكسرهم.

![OBS Image](https://cdn.door43.org/obs/jpg/360px/obs-en-32-04.jpg)

الراجل عاش بين القبور في المنطقة. الراجل ده بكوريك  بالليل و بالنهار. هو ما بلبس ملابس و مرات بقطع جسمه بالحجار.

![OBS Image](https://cdn.door43.org/obs/jpg/360px/obs-en-32-05.jpg)

الراجل ده جري ليسوع و ركع قدامه. بعد داك يسوع اتكلم للشيطان الفي الراجل وقال: "اطلع برا من الراجل ده"

![OBS Image](https://cdn.door43.org/obs/jpg/360px/obs-en-32-06.jpg)

الشيطان صرخ بصوت عالي، "انت داير مني شنو يا يسوع ابن الله العلي؟ لو سمحت ما تعذبني!" بعد داك يسوع سال الشيطان " اسمك منو؟" هو جاوب: " اسمي لجئون، لانو نحنا كتار" ("لجئون" كان مجموعة من الاف الجنود في الجيش الروماني).

![OBS Image](https://cdn.door43.org/obs/jpg/360px/obs-en-32-07.jpg)

الشيطان هنس يسوع ، "لو سمحت  ما تطردنا برا من المنطقة دي!"  كان هناك في مجموعة من الخنازير بياكلوا جنب  الجبل. بعد داك الشيطان هنس يسوع، "لو سمحت رسلنا للخنازير!" بدل ده يسوع قال: "كويس، امشوا ليهم!"

![OBS Image](https://cdn.door43.org/obs/jpg/360px/obs-en-32-08.jpg)

عشان كده الشياطين طلعوا من الراجل و دخلوا في الخنازير. الخنازير جروا  البحر و غرقوا. مجموعة الخنازير كانت زي ٢,٠٠٠ خنزير.

![OBS Image](https://cdn.door43.org/obs/jpg/360px/obs-en-32-09.jpg)

كان هناك في  ناس برعوا  الخنازير ديل. لمن شافوا الحاجة الحصل، جروا للمدينة. كلموا اي زول هناك عن الحاجة يسوع عملوا. الناس جوا من المدينة و شافوا الراجل الكان عندو شياطين. كان هادي، لابس ملابس، زي  اي زول عادي.

![OBS Image](https://cdn.door43.org/obs/jpg/360px/obs-en-32-10.jpg)

الناس كانوا خايفين شديد و طلبوا من يسوع عشان يمشي. كده يسوع مشي للمركب. الراجل كان عندو شياطين هنس يسوع عشان يمشي معاه.

![OBS Image](https://cdn.door43.org/obs/jpg/360px/obs-en-32-11.jpg)

لكن يسوع قال ليه: "لا انا دايرك تمشي البيت و توري اي زول بالحاجة  العملوا الله ليك. وريهم كيف هو رحمك".

![OBS Image](https://cdn.door43.org/obs/jpg/360px/obs-en-32-12.jpg)

بعد داك الرجل مشى وكلم اي زول عن الحاجة يسوع عمله ليه. اي زول سمع قصتو كان مستغرب.

![OBS Image](https://cdn.door43.org/obs/jpg/360px/obs-en-32-13.jpg)

يسوع رجع لاتجاه التاني من البحر. بعد ما وصل هناك، مجموعة كبيرة من الناس اتلموا حوله و ضغطوا عليهو.  في المجموعة كان في مراة عندها مشكلة نزيف لمدة اتنا عشر سنة. هي دفعت كل قروشها  لدكاترة عشان يعالجوها، لكن حالتها مشت للاصعب.

![OBS Image](https://cdn.door43.org/obs/jpg/360px/obs-en-32-14.jpg)

هي سمعت انو يسوع شفي ناس كتار كانوا عيانين و فكرت "انا متاكدة لو بس حبشت ملابس يسوع انا بلقي الشفاء، كمان!" جات ورا يسوع و حبشت ملابسه. طوالي لمن حبشتو النزيف وقف!

![OBS Image](https://cdn.door43.org/obs/jpg/360px/obs-en-32-15.jpg)

طوالي، يسوع حسى انو في قوة طلعت منو. عشان كده هو اتلفت و سال: "منو الحبشني؟" التلاميذ جابوا: "في كتار متلمين حولك و بلزوك، ليه انت بتسال، منو حبشني؟"

![OBS Image](https://cdn.door43.org/obs/jpg/360px/obs-en-32-16.jpg)

المراة  ركعت قدام يسوع ، بترجف و خايفة شديد. بعد داك هي ورتو الحاجة الكان عملتو، وانو هي لقت الشفاء. يسوع قال ليها: "ايمانك شفاكي. امشي بسلام".

_القصة من الكتاب المقدس ماخوذة من انجيل متي الاصحاح ٨ : ٢٨ - ٣٤  _ ٩ : ٢٠ - ٢٢  وانجيل مرقس الاصحاح ٥ : ١ - ٢٠ _ ٥ : ٢٤ - ٣٤   و انجيل لوقا الاصحاح  ٨ : ٢٦ - ٣٩ _   ٨ : ٤٢ - ٤٨ ._