# يسوع يمشي علي الموية

![OBS Image](https://cdn.door43.org/obs/jpg/360px/obs-en-31-01.jpg)

بعد  يسوع اطعم  خمس الف راجل ، قال لتلاميذ يدخلوا فى المركب.  قال ليهم يقطعوا  للاتجاه التاني من البحروفي نفس الوقت فضل وراء لفترة بسيطة. بعدو التلاميذ مشوا ، يسوع خلا الناس يمشوا بيوتهم.  بعد داك، يسوع طلع الجبل عشان يصلي. كان براهو و صلي لحدي وقت متاخرمن الليل.

![OBS Image](https://cdn.door43.org/obs/jpg/360px/obs-en-31-02.jpg)

في الزمن ده،  التلاميذ كانوا بجدفوا في مركبهم، لكن الهبوب كانت شديدة عليهم. لمن كان بلليل شديد، هم بس وصلوا نص البحر.

![OBS Image](https://cdn.door43.org/obs/jpg/360px/obs-en-31-03.jpg)

في الوقت داك يسوع انتهي من الصلاة وبدا يرجع عشان يقابل تلاميذو. و مشي فوق الموية في اتجاه مركبهم.

![OBS Image](https://cdn.door43.org/obs/jpg/360px/obs-en-31-04.jpg)

بعد داك التلاميذ شافوه. هم كانوا خايفين  شديد لانو ظنوا هو بعاتي. يسوع عرف انو هم كانوا خايفين، عشان كده ناداهم و قال: "ما تخافوا ده انا !"

![OBS Image](https://cdn.door43.org/obs/jpg/360px/obs-en-31-05.jpg)

بعد داك بطرس قال ليسوع: "يا سيد، لو ده انت، امرني عشان اجيك فوق الموية". يسوع قال لبطرس: "تعال!"

![OBS Image](https://cdn.door43.org/obs/jpg/360px/obs-en-31-06.jpg)

عشان كده، بطرس طلع من المركب و بدا يمشي ليسوع فوق الموية. لكن بعد  مشي  مسافة قصيرة، حول عينه بعيد من يسوع وبدا يعاين لامواج  ويحس برياح قوية.

![OBS Image](https://cdn.door43.org/obs/jpg/360px/obs-en-31-07.jpg)

بعد داك بطرس خاف  وبدا يغرق في الموية. ضرخ، "يا سيد، انقذني!" يسوع وصل طوالي مسكو . بعدو قال لبطرس: "ايمانك بسيط شديد! ليه انت ما صدقتني عشان احفظ بامان؟"

![OBS Image](https://cdn.door43.org/obs/jpg/360px/obs-en-31-08.jpg)

بعد داك يسوع و بطرس ركبوا المركب، والرياح طوالي وقفت. الموية هدت. التلاميذ اتعجبوا و سجدوا ليسوع. عبدوه وقال ليه:  "حقيقة انت ابن الله" .

_القصة من الكتاب المقدس ماخوذة من انجيل متي الاصحاح  ١٤ : ٢٢ - ٣٣  وانجيل مرقس الاصحاح ٦ : ٤٥ - ٥٢  وانجيل يوحنا الاصحاح يوحنا ٦ : ١٦ - ٢١ ._