# الشاب الحاكم الغني

![OBS Image](https://cdn.door43.org/obs/jpg/360px/obs-en-28-01.jpg)

في يوم من الايام، شاب حاكم  غني جاء عشان يتكلم  ليسوع و سالو "يا معلم الصالح، انا لازم  اعمل شنو عشان  يكون عندي  الحياة  الابدية؟" يسوع قال ليهو: "ليه انت ناديتني صالح؟ في صالح واحد بس وهو الله. لكن لو انت داير يكون عندك حياة ابدية، طيع شريعة الله".

![OBS Image](https://cdn.door43.org/obs/jpg/360px/obs-en-28-02.jpg)

هو سال "ياتوا واحد انا محتاج عشان اطيعو؟" يسوع جاوب "ما تقتل ، ما تزني ، ما تسرق ، ما تكذب اكرم  ابوك وامك وحب قريبك زي  نفسك".

![OBS Image](https://cdn.door43.org/obs/jpg/360px/obs-en-28-03.jpg)

لكن الشاب قال: " انا اطعت كل الوصايا ديل من زمن  كنت ولد . انا  لسه محتاج اعمل شنو عشان احيا للابد؟" يسوع عاين ليهو و حباهو.

![OBS Image](https://cdn.door43.org/obs/jpg/360px/obs-en-28-04.jpg)

يسوع جاوب: "لو انت داير تكون كامل، امشي  وبيع اي حاجة تملك و ادي القروش للفقراء  وحيكون عندك كنز فى السماء. بعد داك تعال و اتبعنى".

![OBS Image](https://cdn.door43.org/obs/jpg/360px/obs-en-28-05.jpg)

لمن الشاب سمع حاجة القالو يسوع ، بقى حزنان شديد . لانو كان غنيان شديد  وما  داير يدي كل الحاجات البمتلكها .هو رجع  ومشي بعيد من يسوع.

![OBS Image](https://cdn.door43.org/obs/jpg/360px/obs-en-28-06.jpg)

بعد داك يسوع قال لتلاميذه "صعب شديد للناس الاغنياء عشان يدخلوا ملكوت الله! نعم  ساهل   لجمل  عشان يدخل من قدة  الابرة  من انو راجل غنى يدخل ملكوت الله".

![OBS Image](https://cdn.door43.org/obs/jpg/360px/obs-en-28-07.jpg)

لمن التلاميذ سمعوا القالو يسوع ، استغربوا. قالوا "لو زي ده, الله بخلص  منو"؟

![OBS Image](https://cdn.door43.org/obs/jpg/360px/obs-en-28-08.jpg)

يسوع عاين لتلاميذه وقال: "مستحيل للناس عشان يخلص  انفسهم. لكن مافي حاجة مستحيل عشان الله يعمله".

![OBS Image](https://cdn.door43.org/obs/jpg/360px/obs-en-28-09.jpg)

بطرس قال ليسوع: "نحنا التلاميذ خلينا اي حاجة و تبعناك.  مكافأتنا حيكون شنو"؟

![OBS Image](https://cdn.door43.org/obs/jpg/360px/obs-en-28-10.jpg)

يسوع جاوب "اي زول خلي بيوت، اخوان، اخوات، اب، ام ، عيال او ممتلكات عشاني؟ حيلقي زيادة ١٠٠ مرا وكمان حيلقي  الحياة الابدية. لكن كتير من الاولين حيكونوا اخرين و كتير من الاخرين حيكونوا اولين".

_القصة من الكتاب المقدس ماخوذة من متي ١٩ : ١٦ - ٣٠  ، وانجيل مرقس ١٠ : ١٧ - ٣١  ، وانجيل  لوقا ١٨ : ١٨ - ٣٠ ._