# قصة السامرى الصالح

![OBS Image](https://cdn.door43.org/obs/jpg/360px/obs-en-27-01.jpg)

فى يوم ، خبير فى الشريعة اليهودية جاء ليسوع. داير يورى اي زول انو تعاليم  يسوع المسيح كان غلط. عشان كده هو قال: "يامعلم، انا لازم اعمل شنو عشان ارث الحياة الابدية؟"

![OBS Image](https://cdn.door43.org/obs/jpg/360px/obs-en-27-02.jpg)

الراجل قال : "مكتوب حب الرب الهك من كل قلبك، نفسك ، قوتك ، فكرك. وتحب قريبك زي نفسك" . يسوع جاوب: "كلامك صح ! لوانت عملت ده، انت بترث الحياة الابدية" .

![OBS Image](https://cdn.door43.org/obs/jpg/360px/obs-en-27-03.jpg)

لكن خبير الشريعة  داير يوري الناس انو طريقة حياته كانت صح، عشان كده هو سال يسوع ، "كويس، ده  منو قريبي؟"

![OBS Image](https://cdn.door43.org/obs/jpg/360px/obs-en-27-04.jpg)

يسوع جاوب خبير الشريعة  بحكاية قصة. "كان فى راجل يهودي مسافر فى الطريق من اورشليم لاريحا" .

![OBS Image](https://cdn.door43.org/obs/jpg/360px/obs-en-27-05.jpg)

"لكن بعض الحرامية شافوه و هجموه. شالوا كل الحاجات الكان عندو و دقوه لحدي قرب يموت. بعد داك مشوا".

![OBS Image](https://cdn.door43.org/obs/jpg/360px/obs-en-27-06.jpg)

"بعد  فترة قصيرة، حصل انو كاهن يهودي يمشي بنفس الطريق. الكاهن ده شاف الراجل راقد فى الشارع. لمن هو شافو فات  فى الاتجاه التانى من الطريق و واصل المشي. هو  اتجاهل  الراجل داك تماما" .

![OBS Image](https://cdn.door43.org/obs/jpg/360px/obs-en-27-07.jpg)

ما  شال  زمن طويل بعدو جاء لاوي بالطريق، (اللاويين كانوا قبيلة من اليهود البساعدوا الكهنة  في الهيكل). اللاوي كمان قطع فى الاتجاه التانى من الطريق. هو كمان اتجاهل الراجل داك" .

![OBS Image](https://cdn.door43.org/obs/jpg/360px/obs-en-27-08.jpg)

"الزول  المشي بعدو  في الطريق داك كان راجل من السامرة. (السامريين و اليهود بكرهوا بعض) السامري شاف الزول فى الطريق. شاف انو كان يهودي، لكن لسه  عنده حنية  شديد ليهو. عشان كده هو مشي ليهو و ربط  جروحه".

![OBS Image](https://cdn.door43.org/obs/jpg/360px/obs-en-27-09.jpg)

"بعد داك السامري رفع الراجل في حماره. شالو فندق قريب في الشارع.  استمر يهتم بيهو هناك" .

![OBS Image](https://cdn.door43.org/obs/jpg/360px/obs-en-27-10.jpg)

"فى اليوم التاني ، السامري دايرعشان يواصل سفرو. ادي قروش لزول المسوؤل عن الفندق. قال ليهو: اهتم بالراجل ده. لو انت صرفت اي قروش زيادة من ده انا حادفع ليك لمن ارجع" .

![OBS Image](https://cdn.door43.org/obs/jpg/360px/obs-en-27-11.jpg)

بعد داك يسوع سال خبير الشريعة، "انت بتفتكر شنو؟ ده منو من التلاتة رجال ديل كان قريب الراجل  النهبو  ودقو ؟" هو رد: "الزول  الحنا ليهو" . يسوع قال ليهو: " امشي و اعمل نفس  الحاجة".

_القصة من الكتاب ماخوذة من انجيل لوقا ١٠ : ٢٥ - ٣٧ ._