# ولادة  يوحنا

![OBS Image](https://cdn.door43.org/obs/jpg/360px/obs-en-22-01.jpg)

زمان  ، الله اتكلم لانبياءه عشان يقدروا  يتكلموا  لشعبه . بعد داك مرت  ٤٠٠ سنة  هو ما اتكلم معاهم . بعدو  الله  رسل ملاك  لكاهن اسمو زكريا . زكريا و مرتو اليصابات ،  كرموا الله .  كانوا كبار فى السن  وهى ما ولدت عيال ابدا .

![OBS Image](https://cdn.door43.org/obs/jpg/360px/obs-en-22-02.jpg)

الملاك قال لزكريا  ، "مرتك بتكون عندها ولد . حتسميه يوحنا  . الله ملاءه بالروح القدس  و يوحنا بجهز الناس عشان  يقبلوا المسيح !"  زكريا جاوب ، "انا ومرتي  كبرنا شديد  عشان يكون عندنا اولاد ! كيف انا اعرف انت بتقول لي الحقيقة ؟"

![OBS Image](https://cdn.door43.org/obs/jpg/360px/obs-en-22-03.jpg)

الملاك جاوب زكريا ، "الله رسلني عشان اجيب ليك الاخبار الكويسة  دي. عشان انت ما  صدقتني ، انت ما حتتكلم لحدي ما يلدو الجني" . طوالي ، زكريا  ماقدر يتكلم. بعد داك  الملاك  خلى  زكريا.  بعد ده  زكريا رجع  البيت  ومرتو  بقت حامل.

![OBS Image](https://cdn.door43.org/obs/jpg/360px/obs-en-22-04.jpg)

لمن اليصابات كانت حامل في الشهر السادس ، فجاة ظهر  نفس الملاك   لقريبة اليصابات ، كانت اسمها مريم . هي كانت عذراء  و مخطوبة عشان  تتزوج من راجل  اسمه  يوسف . الملاك قال ليها ، "انتي حتحملي وتلدي ولد. وحتسميه يسوع. حيكون ابن الله العلي وحيحكم  للابد" .

![OBS Image](https://cdn.door43.org/obs/jpg/360px/obs-en-22-05.jpg)

مريم جاوبت "كيف ده بيحصل وانا لسه عذراء ؟" الملاك شرح، "الروح القدس بحل عليك وقوة الله  بتجيك ، عشان كده الطفل حيكون مقدس و بكون هو ابن الله العلى"  . مريم صدقت كلام الملاك .

![OBS Image](https://cdn.door43.org/obs/jpg/360px/obs-en-22-06.jpg)

طوالي  بعد ما  ده  حصل ، مريم مشت وزارت اليصابات. طوالي  لمن مريم سلمت عليها ، جنى اليصابات اتحرك  في بطنها . النسوان  فرحوا مع بعض  بالحاجة العملو االله ليهم. بعد ما مريم زارت اليصابات لتلاتة شهور ، مريم رجعت البيت.

![OBS Image](https://cdn.door43.org/obs/jpg/360px/obs-en-22-07.jpg)

بعد ده اليصابات ولدت ولدها . زكريا و اليصابات سمو الجنى يوحنا ، زى ما الملاك امرهم . بعد داك الله خلى زكريا يقدر يتكلم مرة تانى .  زكريا قال ، "مجدا لله ، لانو هو اتذكر عشان يساعد شعبه ! انت ، ولدى ، حتكون نبى الله العلى . انت حتكلم الناس كيف يستقبلوا الغفران لخطاياهم !"

_القصة من الكتاب المقدس ماخوذة من انجيل لوقا الاصحاح 1_