# المنفى و العودة

![OBS Image](https://cdn.door43.org/obs/jpg/360px/obs-en-20-01.jpg)

مملكة اسرائيل و مملكة يهوذا كلهم اخطاوا ضد الله . كسروا العهد الكان الله عملو معاهم فى  جبل سيناء . الله رسل انبيائه  ليحذرهم عشان يتوبوا و يعبدوه تانى ، لكن هم رفضوا يطيعوه  .

![OBS Image](https://cdn.door43.org/obs/jpg/360px/obs-en-20-02.jpg)

عشان كده الله عاقب  المملكتين و سمح لاعدائهم  يدمروهم . الاشوريين كانوا امة تانية بقوا قويين شديد . برضو هم  كانوا قاسيين شديد للامم التانية  . هم  جوا  و دمروا مملكة اسرائيل . الاشوريين قتلوا ناس كتار  في مملكة اسرائيل ،  شالوا اى حاجة  دايرنو و  حرقوا جزء كبير من البلد .

![OBS Image](https://cdn.door43.org/obs/jpg/360px/obs-en-20-03.jpg)

الاشوريين جمعوا كل القادة ، الأغنياء و الناس البقدروا يعملوا حاجات قيمة . شالوهم  لاشور .   بس بعض فقراء  الإسرائيليين  فضلوا  فى اسرائيل .

![OBS Image](https://cdn.door43.org/obs/jpg/360px/obs-en-20-04.jpg)

بعد داك الاشوريين جابوا اجانب عشان يعيشوا فى الارض . الأجانب جددوا  بناء  المدن . اتزاوجوا مع  الإسرائيليين الكانوا فضلوا هناك .  نسل  الشعوب  ديل  سموهم  السامريين .

![OBS Image](https://cdn.door43.org/obs/jpg/360px/obs-en-20-05.jpg)

الشعب فى مملكة يهوذا  شافوا كيف الله عاقب شعب مملكة اسرائيل لعدم ايمانهم و طاعتهم ليهو  . لكن هم  لسه  يعبدوا الاصنام ، بيشمل  الهة الكنعانيين . الله رسل انبياء عشان يحذرهم  لكن هم  رفضوا  يسمعوا .

![OBS Image](https://cdn.door43.org/obs/jpg/360px/obs-en-20-06.jpg)

بعد حوالى  ١٠٠ سنة من دمار الاشوريين  مملكة اسرائيل ، الله رسل نبوخذنصر، ملك البابليين عشان يهاجم  مملكة يهوذا . البابلية كانت امة قوية . ملك يهوذا قبل عشان يكون خادم لنبوخذنصر و يدفع ليهو كل سنة قروش كتيرة  .

![OBS Image](https://cdn.door43.org/obs/jpg/360px/obs-en-20-07.jpg)

لكن بعد سنين بسيطة ، ملك يهوذا اتمرد ضد بابل . عشان كده البابليين رجعوا و هجموا مملكة يهوذا ، احتلوا مدينة اورشليم ، دمروا الهيكل و شالوا كلو ممتلكات  المدينة و الهيكل .

![OBS Image](https://cdn.door43.org/obs/jpg/360px/obs-en-20-08.jpg)

ليعاقب ملك يهوذا على التمرد ، جيش نبوخذنصر قتلوا اولاد الملك قدامه و بقوه عميان . بعد داك شالوا الملك بعيد عشان يموت فى سجن بابل .

![OBS Image](https://cdn.door43.org/obs/jpg/360px/obs-en-20-09.jpg)

نبوخذنصر و جيشه تقريبا شالوا كل شعب مملكة يهوذا  لبابل ، بس خلوا الناس الفقراء  عشان يزرعوا المزارع  .  فترة  الزمن ده  لمن شعب الله اجبروهم  عشان  يخلوا  ارض الموعد سموها  المنفى  .

![OBS Image](https://cdn.door43.org/obs/jpg/360px/obs-en-20-10.jpg)

رغم انو الله عاقب شعبه على خطيتهم عن طريق النفى  ، هو ما خلاهم وما نسى وعوده  .الله استمر يرعى شعبه  و كلمهم من خلال انبياءه  و وعد انو بعد  ٧٠ سنة  حيرجعوا تانى  لارض الموعد .

![OBS Image](https://cdn.door43.org/obs/jpg/360px/obs-en-20-11.jpg)

بعد حوالى سبعين  سنة ، كورش ملك فارس هزم بابل . عشان كده امبرطورية  فارس حكمت شعوب كتيرة  بدل امبرطورية  بابل ، الاسرائيليين فى  الوقت داك  سموهم اليهود , كتير منهم  عاشوا كل حياتهم  فى بابل .  بسيط من اليهود العجائز كان بتذكروا ارض يهوذا .

![OBS Image](https://cdn.door43.org/obs/jpg/360px/obs-en-20-12.jpg)

الفرس كانوا قويين شديد ،  لكن كان عندهم رحمة  على الناس النفوهم  . وبعد زمن قصيرمن  كورش بقى ملك على الفرس ،  ادى اوامر بانو اى يهودى عايز يرجع لليهودية ممكن يخلى  فارس ،  كمان اداهم قروش عشان يعيدوا بناء الهيكل ! عشان كده بعد سبعين  سنة فى المنفى ، مجموعة صغيرة من اليهود رجعوا من مدينة اورشليم لليهودية .

![OBS Image](https://cdn.door43.org/obs/jpg/360px/obs-en-20-13.jpg)

لمن الشعب وصلوا اورشليم  ، اعادوا بناء الهيكل و السور  حول المدينة . الفرس لسه حاكمينهم ، لكن مرة تانية كانوا عايشين فى ارض الموعد و بعبدوا فى الهيكل .

_القصة من الكتاب المقدس ماخوذة من ملوك التانى  ١٧ :  ٢٤  اخبار الايام التانى ٣٦ و عزرا  ١ - ١٠  و نحميا ١ - ١٣  ._