# المملكة المقسومة

![OBS Image](https://cdn.door43.org/obs/jpg/360px/obs-en-18-01.jpg)

الملك داؤد حكم لمدة اربعين  سنة.  بعد داك مات ، ولدو سليمان بدا  يحكم على اسرائيل . الله كلم  سليمان  و سالو شنو اكتر حاجة داير انو الله يعملو ليهو . سليمان طلب من  الله يبقيه حكيم  شديد . و ده  خلى الله فرحان  ، عشان كده هو بقا سليمان احكم  راجل فى العالم . سليمان اتعلم حاجات كتيرة و كان قائد  حكيم شديد   . برضو الله  بقاه غنيان شديد .

![OBS Image](https://cdn.door43.org/obs/jpg/360px/obs-en-18-02.jpg)

فى اورشليم ، سليمان بنى الهيكل الكان  ابوه  داؤد خطط  ليهو  و جمع مواد  .  و هسه الشعب بقوا يعبدوا الله و يقدموا ليه الذبائح فى الهيكل  بدل من خيمة الاجتماع . الله جاء وكان حاضر فى الهيكل و سكن هناك مع شعبه .

![OBS Image](https://cdn.door43.org/obs/jpg/360px/obs-en-18-03.jpg)

لكن سليمان احب نسوان من بلدان تانية . هو خالف الله بزواجو من نسوان كتار ، تقريبا ١٠٠٠ منهم ! وكتار من النسوان ديل جوا من بلدان اجنبية و جابوا الهتهم معاهم و استمروا يعبدها . لمن سليمان عجز  هو كمان عبد الهتهم .

![OBS Image](https://cdn.door43.org/obs/jpg/360px/obs-en-18-04.jpg)

بسبب ده  الله كان زعلان من سليمان  .  هو قال انو حيعاقبه بتقسيم شعب اسرائيل  لمملكتين . هو  حيعمل ده  بعد موت سليمان .

![OBS Image](https://cdn.door43.org/obs/jpg/360px/obs-en-18-05.jpg)

بعد موت  سليمان  ، ولده رحبعام  بقى ملك . كل شعب اسرائيل جو ليهو  مع بعض عشان يقبله كملكهم . اشتكوا لرحبعام انو سليمان خلاهم يشتغلوا شديد و يدفعوا ضرائب عالية  هم طلبوا من رحبعام عشان  يقلل ليهم  الشغل .

![OBS Image](https://cdn.door43.org/obs/jpg/360px/obs-en-18-06.jpg)

لكن رحبعام جاوبهم بطريقة غبية شديد . هو  قال: "انتو قلتوا ابوي سليمان خلاكم تشتغلوا شديد . لكن انا بخليكم تشتغلوا اكتر من ماهو عمل  و اخليكم تتعبوا   اكثر من ما هو عمل ليكم".

![OBS Image](https://cdn.door43.org/obs/jpg/360px/obs-en-18-07.jpg)

لمن الشعب سمعوه قال  ده ، معظمهم  اتمردوا ضده . عشرة  قبائل خلوه و قبيلتين بس بقوا  معاه .  القبيلتين ديل سموا  نفوسهم  مملكة يهوذا .

![OBS Image](https://cdn.door43.org/obs/jpg/360px/obs-en-18-08.jpg)

القبائل العشرة التانية  عملوا  راجل اسمه يربعام عشان يكون ملك ليهم . القبائل دي كانت فى الجزء  الشمالي من الأرض . سموا  انفسهم مملكة إسرائيل.

![OBS Image](https://cdn.door43.org/obs/jpg/360px/obs-en-18-09.jpg)

لكن يربعام اتمرد ضد الله وخلي الشعب يخطي .بناء صنميين لشعبه عشان يعبده . وبقوا ما  بمشوا اي اورشليم في ملكة يهوذا عشان يعبدوا االله في الهيكل .

![OBS Image](https://cdn.door43.org/obs/jpg/360px/obs-en-18-10.jpg)

مملكة يهوذا و اسرائيل بقوا اعداء و دائما بحاربوا   ضد بعض .

![OBS Image](https://cdn.door43.org/obs/jpg/360px/obs-en-18-11.jpg)

فى مملكة اسرائيل الجديدة  ، كل الملوك كانوا اشرار .  كتار من ملوك ديل  اتقتلوا بواسطة اسرائليين التانين الكانوا  دايرين يكونوا ملك  فى محلهم  .

![OBS Image](https://cdn.door43.org/obs/jpg/360px/obs-en-18-12.jpg)

كل ملوك و معظم  الشعب من مملكة اسرائيل عبدوا اصنام . لمن عملوا  ده ،هم دائما  بنوموا مع  الزانيات  و مرات كمان بقدموا اطفال كذبيحة لاصنام .

![OBS Image](https://cdn.door43.org/obs/jpg/360px/obs-en-18-13.jpg)

ملوك يهوذا كانوا من نسل داؤد ، بعض من الملوك ديل كانوا رجال كويسين حكموا بعدل وعبدوا الله . لكن معظم  ملوك يهوذا كانوا اشرار . حكموا بطريقة ما كويس ، و عبدوا اصنام . بعض من الملوك ديل  قدموا اطفالهم كذبيحة لالهة كاذبة معظم  شعب  يهوذا برضو اتمردوا  ضد الله و عبدوا الهة اخرى .

_القصة  من الكتاب ماخوذة من سفر ملوك الاولى الاصحاحات ١  - ٦  :  ١١ - ١٢ ._