# عهد الله مع داؤد

![OBS Image](https://cdn.door43.org/obs/jpg/360px/obs-en-17-01.jpg)

شاول كان اول ملك لاسرائيل ، كان طويل و وجيه ، زى ما الشعب دايرينو . شاول كان ملك كويس فى السنين الاولى لمن حكم على  اسرائيل ، لكن بعد داك  بقى شرير و ما اطاع  الله . عشان كده الله اختار راجل  تانى عشان  يكون ملك فى محله  فى يوم من الايام  .

![OBS Image](https://cdn.door43.org/obs/jpg/360px/obs-en-17-02.jpg)

الله  اختار شاب اسرائيلى اسمه داؤد وبداء يجهزه عشان يكون ملك فى يوم من الايام بعد شاول . داؤد كان راعى من مدينة بيت لحم . فى اوقات مختلفة  داؤد قتل اسد و دب الهجموا خرفان ابوه لمن كان برعاهم . داؤد كان راجل متواضع و بار ، وثق و اطاع الله .

![OBS Image](https://cdn.door43.org/obs/jpg/360px/obs-en-17-03.jpg)

لمن داؤد كان شاب ، هو حارب ضد عملاق اسمه جليات  . جليات كان عسكرى كويس ، قوى شديد و طوله تقريبا  تلاتة امتار! لكن الله ساعد داؤد  يقتل جليات و يخلص اسرائيل . بعد داك داؤد كسب انتصارات كتيرة على اعداء اسرائيل . داؤد بقى عسكرى عظيم ، و قاد جيش اسرائيل فى معارك كتيرة و الشعب عظمه شديد .

![OBS Image](https://cdn.door43.org/obs/jpg/360px/obs-en-17-04.jpg)

الشعب حبوا داؤد شديد عشان كده  الملك شاول  بقى بغير منه . فى النهاية شاول داير يقتله ،  داؤد جرى بعيد  للبرية عشان  يدسى منه  و جيشه . فى يوم من الايام ، لمن شاول و جيشه كانوا بفتيشوا فيه ، شاول دخل جوا كركور و ده نفس الكركور الكان داؤد مدسى  فيه  لكن شاول ما شافه . داؤد مشى قريب لشاول و قطع  قطعة من  قماشه  الكان لابسه . فى  وقت تانى  ، بعد ما  شاول خلى الكركور ، داؤد صرخ ليه عشان يشوفه  قطعة قماشه الكان ماسكه . بالطريقة دى ، شاول عرف انو داؤد رفض يقتله عشان يكون ملك .

![OBS Image](https://cdn.door43.org/obs/jpg/360px/obs-en-17-05.jpg)

بعد  فترة ، شاول مات فى معركة و داؤد بقى ملك  اسرائيل هو كان ملك كويس و الشعب حبوه  و الله بارك داؤد و عمله  ناجح . داؤد حارب فى  معارك كتيرة و الله ساعده ليهزم اعداء اسرائيل . داؤد مسك مدينة اورشليم بالقوة و بقاه عاصمته محل هو كان عايش فيه و حكم . داؤد كان ملك لمدة اربعين سنة ، فى الفترة داك اسرائيل  كانت قوية و غنية  .

![OBS Image](https://cdn.door43.org/obs/jpg/360px/obs-en-17-06.jpg)

داؤد داير يبنى هيكل محل لكل الاسرائيليين يعبدوا فيه الله و يقدموا ليهو ذبائح . لفترة اربعمائة سنة ، الشعب كانوا بعبدوا الله و يقدموا ليهو  ذبائح فى خيمة  الاجتماع الكان موسى عملها .

![OBS Image](https://cdn.door43.org/obs/jpg/360px/obs-en-17-07.jpg)

لكن هناك كان فى  نبى اسمه ناثان. الله رسله  عشان يقول لداؤد الكلام  ده:  "انت حاربت فى حروبات كتيرة ، عشان كده انت ما حتبنى لى الهكيل. ابنك حيبنيهو. لكن لسه ،  حباركك كتير. واحد  من نسلك حيحكم شعبى كملك  للابد !" ونسل داؤد الوحيد البحكم للابد هو المسيح. المسيح هو الوحيد  الكان الله اختاره  لينقذ ناس العالم من خطاياهم.

![OBS Image](https://cdn.door43.org/obs/jpg/360px/obs-en-17-08.jpg)

لمن داؤد سمع رسالة ناثان هو شكر الله و سبحه  .  الله كان  اكرمه و اداه  بركات كتيرة . طبعا ،  داؤد  ما كان عارف متين الله حيعمل الحاجات دى . و هسه عرفنا  انو الاسرائيليين كان عليهم   ينتظروا لفترة طويلة  تقريبا  ١,٠٠٠  سنة   قبل  مجى المسيح  .

![OBS Image](https://cdn.door43.org/obs/jpg/360px/obs-en-17-09.jpg)

داؤد حكم شعبه بعدالة لمدة سنين كتيرة . هو طاع الله شديد و الله باركه . لكن فى نهاية حياته هو اخطا بشكل بطال ضد الله  .

![OBS Image](https://cdn.door43.org/obs/jpg/360px/obs-en-17-10.jpg)

وفى يوم من الايام داؤد عاين برا  قصره و  شاف مراة جميلة بتستحمة .  لكن ما كان بيعرفها ، لكنه لقي  اسمها بثشبع .

![OBS Image](https://cdn.door43.org/obs/jpg/360px/obs-en-17-11.jpg)

بدل  ما يعاين بعيد ، داؤد رسل زول عشان يجيبها  ليه . نام معاها و رجعها البيت . بعد زمن قصير بثشبع رسلت رسالة لداؤد بتقول هى كانت حامل .

![OBS Image](https://cdn.door43.org/obs/jpg/360px/obs-en-17-12.jpg)

زوج  بثشبع كان اسمه اوريا .هو كان واحد من افضل عساكر داؤد . فى الزمن داك  كان بقاتل فى الحرب . داؤد نادى اوريا  من المعركة و قال ليه يمشى يكون مع مرته . لكن اوريا رفض عشان يمشى البيت و  باقى الجيش لسه فى المعركة. بعداك داؤد رسل اوريا  عشان يرجع المعركة و قال للقائد الكبير فى الجيش عشان يخته فى المكان الفيه العدو قوى عشان  يقتلوه . ده الحاجة الحصل : ارويا مات فى المعركة .

![OBS Image](https://cdn.door43.org/obs/jpg/360px/obs-en-17-13.jpg)

بعد ما اوريا مات فى الحرب ، داؤد عرس بثشبع .  بعد داك هى  ولدت لداؤد  ولد . الله كان زعلان شديد من الحاجة العمله  داؤد ، عشان كده هو رسل  النبى ناثان عشان يقول لداؤد كيف كان شر الخطية حقه . داؤد  اعترف بخطيته و الله غفر ليه .  لباقى حياته ، داؤد تبع و طاع الله  حتى فى الاوقات الصعبة .

![OBS Image](https://cdn.door43.org/obs/jpg/360px/obs-en-17-14.jpg)

لكن ولد  داؤد مات . دى الكيفية الله عاقب بيه داؤد . كمان ، لحدى موت داؤد  ، بعض من اسرته حاربوا ضده  و داؤد فقد سلطة كتيرة .  لكن الله كان امين و استمر يعمل الحاجة الوعد بيها داؤد عشان يعمله ليه ، رغم انو داؤد كان ما اطاعه . بعد فترة ، داؤد و بثشبع بقوا عندمهم  ولد تانى وسموه سليمان .

_القصة من الكتاب ماخوذة من سفر صموئيل الاولى  الاصحاحات ١٠ : ١٥ - ١٩  : ٢٤: ٣١  صموئيل الثانية  الاصحاحات من ٥ : ٧ : ١١ - ١٢ ._