# المنقذين

![OBS Image](https://cdn.door43.org/obs/jpg/360px/obs-en-16-01.jpg)

بعد  موت يشوع  ، الاسرائيليين خالفوا الله وما اطاعوا ناموسه  و ما طردوا باقى الكنعانيين من ارض الموعد . الاسرائيليين بداو يعبدوا الالهة الكنعانية بدل  يهوه ، الاله الحقيقى .  الاسرائيليين ما كان عندهم ملك وعشان كده  اى زول عمل  البفتكروا كان صح  لانفسهم   .

![OBS Image](https://cdn.door43.org/obs/jpg/360px/obs-en-16-02.jpg)

بمخالفتهم لله ، الاسرائيليين بداو اسلوب  المتكرر    لمرات كتيرة . والاسلوب مشى كده الاسرائيليين بخالفوا الله لسنين كتيرة ، بعد داك الله بيعاقبهم بانو يسمح لاعدائهم يهزموهم ، الاعداء ديل بيسرقوا   حاجات الاسرائيليين  و بخربوا ممتلكاتهم  وبقتلوا كتار منهم  و بعدو اعداء اسرائيل يضطهدهم  لسنين كتيرة ، الاسرائيليين بتوبوا من خطاياهم بسالوا الله عشان ينقذهم .

![OBS Image](https://cdn.door43.org/obs/jpg/360px/obs-en-16-03.jpg)

وكل مرة الاسرائيليين بتوبوا ، الله بينقذهم . هو عمل ده من خلال اقامة منقذ ، المنقذ ده الزول البحارب ضد اعدائهم و بهزمهم وبعداك حيكون هناك  سلام فى الارض  و المنقذ بحكمهم كويس.  الله رسل منقذين كتير عشان ينقذوا الشعب. الله عمل كده تانى بعد ما هو سمح للمديانيين  وهم مجموعة شعب العدو القريب منهم ليهزم الاسرائيليين .

![OBS Image](https://cdn.door43.org/obs/jpg/360px/obs-en-16-04.jpg)

المديانيين شالوا كل محاصيل الاسرائيليين  لمدة سبع سنوات .  الاسرائيليين  كانوا خايفين شديد ،  هم ادسوا  فى  الكراكير ، عشان المديانيين ما يلقوهم . وفى النهاية هم  صرخوا عشان الله يخلصهم .

![OBS Image](https://cdn.door43.org/obs/jpg/360px/obs-en-16-05.jpg)

كان فى راجل اسرائيلى اسمو جدعون .  فى يوم من الايام ، هو  كان بدق الحبوب  فى مكان مخفى عشان المديانيين ما يسرقوا .  ملاك يهوه ظهر  لجدعون و قال: "الله معك ، المحارب العظيم  امشى و خلص شعب اسرائيل من المديانيين".

![OBS Image](https://cdn.door43.org/obs/jpg/360px/obs-en-16-06.jpg)

ابو جدعون كان عندو مذبح  مخصص لاصنام . اول حاجة الله قال لجدعون عشان يعمله ، انو يهدم المذبح ، لكن جدعون  كان خايف من الشعب ، عشان كده  انتظر لحدى الليل . بعد داك هدم المذبح  و كسره حتة حتة و بنى مذبح جديد  لله قريب منو  و قدم فيه ذبيحة  لله

![OBS Image](https://cdn.door43.org/obs/jpg/360px/obs-en-16-07.jpg)

فى صباح اليوم التانى الشعب شافوا انو فى زول هدم و دمر المذبح  و كانوا زعلانين شديد . مشوا بيت جدعون عشان يقتله ، لكن ابو جدعون قال: "ليه انتو بتحاولوا تساعدو الهكم ؟ لو هو  اله ، خلى يحمى نفسه !" عشان هو قال كده ، الشعب ما قتلوا جدعون .

![OBS Image](https://cdn.door43.org/obs/jpg/360px/obs-en-16-08.jpg)

بعد داك المديانيين جوا تانى عشان يسرقوا من الاسرائيليين . من شدة ما هم كتار ما  ممكن يتحسبوا . جدعون نادى الاسرائيليين سوا عشان يحاربهم  . جدعون طلب من الله علامتين عشان يتاكد انو الله حقيقة   دايره  يخلص اسرائيل .

![OBS Image](https://cdn.door43.org/obs/jpg/360px/obs-en-16-09.jpg)

فى العلامة الاولى جدعون فرش جلد الخروف فى الواطة وطلب من الله انو يخلى ندى الصباح ينزل فى جلد الخروف لكن ما فى الواطة الناشفة . الله عمل داك . فى الليلة التانية طلب انو الواطة تكون لينة و جلد الخروف يكون ناشف . الله عمل داك برضو، عشان العلامتين ديل ، جدعون صدق انو الله حقيقة دايره عشان يخلص اسرائيل من المديانيين .

![OBS Image](https://cdn.door43.org/obs/jpg/360px/obs-en-16-10.jpg)

بعد  داك جدعون نادى عساكر عشان يجوا ليه ، و ٣٢٠٠٠  راجل جوا . لكن  الله  قال ليه انو ديل كتار شديد.  عشان كده جدعون رجع  ٢٢٠٠٠  الف  البيت  ، كل الكانوا خايفين عشان يحاربوا  . الله قال لجدعون انو لسع عنده رجال كتار  . عشان كدا جدعون رجعهم  كلهم الا بس  ٣٠٠  عسكرى .

![OBS Image](https://cdn.door43.org/obs/jpg/360px/obs-en-16-11.jpg)

فى الليلة داك  الله قال لجدعون ، "انزل لمعسكر المديانيين عشان يسمع كلامهم ، لمن تسمع البتكلموا عنه  ، انت ما حتخاف  عشان تهاجمهم". و فى الليلة داك ، جدعون مشى للمعسكر و سمع عسكرى مديانى بقول لصحبه عن الحاجة الكان حلم بيه . وصحبه قال: " الحلم ده معناه انو جيش جدعون حيهزمنا جيش المديانيين !"  لمن جدعون سمع ده ،  هو سجد لله .

![OBS Image](https://cdn.door43.org/obs/jpg/360px/obs-en-16-12.jpg)

بعد داك جدعون رجع لعساكره و ادى كل واحد منهم قرن ، قلة  من طين و شعلة  مشتعلة. هم حاوطوا المعسكر الكان بنوم فيه جيش المديانيين . ٣٠٠ من عساكر جدعون كان عندهم شعلة  جو  القلل عشان المديانيين ما يشوفوا ضوء الشعل .

![OBS Image](https://cdn.door43.org/obs/jpg/360px/obs-en-16-13.jpg)

بعد داك  ، كل عساكر جدعون كسروا قللهم فى وقت واحد ، و فجاة  ظهر نار الشعل و نفخوا الابواق و صرخوا ،  "السيف ليهوه  وجدعون!"

![OBS Image](https://cdn.door43.org/obs/jpg/360px/obs-en-16-14.jpg)

الله شوش المديانيين ، عشان كده بداو  يهجموا و يقتلوا بعضهم  البعض و جدعون طولى رسل ناس  ينادوا  كتير من  الاسرائيليين عشان يجوا من بيوتهم و يساعدوهم فى مطارد المديانيين .  قتلوا عدد كبير منهم و طردوا جزء منهم خارج حدود اسرائيل .  ١٢٠,٠٠٠  من المديانيين ماتوا فى اليوم داك و دى الطريقة الله حفظ بيها اسرائيل .

![OBS Image](https://cdn.door43.org/obs/jpg/360px/obs-en-16-15.jpg)

و الشعب دايرين  جدعون يبقى  ملكهم . جدعون ما خلاهم  يعملوا ده و لكن طلب منهم خواتم من دهب الكان شالوها من المديانيين .  و الشعب ادى جدعون كمية كبيرة من  الدهب  .

![OBS Image](https://cdn.door43.org/obs/jpg/360px/obs-en-16-16.jpg)

بعد داك جدعون استخدم الدهب و عمل بيه جبة  خاصة زى الكاهن العلى البيلبسوا . و الشعب  بدوا يعبده زى الصنم  عشان كده  الله عاقب اسرائيل تانى عشان هم عبدوا الاصنام  . الله خلى اعدائهم يهزموهم  . و فى النهاية طلبوا من الله  مساعدة  تانى و الله رسل ليهم منقذ عشان ينقذهم .

![OBS Image](https://cdn.door43.org/obs/jpg/360px/obs-en-16-17.jpg)

دى نفس الحاجة اتكرر مرات كتيرة . الاسرائيليين بيخطئوا ، الله بيعاقبهم ، يتوبوا و الله برسل ليهم زول ينقذهم . لسنين كتيرة الله رسل منقذين كتير الا نقذوا الاسرائليين من اعدائهم  .

![OBS Image](https://cdn.door43.org/obs/jpg/360px/obs-en-16-18.jpg)

فى النهاية ، الشعب سالوا من الله ملك زى ما كل الشعوب  التانين عندهم .كانوا دايرين ملك طويل و قوى ، البيقدر يقودهم للحرب . الله ما داير الطلب ده لكن اداهم ملك زى ما كانوا طلبوا  .

_القصة من الكتاب ماخوذة من سفر قضاء الاصحاح ١ - ٣ :  ٦ - ٨   صموئيل الاولى الاصحاحات من ١ - ١٠ ._