# عهد الله مع اسرائيل

![OBS Image](https://cdn.door43.org/obs/jpg/360px/obs-en-13-01.jpg)

بعد ما الله قاد  الاسرائيليين عبر البحر الاحمر ، قادهم   فى البرية  لجبل اسمه  سيناء . ده نفس الجبل الموسى شاف فيه الشجرة المشتعلة .  الناس عملوا خيامهم  تحت الجبل .

![OBS Image](https://cdn.door43.org/obs/jpg/360px/obs-en-13-02.jpg)

قال الله  لموسى وكل الشعب الاسرائيلى ، "انتو لازم تطيعونى دائما  و تحفظوا  العهد العملتو معاكم .لو انتو  عملتوا  ده. حتكونوا لى ملك خاص، مملكة  كهنة و امة مقدسة".

![OBS Image](https://cdn.door43.org/obs/jpg/360px/obs-en-13-03.jpg)

لمدة  تلاتة ايام الناس جهزوا انفسهم  عشان  الله  يجى قريب  منهم  . بعد داك الله  نزل  فوق راس جبل سيناء . لمن هو جاء ، كان فى رعد ، برق ، دخان  و اصوات بوق عالية . بعد داك  موسى طلع  فوق  الجبل  براه   .

![OBS Image](https://cdn.door43.org/obs/jpg/360px/obs-en-13-04.jpg)

بعد داك الله عمل عهد  مع الشعب. وقال ، "انا يهوه ، الهكم. انا خلصتكم  من ان تكونوا  عبيد  فى مصر . ما تعبدوا  اله تانى".

![OBS Image](https://cdn.door43.org/obs/jpg/360px/obs-en-13-05.jpg)

ما تعملوا اصنام  وما  تعبدوها ، لانو انا يهوه لازم  اكون الهكم بس  . ما  تتكلوا   باسمى  بالباطل .اتاكدوا  انو تحفظوا  يوم السبت مقدس  . بطريقة تانى ، اعملوا كل اشغالكم  فى ستة ايام  اليوم السابع هو يومكم ترتاحوا  و تذكرونى .

![OBS Image](https://cdn.door43.org/obs/jpg/360px/obs-en-13-06.jpg)

احترم ابوك وامك .  ما تقتل . ما تزنى . ما تسرق . ما تكذب . ما تشتهى  مراة قريبك و بيته وكل حاجة فيه .

![OBS Image](https://cdn.door43.org/obs/jpg/360px/obs-en-13-07.jpg)

وبعد داك الله كتب الوصايا العشرة على لوحتين من الحجر و اداهم  لموسى .  الله برضو ادى الشعب  ناموس  و قوانيين تانية   كتيرة عشان يتبعوها  . الله  وعد انو حيبارك الشعب  و يحميهم لو هم  طاعوا الناموس ده  . لكن قال  حيعاقبهم  لو ما اطاعه  .

![OBS Image](https://cdn.door43.org/obs/jpg/360px/obs-en-13-08.jpg)

الله  برضو  كلم  الاسرائيليين عشان  يعملوا  خيمة واسعة  ، خيمة الاجتماع . و كلمهم  كيف يعملوا الخيمة  دى   بالتحديد  وياتو حاجات البختوا جواها .  و قال ليهم   يعملوا  ستارة كبيرة عشان تفصل الخيمة الى غرفتين ، و الله حبيجى و يكون   فى الغرفة  وراء الستارة هناك .   كان مسموح بس لرئيس  الكهنة   يدخل الى الغرفة  الفيها الله .

![OBS Image](https://cdn.door43.org/obs/jpg/360px/obs-en-13-09.jpg)

كمان الشعب  لازم  يعملوا مذبحة  قدام خمية الاجتماع .  اى  زول ما اطاع ناموس الله  كان لازم  يجيب بهيمة  فى  المذبحة . و بعد داك   الكاهن  يذبحو و يحرقو على المذبحة  كذبيحة لله .  الله قال  دم البهيمة  حيغطى الخطية  الزول ده . بالطريقة  ده ،  الله ما حيشوف الخطية داك تانى .  والزول ده  بيكون  "طاهر"  فى  عين الله. الله  اختار اخو،  موسى هارون  و نسله عشان يكونوا  كهنة ليه  .

![OBS Image](https://cdn.door43.org/obs/jpg/360px/obs-en-13-10.jpg)

الشعب  كلهم اتفقوا يطيعوا القوانيين  الكان الله اداه ليهم ، هم اتفقوا عشان   يكونوا شعب لله وحده  و يعبدوه  بس .

![OBS Image](https://cdn.door43.org/obs/jpg/360px/obs-en-13-11.jpg)

موسى بقى فى راس  جبل سيناء  لايام كتيرة ،  كان بتكلم  مع الله ، لكن الشعب  تعبوا من انتظاره عشان يرجعهم  ليهم  ، و بعد داك جابوا  دهب لهارون  و سالوه  يعمل ليهم صنم عشان يعبدوا بدل من الله . و بالطريقة دى هم  اخطاوا شديد ضد الله  .

![OBS Image](https://cdn.door43.org/obs/jpg/360px/obs-en-13-12.jpg)

هارون عمل صنم من  دهب فى شكل عجل ،   الشعب  بدوا يعبدوا الصنم بطريقة غريبة  و قدموا  ليه ذبائح  ! ، الله كان  زعل منهم  شديد  ، وكان عايز يدمرهم  ، لكن موسى طلب من الله ما يدمرهم  و الله سمع صلواته وما دمرهم  .

![OBS Image](https://cdn.door43.org/obs/jpg/360px/obs-en-13-13.jpg)

فى النهاية   موسى نزل من جبل سيناء  و كان شايل لوحتين من الحجر الكتب فيه  الله  الوصايا العشرة ، بعد داك هو شاف الصنم  و كان زعلان شديد وكسر الالواح .

![OBS Image](https://cdn.door43.org/obs/jpg/360px/obs-en-13-14.jpg)

بعد دالك موسى كسر الصنم  لدقيق و دفق الدقيق فى الموية  و خلى الناس يشرf, . الله رسل وباء  ومات منهم كتير  .

![OBS Image](https://cdn.door43.org/obs/jpg/360px/obs-en-13-15.jpg)

موسى عمل الواح  حجرية جديدة  للوصايا العشرة  و ليبدل بيها الالواح الكان كسرها . بعد داك  طلع  الجبل تاني و صلى  انو الله  يغفر لشعب  . والله سمع لموسى و غفر ليهم   ، موسى نزل من الجبل بالوصايا العشرة فى الواح جديدة .  بعد داك الله قاد الاسرائيليين من جبل سيناء تجاه ارض الموعد .

_القصة من الكتاب المقدس ماخوذة من سفر الخروج الاصحاح ١٩ - ٣٤ ._