# الخروج

![OBS Image](https://cdn.door43.org/obs/jpg/360px/obs-en-12-01.jpg)

الاسرائيليين كانوا مبسوطين عشان يخلوا مصر . لانو هم تانى ما عبيد  و كانوا ماشين لارض الموعد ! المصريين ادوا الاسرائيليين اى شئ  طلبوا ، حتى  دهب و فضة وحاجات تانية قيمة  . ناس تانين من امم  اخرى امنوا بالله و مشوا  مع الاسرائيليين  لمن طلعوا من مصر  .

![OBS Image](https://cdn.door43.org/obs/jpg/360px/obs-en-12-02.jpg)

عمود طويل من  سحابة  ماشى قدامهم بالنهار . و ببقى  عمود  نار طويل  بالليل . الله الكان موجود فى عمود من السحابة و عمود طويل  من النار ، كان دائما معاهم و برشدهم  لمن مسافرين  ، ما عندهم اى حاجة غير يتبعه .

![OBS Image](https://cdn.door43.org/obs/jpg/360px/obs-en-12-03.jpg)

بعد زمن قصير، فرعون وشعبه  غيروا رايهم  و كانوا  دايرين يبقوا الاسرائيليين عبيدهم  تاني .  عشان  هم طاردوا الاسرائيليين.  ده كان  الله  الخلاهم يغييروا رايهم . هو عمل كده لانو داير اى زول يعرف انو هو يهوه ، هو اقوى بكتير  من فرعون  و من كل الالهه المصرية .

![OBS Image](https://cdn.door43.org/obs/jpg/360px/obs-en-12-04.jpg)

لمن الاسرائيليين شافوا جيش المصريين جايين. هم لاحظوا انو هم محصوريين

![OBS Image](https://cdn.door43.org/obs/jpg/360px/obs-en-12-05.jpg)

موسى كلم الاسرائيليين ،  "وقفوا الخوف! الله حيحارب من أجلكم  اليوم ويخلصكم". بعد داك  الله كلم موسى ، "كلم الشعب أنو يتحركوا   تجاه البحر الأحمر".

![OBS Image](https://cdn.door43.org/obs/jpg/360px/obs-en-12-06.jpg)

بعد داك الله حرك عمود السحابة و ختاه  بين الإسرائيليين والمصريين  عشان  المصريين ما يقدروا يشوفوا الاسرائيليين .

![OBS Image](https://cdn.door43.org/obs/jpg/360px/obs-en-12-07.jpg)

الله كلم  موسى  أنو يرفع يده  تجاه  البحر. بعد داك الله خلى الهواء  يفتح الموية في البحر شمال  و يمين  ، عشان  يكون فى طريق فى  البحر.

![OBS Image](https://cdn.door43.org/obs/jpg/360px/obs-en-12-08.jpg)

الاسرائيليين مشوا فى البحر على ارض ناشفة ، بين حيطين من الموية على الجانبين .

![OBS Image](https://cdn.door43.org/obs/jpg/360px/obs-en-12-09.jpg)

بعد داك اللة حرك السحابة الي اعلي وخارج الطريق عشان المصريين يقدروا يشوفوا الاسرائيلين بيهربوا . والمصريين قرروا يطاردهم.

![OBS Image](https://cdn.door43.org/obs/jpg/360px/obs-en-12-10.jpg)

بعد داك هم تابعوا الاسرائيليين فى طريق عبر البحر ، لكن الله خلى المصريين يقلقوا و عرباتهم توحل .  صرخوا "اهربوا الله بقى يحارب  لاجل  الاسرائيليين!" .

![OBS Image](https://cdn.door43.org/obs/jpg/360px/obs-en-12-11.jpg)

كل الاسرائيليين  وصلوا الجهة التانية من البحر ، الله قال لموسى "يمد يده  تانى فوق الموية" ، لمن موسى عمل كده الموية غطت المصريين و رجعت لمكانها الطبيعى كل جيوش المصريين غرقوا .

![OBS Image](https://cdn.door43.org/obs/jpg/360px/obs-en-12-12.jpg)

لمن الاسرائيليين  شافوا المصريين ماتوا ، وثقوا فى الله . هم صدقوا انو موسى نبى الله .

![OBS Image](https://cdn.door43.org/obs/jpg/360px/obs-en-12-13.jpg)

الاسرائيليين كمان  فرحوا كتير لان الله انقذهم من الموت و العبودية . هسع هم بقوا احرار عشان يعبدوا الله ويطيعوه .الاسرائيليين غنوا اغانى كتيرة ليحتفلوا بحريتهم الجديدة و يمجدوا الله لانه  انقذهم من الجيش المصرى .

![OBS Image](https://cdn.door43.org/obs/jpg/360px/obs-en-12-14.jpg)

الله امر الاسرائيليين عشان يحتفلوا بالمناسبة  دي كل سنة  من اجل ان يتذكروا كيف  الله  غلب المصريين و حررهم من ان يكونوا عبيد . المناسبة دى كان سموها عيد الفصح فيها كانوا يحتفلوا  بذبح حمل صحى  ،  يشوه و ياكله برغيف عملوه  بدون خميرة .

_القصة ده من سفر الخروج الاصحاح ١٢: ٣٣ -  ١٥ : ٢١ ._