# الله ينقذ يوسف و اسرتو

![OBS Image](https://cdn.door43.org/obs/jpg/360px/obs-en-08-01.jpg)

بعد سنين كتير ، لمن يعقوب بقى عجوز ، هو رسل ولدو البحبو اكتر ، يوسف ،عشان  يتفقد احوال اخوانو الكانو برعو البهائم .

![OBS Image](https://cdn.door43.org/obs/jpg/360px/obs-en-08-02.jpg)

اخوان يوسف كرهو عشان ابوهم  حباه كتير لانو يوسف حلم بانو حيكون  قائدهم . لمن  يوسف جاء لاخوانو ، هم  خطفوه وباعوه  لبعض تجار العبيد .

![OBS Image](https://cdn.door43.org/obs/jpg/360px/obs-en-08-03.jpg)

قبل ما اخوان يوسف يرجعوا البيت ،  شرطو جلابية يوسف و لطخو  بدم غنماية .  بعد داك هم  شوفو الجلابية لابوهم عشان هو يفتكر انو وحش  قتل يوسف . يعقوب كان حزين شديد .

![OBS Image](https://cdn.door43.org/obs/jpg/360px/obs-en-08-04.jpg)

تجار العبيد شالو يوسف لى مصر . مصر كانت بلد  كبيرة  وقوية  تقع  على طول نهر النيل . تجار العبيد باعوا يوسف كعبد لموظف حكومى غنيان  .  يوسف خدم سيدو كويس والله بارك يوسف .

![OBS Image](https://cdn.door43.org/obs/jpg/360px/obs-en-08-05.jpg)

مراة  سيدو  حاولت تنوم مع يوسف ،لكن يوسف ابى  ان  يخطئ  ضد الله  بالطريقة دي .هي بقت زعلانة و بالكذب اتهمت يوسف عشان كده  مسكو ورسلو الى  السجن.  حتى  في السجن يوسف كان امين مع الله ، و الله باركه.

![OBS Image](https://cdn.door43.org/obs/jpg/360px/obs-en-08-06.jpg)

و بعد سنتين يوسف كان لسع في السجن، ما انو هو كان برئ .  مرة  بالليل ، الفرعون  و ده الاسم المصريين بسمو بيهو ملوكهم ، حلم  حلمين  عمل ليهو ازعاج شديد . ولا واحد من المستشارين حقو  قدر يوريه معنى الاحلام .

![OBS Image](https://cdn.door43.org/obs/jpg/360px/obs-en-08-07.jpg)

الله ادى  يوسف  قدرة  لتفسير الاحلام ، عشان كده  فرعون جاب  يوسف من السجن . يوسف فسر ليهو الاحلام و قال ، "الله ماشي  يرسل سبع سنوات حصاد كتير ، بعدو سبع سنوات مجاعة" .

![OBS Image](https://cdn.door43.org/obs/jpg/360px/obs-en-08-08.jpg)

فرعون كان اتعجب  شديد  بيوسف  فبقاهو  تاني اقوى راجل في مصر كله!

![OBS Image](https://cdn.door43.org/obs/jpg/360px/obs-en-08-09.jpg)

يوسف كلم الناس عشان يخزنو كمية كبير من الاكل خلال السبع سنوات  الحصاد الكويس . بعد داك يوسف باع الاكل للناس لمن السبع سنوات المجاعة جات عشان هم حيكون عندهم كفاية اكل لياكلوا .

![OBS Image](https://cdn.door43.org/obs/jpg/360px/obs-en-08-10.jpg)

المجاعة كان شديد ما بس فى مصر ، لكن برضو فى كنعان مكان يعقوب واسرتو كانوا ساكنين .

![OBS Image](https://cdn.door43.org/obs/jpg/360px/obs-en-08-11.jpg)

عشان كدا يعقوب رسل اولادوا الكبار لي مصر عشان يشتروا اكل . الاخوان ما  عرفو يوسف لمن  وقفوا قدامو عشان يشتروا  الاكل . لكن يوسف عرفهم .

![OBS Image](https://cdn.door43.org/obs/jpg/360px/obs-en-08-12.jpg)

بعد ما  اختبر  اخوانو  عشان يشوف لو هم   اتغيرو ، يوسف  قال ليهم ، "انا  اخوكم  يوسف،  !ما تخافو.  انتو حاولتو تعملو الشر لمن  بعتوني كعبد  ، لكن الله استخدم الشر للخير! تعالوا اسكنوا في مصرعشان انا  اقدر اوفر ليكم و لاسركم".

![OBS Image](https://cdn.door43.org/obs/jpg/360px/obs-en-08-13.jpg)

لمن اخوان يوسف رجعو البيت و كلموا ابوهم ،يعقوب ،انو  يوسف  لسه عايش ،  هو بقى فرحان شديد .

![OBS Image](https://cdn.door43.org/obs/jpg/360px/obs-en-08-14.jpg)

رغم انو يعقوب كان عجوز ، هو رحل  الى مصر مع كل اسرتو ، و كلهم عاشو  هناك . قبل ما  يعقوب يموت  بارك كل واحد من اولادو .

![OBS Image](https://cdn.door43.org/obs/jpg/360px/obs-en-08-15.jpg)

وعود العهد  الكان الله اداهو لابراهيم انتقل  لاسحاق ، بعدو ليعقوب ، بعداك الى اولادو اثنا عشر و اسرهم . نسل الاولاد الاثنا عشر بقو قبائل اسرائيل الاثنا عشر .

_القصة  من الكتاب المقدس ماخودة من سفر تكوين الاصحاحات من ٣٧ - ٥٠ ._