# الله يوفر لاسحاق

![OBS Image](https://cdn.door43.org/obs/jpg/360px/obs-en-06-01.jpg)

لمن ابراهيم كبرشديد ، ولدو اسحاق كبر وبقى راجل . عشان كدا ابراهيم رسل واحد من خدامه  للارض الساكن فيه  اقرباءه  عشان يجيب مراة لولدو اسحاق .

![OBS Image](https://cdn.door43.org/obs/jpg/360px/obs-en-06-02.jpg)

بعد رحلة طويلة للأرض الساكن فيه اهل ابراهيم، الله قاد خادم الى رفقة. وهي كانت بت ولد اخو ابراهيم .

![OBS Image](https://cdn.door43.org/obs/jpg/360px/obs-en-06-03.jpg)

و رفقة  وافقت  تخلي اسرتها, و ترجع  مع الخادم   الى بيت  اسحاق . اسحاق اتزوجها  طوالي  لمن هي وصلت .

![OBS Image](https://cdn.door43.org/obs/jpg/360px/obs-en-06-04.jpg)

بعد زمن طويل، ابراهيم مات . الله بارك ولد ابراهيم ، اسحاق ، عشان  العهد الكان عمله بينه و بين ابراهيم . واحد من  وعود الله في  العهد داك انو ابراهيم حيكون عنده نسل ما بتحسب . لكن زوجة اسحاق ، رفقة ، ما كان عندها عيال.

![OBS Image](https://cdn.door43.org/obs/jpg/360px/obs-en-06-05.jpg)

اسحاق صلى من اجل رفقة ، و الله سمح ليها  تكون حامل  بتيمان . الطفلين كانوا بيتصارعوا مع بعضهم البعض وهم لسع في رحم  رفقة ، عشان كدا رفقة سالت الله ده شنو القاعد يحصل ده .

![OBS Image](https://cdn.door43.org/obs/jpg/360px/obs-en-06-06.jpg)

الله كلم  رفقة ،"انتي بتلدي اولاد اتنين . و نسلهم بيكون اتنين امة مختلفين . هم بتصارعوا مع بعضهم البعض . لكن الامة البتجي من ولدك الاكبر حيطيعوا الامة  البتجي من ولدك الاصغر".

![OBS Image](https://cdn.door43.org/obs/jpg/360px/obs-en-06-07.jpg)

لمن عيال رفقة اتولدو  ، الولد الكبيرطلع لونه احمر و عنده شعر ، و سموه عيسو . اما الولد الاصغر طلع ماسك كعب  عيسو ، و سموه يعقوب .

_القصة  من الكتاب المقدس ماخوذة من سفر تكوين الاصحاحات من ٢٤ : ١  -  ٢٥ : ٢٦ ._