# الطوفان

![OBS Image](https://cdn.door43.org/obs/jpg/360px/obs-en-03-01.jpg)

بعد زمن طويل ، بقى في ناس كتار عايشين في الدنيا . الناس بقو اشرار جدا وعنيفين . والحاجة ده كعب شديد  الله  قرر يدمر الدنيا بطوفان تقيل.

![OBS Image](https://cdn.door43.org/obs/jpg/360px/obs-en-03-02.jpg)

لكن الله كان مبسوط من نوح .لان هو كان راجل صالح,  عايش في نص الناس الاشرار .  الله كلم نوح  عن الطوفان التقيل الماشي يعملو .  عشان كدة قال ليه يبني مركب كبير .

![OBS Image](https://cdn.door43.org/obs/jpg/360px/obs-en-03-03.jpg)

الله قال لنوح يعمل مركب طوله ١٤٠ متر ، عرضه ٢٣ متر ، وارتفاعه ١٣.٥ متر . ويبنى المركب  من خشب و يعمل ليه تلاتة طوابق وغرف كتيرة و يعمل سقف وشباك . المركب دي تحفظ نوح واسرتو وكل انواع الحيوانات البرية بامان في زمن الطوفان .

![OBS Image](https://cdn.door43.org/obs/jpg/360px/obs-en-03-04.jpg)

نوح طاع الله. هو واولاده التلاتة بنوا المركب زي ما الله وراهم. والمركب شال سنين كتير عشان يبنو, لانو كان كبير شديد . ونوح  ادى انذار لناس عن الطوفان الجاي وقال ليهم  يرجعو لله ،لكن الناس ما صدقوا كلامه .

![OBS Image](https://cdn.door43.org/obs/jpg/360px/obs-en-03-05.jpg)

الله امر نوح واسرته يلموا اكل كفاية ليهم و للحيوانات المعاهم . لما جهزوا ااى حاجة ، الله كلم نوح و مرتو و اولاده التلاتة ونسوانهم بانو ده الزمن االمناسب عشان يخشوا المركب ، وكانوا كلهم تمانية نفر .

![OBS Image](https://cdn.door43.org/obs/jpg/360px/obs-en-03-06.jpg)

الله رسل ذكر و انثى من كل الحيوانات و الطيور لنوح في المركب عشان يعيشو معاهم في زمن الطوفان . الله رسل سبعة ذكور وسبعة اناث من كل الحيوانات  البستخدموه  للذبيحة ,لمن كلهم دخلو جوه المركب ،  الله بنفسه قفل باب المركب .

![OBS Image](https://cdn.door43.org/obs/jpg/360px/obs-en-03-07.jpg)

بعداك المطربدأ يصب شديد, وصب لمدة اربعين ليل ونهارباستمرار! كمان الموية بقت تطلع من تحت الارض . وكل شي في الدنيا بقت مغطى بالموية ، حتى الجبال العالية .

![OBS Image](https://cdn.door43.org/obs/jpg/360px/obs-en-03-08.jpg)

كل الحاجات العايشة على الارض اليابسة ماتت ، الا الناس و الحيوانات الكانو فى المركب . المركب بقى عايم فوق الموية ، و حافظت على كل الحاجات الفيها من الغرق بامان .

![OBS Image](https://cdn.door43.org/obs/jpg/360px/obs-en-03-09.jpg)

بعد الامطار وقفت ، كان المركب عايم فوق الموية لمدة خمسة شهور , والموية بدت تقل  شوية . وفي يوم من الايام  استقر المركب فوق جبل , ولسع الدنيا كانت مغطى  بموية . بعد تلاتة شهور تاني ، بدت رؤوس الجبال تظهر .

![OBS Image](https://cdn.door43.org/obs/jpg/360px/obs-en-03-10.jpg)

بعد أربعين يوم تانين ، نوح رسل غراب عشان يتاكد لو الموية نشفت ولا لسع . والغراب طار عشان يشوف محل ناشف لكن مالقى اي مكان ناشف .

![OBS Image](https://cdn.door43.org/obs/jpg/360px/obs-en-03-11.jpg)

بعد زمن نوح رسل  حمامة لكن برضو ما لقت مكان ناشف  ، وجات راجعة لنوح ، بعد أسبوع نوح رسل الحمامة للمرة التانية ، وجات راجعة بفرع  شجرة الزيتون!  والموية  بدت تنقص , والنباتات بدت تقوم من جديد .

![OBS Image](https://cdn.door43.org/obs/jpg/360px/obs-en-03-12.jpg)

نوح انتظر لأسبوع تاني ورسل حمامة للمرة التالتة . وفي المرة ده لقت مكان تقعد فوقو وما جات راجعة ،لانو الموية بدت تجف!

![OBS Image](https://cdn.door43.org/obs/jpg/360px/obs-en-03-13.jpg)

وبعد شهرين  الله قال لنوح , " انت واسرتك وكل الحيوانات اطلعوا من المركب هسع . والدو  واملؤ  الارض بعيال كتير وعيال عيالك  ". بعداك نوح واسرته طلعوا من المركب .

![OBS Image](https://cdn.door43.org/obs/jpg/360px/obs-en-03-14.jpg)

بعد نوح طلع من المركب ، بنى مذبحة وقدم ذبيحة من بعض الحيوانات البستخدموه ذبيحة . الله كان مبسوط من الذبيحة وبارك نوح واسرته.

![OBS Image](https://cdn.door43.org/obs/jpg/360px/obs-en-03-15.jpg)

الله قال، "  انا بوعد انو تاني ما بلعن الارض بسبب اعمال الناس الشريرة ، او ادمر الدنيا بطوفان،  مع انو الناس خطاة من زمن هم صغار".

![OBS Image](https://cdn.door43.org/obs/jpg/360px/obs-en-03-16.jpg)

بعداك الله عمل  قوس قزح كعلامة لوعده . وكلما يظهر قوس قزح  في السماء ، الله بتذكرالحاجه وعده ومع الناس.

_القصة من الكتاب القدس ماخوذة من سفر تكوين الاصحاح  ٦ - ٨  ._