يسوع اتكلم عن قصص تانية كتيرة عن ملكوت الله. مثلا هو قال: "ملكوت الله بشبه بزرة الخردل الزول زرعو في حقلو. انت بتعرف انو بزرة الخردل هي اصغر بزرة من كل البزور!".
"ملكوت الله كمان بشبه كنز زول دساهو في الحقل، زول تاني لقي الكنز وكان دايرو شديد. عشان كدا دفنو تاني. هو كان فرحان شديد حتي مشي و باع كلو حاجة عندو عشان يشتري الحقل الكان فيهو الكنز".
كان في بعض الناس بفتكروا انو الله بيقبلهم عشان بعملوا حاجات كويسة . الناس ديل بستهتروا بالتانيين الما بعملوا حاجات كويسة. عشان كدا يسوع كلمهم بالقصة دي "كان في اتنين راجل , كلهم مشوا للهيكل عشان يصلوا. واحد منهم كان جامع ضرائب و التاني كان القادة الدينيين".
بعد داك يسوع قال: "انا بقول ليكم الحقيقة، الله سمع صلاة جامع الضرائب و اعلنو انو هو بار. لكن هو ما قبل صلاة القائد الديني. الله ما بكرم كلو زول متكبر، لكن هو حيكرم اي زول متواضع".
See in Reader
