بعد ما يسوع رفض تجارب الشيطان ، رجع لمنطقة الجليل . ده المكان العاش فيه . الروح القدس اداه قوة اكتر ، يسوع مشى من محل لمحل و علم الناس . اى زول قال حاجات كويسة عنه .
يسوع مشى لمدينة الناصرة . دي القرية الكان عايش فيها لمن هو كان جنى . فى يوم السبت، مشى لمكان العبادة . القادة سلموه مخطوطة فيها رسائل النبى اشعياء . هم دايرنو يقرا منها . بعد داك يسوع فتح المخطوطة و قراء جزء منها لناس .
بعد داك يسوع قعد تحت . كل واحد بعاين ليه من قريب، كانوا عارفين انو السفر القراه عن المسيا ، يسوع قال: "الحاجات القريتها ليكم حاصلة هسه" ، كل الناس استغربوا و قالوا: ده ما ياهو ابن يوسف؟"
بعد داك يسوع قال: "دى حقيقة انو الناس ما بقبلوا نبى فى المدينة الاتربى فيها . فى زمن النبى ايليا ، كان فى ارامل كتار فى اسرائيل. لكن لمن المطر ما نزل لمدة تلاتة سنة ونص، الله ما رسل ايليا عشان يساعد ارملة من اسرائيل. بدل ده هو رسل ايليا لارملة في امة مختلفة" .
يسوع استمر يقول، "في خلال زمن النبى اليشع، كان هناك فى ناس كتار فى اسرائيل عندهم امراض جلدية ، لكن اليشع ما شفى اى واحد منهم ،هو بس شفى المرض الجلدي لنعمان ، قائد اعداء اسرائيل" . لكن الناس البيسمعوا ليسوع كانوا يهود. عشان كده لمن سمعوه قال ده ،كانوا غضبانين منو .
بعد داك يسوع مشى في كل مكان فى منطقة الجليل . مجموعة كبيرة من الناس جوا ليهو . جابوا ليهو الناس العيانين و المعزورين . بعض منهم مابشوفوا ، ما بمشوا ، ما بسمعوا او ما بتكلموا و يسوع شفاءهم .
See in Reader
