Fri May 03 2024 10:42:12 GMT+0300 (Восточная Европа, летнее время)

01/01.txt

@@ -0,0 +1 @@
+\v 1 Лава́ Неемиё́скирэ саво́ исы́н чяво́ Ахалиё́ско. Адава́ исы́с до чё́н саво́ кхарэ́лпэ кисле́во до би́што бэ́рш, мэ исы́с до фо́ро Су́зы, \v 2 и явья́ Хана́но е́кх мирэ́ пшалэ́ндыр, и лэ́са мануша́ Иудея́тыр. И мэ пучя́вас лэ́ндыр па́л иудее́ндэ савэ́ зракхнэ́пэ, плено́стыр, и па́л Иерусали́мо.

01/03.txt

@@ -0,0 +1 @@
+\v 3 И ёнэ́ пхэндэ́ ма́нґэ: “Иуде́и савэ́ зракхнэ́пэ плено́стыр ачнэ́пэ дэ Иуде́я, – ёнэ́ дживэ́н до пхарипэ́н и до баро́ ладжяипэ́н. И сте́ны Иерусалимо́скирэ розмардэ́ и вуда́ра ла́кирэ схачкирдэ́ яґа́са”.

01/04.txt

@@ -0,0 +1 @@
+\v 4 И сы́р мэ шундё́м адалэ́ лава́, бэстё́м и лыё́м тэˍрова́в, явнэ́ пэ ма́ндэ пхарэ́ дэвэса́, и мэ до по́сто манґа́васпэ анґи́л Дэвлэ́стэ, \v 5 и ракира́вас: “О Я́хвэ, Дэвэ́л болыбны́тко, Ту баро́, и Ту зрикирэ́с Пэ́скирэ лава́ и камлыпэ́н, саво́ Ту дыя́н одолэ́нґэ, ко́н камэ́л Ту́т и шунэ́л одова́, со Ту припхэндя́н!

01/06.txt

@@ -0,0 +1 @@
+\v 6 Манґа́в Ту́т, причи́в Тырэ́ кана́ кэ мэ и откэ́р якха́ Тырэ́ пэ ма́ндэ, со́б тэˍшунэ́с манґипэ́н Тырэ́ слуґа́ско, саво́ манґэ́лпэ Ту́кэ анґи́л Тыро́ му́й дадэвэ́с, дэвэ́с и ра́т, па́л Израильсконэ́ндэ чявэ́ндэ, савэ́ исы́н Тырэ́ ра́бы и манґа́в па́л лэ́нґирэ бэзэха́, савэ́ амэ́ кэрдя́м анґи́л Ту́тэ. И мэ пэ́скирэнса дадэ́нса – кэрдя́м бэзэ́х. \v 7 Дрыва́н нанэ́ ку́ч амэ́ кэрдя́м анґи́л Ту́тэ, и наˍзракхья́м саро́, со Ту припхэндя́н, и зако́ны Тырэ́, и сы́р тэˍджива́с анґи́л Ту́тэ, сы́р Ту пхэндя́н Моисеё́скэ Тырэ́скэ рабо́скэ.

01/08.txt

@@ -0,0 +1 @@
+\v 8 Манґа́в Ту́т, зри́пир ла́в, саво́ Ту пхэндя́н Моисеё́скэ, Тырэ́скэ рабо́скэ: ‘Сы́р тумэ́ наˍавэ́на чячюнэ́ Ма́нґэ, Мэ розчюрда́ва тумэ́н машки́р сарэ́ндэ манушэ́ндэ. \v 9 Нэ сы́р тумэ́ обрисё́на кэ Мэ и лэ́на тэˍракхэ́н лава́ Мирэ́ и тэˍдживэ́н пи́р лэ́ндэ, и сы́р тумэ́ авэ́на пи́р саро́ свэ́то розчюрдымэ́, и отдотхы́р Мэ скэда́ва тумэ́н и яна́ва пэ штэ́то, саво́ Мэ выкэдыё́м, со́б тэˍуджинэ́н одо́й ла́в Миро́’.

01/10.txt

@@ -0,0 +1 @@
+\v 10 И ёнэ́ Тырэ́ ра́бы и мануша́ Тырэ́, савэ́н Ту выкиндя́н барэ́ зорья́са и Тырэ́ зоралэ́са вастэ́са. \v 11 Дэвэ́л миро́! Манґа́в Ту́т, причи́в Тырэ́ кана́ ко манґипэ́н тырэ́ рабо́ско и ко манґипэ́н Тырэ́ рабэ́нґо, савэ́ лошалэ́ одолэ́са, со дарэ́н анґи́л Ту́тэ. Манґа́в Ту́т блаґослови́ ма́н дадэвэ́с, и дэ ма́нґэ ми́лость анґи́л адалэ́стэ манушэ́стэ!” Мэ исы́с одова́ ко́н подэ́л ви́но царё́скэ.

02/01.txt

@@ -0,0 +1 @@
+\v 1 И исы́с: до чё́н ниса́но до би́што бэ́рш сы́р исы́с ца́рё Артаксе́рксо и ви́но исы́с тэрдо́ анґи́л лэ́стэ. Мэ лыё́м адава́ ви́но и подыё́м царё́скэ. И миро́ му́й наˍисы́с обмэкло́ анґи́л лэ́стэ. \v 2 И пхэндя́ ма́нґэ ца́рё: “Со́скэ обмэкло́ тыро́ му́й, ту наˍзанасва́лыян? Мэ дыкха́в со пхарипэ́н пэ ило́ тыро́”. И мэ дрыва́н здара́ндыём.

02/03.txt

@@ -0,0 +1 @@
+\v 3 И мэ пхэндя́м царё́скэ: “Ца́рё тэˍавэ́с зорало́! Сы́р ма́нґэ тэˍна́ˍавав обмэклэ́ муе́са, сы́р фо́ро – ка́й ґарадэ́ мирэ́ дада́ розмардо́, и вуда́ра лэ́скирэ схачкирдэ́ яґа́са?”

02/04.txt

@@ -0,0 +1 @@
+\v 4 И пхэндя́ ма́нґэ ца́рё: “Со ту манґэ́с тэˍкэра́в ва́ш ту́кэ?” и поманґьё́мпэ болыбнытконэ́ Дэвлэ́скэ \v 5 и пхэндё́м царё́скэ: “Сы́р чялыя́ царё́скэ р́або тыро́ и ёв попэя́ лачипэ́н анґи́л царё́стэ и ца́рё закамэ́ла мэ́к бичявэ́л ма́н дэ Иуде́я, до фо́ро ка́й ґарадэ́ мирэ́ дада́, и мэ скэра́ва лэ́с”. \v 6 И пхэндя́ ма́нґэ ца́рё и цари́ца бэшты́ исы́с па́ш лэ́стэ: “Бу́т дэвэса́ авэ́ла дро́м тыро́ и сы́р ту рисё́са?” И чялыя́ адава́ царё́скэ, и ёв бичявдя́ ма́н, и мэ пхэндё́м дэ саво́ дэвэ́с мэ трада́ва.

02/07.txt

@@ -0,0 +1 @@
+\v 7 И мэ пхэндё́м царё́скэ: “Сы́р ца́рё скамэ́ла и пхэнэ́ла, тэˍдэ́н ма́нґэ лыла́ ва́ш шэралэ́нґэ савэ́ до фо́ры па́л рэ́ка, со́б ёнэ́ тэˍпромэкэ́н ма́н кэ одова́ сы́р мэ ава́ва дэ Иуде́я, \v 8 и лы́л Асафо́скэ, саво́ ракхэ́л вэша́ царё́скирэ, со́б ёв тэˍдэ́л ма́нґэ вэ́ш тэˍобмара́в вуда́ра, ва́ш Кхэ́р и ва́ш сте́ны форы́тка и ва́ш кхэ́р, дэ саво́ мэ заджя́ва”. И дыя́ ма́нґэ ца́рё, саро́ со мэ манґьё́м па́л одова́, со Дэвлэ́скиро ва́ст исы́с пэ ма́ндэ.

02/09.txt

@@ -0,0 +1 @@
+\v 9 И мэ явьё́м ко шэралэ́ форы́тка савэ́ па́л рэ́ка, и подыё́м лэ́нґэ лыла́ царё́стыр. И ца́рё бичявдя́ ма́нца барэ́н рае́н и манушэ́н пэ ґрэ́ндэ. \v 10 И шундэ́ хоронитя́нино Санавалла́то и аммони́тско бутярно́ Тови́ё, и захая́ лэ́н дрыва́н бари́ холы́, со явья́ ману́ш тэˍродэ́л лачипэ́н чявэ́нґэ Израилё́скирэнґэ.

02/11.txt

@@ -0,0 +1 @@
+\v 11 Мэ явьё́м до Иерусали́мо, и исы́с одо́й три́н дэвэ́с, \v 12 мэ вштыё́м ратя́ко – и ма́нца нанэ́ бу́т мануша́ – и мэ наˍпхэндё́м ни конэ́скэ, со дыя́ Дэвэ́л ма́нґэ до ило́ миро́ тэˍкэра́в ва́ш Иерусали́мо. И ско́то наˍисы́с ма́нца, е́кх ґра́й пэ савэ́стэ мэ трада́вас.

02/13.txt

@@ -0,0 +1 @@
+\v 13 И мэ вытрадыё́м ратя́ко до вуда́ра Долина́кирэ, анґи́л исто́чнико Драконо́ско, и ко вуда́ра дэ савэ́ вылыджя́нас наво́зо, обдыкхья́м сте́ны Иерусалимо́скирэ, савэ́ исы́с розмардэ́, и вуда́ра савэ́ исы́с схачкирдэ́ яґа́са. \v 14 И мэ протрадыё́м ко вуда́ра пашы́л исто́чнико и ко ста́вко царё́скиро, и наˍисы́с штэ́то, со́б тэˍпроджя́л ґра́й пэ савэ́стэ мэ трада́вас.

02/15.txt

@@ -0,0 +1 @@
+\v 15 И мэ гадыё́мпэ пи́р дали́на ратя́кэс, и роздыкхьё́м сте́на, и рисиё́м палэ́ до вуда́ра Долина́кирэ. \v 16 Шэралэ́ наˍджиндэ́ ду́р мэ пхира́вас и со кэра́вас. И иудее́нґэ, и рашае́нґэ, и барэ́ манушэ́нґэ, и шэралэ́нґэ, и авирэ́нґэ, ко́н кэрэ́л буты́, мэ нисо́ наˍроспхэндё́м.

02/17.txt

@@ -0,0 +1 @@
+\v 17 И мэ пхэндё́м лэ́нґэ: “Тумэ́ дыкхэ́н дэ саво́ амэ́ пхарипэ́н, со Иерусали́мо розмардо́, и вуда́ра лэ́скирэ схачкирдэ́ яґа́са. Авэ́нте и гада́са сте́ны Иерусалимо́скирэ, и наˍава́са до ладжяипэ́н!” \v 18 И мэ розпхэндё́м лэ́нґэ сы́р Дэвлэ́скиро ва́ст исы́с пэ ма́ндэ, и па́л лава́ царё́скирэ, савэ́ ёв пхэндя́ ма́нґэ. И ёнэ́ пхэндэ́: “Вшта́са и ла́са тэˍкэра́с!” И ёнэ́ подрикирдэ́ васта́ пэ́скирэ по лачипэ́н.

02/19.txt

@@ -0,0 +1 @@
+\v 19 И шундэ́ адава́ хоронитя́нино Санавалла́то и аммони́тско бутярно́ Тови́ё, и аравитя́нино Ґешэ́мо, и лынэ́ тэˍса́нпэ амэ́ндыр, и тэˍракирэ́н: “Со за ры́ндо адава́, саво́ тумэ́ кэрэ́н? Со тумэ́ ґадэ́нпэ пэ царё́стэ”? \v 20 И мэ пхэндё́м лэ́нґэ лавэ́са дя́кэ: “Дэвэ́л болыбны́тко Ёв дэ́ла амэ́нґэ лачипэ́н, и амэ́ Лэ́скирэ слу́ґи, вшта́са и ла́са тэˍкэра́с, а тумэ́нґэ нанэ́ кэ адава́ ни саво́ ры́ндо, со кэрэ́лпэ до Иерусали́мо”.

03/01.txt

@@ -0,0 +1 @@
+\v 1 И вштыя́ Елияшы́во, Раша́й баро́, и лэ́скирэ пшала́ рашая́, и лынэ́ тэˍкэрэ́н Бакранэ́ вуда́ра – ёнэ́ свэнтсындэ́ лэ́н и чивдэ́ вуда́ра по штэ́то и кэ ба́шня Мэ́а свэнтсындэ́ лэ́н, кэ ба́шня Ханане́ла. \v 2 И пашы́л лэ́ндэ кэрэ́нас мануша́ Иерихоно́стыр, а пашы́л лэ́ндэ кэрэ́лас Закху́ро, чяво́ Имриё́ско.

03/03.txt

@@ -0,0 +1 @@
+\v 3 А вуда́ра Мачи́тка кэрэ́нас чявэ́ Сенаё́скирэ, ёнэ́ обмардэ́ лэ́н пхале́нса и чивдэ́ вуда́ра лэ́нґирэ, чивдэ́ клыдына́ и засо́вы. \v 4 И пашы́л лэ́ндэ кэрэ́лас Меремо́фо, чяво́ Уриё́ско, Чявэ́ско Ґаккоцо́ско. А пашы́л лэ́ндэ кэрэ́лас Мешулла́мо, чяво́ Берехиё́ско, чявэ́ско Мешызабела́ско. И пашы́л лэ́стэ кэрэ́лас Садо́ко, чяво́ Баано́ско. \v 5 Пашы́л лэ́ндэ кэрэ́лас фэкойцэ́ндыр. Нэ барэ́ мануша́ наˍпорискирдэ́ пэ́скири мэ́н, со́б тэˍкэрэ́н буты́ шэралэ́нса пэ́скирэнса.

03/06.txt

@@ -0,0 +1 @@
+\v 6 А вуда́ра Пуранэ́ кэрэ́нас Иоаи́до, чяво́ Пасеахаё́ско, и Мешулла́мо, чяво́ Бесодиё́ско. Ёнэ́ обмардэ́ лэ́н пхале́нса и чивдэ́ пэ вуда́ра клыдына́ и засо́вы. \v 7 И пашы́л лэ́ндэ кэрэ́нас ґаваонитя́нино Мелати́ё и меронофия́нино Иадо́но, мануша́ Ґаваоно́скирэ и Ми́цфаскирэ, ко кхэра́ шэралэ́нґирэ савэ́ па́л рэ́ка.

03/08.txt

@@ -0,0 +1 @@
+\v 8 Пашы́л лэ́стэ кэрэ́лас Уззии́ло, чяво́ Харґа́иё ёв исы́с ювили́ро. И пашы́л лэ́стэ кэрэ́лас Хана́ниё, чяво́ парфюмеро́ско. И ёнэ́ кэрэ́нас до Иерусали́мо кэ буґлы́ сте́на. \v 9 И пашы́л лэ́ндэ кэрэ́лас Рефаи́ё, чяво́ Ора́ско, ёв исы́с шэрало́ по па́ш Иерусали́мо. \v 10 И пашы́л лэ́ндэ кэрэ́лас и дживэ́лас Иеда́иё, чяво́ Харумафо́ско, а пашы́л лэ́стэ кэрэ́лас Хатту́шо, чяво́ Хашавниё́ско.

03/11.txt

@@ -0,0 +1 @@
+\v 11 Пэ ави́р штэ́то кэрэ́нас Малхи́ё, чяво́ Харимо́скиро, и Хашшу́во, чяво́ ПахавˉМоаво́скиро, ба́шня Бовы́тко. \v 12 И пашы́л лэ́стэ кэрэ́лас Шаллу́мо, чяво́ Ґаллхешо́ско, и лэ́скирэ чяя́, ёв исы́с шэралэ́са пэ па́ш Иерусали́мо.

03/13.txt

@@ -0,0 +1 @@
+\v 13 Вуда́ра Долина́кирэ кэрэ́нас Хану́но и мануша́ Заноахо́стыр – ёнэ́ кэрдэ́ лэ́н, клыдынэ́нса и засовэ́нса и чивдэ́ по штэ́то и адя́кэж кэрдэ́ сте́на варика́й панджшэ́л ме́тры – ко Наво́зна вуда́ра.

03/14.txt

@@ -0,0 +1 @@
+\v 14 А Наво́зна вуда́ра кэрэ́лас Малхи́ё, чяво́ Рехаво́ско, шэрало́ дэ БефˉКаре́мо. Ёв кэрдя́ лэ́н и чивдя́ по штэ́то и чивдя́ клыдына́ и засо́вы лэ́нґирэ. \v 15 А вуда́ра Источнико́стыр кэрэ́лас Шаллу́мо, чяво́ Колхозеё́ско, шэрало́ дэ Ми́цфа – ёв кэрдя́ лэ́н обмардя́ и чивдя́ клыдына́ и засо́вы – адя́кэж сте́на пашы́л ста́вко Села́хо, ка́й са́до царё́ско и кэ ступе́ньки, савэ́ лыджя́н форо́стыр Давидо́скирэстыр.

03/16.txt

@@ -0,0 +1 @@
+\v 16 Па́л лэ́стэ кэрэ́лас Нееми́я, чяво́ Азбуко́ско, ёв шэрало́ исы́с дэ БефˉЦу́ро, ко фо́ро ка́й ґарадо́ Дави́до, и ко ста́вко саво́ кэрдэ́ зоралэ́ мануша́. \v 17 Па́л лэ́стэ кэрэ́нас леви́ты: Реху́мо, чяво́ Ваниё́ско, а пашы́л лэ́стэ кэрэ́лас Хашави́ё, ёв исы́с шэрало́ дэ па́ш фо́ро Кеи́ло.

03/18.txt

@@ -0,0 +1 @@
+\v 18 Па́л лэ́стэ кэрэ́нас пшала́ лэ́нґирэ: Бавва́ё, чяво́ Хенададо́ско, ёв исы́с шэрало́ пэ ави́р па́ш бо́ко Кеи́ло. \v 19 Пашы́л лэ́стэ кэрэ́лас Езе́ро, чяво́ Иисусо́ско, шэрало́ дэ Ми́цфо – пэ ави́р штэ́то, сы́р тэˍґадэ́пэ упрэ́ ка́й ґаравэ́нас сарэ́ чюрья́ савэ́нса марэ́наспэ и ко у́ґло.

03/20.txt

@@ -0,0 +1 @@
+\v 20 Па́л лэ́стэ кэрэ́лас Вару́хо, чяво́ Забваё́ско, пэ ави́р штэ́то уґло́стыр и ко кхэ́р Елияшыво́ско, барэ́ рашае́ско. \v 21 Па́л лэ́стэ кэрэ́лас Меремо́фо, чяво́ Уриё́ско, чявэ́ско Ґаккоцо́ско ёв кэрэ́лас пэ ави́р штэ́то пи́р саро́ кхэ́р Елияшыво́ско.

03/22.txt

@@ -0,0 +1 @@
+\v 22 А па́л лэ́стэ кэрэ́нас рашая́, савэ́ дживэ́нас пашы́л Иерусали́мо. \v 23 Па́л лэ́ндэ кэрэ́нас Вениами́но и Хашшу́во анґи́л пэ́скиро кхэ́р. Па́л лэ́ндэ кэрэ́лас Аза́риё, чяво́ Маасеё́ско, чявэ́ско Ананиё́ско, пашы́л пэ́скиро кхэ́р. \v 24 Па́л лэ́ндэ кэрэ́лас Бинну́ё, чяво́ Хенададо́ско, пэ ави́р штэ́то, кхэрэ́стыр Азариё́скирэстыр ко у́ґло и ко поворо́то.

03/25.txt

@@ -0,0 +1 @@
+\v 25 Фала́ло, чяво́ Узаё́ско, кэрэ́лас анґи́л у́ґло и ба́шня, сави́ исы́с вучеды́р упратунэ́стыр кхрэ́стыр царёскирэ́стыр, сави́ пашы́л дво́ро бэшыбны́тко. Па́л лэ́стэ Феда́иё, чяво́ Парошо́ско. \v 26 И нефине́и савэ́ дживэ́нас до Офе́ло, по штэ́то анґи́л Паны́тка вуда́ра ко восто́ко и кэ вучи́ ба́шня. \v 27 Па́л лэ́стэ кэрэ́нас феко́йцы, пэ ави́р штэ́то, анґи́л барья́тыр и вучё́ башня́тыр и ко сте́ны Офело́скирэ.

03/28.txt

@@ -0,0 +1 @@
+\v 28 Па́л вуда́ра Ґры́тка кэрэ́нас рашая́, сарэ́ анґи́л пэ́ско кхэ́р. \v 29 Па́л лэ́ндэ кэрэ́лас Садо́ко, чяво́ Иммеро́ско, анґи́л пэ́скиро кхэ́р, а па́л лэ́стэ кэрэ́лас Шэма́иё, чяво́ Шэханиё́ско, саво́ ракхэ́лас вуда́ра Восто́чна. \v 30 Па́л лэ́ндэ кэрэ́лас Хана́ниё, чяво́ Шэлемио́ско, и Хану́но, шо́вто чяво́ Цалафо́ско, пэ ави́р штэ́то. Па́л лэ́стэ кэрэ́лас Мешулла́мо, чяво́ Берехио́ско, анґи́л кхэ́р ка́й ёв дживэ́л.

03/31.txt

@@ -0,0 +1 @@
+\v 31 Па́л лэ́ндэ кэрэ́лас Малхи́ё, чяво́ ювилиро́скиро, ко кхэ́р нефинеевэ́нґо и мануша́ савэ́ кинэ́н и бикнэ́н, анґи́л вуда́ра Мифкадо́скирэ и ко упратуно́ кхэ́р саво́ пэ у́ґло. \v 32 А машки́р упратуно́ кхэ́р и ко вуда́ра Бакры́тка кэрэ́нас мануша́ савэ́ залэ́наспэ сумнака́са и ко мануша́ савэ́ кинэ́нас и бикнэ́нас.

04/01.txt

@@ -0,0 +1 @@
+\v 1 И сы́р шундя́ Санавалла́то, со амэ́ гада́с форы́тко сте́на тэ́нче росхоля́сыя ёв, розґия́пэ дрыва́н, и са́ласпэ иудее́ндыр, \v 2 и ракирэ́лас анґи́л сарэ́ндэ шэралэ́ндэ и рае́ндэ дэ Сама́рия и пхэндя́: “Со кэрэ́н адалэ́ бизорья́кирэ иуде́и? Ко́н лэ́нґэ дэ́ла тэˍдокэрэ́н адалэ́ сте́ны? Чи ёнэ́ лэ́на тэˍянэ́н жэ́ртвы? Чи дадэвэ́с ёнэ́ докэрэ́на адая́ буты́? Чи бара́ кокорэ́ вштэ́на савэ́ розмардэ́ и схачкирдэ́ яґа́са?” \v 3 И аммонитя́нино Тови́я исы́с пашы́л лэ́стэ и ракирэ́лас: “Адая́ сте́на сави́ ёнэ́ кэрэ́н адалэ́ндыр барэ́ндыр, – роспэ́рлапэ по котыра́ сы́р заджя́ла пэ ла́тэ лиси́ца!”

04/04.txt

@@ -0,0 +1 @@
+\v 4 Дэвэ́л амаро́ пошу́н амэ́н, ёнэ́ са́нпэ амэ́ндыр, кэ́р адя́кэ, со́б лэ́нґиро сабэ́н тэˍобрисё́л пэ лэ́нґиро шэро́ и лэ́нґирэ вра́ґи тэˍзалэ́н лэ́н до пле́но! \v 5 И на́ˍзакэр якха́ пэ банґипэ́н лэ́нґиро, и бэзэха́ лэ́нґирэ мэ́к авэ́на анґи́л Ту́тэ, па́л одова́, со ави́р мануша́ холясо́н пэ манушэ́ндэ савэ́ ґадэ́н сте́ны! \v 6 И амэ́ гада́сас сте́на дурэды́р, и ґадыя́м сари́ кэ па́ш, и манушэ́нґирэ илэ́ хачё́нас тэˍкэрэ́н дурэды́р.

04/07.txt

@@ -0,0 +1 @@
+\v 7 И сы́р шундэ́ Санавала́то, и Тови́я, и аравитя́ни, и аммонитя́ни, и азотя́ни, со ґадэ́нпэ сте́ны до Иерусали́мо, саро́ со исы́с розмардо́ ёнэ́ скэрэ́н, адава́ лэ́н дрыва́н розхолякирдя́, \v 8 и зракирдэ́пэ сарэ́ ёнэ́ тэˍджя́н тэˍмарэ́нпэ пэ Иерусали́мо и тэˍрозмарэ́н лэ́с. \v 9 И амэ́ манґа́саспэ амарэ́ Дэвлэ́скэ, и чивава́с манушэ́н тэˍракхэ́н амэ́н дэвэ́с и ра́т лэ́ндыр.

04/10.txt

@@ -0,0 +1 @@
+\v 10 И пхэндя́ Иу́да: “Нанэ́ зо́р ко мануша́ савэ́ подлыджя́н бара́, а пра́хо бу́т, и амэ́ наˍдокэра́са сте́на”. \v 11 И пхэндэ́ амарэ́ вра́ґи: “Наˍуджинэ́на ёнэ́ и наˍудыкхэ́на, сы́р амэ́ ава́са машки́р лэ́ндэ и умара́са лэ́н, и тэрдякира́са сари́ буты́”.

04/12.txt

@@ -0,0 +1 @@
+\v 12 И сы́р явнэ́ иуде́и, савэ́ дживэ́нас пашы́л лэ́ндэ, то ракирэ́нас амэ́нґэ дэ́ш мо́лы: “Дэ сарэ́ штэ́ты ка́й тумэ́ наˍдэ́напэ, ёнэ́ лэ́на тэˍджя́н пэ тумэ́ндэ”. \v 13 И мэ чивдё́м пэ тэлунэ́ штэ́ты па́л сте́на, и дэ откэрдэ́ штэ́ты, манушэ́н родэ́ндыр, мече́нса, копье́нса, и лукэ́нса. \v 14 Сы́р мэ саро́ обдыкхьё́м, скэдыё́м барэ́н и шэралэ́н и авирэ́н манушэ́н и пхэндё́м лэ́нґэ: “Надарэ́н лэ́ндыр! Зрипирэ́н Дэвлэ́с, саво́ исы́н баро́ и зорало́! И марэ́нпэ па́л пшалэ́ндэ, па́л чявэ́ндэ и чяе́ндэ тумарэ́ндэ, па́л ромне́ндэ и тумарэ́ кхэра́!”

04/15.txt

@@ -0,0 +1 @@
+\v 15 И сы́р шундэ́ амарэ́ вра́ґи, со амэ́ саро́ уджиндя́м, и Дэвэ́л розмардя́ саро́, со ёнэ́ камнэ́ тэˍкэрэ́н, и амэ́ рисия́м кэ сте́на кэ пэ́скири буты́. \v 16 И одолэ́стыр дэвэсэ́стыр: па́ш амарэ́ тэрнэ́ мануша́ кэрэ́нас буты́, а па́ш лэ́ндыр рикирэ́нас ко́пья, щи́ты, лу́ки, и доспе́хи. И шэралэ́ дыкхэ́нас па́л саро́ кхэ́р Иуда́ско.

04/17.txt

@@ -0,0 +1 @@
+\v 17  \v 18 Сарэ́ ко́н кэрэ́лас сте́на и пхари́ буты́: екхэ́са вастэ́са кэрэ́лас пэ́скири буты́, а ави́р ва́ст рикирэ́лас ме́чё. Кэ сарэ́ ко́н кэрэ́лас буты́ исы́с припхандо́ ме́чё пэ лэ́стэ, и адя́кэ ёнэ́ кэрэ́нас. И ману́ш саво́ башавэ́л дэ бакры́тко ро́ґо исы́с па́ш ма́ндэ.

04/19.txt

@@ -0,0 +1 @@
+\v 19 И мэ пхэндё́м барэ́ манушэ́нґэ, и шэралэ́нґэ, и сарэ́нґэ манушэ́нґэ: “Буты́ дрыва́н бари́, и амэ́ розчюрдымэ́ пи́р сари́ сте́на ду́р екхˉекхэ́стыр. \v 20 Дэ саво́ штэ́то, шунэ́на сы́р забашавэ́ла бакры́тко ро́ґо, одо́рик зджя́нпэ сарэ́ кэ амэ́. Дэвэ́л амаро́ лэ́ла тэˍмарэ́лпэ па́л амэ́ндэ”.

04/21.txt

@@ -0,0 +1 @@
+\v 21 И амэ́ кэра́сас адая́ буты́, и па́ш мануша́ рикирэ́нас пэ́скирэ ме́чи сы́р вштэ́л кха́м и кэ черґэня́. \v 22 Адя́кэж мэ пхэндё́м манушэ́нґэ: “Сарэ́ пэ́скирэ слуґэ́нса авэ́на тэˍраткирэ́н машки́р Иерусали́мо, лэ́на ёнэ́ ратя́кэс тэˍракхэ́н, а дэвэсэ́ тэˍкэрэ́н буты́”. \v 23 И ни мэ, ни пшала́ мирэ́, ни слу́ґи мирэ́, ни мануша́ савэ́ ракхэ́нас, ни савэ́ па́л ма́ндэ, – амэ́ нико́н наˍзлыя́м амари́ и́дя и ме́чё, сы́р исы́с пашы́л паны́.

05/01.txt

@@ -0,0 +1 @@
+\v 1 И исы́с бари́ ґо́дла машки́р манушэ́ндэ и джювле́ндэ пэ пшалэ́ндэ пэ́скирэндэ иудее́ндэ. \v 2 И исы́с ада́савэ, савэ́ раки́рнас: “Чявэ́н амарэ́н и чяе́н амарэ́н – амэ́н бу́т. И амэ́ дорэса́с маро́, ха́с и джива́с!” \v 3 И исы́с ада́савэ савэ́ ракирэ́нас: “Маля́ амарэ́, и виноґра́дники амарэ́, и кхэра́ амарэ́ амэ́ зачива́с до банґипэ́н, со́б амэ́нґэ тэˍла́с маро́ сы́р нанэ́ со тэˍха́с”.

05/04.txt

@@ -0,0 +1 @@
+\v 4 И исы́с мануша́ савэ́ ракирэ́нас: “Амэ́ лыя́м ру́п тэˍпокина́с нало́ґо царё́скэ, па́л амарэ́ маля́ и виноґра́дники амарэ́. \v 5 И амэ́ ада́савэ – сы́р амарэ́ пшала́, и чявэ́ амарэ́ – ада́савэ сы́р и лэ́нґирэ чявэ́. И ґэ́на амэ́ отда́с амарэ́н чявэ́н и чяе́н амарэ́н до бутярнэ́, и исы́н чяя́ савэ́н залынэ́, и нанэ́ со́са тэˍпокина́с, и амарэ́ маля́, и виноґра́дники амарэ́ кэ ёнэ́”.

05/06.txt

@@ -0,0 +1 @@
+\v 6 И мэ дрыва́н росхоля́сыём, сы́р шундё́м ґо́дла и лава́ адалэ́. \v 7 И захачи́я ило́ миро́ дэ ма́ндэ, и мэ выпхэндё́м барэ́ манушэ́нґэ, и шэралэ́нґэ, ада́савэ лава́: “Тумэ́ лэ́н пэ́скирэндыр пшалэ́ндыр процэ́нты!” И мэ скэдыё́м пэ лэ́ндэ бутэ́н манушэ́н. \v 8 И лыё́м тэˍракира́в: “Амэ́ выкина́сас кицы́к исы́с зо́р, амарэ́н пшалэ́н, иудее́н, савэ́ исы́с бикиндэ́ авирэ́нґэ манушэ́нґэ. А кана́ тумэ́ бикнэ́н тумарэ́н пшалэ́н, и ёнэ́ бикнэ́нпэ амэ́нґэ?” И ёнэ́ исы́с шты́л, и наˍпопэрэ́нас ни савэ́ лава́.

05/09.txt

@@ -0,0 +1 @@
+\v 9 И мэ пхэндё́м: “Нанэ́ ку́ч тумэ́ кэрэ́н адава́. Чи нанэ́ дэ бари́ да́р Дэвлэ́ски тумэ́ трэ́би тэˍдживэ́н, со́б тэˍна́ˍсанпэ тумэ́ндыр амарэ́ вра́ґи? \v 10 Мэ и мирэ́ пшала́, и бутярнэ́ мирэ́ да́с до банґипэ́н лэ́нґэ ру́п и маро́. Манґа́в тумэ́н, наˍґинэ́н банґипэ́н лэ́нґиро! \v 11 Манґа́в тумэ́н рискирэ́н дэ адава́ дэвэ́с маля́ лэ́нґирэ, виноґра́дники лэ́нґирэ, оли́вкова са́ды лэ́нґирэ, и кхэра́ лэ́нґирэ, и ру́п и маро́, и ви́но, и кси́л савэ́ тумэ́ лэ́нас лэ́ндыр”.

05/12.txt

@@ -0,0 +1 @@
+\v 12 И пхэндэ́ ёнэ́: “Амэ́ отда́са, и наˍла́са тэˍманґа́с лэ́ндыр. Амэ́ кэра́са адя́кэ сы́р ту ракирэ́с”. И мэ кхардё́м рашае́н, и пхэндё́м мэ́к солаха́н, со ёнэ́ кэрэ́на саро́ со пхэндэ́. \v 13 И тэ́нче мэ чюрдыё́м пра́хо и пхэндё́м: “Дя́кэ мэ́к Дэвэ́л розчюрдэ́л прахо́са одолэ́с манушэ́с, саво́ наˍзрикирэ́ла адава́ ла́в, и лэ́скиро кхэ́р и лэ́скири буты́ джя́ла саро́ прахо́са”. И пхэндэ́ сарэ́ мануша́: “Ами́нь”. И прославиндэ́ Я́хвэ. И кэрдэ́ мануша́ адава́ со пхэндэ́.

05/14.txt

@@ -0,0 +1 @@
+\v 14 И одолэ́стыр дэвэсэ́стыр, сы́р чивдэ́ ма́н шэралэ́са пи́р саро́ фо́ро Иуда́ско, биштонэ́ бэршэ́стыр и ко тря́нда ду́йто бэ́рш сы́р исы́с ца́рё Артаксе́рксо, дэшуду́й бэрша́ мэ и мирэ́ пшала́ наˍханэ́ маро́ шэралэ́ско адалэ́ форо́ско. \v 15 А шэралэ́ савэ́ исы́с анґи́л ма́ндэ, рикирэ́нас манушэ́н до пхарипэ́н, и лэ́нас лэ́ндыр маро́ и ви́но и сара́нда рупунэ́ ловэ́. И шэралэ́нґирэ бутярнэ́ исы́с хулае́нса пэ манушэ́ндэ, а мэ наˍкэра́вас адя́кэ, па́л одова́ со дара́вас анґи́л Дэвлэ́стэ.

05/16.txt

@@ -0,0 +1 @@
+\v 16 И адя́кэж буты́ пэ сте́на мэ подрикира́вас сарэ́стыр илэ́стыр. И маля́ амэ́ наˍкина́сас. И сарэ́ бутярнэ́ мирэ́ скэдэ́наспэ пэ буты́. \v 17 И иудее́н и шэралэ́н па́л миро́ сками́нт исы́с шэ́л пандждэша́ манушэ́н авэ́нас одолэ́нса манушэ́нса, савэ́ дживэ́нас пашы́л амэ́ндэ.

05/18.txt

@@ -0,0 +1 @@
+\v 18 И ґэ́на со подэ́нас пэ е́кх дэвэ́с: е́кх ґуру́в, выкэдымэ́ шо́в бакрэ́, и пти́ца ва́ш ма́нґэ, па́л дэ́ш дэвэ́с бу́т ви́но. И маро́ ко шэрало́ форо́скиро мэ наˍманґа́вас па́л одова́, со пхари́ буты́ исы́с ко мануша́ адалэ́. \v 19 Зри́пир ма́нґэ, Дэвэ́л миро́, пэ лачипэ́н, саро́ мэ кэрдё́м ва́ш адалэ́нґэ манушэ́нґэ.

06/01.txt

@@ -0,0 +1 @@
+\v 1 И сы́р шундя́ адава́ Санавалла́то, и Тови́я, и аравитя́но Ґешэ́мо, и ави́рта амарэ́ вра́ґи, со ґадыя́м сте́на и ёй нанэ́ розмарды́ – нэ дэ одова́ дэвэ́с наˍисы́с тэрдэ́ вуда́ра по пэ́ско штэ́то, – \v 2 тэ́нче бичявдя́ Санавалла́то и Ґешэ́мо кэ мэ лава́: “Яв и дыкха́сапэ ту́са дэ ґа́в пэ ма́л О́на”. Ёнэ́ камнэ́ тэˍкэрэ́н ма́нґэ би́да.

06/03.txt

@@ -0,0 +1 @@
+\v 3 И мэ бичявдё́м кэ ёнэ́ манушэ́н, тэˍпхэнэ́н лэ́нґэ: “Бари́ буты́ кэра́в мэ и наˍачява́ва ла, со́б тэˍява́в кэ тумэ́. Па́л со тэˍачява́в адая́ буты́ и тэˍява́в кэ тумэ́?” \v 4 И ёнэ́ бичявэ́нас кэмэ́ шта́р мо́лы адалэ́ лава́, нэ мэ исы́с тэрдо́ пэ пэ́скиро ла́в.

06/05.txt

@@ -0,0 +1 @@
+\v 5 И бичявдя́ Санавалла́то кэ мэ пэскирэ́с бутярнэ́с адалэ́нса лавэ́нса па́нджто мо́ло и кэ ёв до васта́ исы́с откэрдо́ лы́л. \v 6 Дэ саво́ исы́с чиндо́: “Мануша́ ракирэ́н, и Ґешэ́мо подрикирэ́л, со ту и иуде́и камэ́н тэˍґадэ́нпэ пэ царё́стэ, и па́л адава́ кэрэ́с сте́на, и ту камэ́с тэˍавэ́с кокоро́ царё́са.

06/07.txt

@@ -0,0 +1 @@
+\v 7 И адя́кэж пророкэ́н чивдя́н тэˍракирэ́н па́л ту́тэ дэ Иерусали́мо ада́савэ лава́: ‘Дэ Иуде́я исы́н ца́рё!’ И адалэ́ лава́ шунэ́ла ца́рё. И ту акана́ яв поракира́са ту́са”.

06/08.txt

@@ -0,0 +1 @@
+\v 8 И мэ бичявдё́м кэ ёв ада́савэнса лавэ́нса: “Наˍисы́с ада́саво сы́р ту ракирэ́с. Нэ ту ракирэ́с хохаибэ́н пэ́скирэстыр илэ́стыр”. \v 9 Па́л адава́, со сарэ́ ёнэ́ даравэ́нас амэ́н и ракирэ́нас: “Пирьяче́на тэˍкэрэ́н адая́ буты́, и сте́на наˍдокэрэ́на”. А кана́ Дэ́вла подри́кир васта́ амарэ́!

06/10.txt

@@ -0,0 +1 @@
+\v 10 И мэ явьё́м ко кхэ́р кэ Шэма́иё, чяво́ Делаиё́ско, чявэ́ско Мешэзавело́ско, и кхэ́р исы́с закэрдо́. И ёв пхэндя́: “Дыкха́сапэ до Кхэ́р Дэвлэ́ско, машки́р Кхэ́р, и закэра́са вуда́ра Кхэрэ́скирэ, па́л адава́, со явэ́на тэˍумарэ́н ту́т”. \v 11 И мэ пхэндё́м: “Чи лэ́ла тэˍнашэ́л ада́саво ману́ш сы́р мэ? И ко́н мэ ада́саво, со́б тэˍґарава́впэ дэ Дэвлэ́скиро Кхэ́р и тэˍачя́впэ джидо́? Мэ адава́ наˍкэра́ва!”

06/12.txt

@@ -0,0 +1 @@
+\v 12 И мэ полыё́м, со нанэ́ Дэвэ́л бичявдя́ Шэмаё́с па́л одова́, со ёв ракирэ́лас нанэ́ па́л ма́ндэ, и Тови́я и Санавалла́то подкиндэ́ лэ́с. \v 13 Ва́ш одова́ ёнэ́ подкиндэ́ лэ́с, со́б мэ тэˍздара́ндёвав, тэˍкэра́в сы́р ёнэ́ ракирэ́нас и тэˍкэра́в бэзэ́х. Ёнэ́ адалэ́са камэ́нас бы тэˍладжякирэ́н ма́н анґи́л манушэ́ндэ. \v 14 Зри́пир, Дэ́вла, Товиё́с и Санаваллато́с, пи́р лэ́нґирэ ры́нды, и адя́кэж проро́читса Ноа́дия и авирэ́н пророкэ́н, савэ́ даравэ́нас ма́н!

06/15.txt

@@ -0,0 +1 @@
+\v 15 И исы́с докэрды́ сте́на дэ би́што па́нджто элу́ла, па́л пандждэша́ ду́й дэвэса́. \v 16 И сы́р шундэ́ сарэ́ амарэ́ вра́ґи и удыкхнэ́ сарэ́ мануша́, савэ́ дживэ́нас пашы́л амэ́ндэ, кэрдя́пэ лэ́нґэ ладжяво́. И полынэ́, со Дэвлэ́скиро ва́ст исы́с амэ́нса дэ адая́ буты́.

06/17.txt

@@ -0,0 +1 @@
+\v 17 Дэ одолэ́ дэвэса́ барэ́ мануша́ Иуде́йска чинэ́нас бу́т лыла́ и бичявэ́нас ко Тови́ё, а одолэ́ савэ́ Товиё́стыр, Явэ́нас кэ ёнэ́. \v 18 Па́л одова́ со бу́т мануша́ Иуде́йска, солаха́нас тэˍавэ́н чячюнэ́ лэ́скэ, па́л одова́ со ёв джямутро́ Шэханиё́ско, чявэ́ско Арахо́ско, а Иохана́но, чяво́ лэ́ско, лыя́ чяя́ Мешулламо́скирья, саво́ исы́с чяво́ Верехо́ско. \v 19 Адя́кэж па́л лэ́скирэ лаче́ ры́нды ёнэ́ ракирэ́нас анґи́л ма́ндэ, и мирэ́ лава́ ёнэ́ пирипхэнэ́нас лэ́скэ. Тови́ё бичявэ́лас лыла́ тэˍдаравэ́л ма́н.

07/01.txt

@@ -0,0 +1 @@
+\v 1 И сы́р исы́с скэрды́ сте́на, и мэ чивдё́м вуда́ра, и исы́с чивдэ́ мануша́ тэˍракхэ́н вуда́ра, и тэˍбаґэ́н, и исы́с чивдэ́ леви́ты. \v 2 И мэ чивдё́м шэралэ́са Хана́ниёс, пшалэ́с мирэ́с, до Иерусали́мо, и Хана́ниёс шэралэ́са дэ кре́пость. Па́л одова́, со ёв исы́с ману́ш патывало́ и дарэ́лас Дэвлэ́стыр.

07/03.txt

@@ -0,0 +1 @@
+\v 3 И мэ пхэндё́м лэ́нґэ: “Мэ́к наˍоткэрэ́н вуда́ра Иерусалимо́скирэ кэ одова́ сы́р наˍвштэ́ла кха́м. И сы́р ёнэ́ тэрдэ́ мэ́к закэрэ́н и чивэ́н лэ́н по засо́вы. И чивэ́н манушэ́н тэˍракхэ́н Иерусали́мо, сарэ́ мэ́к ракхэ́л анґи́л пэ́скиро кхэ́р”. \v 4 Фо́ро исы́с скэрдо́ баро́, а манушэ́н до фо́ро дживэ́лас нанэ́ бу́т, и наˍисы́с скэрдэ́ кхэра́.

07/05.txt

@@ -0,0 +1 @@
+\v 5 И Дэвэ́л чивдя́ ма́нґэ по ило́, и мэ скэдыё́м барэ́н рае́н, и шэралэ́н, и сарэ́н манушэ́н, со́б тэˍзачинэ́н ко́н савэ́ родо́стыр. И попэё́м лы́л дэ саво́ исы́с зачиндо́ ко́н савэ́ родо́стыр и ко́н рисия́ пе́рво плено́стыр до Иерусали́мо:

07/06.txt

@@ -0,0 +1 @@
+\v 6 “И ґэ́на чявэ́ Иудея́тыр, савэ́ рисинэ́ плено́стыр, сы́р залыя́ лэ́н Навуходоно́соро, ца́рё Вавило́нско, и ёнэ́ рисинэ́ до Иерусали́мо и дэ Иуде́я, дэ пэ́скирэ фо́ры, \v 7 рисинэ́ Зоровавелё́са, Иисусо́са, Неемиё́са, Азариё́са, Раамиё́са, Нахманиё́са, Мардохеё́са, Билшано́са, Мисферефомо́са, Биґваё́са, Нехумоё́са, Вааноё́са. Бу́т муршэ́н Израилё́скирэ.

07/08.txt

@@ -0,0 +1 @@
+\v 8 Чявэ́н Парошо́скирэн ду́й баря́ шэ́л эфтадэша́ ду́й. \v 9 Чявэ́н Сафатиё́скирэн триншэла́ эфтадэша́ ду́й. \v 10 Чявэ́н Арахо́скирэн шовшэла́ пандждэша́ ду́й.

07/11.txt

@@ -0,0 +1 @@
+\v 11 Чявэ́н ПахафˉМоаво́скирэн чявэ́ндыр Иисусо́скирэн и Иоаво́скирэн ду́й баря́ охто́шэла дэшуохто́. \v 12 Чявэ́н Еламо́скирэн бари́ дуйшэла́ пандждэша́ шта́р. \v 13 Чявэ́н Заттуно́скирэн охто́шэла сара́нда па́ндж. \v 14 Чявэ́н Закхаё́скирэн эфташэла́ шовдэ́ша.

07/15.txt

@@ -0,0 +1 @@
+\v 15 Чявэ́н Биннуё́скирэн шовшэла́ сара́нда охто́. \v 16 Чявэ́н Беваё́скирэн шовшэла́ дуйдэша́ охто́. \v 17 Чявэ́н Азґадо́скирэн ду́й баря́ триншэла́ дуйдэша́ ду́й. \v 18 Чявэ́н Адоникамо́скирэн шовшэла́ шовдэ́ша эфта́.

07/19.txt

@@ -0,0 +1 @@
+\v 19 Чявэ́н Биґваё́скирэн ду́й баря́ шовдэ́ша эфта́. \v 20 Чявэ́н Адино́скирэн Шовшэла́ пандждэша́ па́ндж. \v 21 Чявэ́н Атеро́скирэн ко Езе́кия, еня́дэша охто́. \v 22 Чявэ́н Хашумо́скирэн триншэла́ дуйдэша́ охто́.

07/23.txt

@@ -0,0 +1 @@
+\v 23 Чявэ́н Вецаё́скирэн триншэла́ дуйдэша́ шта́р. \v 24 Чявэ́н Харифо́скирэн шэ́л дэшуду́й. \v 25 Чявэ́н Ґаваоно́скирэн еня́дэша па́ндж. \v 26 Манушэ́н Вивлеемо́стыр и Нетофо́стыр шэ́л охто́дэша охто́.

07/27.txt

@@ -0,0 +1 @@
+\v 27 Манушэ́н Анафо́фскирэн шэ́л дуйдэша́ охто́. \v 28 Манушэ́н БэфˉАзмавефо́стыр сара́нда ду́й. \v 29 Манушэ́н Кириа́фˉИаримо́стыр, Кефиро́стыр и Беерофо́стыр эфташэла́ сара́нда три́н. \v 30 Манушэ́н Рама́тыр и Ґева́тыр шовшэла́ дуйдэша́ е́кх.

07/31.txt

@@ -0,0 +1 @@
+\v 31 Манушэ́н Михмасо́скирэн шэ́л дуйдэша́ ду́й. \v 32 Манушэ́н Вефилё́скирэн и Ґаё́скирэн шэ́л дуйдэша́ три́н. \v 33 Манушэ́н авиртонэ́с Невоскирэ́с пандждэша́ ду́й. \v 34 Чявэ́н авиртонэ́с Еламо́скирэн бари́ дуйшэла́ пандждэша́ шта́р.

07/35.txt

@@ -0,0 +1 @@
+\v 35 Чявэ́н Харимо́скирэн триншэла́ дуйдэша́. \v 36 Чявэ́н Иерихоно́скирэн триншэла́ штардэша́ па́ндж. \v 37 Чявэ́н Лодо́скирэн, Хадидо́скирэн и Оно́скирэн эфташэла́ дуйдэша́ е́кх. \v 38 Чявэ́н Сенаё́скирэн три́н барья́ еня́шэла триндэша́.

07/39.txt

@@ -0,0 +1 @@
+\v 39 Рашае́нґирэн, чявэ́н Иедаиё́скирэн кхэрэ́стыр Иисусо́скирэстыр, еня́шэла охто́дэша три́н. \v 40 Чявэ́н Иммеро́скирэн бари́ пандждэша́ ду́й. \v 41 Чявэ́н Пашхуро́скирэн бари́ дуйшэла́ штардэша́ эфта́. \v 42 Чявэ́н Харимо́скирэн бари́ дэшуэфта́.

07/43.txt

@@ -0,0 +1 @@
+\v 43 Левитэ́н, чявэ́н Иисусо́скирэн и ко Кадмии́ло чявэ́ндыр Ґодево́скирэн эфтадэша́ шта́р. \v 44 Ка́й баґэ́н, чявэ́н Асафо́скирэн, шэ́л сара́нда охто́. \v 45 Ка́й ракхэ́н вуда́ра, чявэ́н Шаллумо́скирэн, чявэ́н Атеро́скирэн, чявэ́н Талмоно́скирэн, чявэ́н Аккуво́скирэн, чявэ́н Хатито́скирэн, чявэ́н Шоваё́скирэн, шэ́л триндэша́ охто́.

07/46.txt

@@ -0,0 +1 @@
+\v 46 Нефинее́н: чявэ́ Цыхо́скирэ, чявэ́ Хасуфо́скирэ, чявэ́ Таббофо́скирэ, \v 47 чявэ́ Киросо́скирэ, чявэ́ Сиё́скирэ, чявэ́ Фадоно́скирэ, \v 48 чявэ́ Левано́скирэ, чявэ́ Хаґаво́скирэ, чявэ́ Салмаё́скирэ, \v 49 чявэ́ Ханано́скирэ, чявэ́ Ґиддела́скирэ, чявэ́ Ґахаро́скирэ,

07/50.txt

@@ -0,0 +1 @@
+\v 50 Чявэ́ Реаиё́скирэ, чявэ́ Рецыно́скирэ, чявэ́ Некодо́скирэ, \v 51 чявэ́ Ґаззамо́скирэ, чявэ́ Уззо́скирэ, чявэ́ Пасеахо́скирэ, \v 52 чявэ́ Весаё́скирэ, чявэ́ Меунимо́скирэ, чявэ́ Нефишсимо́скирэ,

07/53.txt

@@ -0,0 +1 @@
+\v 53 чявэ́ Бакбуко́скирэ, чявэ́ Хакуфо́скирэ, чявэ́ Хархуро́скирэ, \v 54 чявэ́ Бацлифо́скирэ, чявэ́ Мехидо́скирэ, чявэ́ Харшо́скирэ, \v 55 чявэ́ Баркосо́скирэ, чявэ́ Сисаро́скирэ, чявэ́ Фамахо́скирэ, \v 56 чявэ́ Нецыахо́скирэ, чявэ́ Хатифо́скирэ.

07/57.txt

@@ -0,0 +1 @@
+\v 57 Манушэ́н савэ́ кэрэ́нас буты́ кэ Соломо́но: чявэ́ Сотаё́скирэ, чявэ́ Соферефо́скирэ, чявэ́ Феридо́скирэ, \v 58 чявэ́ Иаало́скирэ, чявэ́ Дарконо́скирэ, чявэ́ Ґиддело́скирэ, \v 59 чявэ́ Сафатиё́скирэ, чявэ́ Хаттило́скирэ, чявэ́ ПохерефˉҐаццевайимо́скирэ, чявэ́ Амоно́скирэ. \v 60 Сарэ́н нефинее́н и чявэ́н савэ́ кэрэ́нас буты́ ко Соломо́но триншэла́ еня́дэша ду́й.

07/61.txt

@@ -0,0 +1 @@
+\v 61 Мануша́ явнэ́ ТелˉМелахо́стыр, ТелˉХашо́стыр, ХерувˉАддоно́стыр, и Иммеро́стыр, тэˍдопхэнэ́н савэ́стыр ёнэ́ родо́стыр и ко́н лэ́нґирэ дада́, чи Израилё́стыр ёнэ́. \v 62 Чявэ́н Делаиё́скирэн, чявэ́н Товиё́скирэн, и чявэ́н Некодо́скирэн – шовшэла́ сара́нда ду́й. \v 63 Рашае́ндыр: чявэ́ Ховайё́скирэ, чявэ́ Ґаккоцо́скирэ, чявэ́ Верзелиё́скирэ, саво́ лыя́ ромня́ ко Везелли́ё Ґалаадя́нино чя и лыя́ тэˍкхарэ́лпэ лэ́скирэ лавэ́са.

07/64.txt

@@ -0,0 +1 @@
+\v 64 Ёнэ́ родэ́нас пэ́скиро ро́до зачиндо́ до лы́л нэ наˍпопэнэ́ лэ́с. И лэ́н наˍґинэ́нас рашае́нса. \v 65 И пхэндя́ лэ́нґэ тирша́фа, со́б ёнэ́ тэˍнаˍха́н свэ́нто хабэ́н саво́ исы́н ва́ш рашае́нґэ, кэ одова́ сы́р авэ́ла раша́й уримо́са и туммимо́са.

07/66.txt

@@ -0,0 +1 @@
+\v 66 Сарэ́н манушэ́н кхэтанэ́ савэ́ рисинэ́ дэ Иуде́я сара́нда ду́й барья́ три́н шэла́ шовдэ́ша, \v 67 и бутярнэ́н муршэ́н и джювле́н исы́с – эфта́ барья́ триншэла́ тря́нда эфта́, и кэ ёнэ́ исы́с ко́н баґэ́л муршэ́н и джювле́н дуйшэла́ сара́нда па́ндж.

07/68.txt

@@ -0,0 +1 @@
+\v 68 Лэ́нґирэн ґрэ́н – эфташэла́ триндэша́ шо́в. Кхурорэ́н – дуйшэла́ сара́нда па́ндж. \v 69 Верблюдэ́н – штаршэла́ триндэша́ па́ндж. Ослэ́н – шо́в барья́ эфташэла́ би́ш.

07/70.txt

@@ -0,0 +1 @@
+\v 70 И ко́йˉсавэ́ мануша́ шэралэ́ родо́скирэ дынэ́ пэ адая́ буты́. Тирша́фа дыя́ сумнака́са е́кх бари́ ловэ́нса, пандждэша́ чярэ́, панджшэла́ тря́нда и́дя рашае́нґэ. \v 71 А ко́йˉсавэ́ шэралэ́ родэ́ндыр дынэ́ пэ Дэвлэ́скиро Кхэ́р пэ адая́ буты́ би́ш барья́ сумнакунэ́ ловэ́нса и ду́й барья́ ду́й шэла́ рупунэ́ ловэ́нса. \v 72 Ави́рта мануша́ дынэ́ би́ш барья́ сумнакунэ́ ловэ́нса, и ду́й барья́ рупунэ́ ловэ́нса, и шо́в дэша́ эфта́ и́дя рашае́нґэ”.

07/73.txt

@@ -0,0 +1 @@
+\v 73 И лынэ́ тэˍдживэ́н рашая́, и леви́ты, и ко́н ракхэ́л вуда́ра, и ко́н баґэ́л, и ави́р мануша́, и нефине́и, и сарэ́ мануша́ Израилё́скирэ дэ пэ́скирэ фо́ры. И явья́ эфта́то чё́н, и сарэ́ чявэ́ Израилё́скирэ (исы́с) дживэ́нас дэ пэ́скирэ фо́ры.

08/01.txt

@@ -0,0 +1 @@
+\v 1 И скэдынэ́пэ сарэ́ мануша́, сарэ́ сы́р е́кх ману́ш, явнэ́ пэ пло́щядь, сави́ исы́с анґи́л Паны́тка Вуда́ра. И пхэндэ́ ёнэ́ Ездра́скэ сыклымарё́скэ тэˍянэ́л лы́л дэ саво́ зачиндя́ Моисе́ё, сы́р Я́хвэ ракирэ́лас Израилё́скэ. \v 2 И яндя́ раша́й Е́здра лы́л и откэрдя́ анґи́л сарэ́ндэ, манушэ́ндэ, муршэ́ндэ и джювле́ндэ, дэ пе́рво дэвэ́с эфта́то чё́н. \v 3 И ёв ґинэ́лас адава́ лы́л пэ пло́щядь, сави́ исы́с анґи́л Паны́тка вуда́ра, ёв ґинэ́лас утро́стыр кэ па́ш дэвэ́с, анґи́л муршэ́ндэ и джювле́ндэ, и сарэ́ ко́н полэ́лас, и манушэ́нґирэ кана́ исы́с обрисимэ́ тэˍшунэ́н со чиндо́ до Зако́но.

08/04.txt

@@ -0,0 +1 @@
+\v 4 И тэрдо́ исы́с Е́здра по вучё́ каштуно́ штэ́то саво́ скэрдэ́ мануша́ пхале́ндыр, и тэрдэ́ исы́с па́ш лэ́стэ по пра́во ва́ст Маттфи́ё, и Шэ́мо, и Ана́иё, и У́риё, и Хе́лхиё, и Маа́сеё, а по ле́во ва́ст, Фада́иё, и Мисаи́ло, и Малхи́ё, и Хашу́мо, и Хашбадда́но, Заха́риё, Мешулла́мо. \v 5 И откэрдя́ Е́здра лы́л анґи́л сарэ́ндэ манушэ́ндэ, па́л адава́ со ёв исы́с тэрдо́ вучеды́р сарэ́ндыр. И сы́р ёв, откэрдя́ лы́л тэ́нче сарэ́ мануша́ вштынэ́.

08/06.txt

@@ -0,0 +1 @@
+\v 6 И тэ́нче Е́здра прославиндя́ барэ́ Дэвлэ́с Я́хвэ, и сарэ́ мануша́ ракирэ́нас: “Ами́нь Ами́нь”, ґадэ́нас пэ́скирэ васта́ упрэ́. И Манґэ́наспэ ёнэ́ и поклониндэ́пэ анґи́л Я́хвэ кэ пху́в. \v 7 И Иису́со, и Ванаи́ё, и Шэреви́ё, и Иами́но, Акку́во, Шавта́ё, Ґо́диё, Маа́сеё, Кли́то, Аза́риё, Иозава́до, Хана́но, Фела́иё и леви́ты роспхэнэ́нас манушэ́нґэ Зако́но Моисеё́ско. И мануша́ исы́с тэрдэ́ пэ пэ́скирэ штэ́ты. \v 8 И ґинэ́нас ёнэ́ со исы́с чиндо́ до лы́л, Зако́но Дэвлэ́ско и роспхэнэ́нас лэ́с адя́кэ, со́б тэˍполэ́н сарэ́ мануша́.

08/09.txt

@@ -0,0 +1 @@
+\v 9 И пхэндя́ Нееми́я сарэ́ манушэ́нґэ, саво́ исы́с тиршафо́са, и раша́й сыклыма́рё Е́здра и леви́ты, савэ́ роспхэнэ́нас манушэ́нґэ: “Адава́ дэвэ́с – свэ́нто ва́ш амарэ́скэ Дэвлэ́скэ Я́хвэ, на́ˍровэн дадэвэ́с”. Ёв пхэндя́ адава́, со сарэ́ мануша́ ровэ́нас сы́р шунэ́нас, со исы́с чиндо́ до Зако́но. \v 10 И пхэндя́ ёв лэ́нґэ: “Джя́нте, ха́нте тхулыпэ́н, и пье́нте ґудлыпэ́н, и бичявэ́нте хабэ́н одолэ́нґэ, конэ́стэ нанэ́, со тэˍха́н, па́л одова́, со свэ́нто адава́ дэвэ́с ва́ш амарэ́скэ Дэвлэ́скэ. И на́ˍровэнте па́л одова́ со, ло́ш сави́ дэ́л Я́хвэ – адава́ исы́н зо́р тумари́”.

08/11.txt

@@ -0,0 +1 @@
+\v 11 И леви́ты манґэ́нас манушэ́н тэˍна́ˍровэн и ракирэ́нас: “Пирьяче́н па́л адава́, со дэвэ́с дадэвэ́с свэ́нто. И на́ˍровэнте!” \v 12 И ґинэ́ сарэ́ мануша́ тэˍха́н, и тэˍпье́н и тэˍдэ́н авирэ́нґэ, и исы́с мануша́ дэ бари́ ло́ш, па́л одова́, со полынэ́ лава́ савэ́ лэ́нґэ роспхэнэ́нас.

08/13.txt

@@ -0,0 +1 @@
+\v 13 Пэ ави́р дэвэ́с шэралэ́ родо́скирэ, рашая́ и леви́ты, скэдынэ́пэ ко сыклыма́рё Е́здра, со́б тэˍсыклё́н со зачиндо́ до Зако́но. \v 14 Ёнэ́ проґиндэ́ до лы́л со пхэндя́ Я́хвэ вастэ́са Моисеевоскирэ́са, со́б сарэ́ чявэ́ Израилё́скирэ тэˍдживэ́н дэ ша́тры по свэ́нко до эфта́то чё́н \v 15 и со́б тэˍракирэ́н дэ сарэ́ фо́ры Иерусалимо́скирэ лава́: “Джя́нте пэ бэ́рґа и янэ́н кашта́ маслина́тыр, и кашта́ авирья́тыр маслина́тыр, и кашта́ мирта́тыр, и кашта́ пальма́тыр, и авирэ́ндыр каштэ́ндыр, со́б тэˍкэрэ́н ша́тры сы́р зачиндо́”.

08/16.txt

@@ -0,0 +1 @@
+\v 16 И ґинэ́ мануша́, и яндэ́ кашта́, и скэрдэ́ ша́тры упра́л пэ пэ́скирэ кхэра́, и до ґря́ды пэ́скирэ, и до ґря́ды Дэвлэ́скиро Кхэрэ́ско, и пэ пло́щядь па́ш вуда́ра Паны́тка, и пэ пло́щядь Ефремо́воски. \v 17 И кэрдэ́ сарэ́ мануша́ савэ́ явнэ́ плено́стыр ша́тры, и дживэ́нас дэ лэ́ндэ. Адя́кэж сы́р чявэ́ Израилё́скирэ наˍкэрэ́нас адава́, дэвэсэ́ндыр Иисусо́скирэндыр, саво́ исы́н чяво́ Навино́скиро, кэ адава́ дэвэ́с. И исы́с бари́ ло́ш кэ сарэ́ мануша́.

08/18.txt

@@ -0,0 +1 @@
+\v 18 И ёв ґинэ́лас лылэ́стыр Зако́но Дэвлэ́скиро дэвэ́с до дэвэ́с, саро́ курко́. И ёнэ́ кэрэ́нас свэ́нко эфта́ дэвэ́с, а до охто́то дэвэ́с – пролыджя́нас адава́ свэ́нко сы́р исы́с чиндо́ до лы́л.

09/01.txt

@@ -0,0 +1 @@
+\v 1 А до би́шта шта́рто дэвэ́с адалэ́ско чёнэ́ско, скэдынэ́пэ кхэтанэ́ чявэ́ Израилё́скирэ исы́с сарэ́ до по́сто, и уридэ́ дэ ґоны́тко и́дя, и чивэ́нас пэ пэ́стэ пра́хо пхувья́ко. \v 2 И ро́до Израилё́ско отґия́ сарэ́ндыр манушэ́ндыр. Ёнэ́ вштынэ́ приджиндэ́пэ дэ пэ́скирэ бэзэха́, и адя́кэж до на́ˍлаче ры́нды пэ́скирэ дадэ́нґирэ.

09/03.txt

@@ -0,0 +1 @@
+\v 3 И тэрдынэ́ исы́с пэ е́кх штэ́то, и шта́рто коты́р дэвэсэ́ско ґинэ́нас Зако́но Я́хвэ, амарэ́ Дэвлэ́ско, а тэ́нче приджинэ́наспэ до бэзэха́ Дэвлэ́скэ, и поклонинэ́наспэ Я́хвэ, Дэвлэ́скэ пэскирэ́скэ. \v 4 И тэрдынэ́ по вучё́ штэ́то леви́ты, Иису́со, Вани́ё, Кадмии́ло, Шэвани́ё, Вунни́ё, Шэреви́ё, Вани́ё, Хена́но. И ґодлэ́нас барэ́ ґодла́са ко Дэвэ́л пэ́скиро Я́хвэ.

09/05.txt

@@ -0,0 +1 @@
+\v 5 И пхэндэ́ леви́ты Иису́со, и Кадмии́ло, Вани́ё, Хашавни́ё, Шэреви́ё, Ґо́диё, Шэвани́ё, Пета́хиё: “Вштэ́нте, блаґословля́йте Я́хвэ, тумарэ́с Дэвлэ́с, Саво́ исы́с, исы́н и авэ́ла! И мэ́к ґадэ́н ла́в Тыро́, саво́ вучеды́р сарэ́стыр и барипэ́н Тыро́ нанэ́ ни кэ ко́н! \v 6 Ту – Я́хвэ, Ту е́кх ада́саво, Ту скэрдя́н болыбэ́н, и саро́ со до болыбэ́н и сарэ́н анґелэ́н, и пху́в и саро́ со пэ ла́тэ, мо́рё и саро́ со дэ лэ́стэ. И ту дэ́с сарэ́нґэ джиипэ́н, и а́нґелы ту́кэ поклонинэ́нпэ.

09/07.txt

@@ -0,0 +1 @@
+\v 7 Ту – Я́хвэ Дэвэ́л, Саво́ выкэдыя́н Аврамо́с и вылыджия́н лэ́с Уро́стыр Халдейсконэ́стыр, и дыя́н лэ́скэ ла́в ‘Авраа́м’, \v 8 и попэя́н лэ́скиро ило́ чячюнэ́са анґи́л Ту́тэ, скэрдя́н лэ́са заве́то, со́б тэˍдэ́с пху́в ка́й дживэ́нас ханане́и, хетте́и, аморе́и, ферезе́и, и иевусе́и, и ґерґесе́и, тэˍдэ́с лэ́скирэ родо́скэ, и Ту зрикирдя́н Пэ́скиро ла́в, па́л адава́ со Ту чячюно́.

09/09.txt

@@ -0,0 +1 @@
+\v 9 И Ту дыкхья́н дэ саво́ пхарипэ́н исы́с амарэ́ дада́ до Еґи́пто, и шундя́н исы́н ґодлэ́нас пашы́л мо́рё Тростнико́во, \v 10 и сыкадя́н Пэ́скири зо́р и ва́ст пэ фараоно́стэ, и пэ сарэ́ндэ бутярнэ́ндэ лэ́скирэндэ, и пэ сари́ пху́в лэ́скири, па́л адава́, со Ту джиндя́н сы́р кэ амэ́ нанэ́ ку́ч отлыджя́наспэ, и Ту гадыя́н Пэ́скиро ла́в, адя́кэ сы́р и дадэвэ́с.

09/11.txt

@@ -0,0 +1 @@
+\v 11 И мо́рё Ту роскэрдя́н анґи́л лэ́ндэ, и ёнэ́ проґинэ́ мо́рё пи́р шукипэ́н, а ко́н праста́лас па́л лэ́ндэ, Ту тасадя́н лэ́н сы́р ба́р до баро́ паны́.

09/12.txt

@@ -0,0 +1 @@
+\v 12 И лыджя́сас Ту лэ́н дэвэсэ́са до сто́лбо о́блочно и ратя́кэс до сто́лбо яґа́тыр, саво́ сыкавэ́лас лэ́нґэ дро́м, пи́р саво́ ёнэ́ джя́нас. \v 13 И пэ бэ́рґа Сина́й сґия́н Ту, и ракирэ́сас лэ́нса болыбна́стыр, Ту дыя́н лэ́нґэ сэ́нды чячюнэ́, и зако́ны, сы́р тэˍдживэ́н, и лаче́ свэ́нта лава́, савэ́ Ту припхэндя́н.

09/14.txt

@@ -0,0 +1 @@
+\v 14 И па́л суббо́та свэ́нто Тыри́ Ту откэрдя́н лэ́нґэ, и саро́, со Ту припхэндя́н, и Зако́но дыя́н Ту вастэ́са Моисеевоскирэ́са, слуґа́са Тырэ́са. \v 15 И маро́ болыбна́стыр дэ́сас лэ́нґэ тэˍха́н сы́р ёнэ́ исы́с бокхалэ́, и паны́ барэ́стыр дыя́н лэ́нґэ сы́р ёнэ́ закамнэ́ тэˍпье́н, и Ту пхэндя́н тэˍджя́н тэˍзалэ́н пху́в, па́л сави́ Ту солахадя́н тэˍдэ́с лэ́нґэ.

09/16.txt

@@ -0,0 +1 @@
+\v 16 Нэ амарэ́ дада́ исы́с пхуткирдэ́, и барунэ́ илэ́нса, и нэ шунэ́нас лава́ Тырэ́. \v 17 И наˍскамнэ́ тэˍшунэ́н и тэˍрипирэ́н, ры́нды савэ́ Ту кэрэ́сас анґи́л лэ́ндэ, и ёнэ́ закэрдэ́ пэ́скирэ илэ́, и выкэдынэ́ шэралэ́с, со́б ёв тэˍзалыджя́л лэ́н до ра́бство. Нэ ту – Дэ́вла простинэ́с, дэ́с лачипэ́н и ми́лость, Ту́тэ баро́ вырикирибэ́н и чячюно́ камлыпэ́н, и Ту наˍачядя́н лэ́н.

09/18.txt

@@ -0,0 +1 @@
+\v 18 И сы́р ёнэ́ кэрдэ́ пэ́скэ сумнакунэ́с ґурувэ́с и пхэндэ́: ‘Адава́ Дэвэ́л тыро́, саво́ вылыджия́ ту́т Еґипто́стыр’ и дрыва́н холякирэ́нас Ту́т, \v 19 нэ кэ Ту ковло́ ило́ и Ту наˍачядя́н лэ́н дэ пусты́ня. И сто́лбо о́блочно наˍзалэ́сас лэ́ндыр дэвэсэ́, со́б тэˍлыджя́л лэ́н пи́р дро́м, и сто́лбо яґа́са ратя́кэс, со́б тэˍсыкавэ́л, дро́м пи́р саво́ ёнэ́ тэˍджя́н.

09/20.txt

@@ -0,0 +1 @@
+\v 20 И ду́хо Тыро́ лачё́ дыя́н Ту, со́б тэˍсыклякирэ́с лэ́н, и ма́нна Тыри́ наˍотлыя́н лэ́ндыр, и паны́ дэ́сас лэ́нґэ, со́б ёнэ́ тэˍпье́н. \v 21 И сара́нда бэ́рш чялякирэ́сас Ту лэ́н дэ пусты́ня. И саро́ со трэ́би лэ́ндэ исы́с. И́дя лэ́нґири наˍчинэ́ласпэ, и гэра́ лэ́нґирэ наˍшулё́нас.

09/22.txt

@@ -0,0 +1 @@
+\v 22 И Ту дыя́н лэ́нґэ ца́рство и манушэ́н, и ёнэ́ залынэ́ пху́в Сиґоно́скири, и пху́в царё́ски Есевоно́скири, и пху́в О́ґо, царё́скири Васано́скири.