Fri May 03 2024 10:20:58 GMT+0300 (Восточная Европа, летнее время)

01/01.txt

@@ -0,0 +1 @@
+\v 1 Исы́с ла́в Дэвлэ́стыр Я́хвэ кэ Ио́на, кэ чяво́ Амафиино́скиро, лэ́скэ исы́с пхэндо́. \v 2 “Вшты, и джя́ дэ Нине́вия, баро́ фо́ро, и роспхэ́н одо́й сарэ́нґэ, со лэ́нґирэ на́ˍлаче захалэ́ ры́нды доґинэ́ ко Дэвэ́л”. \v 3 И вштыя́ Ио́на, со́б тэˍнаˍшэ́л Дэвлэ́стыр до фо́ро Фарси́со, и явья́ до Йа́ффо. Попэя́ кара́блё, саво́ джя́лас до Фарси́со, покиндя́ па́л штэ́то со́б лэ́с тэˍдолыджя́н и заґия́ пэ лэ́стэ, со́б тэˍуджя́л Дэвлэ́скирэ якхэ́ндыр до Фарси́со.

01/04.txt

@@ -0,0 +1 @@
+\v 4 Нэ Дэвэ́л бичявдя́ бари́ бава́л по мо́рё, и паны́ лыя́ тэˍґадэ́лпэ адя́кэ со кара́блё на́бут наˍрозмардя́пэ. \v 5 Здара́ндынэ сарэ́ мануша́ савэ́ исы́с по кара́блё, и ґодла́са, заракирдэ́ кэ пэ́скирэ дэвэла́. И лынэ́ тэˍвычюрдэ́н караблё́стыр саро́ пхарипэ́н, ва́ш одова́, со́б кара́блё тэˍавэ́л локхэды́р. А Ио́на змэкья́пэ машкира́л до кара́блё, и пасия́ тэˍсовэ́л.

01/06.txt

@@ -0,0 +1 @@
+\v 6 Кэ ёв подґия́ шэрало́ караблё́скиро и пхэндя́ лэ́скэ: “Со ту совэ́с? Вшты, и ма́нґпэ ґодла́са кэ пэ́скиро Дэвэ́л. Мэ́к тыро́ Дэвэ́л шунэ́ла и заракхэ́ла амэ́н, и амэ́ наˍхасёва́са!” \v 7 И сарэ́ моря́ки ракирэ́нас е́кх екхэ́скэ: “Авэ́н, чюрда́са жре́биё и уджина́са, ко́н банґо́ дэ адая́ би́да”. И чюрдынэ́ жре́биё, и ёв сыкадя́ пэ Иона́стэ.

01/08.txt

@@ -0,0 +1 @@
+\v 8 И пхэндэ́ лэ́скэ: “Роспхэ́н амэ́нґэ, па́л со явья́ адая́ би́да? Со́са ту залэ́спэ и катсы́р ту традэ́с? Савэ́стыр ту форо́стыр и савэ́ндыр ту манушэ́ндыр?” \v 9 И пхэндя́ лэ́нґэ: “Мэ еврее́ндыр, мэ патя́в до Я́хвэ, Ёв Дэвэ́л болыбна́ско, Саво́ скэрдя́ мо́рё и пху́в”. \v 10 И здара́ндынэ дрыва́н мануша́ и пхэндэ́ лэ́скэ: “Со́скэ ту адава́ кэрдя́н?” Мануша́ уджиндэ́, со Ио́на нашэ́л Дэвлэ́стыр, сы́р ёв кокоро́ роспхэндя́ лэ́нґэ.

01/11.txt

@@ -0,0 +1 @@
+\v 11 И пхэндэ́ лэ́скэ: “Со амэ́ тэˍкэра́с ту́са, со́б тэˍуштылё́л мо́рё ва́ш амэ́нґэ?”, па́л адава́ со мо́рё дрыва́н ґадыя́пэ. \v 12 И пхэндя́ лэ́нґэ: “Лэ́нте ма́н и вычюрдэ́н до мо́рё, и мо́рё уштылё́ла. Мэ джина́в, со тумэ́ попэнэ́ дэ адая́ би́да па́л ма́ндэ”. \v 13 Нэ мануша́ лынэ́ дрыванэды́р тэˍґрибинэ́н кэ пху́в, а лэ́ндэ ничи́ наˍвыджя́лас долэ́скэ со по мо́рё исы́с бари́ бава́л.

01/14.txt

@@ -0,0 +1 @@
+\v 14 И заґодлынэ́ ко Я́хвэ и пхэндэ́: “О! Я́хвэ! Мэ́к амэ́ наˍхасёва́са па́л адалэ́ манушэ́стэ, и мэ́к наˍзаґинэ́лапэ амэ́нґэ нанэ́ банґо́ ра́т. Па́л одова́, со Ту Я́хвэ, кэрдя́н одова́, со Ту́кэ трэ́би!” \v 15 Ёнэ́ лынэ́ Иона́с и вычюрдынэ́ до мо́рё, и мо́рё заштылыя́. \v 16 Здара́ндынэ адалэ́ мануша́ Дэвлэ́стыр Я́хвэ затринскирдэ́пэ дрыва́н. И зачиндэ́ жэ́ртва ва́ш Я́хвэ и солахадэ́ Лэ́скэ.

01/17.txt

@@ -0,0 +1 @@
+\v 17 И бичявдя́ Я́хвэ барэ́с маче́с тэˍпроґлотинэ́л Иона́с, и Ио́на исы́с машкира́л до пэ́р адалэ́ маче́стэ три́н дэвэ́с и три́н ратя́.

02/01.txt

@@ -0,0 +1 @@
+\v 1 И поманґья́пэ Ио́на ко Я́хвэ, Дэвэ́л пэ́скиро, сы́р исы́с до пэ́р ко мачё́. \v 2 И пхэндя́: “До пхарипэ́н миро́ прикхардё́м Дэвлэ́с мирэ́с и Ёв шундя́ ма́н, одолэ́ свэто́стыр заґодлыё́м мэ Ту́кэ, и Ту шундя́н ма́н.

02/03.txt

@@ -0,0 +1 @@
+\v 3 Ту чюрдыя́н ма́н до паны́, машки́р мо́рё, ка́й паны́ исы́с сарэ́ндыр риґэ́ндыр. Сарэ́ во́лны Тырэ́ проджя́нас па́ш ма́ндэ. \v 4 Мэ пхэндё́м: “Ту вытрадыя́н ма́н и наˍкамэ́с тэˍдыкхэ́с пэ ма́ндэ, нэ мэ думина́в, со мэ дыкха́ва свэ́нто кхэ́р Тыро́”.

02/05.txt

@@ -0,0 +1 @@
+\v 5 Облынэ́ ма́н паня́ кэ ило́, таса́дёвав, пани́тко чя́р закхувдя́ миро́ шэро́. \v 6 Мэ пэё́м одо́рик катсы́р барьё́н о бэ́рґи пху́в закэрдя́ ма́н пэ́скирэнса клэдынэ́нса, нэ Ту Я́хвэ Дэвэ́л миро́ вытырдыя́н одотхы́р ма́н.

02/07.txt

@@ -0,0 +1 @@
+\v 7 Сы́р ило́ миро́ тэрдё́лас, мэ зрипирдё́м па́л Ту́тэ Я́хвэ, и манґьё́мпэ Ту́кэ и Ту ушундя́н ма́н дэ свэ́нто кхэ́р Тыро́. \v 8 Ко́н ґинэ́л хоханэ́н дэвлэ́н и джял па́л лэ́ндэ, одова́ ачкирдя́ ковлэ́ илэ́скирэс Дэвлэ́с,

02/09.txt

@@ -0,0 +1 @@
+\v 9 а мэ яна́ва Ту́кэ жэ́ртва лавэ́нса лошалэ́нса. Со пхэндё́м, кэра́ва. Я́хвэ заракхэ́ла!” \v 10 И пхэндя́ Я́хвэ маче́скэ, и ёв вычюнґардя́ Иона́с пэ шуки́ пху́в.

03/01.txt

@@ -0,0 +1 @@
+\v 1 Ави́р мо́ло Я́хвэ ракирдя́ ко Ио́на: \v 2 “Вшты и джя́ дэ Нине́вия баро́ фо́ро и роспхэ́н лэ́нґэ ла́в, саво́ Мэ пхэндё́м ту́кэ”. \v 3 И вштыя́ Ио́на и ґия́ дэ Нине́вия, сы́р пхэндя́ лэ́скэ Я́хвэ. А Нине́вия исы́с барэ́ форо́са ко Дэвэ́л, пэ три́н дэвэ́с тэˍджя́ пэза́л.

03/04.txt

@@ -0,0 +1 @@
+\v 4 И пхирэ́лас Ио́на пи́р фо́ро саро́ дэвэ́с, и роспхэнэ́лас манушэ́нґэ: “Проджя́ла сара́нда дэвэса́ и Нине́вия авэ́ла розмарды́!” \v 5 И патя́ндынэ ниневитя́ны Дэвлэ́скэ и пхэндэ́, сарэ́ ко́н баро́ чи тыкно́ тэˍлэ́н по́сто и тэˍвре́нпэ дэ ґоны́тко и́дя.

03/06.txt

@@ -0,0 +1 @@
+\v 6 И доґия́ адава́ ла́в ко ца́рё Ниневия́киро. И вштыя́ ца́рё пэ́скирэ штэто́стыр, злыя́ ца́рско и́дя пэ́скири и уридя́пэ дэ и́дя ґонэ́стыр и бэстя́ до пра́хо. \v 7 И припхэндя́ тэˍґодлэ́н и тэˍракирэ́н пи́р сари́ Нине́вия лэ́скирэ лавэ́стыр и лэ́скирэ манушэ́ндыр: “Мэ́к ни мануша́, ни хулаибэ́н, ни ґурува́, ни бакрэ́ ничи́ тэˍнаˍха́н и паны́ тэˍна́ˍпьен,

03/08.txt

@@ -0,0 +1 @@
+\v 8 учякирэ́н дэ ґоны́тко и́дя манушэ́н и саро́ хулаибэ́н и мэ́к манґэ́нпэ ко Дэвэ́л, отрисё́н захалэ́ дромэ́ндыр пэ́скирэндыр, и на́ˍкэрэн бэзэ́х тумарэ́нса вастэ́нса. \v 9 Нико́н наˍджинэ́л, Дэвэ́л залэ́ла Пэ́скири холы́ палэ́ и заракхэ́ла амэ́н, отлыджя́ла амэ́ндыр Пэ́скири хачкирды́ холы́, чи на и амэ́ наˍхасёва́са”.

03/10.txt

@@ -0,0 +1 @@
+\v 10 Дэвэ́л удыкхья́ лэ́нґиро джиипэ́н, со ёнэ́ ачядэ́ пэ́скирэ на́ˍлаче ры́нды, и отрисинэ́ захалэ́ дромэ́ндыр, Ёв сыкадя́ лэ́нґэ Пэ́скиро ковло́ ило́, и наˍхаскирдя́ адалэ́н манушэ́н сы́р ракирэ́лас.

04/01.txt

@@ -0,0 +1 @@
+\v 1 Начялыя́ саро́ адава́ Иона́скэ и ёв исы́с дрыва́н холямо́. \v 2 И поманґья́пэ ёв Дэвлэ́скэ и пхэндя́: “О! Я́хвэ! Чи наˍпхэндё́м мэ Ту́кэ адава́, сы́р исы́с дэ пэ́скиро фо́ро? Па́л адава́ мэ и праста́ндыём до Фарси́со, мэ джиндё́м, со Ту – Дэвэ́л саво́ кэрэ́с лачипэ́н и Ту ковло́ илы́тко и Ту́тэ бари́ зо́р тэˍзрикирэ́с Пэ́с, барвало́ илэ́са и Ту наˍкамэ́с, со́б тэˍавэ́л би́да. \v 3 А кана́, Дэ́вла, залэ́ миро́ джиипэ́н ма́ндыр, па́л адава́, со ма́нґэ хвэды́р тэˍмэра́в, и тэˍна́ˍдживав.

04/04.txt

@@ -0,0 +1 @@
+\v 4 И пхэндя́ Я́хвэ: “Со́скэ ту́т адя́кэ холякирдя́ адава́?” \v 5 И выґия́ Ио́на форо́стыр и тэрдыя́ пэ восто́чно ри́ґ форо́стыр, и кэрдя́ одо́й пэ́скэ ша́тра, и бэстя́ дэ ла́тэ кхамэ́стыр, со́б тэˍдыкхэ́л, со авэ́ла форо́са.

04/06.txt

@@ -0,0 +1 @@
+\v 6 Выбарьякирдя́ Я́хвэ Дэвэ́л бари́ чя́р. Ёй ґадыя́пэ па́ш Иона́стэ, со́б лэ́скиро шэро́ тэˍнаˍпэ́кэл кха́м, и со́б тэˍоджя́л лэ́стыр холы́. Ио́на исы́с лошало́ адалэ́ чярья́кэ барэ́ лоша́са. \v 7 Пэ ави́р дэвэ́с Дэвэ́л бичявдя́ кирмэ́с тэˍподха́л адая́ чя́р, и ёй зашутия́.

04/08.txt

@@ -0,0 +1 @@
+\v 8 И исы́с адя́кэ, со сы́р кха́м зґия́, Дэвэ́л бичявдя́ таты́ бава́л. И кха́м лыя́ тэˍпэкэ́л шэро́ Иона́скэ адя́кэ, со лэ́стэ наˍисы́с зо́р и ёв манґья́, со́б лэ́скэ тэˍмэрэ́л, ракирдя́: “Хвэды́р мэ тэˍмэра́в, тэˍна́ˍдживав”. \v 9 И пхэндя́ Дэвэ́л Иона́скэ: “Со́скэ ту дрыва́н холя́сыян па́л адая́ чя́р?” Ёв пхэндя́: “Мэ адя́кэ дрыва́н холя́сыём, со наˍкама́м тэˍджива́в”.

04/10.txt

@@ -0,0 +1 @@
+\v 10 И пхэндя́ Я́хвэ: “Ту́кэ до́р адая́ чя́р, ка́й ту ничи́ наˍкэрдя́н и наˍбарьякирьдя́н ла, сави́ па́л е́кх ра́т выбария́ и па́л е́кх ра́т хасия́. \v 11 Сы́р Мэ тэˍна́ˍзракхав Нине́вия – баро́ фо́ро, дэ саво́ дживэ́н буты́р шэ́л би́ш баря́ манушэ́н, савэ́ наˍджинэ́н ка́й пра́во ва́ст ка́й ле́во ва́ст и савэ́ндэ бу́т хулаибэ́н?”

LICENSE.md

@@ -0,0 +1,7 @@
+# License
+
+This work is made available under the Creative Commons Attribution-ShareAlike 4.0 International License (CC BY-SA). To view a copy of this license, visit [http://creativecommons.org/licenses/by-sa/4.0/](http://creativecommons.org/licenses/by-sa/4.0/) or send a letter to Creative Commons, PO Box 1866, Mountain View, CA 94042, USA.
+
+If you would like to notify unfoldingWord regarding your translation of this work, please contact us at [https://unfoldingword.org/contact/](https://unfoldingword.org/contact/).
+
+This PDF was generated using Prince (https://www.princexml.com/).

front/title.txt

@@ -0,0 +1 @@
+Ио́на

manifest.json

@@ -0,0 +1,29 @@
+{
+	"package_version": 7,
+	"format": "usfm",
+	"generator": {
+		"name": "ts-desktop",
+		"build": "148"
+	},
+	"target_language": {
+		"id": "rml",
+		"name": "Baltic Romani",
+		"direction": "ltr"
+	},
+	"project": {
+		"id": "jon",
+		"name": "Jonah"
+	},
+	"type": {
+		"id": "text",
+		"name": "Text"
+	},
+	"resource": {
+		"id": "udb",
+		"name": "Unlocked Dynamic Bible"
+	},
+	"source_translations": [],
+	"parent_draft": {},
+	"translators": [],
+	"finished_chunks": []
+}