204 lines
22 KiB
Plaintext
204 lines
22 KiB
Plaintext
\id RUT - Vlakh Romani Bible
|
||
\usfm 3.0
|
||
\ide UTF-8
|
||
\h Руфь
|
||
\toc1 О лил палай Руфь
|
||
\toc2 Руфь
|
||
\toc3 Рф
|
||
\mt1 О лил палай Руфь
|
||
\c 1
|
||
\s1 О Элимелехо и лэско йири пэрэладэн андо Моаво
|
||
\p
|
||
\v 1 Андэ кола деса, кала хулаинас э сындомаря, андэ кодыя пхув тердяпэ бок. Екх мануш анда Вифлеемо, кай андэ Иудея, пэрэжыля андэ Моавицко пхув екхтанэ ла ромняса тай дуе шавэнца.
|
||
\v 2 Кадылэ манушэс акхарэнас Элимелехо, лэстеря ромня — Наоми, ай лэстерэ дуе шавэн — Махлоно тай Килионо. Вонэ саслэ аракхадэ андо Эфрато — анда Вифлеемо, кай исын андэ Иудея. Вонэ авилэ андэ Моавицко пхув, кай тэ пожувэн котэ.
|
||
\p
|
||
\v 3 О Элимелехо, о ром ла Наомияко, муля, и вой ашыляпэ екхжэни лэ дуе шавэнца.
|
||
\v 4 Вонэ линэ пэсти ромнян моавитянкэн — екха акхарэнас Орпа, ай авря Руфь. Кала прожылэ паша э дэш бэрша,
|
||
\v 5 о Махлоно тай о Килионо кадя жэ мулинэ, э Наоми ашыляпэ би ромэсти и би шавэнди.
|
||
\s Э Наоми рисайвэл андо Вифлеемо
|
||
\p
|
||
\v 6 Кала пэ Моавицки маля э Наоми угангля, со о РАЙ сгындосардя пала Пэсти мануша тай дя лэнди хамос, вой закамля тэ рисайвэл андай Моавицко пхув черэ. Ласа жылэ и лати дуй боря.
|
||
\v 7 Э Наоми мэкляпэ андо дром, и лати боря жылэ ласа. Па дром андэ Иудея
|
||
\v 8 э Наоми пхэндя пэстерэ дуен борянди:
|
||
\p — Рисайвэн черэ каринг тумарэ чяче йиря! Мэк о РАЙ авэл тынгуно каринг тумэндэ, сар и тумэ саслэ лашэ важ тумарэ рома, савэ мулинэ, и важ мандэ.
|
||
\v 9 Мэк о РАЙ дэл зор кажнонати тумэндар тэ аракхэл бах андо чер аврэ ромэско.
|
||
\p Вой чюмидэлас лэн, сар ля тэ жалтар, ай вонэ заголосусардэ, заровлэ
|
||
\v 10 и пхэндэ лати:
|
||
\p — Амэ рисайвэса туса каринг терэ мануша.
|
||
\p
|
||
\v 11 Э Наоми пхэндя:
|
||
\p — Щеялэ, рисайвэн черэ. Пала со тумэ тэ жан манца? Мэ со, анава инке шавэн, савэ авэна тумэнди ромэнца?
|
||
\v 12 Рисайвэн черэ, мэрнэ щея, мэ сым пхури, кай тэ жав пала ром. Кала мэ и гындоя, со мандэ инке исын надежда, — сар кай андэ кадыя рят мэ тэ совав ромэса, ай тунче тэ анав шавэн, —
|
||
\v 13 сар тумэнди трэбуй тэ аштярэн, кала вонэ вибарёна? Трэбуй ли тумэнди тэ ашэнпэ ся кадыя время би ромэнди?! Най, мэрнэ щея. Мэрни грижа фартэ пхари важ тумэндэ, о РАЙ шутя пэр мандэ Пэсти холи.
|
||
\p
|
||
\v 14 Вонэ упалэ заголосусардэ и заровлэ. Э Орпа чюмидя ла сасуя, сар ля тэ жалтар, ай э Руфь отпхэндяпэ тэ жалтар.
|
||
\p
|
||
\v 15 Э Наоми пхэндя:
|
||
\p — Дикх, тери ятровка рисайвэл каринг пэстерэ мануша тай каринг пэсти дэвэла. Жа и ту ласа.
|
||
\p
|
||
\v 16 Ай э Руфь пхэндя:
|
||
\p — На манг ман тэ ашавав тут и тэ рисайвав. Мэ жава инчя, каринг жаса ту, и ашавапэ котэ, кай ту ашэсапэ, терэ мануша авэна мэрнэ мануша, теро Дэл авэла мэрно Дэвэл.
|
||
\v 17 Кай ту мэрэса, котэ и мэ мэрава, тай котэ мэк ман и прахона. Мэк кадя тай кадя тэ марэл ман о РАЙ, кати екх о мэримос розашавэла амэн туса!
|
||
\p
|
||
\v 18 Э Наоми поля, кай э Руфь састэс приля андо ди тэ жал ласа, и парашыля тэ отбишалэл ла.
|
||
\v 19 Вонэ жанас дужэнэ жы каринг о Вифлеемо. Кала вонэ авилэ андо Вифлеемо, андо форо тердяпэ бари дума.
|
||
\p — Када э Наоми?! — пушэнас э жувля.
|
||
\v 20 Ай э Наоми пхэндя лэнди:
|
||
\p — На акхарэн ман Наоми, ай пхэнэн Мара\f + \fr 1.20 \ft Пхурано еврейско алав «Наоми» исын «драго», ай алав «Мара» исын «кэрки». \f*, пала кода со о Майзорало тердя мэрно жувимос кэрко!
|
||
\v 21 Кала мэ жылэмастар, мандэ сас ся, ай о РАЙ андя ман палпалэ ни соза. Пала со ж тумэ акхарэн ман Наоми? О РАЙ сындосардя ман, о Майзорало бишалдя манди грижа.
|
||
\p
|
||
\v 22 Кадя рисайля э Наоми, и ласа андай Моавицко пхув авиля лати бори, э Руфь моавитянка. Вонэ авиле андо Вифлеемо, кала авиля время тэ стидэн о ячмэно.
|
||
\c 2
|
||
\s Э Руфь дикхэлпэ лэ Боазоса
|
||
\p
|
||
\v 1 Кай о ром ла Наомияко сас родо, савэс акхарэнас о Боазо. Вов сас мануш ашундо, андай кодыя жэ порода, сар и о Элимелехо.
|
||
\v 2 Э Руфь моавитянка пхэндя ла Наомияти:
|
||
\p — Мэк ман, мэ жава андэ маля тэ подтидав э колосуря пала колэс манушэс, андэ кастерэ якха аракхава тынгимос.
|
||
\p Э Наоми пхэндя:
|
||
\p — Жа, мэрни щей.
|
||
\p
|
||
\v 3 Э Руфь жыля и ля тэ подтидэл палай жнецуря э колосуря, савэ пэрэнас пэ мал. Тердяпэ кадя, кай кадыя мал сас лэ Боазости, саво сас анда порода лэ Элимелехости.
|
||
\p
|
||
\v 4 Андэ кодыва жэ дес екхжэно о Боазо авиля инчя анда Вифлеемо.
|
||
\p — Тэ авэл о РАЙ тумэнца! — пхэндя вов лэ жнецонэнди.
|
||
\p — Бахтало ту сан лэ РАЕСТАР! — пхэндэ вонэ лэсти.
|
||
\p
|
||
\v 5 О Боазо пушля кай о бутярно, саво сас барэдэр пэ жнецуря:
|
||
\p — Кастери када щей, кадыя тэрни жувли?
|
||
\p
|
||
\v 6 О бутярно, саво сас барэдэр пэ жнецуря, пхэндя:
|
||
\p — Када моавитянка, сави авиля ла Наомияса андай Моавицко пхув.
|
||
\v 7 Вой пхэндя: «Мэк ман, мэ лава тэ подтидав палай жнецуря э колосуря машкарай снопуря». Вой авиля тэсара и ашыляпэ катэ жы кала времятэ; кати найбут отчиеля андэ вушал.
|
||
\p
|
||
\v 8 Тунче о Боазо пхэндя ла Руфяти:
|
||
\p — Щей мэрни, ашун ман. На жа тэ подтидэс э колосуря пэ авэр мал, на жатар катар, ай ашпэ мэрнэ бутярняса.
|
||
\v 9 Дикх, кай терэн бути э жнецуря, и жа палай бутярнэ. Мэ припхэндэм мэрнэ манушэнди, тэ на цыпин пэр тутэ. Сар закамэса тэ пэс, поджа и пи андай кхорэ, савэ пхэрдэ мэрнэ бутярнэ .
|
||
\p
|
||
\v 10 Вой пэля тэлэ, тэлиля лэсти жы ла пхуятэ и пхэндя:
|
||
\p — Пала со мэ аракхлем тынгимос андэ терэ якха, состар ту терэс кацаво лашымос манди, мэ жэ авря пхуятар?
|
||
\p
|
||
\v 11 О Боазо пхэндя лати:
|
||
\p — Манди роспхэндэ пала ся, со ту тердян важ тери сасуи, кала муля теро ром: сар ту ашадян ла да и лэ дадэс, ашадян о тхан, кай аракхадилян, и авилян каринг э мануша, савэн ту на ганэсас данглал.
|
||
\v 12 Мэк о РАЙ дэл тути бах пала кода, со ту стердян, и мэк пхэрдо дэл тути о РАЙ, О Дэл лэ Израилеско, каринг Саво ту авилян тэ гарадёс тала Лэсти пхака.
|
||
\p
|
||
\v 13 Вой пхэндя:
|
||
\p — Тэ авав мэ и майанглэ тэ аракхав тынгимос англа терэ якха, мэрно рай. Ту улян ман, теря копэльница, пхэндян манди лашэ алава, хоть мэ жэ и най терэ копэльницэндар.
|
||
\p
|
||
\v 14 Кала авиля э время тэ хан, о Боазо пхэндя ла Руфяти:
|
||
\p — Поджа кардэ, бол о котор марно теро андо шукло чехыри и ха.
|
||
\p Кала вой бэшля пашай э жнецуря, вов дя лати прыжымэ ворзо. Вой халя, чялиля, и латэ инке ашыляпэ.
|
||
\v 15 Тунче э Руфь жыля тэ подтидэл э колосуря, ай о Боазо припхэндя пэстерэ манушэнди:
|
||
\p — Мэк вой тидэл и машкарай снопуря, на цыпин пэр латэ.
|
||
\v 16 Ай инке отшон важ латэ э колосуря андай снопуря тай ашавэн лати, мэк подтидэл, ай тумэ на дошалярэн ла.
|
||
\p
|
||
\v 17 Жы каринг о вэчеро э Руфь подтидэлас э колосуря пэ мал. Кала жэ вой обмардя э колосуря, стидяпэ каринг йипаш гоно\f + \fr 2.17 \ft Пэ пхурано еврейско шыб «екх эфа». Екх эфа — пашай 22 литра.\f* о ячмэно.
|
||
\v 18 Вой ля лэс, андя андо форо, и лати сасуи додикхля, сар бут вой стидя.Тунче вой дорэсля кода, со ашыляпэ латэ лэ хамастар, и отдя ла Наомияти.
|
||
\p
|
||
\v 19 Э сасуи пушля латар:
|
||
\p — Кай жэ ту тидэсас? Кай ту тердян бути адес? Тэ авэл бахтало кодыва мануш, саво шутя тут сама.
|
||
\p Э Руфь роспхэндя ла сасуяти, кастэ пэ мал вой тердя бути.
|
||
\p — Лэ манушэс, пэ мал кастэ мэ адес тердэм бути, акхарэн Боазо, — пхэндя вой.
|
||
\p
|
||
\v 20 — Мэк РАЙ дэла лэсти бахт! — пхэндя э Наоми пэстя боряти. — Вов на ашадя би тынгимаско ни лэ жундэн, ни лэ мулэн!
|
||
\p Ай тунче инке пхэндя:
|
||
\p — Кадыва мануш — амаро пашэ родо, во екх амарэ фиримарэндар.
|
||
\p
|
||
\v 21 Э Руфь моавитянка пхэндя:
|
||
\p — Вов жэ пхэндя манди: «Ашпэ екхтанэ мэрнэ бутярнэнца, жы кай вонэ на злэна ся мэрно ворзо».
|
||
\p
|
||
\v 22 Э Наоми пхэндя ла Руфяти, пэстеря боряти:
|
||
\p — Мэрни щей, драго, сар кай ту авэса лэстерэ бутярнянца. Тунче нико на цыпия пэр тутэ пэ авэр мал.
|
||
\p
|
||
\v 23 Э Руфь ритярдёлас екхэтанэ лэ Боазостерэ бутярнянца и подтидэлас э колосуря, жы кола времятэ, кала ся постидэ о ячмэно тай э див. Ай жувэлас вой тунче ла сасуяса.
|
||
\c 3
|
||
\s Э Руфь и о Боазо по гумэно
|
||
\p
|
||
\v 1 Э Наоми пхэндя пэстеря боряти:
|
||
\p — Мэрни щей, мэ камав тэ подродав тути лашо састо тхан.
|
||
\v 2 Гэн акэ, амаро родо о Боазо, савэстэ лэ бутярнянца ту санас андэ мал, адес увэчери лэла тэ вужарэл о ячмэно по гумэно.
|
||
\v 3 Ту халадю, макпэ, вурядю и жа по гумэно, ай лэ Боазости на сыкадю, жы покэ вов хала и пэла.
|
||
\v 4 Роздикх, кай вов пэрэла тэ совэл, тунче поджа, розушарав лэстэ катар э пэрнэ о дияло и пэр. Вов пхэнэла тути, со тэ терэс майанглэ.
|
||
\p
|
||
\v 5 Э Руфь пхэндя:
|
||
\p — Мэ стерава ся, сар ту пхэндян.
|
||
\p
|
||
\v 6 Вой жыля по гумэно и стердя ся, сар припхэндя лати э сасуи.
|
||
\p
|
||
\v 7 О Боазо халя тай пиля, и пэля тэ совэл катар э куча лэ ворзоса. Э Руфь полокорэ поджыля, розушарадя лэстэ катар э пэрнэ о дияло и пэля.
|
||
\v 8 Андэ машкар рят вов ля тэ мишкпэ, обрисайля и додикхля, со катар лэсти пэрнэ пашлёл жувли.
|
||
\p
|
||
\v 9 — Ко ту? — пушля вов.
|
||
\p Вой пхэндя:
|
||
\p — Мэ э Руфь, тери копэльница, — пхэндя вой. — Лэ ман пала пэстэ\f + \fr 3.9 \ft Пэ пхурано еврейско шыб алава: «Ваздэ тери э пхак пэ тери копэльница».\f*, ту амаро фиримари.
|
||
\p
|
||
\v 10 Вов пхэндя лати:
|
||
\p — Тэ дэл о РАЙ тути бахт, мэрни щей! Ту икхатар терэс майбаро лашымос колэстар, саво сас данглал: на лян тэ родэс тути тэрнэс — ни чёрэс, ни барвалэс.
|
||
\v 11 На дара, мэрни щей, мэ стерава ся, пала со ту ман мангэс. Андэ кадыва форо саворэ ганэн, кай ту лашы жувли.
|
||
\v 12 Када чячес, мэ тумаро родо, но исын инке родо, майпашэ мандар.
|
||
\v 13 Ашпэ пэ рят катэ, ай тэся, сар вов закамэла тэ авэл тумаро фиримари — драго, мэк авэл. Ай сар вов на закамэла, тунче, солахав лэ РАЕСА, када терава мэ. Сов катэ жы каринг э тэсара.
|
||
\p
|
||
\v 14 Вой сутя катар лэсти пэрнэ жы каринг э тэсара, и ущиля жы колэстэ, сар екх мануш тэ додикхэл аврэс. О Боазо гындояс: «Мэк нико на ганэн, кай жувли авилясас по гумэно».
|
||
\v 15 Вов пхэндя лати:
|
||
\p — Дэ теро косно и подритяр лэс.
|
||
\p Э Руфь ростэлисардя о косно, и о Боазо шутя андо косно баро гоно\f + \fr 3.15 \ft Андо пхурано еврейско лил тердён алава: «шов (паясля) ячмэно».\f* о ячмэно. Вов тходя лати пэ пхикэ о ячмэно и жылятар андо форо.
|
||
\p
|
||
\v 16 Кала э Руфь авиля каринг э сасуи, э Наоми пушля латар:
|
||
\p — Сар ту, мэрни щей?
|
||
\p Э Руфь роспхэндя пала кода ся, со тердя лати о Боазо.
|
||
\v 17 И инке пхэндя:
|
||
\p — Вов дя манди баро гоно ячмэно и пхэндя: «На рисав каринг тери сасуи шушэ вастэнца».
|
||
\p
|
||
\v 18 Э Наоми пхэндя:
|
||
\p — Акана, мэрни щей, подаштяр, йито уганэса, соза э дила стерэлапэ. Кадыва мануш на улэлапэ, покэ адес жэ на стерэла сяй дила.
|
||
\c 4
|
||
\s О Боазо лэл ла Руфь пала пэстэ
|
||
\b
|
||
\p
|
||
\v 1 Ай о Боазо жыля и бэшля катар лэ форости вудара. И дикхэл: жал кодыва родо, пала кастэ вов пхэнэлас. О Боазо акхардя лэс и пхэндя:
|
||
\p — Поджа кардэ, амал. Прибэш.
|
||
\p Кодыва поджыля и бэшля.
|
||
\p
|
||
\v 2 Андэ форо о Боазо акхардя дэшэ барэдэра манушэн и пхэндя лэнди:
|
||
\p — Бэшэн катэ.
|
||
\p Вонэ бэшлэ.
|
||
\v 3 О Боазо пхэндя колэ родости:
|
||
\p — Дума жал палай мал лэ Элимелехости, амарэ родости. Э Наоми рисайля андай Моавицко пхув и битинэл э мал.
|
||
\v 4 Мэ погиндосадэм, кай трэбуй тэ пхэнав тути пала када. Ту трэбуй тэ витинэс кадыя мал англа саворэ, ко бэшэл, и англа э барэдэра амарэн манушэн. Камэс, витин, ай на камэс, пхэн манди, кай мэ тэ ганав. О чячё витинимос ашэлпэ пала тутэ, ту англуно, ай мэ тунче пала тутэ.
|
||
\p — Мэ витинава, — пхэндя кодыва.
|
||
\p
|
||
\v 5 О Боазо пхэндя:
|
||
\p — Сар кай ту тинэса э мал кай э Наоми, ту кадя жэ трэбуй тэ лэс пала тутэ ла Руфя моавитянка, ла пхивля, соб латерэ бэяцэ тэ авэн хулая пэ лэско хаббэ.
|
||
\p
|
||
\v 6 Тунче кодыва пхэндя:
|
||
\p — Най, мэ на витинав кадыя мал. Мэ дарав, со кадя римосарава мэрно хаббэ. Витин фэдэр ту, мэ на витинав.
|
||
\p
|
||
\v 7 (Андэ пхурани время кай э израильтянуря сас обычаё, кала пэрэдэнас по чячё витинимос, соб тэ састярэн о допхэнимос, о мануш излэлас пар пэстэ э сандали и отдэлас аврэсти. Кадя э израильтянуря састярнас о допхэнимос.)
|
||
\p
|
||
\v 8 — Тин ту, — пхэндя о родо лэ Боазости и изля о сандали.
|
||
\p
|
||
\v 9 О Боазо пхэндя лэ барэдэрэнди тай саворэнди, ко бэшэлас:
|
||
\p — Адес тумэ дикхэн и шунэн, икхатар мэ тинав кай э Наоми ся, со сас кай о Элимелехо, Килионо и кай о Махлоно.
|
||
\v 10 Кадя жэ и ла Руфя моавитянка, ла пхивля лэ Махлоностеря, мэ лав пала мандэ, кай э бэяцэ лэ Махлоности тэ авэн хулая пэ лэско хаббэ, и кай тэ на пэрэшындёл лэско родо анда амаро форо. Адес тумэ екхжэнэ дикхэн и шунэн када!
|
||
\p
|
||
\v 11 Тунче саворэ, ко сас катар э вудара тай э барэдэра пхэндэ:
|
||
\p — Кадя амэ дикхас и шунас! Мэк о РАЙ дэла кала жувляти, сави зажал андэ теро чер, бут бэяцэн. Сар Вов дя бут бэяцэн ла Рахиляти тай ла Лияти, савэндар аракхадилэ ся э израильски мануша! Зорало ав андо Эфрато тай гангло андо Вифлеемо!
|
||
\v 12 Мэк черэз э терэ бэяцэн, савэн о РАЙ дэла тути кала тэрня жувлятар, тери порода авэла, сар э порода кай о Парэцо, савэс э Тамар аракхадя лэ Иудасти!
|
||
\s Э порода лэ тхагарэсти лэ Давидости
|
||
\p
|
||
\v 13 О Боазо ля пала пэстэ ла Руфя. Вов сутя ласа, ай о РАЙ дя лати тэ авэл пхари, и вой андя шаворэс.
|
||
\p
|
||
\v 14 Э жувля пхэнэнас ла Наомияти:
|
||
\p — Бахтало о РАЙ, Саво дя тути фиримарес! Тэ ашарэлпэ вов машкара израильтянуря!
|
||
\v 15 Вов рисарэла тути э лош тай подритярэла тут андэ пхуранэ бэрша! Э бори тери, сави камэл тут, андя лэс! Вой важ тутэ фэдэр ефта шавэндар.
|
||
\p
|
||
\v 16 Э Наоми пхиравэлас лэ бэятос пэ васт и дикхэлас пала лэстэ.
|
||
\v 17 Ай э жувля, савэ жувэнас котэ, пхэнэнас:
|
||
\p — Шаворо аракхадиляпэ кай э Наоми.
|
||
\p Вонэ динэ лэсти о алав Овидо. Вов ашыля дад лэ Иесеёско, саво сас о дад лэ Давидоско.
|
||
\p
|
||
\v 18 Акэ э порода лэ Фарецости: о Фарецо ашыля дадэса лэ Хецроноско,
|
||
\v 19 о Хецроно ашыля дадэса лэ Рамоско, о Рамо ашыля дадэса лэ Аминадавоско,
|
||
\v 20 о Аминадаво ашыля дадэса лэ Нахшоноско, о Нахшоно ашыля дадэса лэ Салмоноско,
|
||
\v 21 о Салмоно ашыля дадэса лэ Боазоско, о Боазо ашыля дадэса лэ Овидоско,
|
||
\v 22 о Овидо ашыля дадэса лэ Иесеёско, о Иесеё ашыля дадэса лэ Давидоско.
|