DevleskoDrom_rmy_lrb/32-JON.usfm

\id JON - Lovari Romani Bible
\usfm 3.0
\ide UTF-8
\h Иона
\toc1 Ионаски кеньва
\toc2 Иона
\toc3 Иона
\mt ИОНАСКИ КЕНЬВА
\c 1
\s Иона нашэл катар о Дэл
\v 1 Каринг о Иона, Амиттаёско щяво, сас ворба катар о Рай Яхва:
\v 2 — Кидэту, жя андо баро форо Ниневия ай пхэн манушэнгэ ворба, анда кадо кэ ғира па лэскэ чёрэ бутя арэслас жи Мандэ.
\v 3 Алом о Иона кидаспэ тэ нашэл катар о Рай Яхва андо Таршыш. Вов гэластар андэ Яффа, аракхлас бэрo\f + \fr 1.3 \ft Бэро –‛корабль; лодкаʼ. Исконное слово цыганского языка (утрачено в некоторых диалектах). Происходит от древнеиндийского bēḍa ‛лодка, корабльʼ. \f*, саво жяластар андо Таршыш, потиндас пал традыпэ ай бэшлас пэ лэстэ тэ усый катар о Рай Яхва.
\v 4 Алом о Рай Яхва щюдас по море бари балвал, ай ваздаспэ касаво штормо, кэ о бэро сас тэ пхарадёл.
\v 5 Саворэ налара\f + \fr 1.5 \ft Налари ‛речник; морякʼ — производное от ловарского нал ‛рекаʼ. Нал, утраченное в ряде говоров, восходит в древнеиндоарийскому nāḍī ‛полый стебель; канал, руслоʼ; в индоарийских диалектах гуджарати, панджаби и др. означает ‛рекаʼ.\f* дарайлэ, ай сако лас тэ рудий кай пэско дэл. Вон щюдэ андо паи са э пхаримата, савэ сас по бэро, тэ авэл вов май локхо. Англа кадо о Иона мэкласпэ тэлэ андо бэро, пашлилас котэ ай сутас зуралэ соимаса.
\v 6 Бэроско паранчёдашы авилас лэстэ ай пхэндас: — Со ту совэс? Уще, рудинту тирэ Дэвлэскэ! Вов шай жутый амэнгэ, ай амэ чи хасайвас.
\v 7 Э налара пхэннас екх екхэскэ: — Тэ щюдамас жребиё тэ жянас, анда кастэ амэ хасайвас. Вон щюдэ жребиё, ай вов сыкадас по Иона.
\v 8 Атунчи вон пущлэ лэс: — Пхэн амэнгэ, кон дошало андо кадо баё? Че бутяса лэсту? Катар жяс? Анда че тхэм сан? Анда че мануш?
\v 9 Вов пхэндас: — Мэ сым евреё ай дав патив кай о Рай Яхва, о Дэл лэ Черэско, Саво кэрдас море ай э пхув.
\v 10 Иона пхэндас э наларэнгэ, кэ вов нашэл катар о Рай Яхва. Кана вон жянглэ па кадо, лас лэн бари дар, ай вон пущлэ: — Ай че баё кэрдан?
\v 11 Ай лэ моряко паи ваздэласпэ са май зуралэс ай май учес, ай атунчи вон пущлэ лэстар: — Со тэ кэрас туса тэ чендэшийпэ о паи?
\v 12 — Лэн ман ай щюдэн андо море, — пхэндас вов, — ай о паи чендэшыяпэ. Мэ жянав, кэ кадо насул штормо пэлас пэ тумэндэ анда мандэ.
\v 13 Вон лынэ тэ традавэн о бэро анда интрэги зор, тэ рэсэн жи кай пхув, алом вон чи биринас, анда кадо кэ о паи ваздэласпэ лэ балваляса инкэ май зуралэс.
\v 14 Атунчи вон лынэ тэ мангэн лэ Рас лэ Яхвас: — Эта, Рай Яхва, тэ на хасайвас амэ анда кадо мануш. Тэ на щёс пэ амэндэ бэзэх анда мударипэ на дошалэ манушэско, чяк Ту, Рай Яхва, кэрэс кодо, со камэс Ту.
\v 15 Атунчи вон лынэ Ионас, щюдэ лэс аври анда бэро, ай холярнико паи чендэшысайлас.
\v 16 Лас э манушэн бари дар катар о Рай Яхва, вон дынэ лэскэ жэртва ай солахадэ.
\c 2
\s Рудипэ Ионаско
\v 1 О Рай Яхва кэрдас кадэ, кэ баро мащё накхадас Ионас, ай вов сас андэ мащески дёмра трин дес ай трин ратя.
\v 2 Кана сас андэ дёмра э мащески, Иона рудияспэ каринг о Рай Яхва, каринг пэско Дэл.
\v 3 Вов пхэндас: — Андэ брига манглэм лэ Рас лэ Яхвас,
\q3 ай Вов пхэндас мангэ палпалэ. Мэ цыписардэм катар э мулэнги лума —
\q3 ай Ту шундан муро цыпипэ.
\v 4 Ту щюдан ма андо бифундоско паи,
\q3 ворта андо баро паенго ило;
\q3 круисардэ ман фолымата. Са Тирэ таласура,
\q3 са Тирэ пая накхлэ па мандэ.
\v 5 Мэ пхэндэм:
\q3 «Нашадо сым катар Тирэ якха;
\q3 алом палэ дыкхава Тиро сунто Кхэр».
\v 6 Щерадэ ман лэ пая бифундоскэ,
\q3 ай лэнгэ чяра кхудэпэ по муро шэро.
\v 7 По фундо, кай лэ харэнгэ вуны, мэклэмма,
\q3 ай пхувакэ лэкатура пхандадилэ пала мандэ тэ на путрэнпэ, алом Ту, Рай Яхва, муро Дэл,
\q3 лан ма анда гропа жювиндэс!
\v 8 Кана о траё мурдайвэлас андэ мандэ,
\q3 мэ дэмма гиндо па Рай Яхва, ай авилас муро рудипэ жи Тутэ,
\q3 андэ сунто Тири Кхангэри.
\v 9 Кодал мануш, кон дэн патив хохавнэ дэвлэнгэ,
\q3 мэклэ чячюнэ Дэвлэс.
\v 10 Ай мэ ашардэ диланца ло тэ анав Тукэ жэртвы.
\q3 Со щинадэм — кэро. О фирипэ авэл катар о Рай Яхва!
\v 11 О Рай Яхва дас аври лэ мащескэ, ай вов щюдас Ионас пэ пхув анда пэски дёмра.
\c 3
\s Иона андэ Ниневия
\v 1 Ай по дуйто сас лэ Раски лэ Яхваски ворба каринг о Иона:.
\v 2 — Кидэту, жя андо баро форо Ниневия ай пхэн манушэнгэ ворба, сави Мэ тукэ пхэнав.
\v 3 Иона патяяс лэ Раско лэ Яхваско муй, кидаспэ тай гэлас андэ Ниневия. Ниневия сас баро форо — трубуяс май трин дес тэ пхирэс лэс опрэ.
\v 4 Ай о Иона киздысардас тэ пхирэл па форо ай накхлас кати шай тэ пхирэс тэла екх дес, ай пхэнлас: — Па штарвардэш дес Ниневия авла пхагэрды!
\v 5 Лэ ниневитянура патяе лэ Дэвлэскэ ай лынэ тэ на хан и тэ на пэн, ай саворэ — катар барэ жи кай цынэ — урадэпэ андэ чёрэ похтанэскэ гада.
\v 6 Кана кады ғира арэслас жи кай Ниневияко край, вов ущилас па пэско краицко тхан, лас тэлэ пэскэ краицка гада, урадас чёрэ гада ай андэ брига бэшлас по ватрако тхан.
\v 7 Вов дас аври тэ пхэнэн андэ Ниневия: — Краицко ай ранги ворба: «Мэк лэ мануш тэ на хан и тэ на пэн, ви э алатура: гурува, бакрэ ай бусня — тэ на хахавэнпэ пэ мал ай тэ на пэн!
\v 8 Мэк ви манушэн, ви алатон щяравэн чёрэ похтанэнца. Мэк сако анда са пэски зор мангэл лэ Дэвлэс. Мэк ащявэн пэскэ холярдэ бутя ай пэско насулыпэ.
\v 9 Кон жянэл, кам шай о Дэл инкэ сунуй амэн ай парувэл о гиндо, кам тордярэл пэски ягалы холи ай милойпэ амэндар, ай амэ чи хасайвас».
\v 10 Кана о Дэл дыкхлас, со вон кэрдэ, ай сар ащядэ пэскэ насул дрома ай чёрэ бутя, Вов милосайлас ай чи бищядас пэ лэндэ бида, саваса Вов даравлас лэн.
\c 4
\s О Дэл щитярэл Ионас
\v 1 Лэ Ионаскэ кадо зуралэс чи чялилас, ай вов холяйлас.
\v 2 Вов лас тэ рудийпэ лэ Раскэ лэ Яхваскэ: — Эта, Рай Яхва! Па кадо мэ ви гиндыяс, кана сымас инкэ кхэрэ! Анда кадо ви нашлэм андо Таршыш. Мэ жянос, кэ Ту сан Дэл, кай кэрэл лащипэ, милако, рыбдымаско ай барвало камаимаса, ай чи камэс тэ бищявэс бида.
\v 3 Ай аканак, Рая Яхва, лэ муро ди, анда кадо кэ май федэр тэ мэрав, сар тэ траий.
\v 4 Алом о Рай Яхва пхэндас: — Тукэ трубуй тэ холяйвэс кадэ?
\v 5 Иона дас аври анда форо ай бэшлас пэ риг, кай ваздэлпэ о кхам. Котэ кэрдас анда кранжи сыр цынкалово, бэшлас тэлэ андо щялин ай лас тэ дыкхэл, со кэрдёла лэ фороса.
\v 6 Ай о Рай Яхва кэрдас тэ барол о бур, саво ваздаспэ май учес, сар Иона, тэ на хал вов кино катар о кхам, ай Иона лошаяс кадалэскэ.
\v 7 Алом по кавэр дес, коран, о Дэл бищядас лэ кэрмэс тэ рагий о бур, ай о бур шутилас.
\v 8 Кана о кхам ваздилас, о Дэл бищядас пхабарды балвал, ай о кхам лас тэ пхабарэл лэ Ионаско шэро. Вов кадэ кинозысайлас, кэ камлас тэ мэрэл ай пхэндас: — Май федэр тэ мэрав, сар тэ траий.
\v 9 Ай о Дэл пхэндас Ионаскэ: — Тукэ трубуй кадэ тэ холяйвэс анда бур? — Трубуй, — пхэндас о Иона, — на фэри тэ холяйвав, ай ви тэ мэрав.
\v 10 Алом о Рай Яхва пхэндас: — Ту бунус анда буроро, пала саво чи грыжысас, саво чи барардан. Вов барилас тэла екх рати, ай тэла екх рати хасайлас.
\v 11 Ай сар Мэ тэ на сунуй баро форо Ниневия, кай на фэри бут алатура, ай май бут сар екх шэл тай биш эзэра мануш чи жянэн, кай сы чячи риг, ай кай э стунго?