diff --git a/23/01.txt b/23/01.txt
new file mode 100644
index 0000000..5625b5f
--- /dev/null
+++ b/23/01.txt
@@ -0,0 +1 @@
+မာရိက ယောသပ်လို့ နာမယ်ဟိရေ ရိုးသားဖြောင့်မတ်သူတယောက်နန့် စေ့စပ်ထားလီရေ။ ယောသပ်က မာရိမာ ကိုယ်ဝန်ဟိနီစွာကို ကြားရေခါ ယင်းအချေက သူ၏အချေမဟုတ်မှန်း သိလီရေ။ ယေလေ့ သူက မာရိကို အရက်မကွဲစီချင်လို့ သူမအပေါ်မာ ဂရုဏာသက်လို့ သူမကိုတတိတ်ချေ ကွာပီးဖို့ ဆုံးဖြတ်လိုက်လီရေ။ယေခါ သူယင်းပိုင် မလုပ်ခင် နတ်စေတမန်တပါးက သူ၏အိမ်မက်ထဲကိုလာပြီး‌ကေ သူ့နန့် စကားပြောလီရေ။
\ No newline at end of file
diff --git a/23/02.txt b/23/02.txt
new file mode 100644
index 0000000..efc4af4
--- /dev/null
+++ b/23/02.txt
@@ -0,0 +1 @@
+ယင်းနတ်စေတမန်က"ယောသပ်၊ မာရိကို သင်၏မယားအဖြစ် လက်ခံဖို့ မစိုးရိမ်ကေ့။ သူမ ဝမ်းထဲကအချေစော် မြင့်မြတ်တေ ဘုရားဝိဉာဉ်တော် တန်ခိုးအစွမ်းနန့် ပဋိသန္ဓေ ရဟိစွာဖြစ်တေ။ သူမက သားတယောက်ကို မွီးလိမ့်မေ။ သူ့ကို ယေရှုလို့ နာမယ်ပီးပါ။ (ယင်းအဓိပ္ပါယ်မာ ကယ်တင်တော် မူရေ ထာဝရဘုရားလို့ အဓိပ္ပါယ်ရရေ) ဇာကြောင့်ဆိုကေ သူက လူတိကို သူရို့၏အပြစ်တိက ကယ်တင်ဖို့ ဖြစ်ရေတွက်ကြောင့် ဖြစ်တေ" လို့ မိန့်ကြားခပါရေ။
\ No newline at end of file
diff --git a/23/03.txt b/23/03.txt
new file mode 100644
index 0000000..1dbf824
--- /dev/null
+++ b/23/03.txt
@@ -0,0 +1 @@
+ယင်းကြောင့် ယောသပ်က မာရိနန့် သက်မက်တက်ပြီးကေ သူ၏အိမ်ကို ခေါ်လားလီရေ။ ယေခါ သူက သူမအချေ မွီးအောင်ထိ တတူတူအိပ်စွာမဟိခပါ။
\ No newline at end of file
diff --git a/23/04.txt b/23/04.txt
new file mode 100644
index 0000000..6e02792
--- /dev/null
+++ b/23/04.txt
@@ -0,0 +1 @@
+မာရိ မွီးဖို့အချိန် နီးလာရေခါမာ သူမနန့်ယောသပ်စော် ဗက်လင်မြို့ကို ခရီးဝီးလားကတ်ရလီရေ။ ဇာကြောင့်ဆိုကေ ဣသရေလမှာဟိရေ လူတိကို ရောမအာဏာပိုင်တိက သန်းခေါင်စာရင်းကောက်ယူ ချင်ရေအတွက်နန့် ယင်းပိုင်လားရစွာဖြစ်တေ။ သူရို့က လူတိုင်းကို သူရို့၏ဘိုးဘေး ဘီဘင်တိ နီထိုင်ရေ နီရာကိုလားစီခရေ။ ဘုရင်ကြီး ဒါဝိဒ်က ဗက်လင်မြို့မာ မွီးခစွာဖြစ်ပြီးကေ သူက မာရိနန့်ယောသပ်ရို့ နှစ်ယောက်စလုံး၏ဘိုးဘေး ဘီဘင်ဖြစ်တေ။
\ No newline at end of file
diff --git a/23/05.txt b/23/05.txt
new file mode 100644
index 0000000..d276a41
--- /dev/null
+++ b/23/05.txt
@@ -0,0 +1 @@
+မာရိနန့်ယောသပ်ရို့က ဗက်လင်မြို့ကို လားခကတ်တေ။ ယေလေ့ သူရို့အတွက် တိရိစ္ဆာန်တချို့ ထားရေနီရာက လွဲဗျာယ်တခြားနီစရာ နီရာမဟိပါ။ မာရိက သူမ၏အချေကို ယင်းနီရာမာ မွီးလိုက်လီ ရေ။ သူမက အချေအိပ်ဖို့ အိပ်စရာမဟိသိရေအတွက်နန့် နွားစာခွက်ထဲမာ သိပ်ထားလိုက်တေ သူရို့က အချေကို ယေရှုလို့ နာမယ်ပီးလိုက်လီရေ။
\ No newline at end of file
diff --git a/23/06.txt b/23/06.txt
new file mode 100644
index 0000000..5faf43f
--- /dev/null
+++ b/23/06.txt
@@ -0,0 +1 @@
+ယင်းညည့်ခါ အနီးအပါးဟိ လယ်ကွင်းထဲမာ သိုးတိထိန်းကျောင်းနီရေ သိုးထိန်းတချို့ဟိလီရေ။ ဗြန်းစားကြီးပင် တောက်ပနီရေ နတ်စေတမန်တပါး ပေါ်လာလို့ သိုးထိန်းတိ ကကောင်းကြောက်လန့် လားကတ်တေ။ နတ်စေတမန်က "မကြောက်ကတ်ကေ့ မေရှိယအသျှင်စော် ဗက်လင်မြို့မာ မွီးဗျာယ် ဆိုရေသတင်းကောင်းကို လာပြောစွာဖြစ်တေ" လို့ မိန့်ကြားလိုက်ပါရေ။
\ No newline at end of file
diff --git a/23/07.txt b/23/07.txt
new file mode 100644
index 0000000..5578c4b
--- /dev/null
+++ b/23/07.txt
@@ -0,0 +1 @@
+"ယင်းအချေကို လားရှာကတ်ပါ။ သူကိုချနှီးဟပ်နန့် ပတ်ထားပြီးကေ နွားစာခွက်ထဲမာ လဲနီစွာ ကို သင်ရို့တွိရဖို့ဖြစ်တေ" လို့ မိန့်ကြားလီရေ။ ချက်ခြင်းပင် အာကာက နတ်မင်းတိနန့် ပြည့်လခပြီးကေ သူရို့က ဘုရားသျှင်ကို ကောင်းကျိုးချမ်းသာတိပီးကတ်ပါရေ။ ယင်းနတ်စေတမန်ရို့က " နိဗ္ဗာန်ရွီမြို့ တော်မာဟိရေ ဘုရားသျှင်အလိုတော်ဟိရေလူ အပေါင်းအားလုံး အီးချမ်းကတ်ပါစီ" လို့ ဘုရားသျှင်ကို ပူဇော်ကတ်လီရေ။
\ No newline at end of file
diff --git a/23/08.txt b/23/08.txt
new file mode 100644
index 0000000..99b1f3b
--- /dev/null
+++ b/23/08.txt
@@ -0,0 +1 @@
+ယင်းပြီးကေ နတ်စေတမန်တိ ထွက်လားခရေခါ သိုးကျောင်းသားတိက သူရို့၏သိုးတိကို ထားခဗျာယ် အချေကို ရှာကတ်တေ။ သူရို့က တနားချေအတွင်းမာ ကိုယ်တော်ယေရှု ဟိရာနီရာကို ရောက်လာကတ်တေ နတ်စေတမန်က သူရို့ကိုပြောထားရေအတိုင် နွားစာခွက်ထဲမာ လဲနီစွာကို တွိမြင် ကတ်ပါရေ။ သူရို့က ကကောင်းစိတ်လှုပ်ရှားစွာနန့် သူရို့၏သိုးတိဟိရေ လယ်ကွင်းကို ပြန်လားကတ် တေ။ သူရို့က သူရို့ကြားရ မြင်ရစွာတိအတွက် ဘုရားသျှင်ကို ပူဇော်နီကတ်ပါရေ။
\ No newline at end of file
diff --git a/23/09.txt b/23/09.txt
new file mode 100644
index 0000000..22a1f49
--- /dev/null
+++ b/23/09.txt
@@ -0,0 +1 @@
+ဝီးလံရေ အရှိဖက် နိုင်ငံတနိုင်ငံမာ ယောက်ကျားတချို့က ကြယ်တိလေ့လာရာမာ ကကောင်း ပညာဟိကတ်ပါရေ။ သူရို့က အာကာထက်မာ ထူးခြားရေ ကြယ်ကြီးတလုံးကို မြင်ခလို့ သူရို့က ယင်းအရာစော် ယုဒလူမျိုးတိ၏ဘုရင်အသစ်ကို မွီးစွာ အဓိပ္ပါယ်ဖြစ်ဖို့ လို့ပြောကတ်ပါရေ။ ယင်းအချေ ကို လားကြည့်ဖို့ ဆုံးဖြတ်ခပြီးကေ သူရို့နိုင်ငံက ခရီးထွက်လာကတ်ပါရေ။ ခရီးအဝီးကြီးလားပြီးနောက် မာ သူရို့က ဗက်လင်မြို့ကို ရောက်ဟိလာပနာ အချေ ယေရှုနန့် သူ၏မိဘတိ နီရေအိမ်ကို ရှာတွိလား ကတ်ပါရေ။
\ No newline at end of file
diff --git a/23/10.txt b/23/10.txt
new file mode 100644
index 0000000..92c0cc3
--- /dev/null
+++ b/23/10.txt
@@ -0,0 +1 @@
+ယင်းလူတိက အချေ ယေရှုကို သူ၏အမိနန့် တွိရေခါ ရှိခိုးကတ်လီရေ။ ပြီးကေ သူရို့က အချေ ယေရှုကို တန်ဖိုးကြီးရေ လက်ဆောင်ပဏ္ဍာတိနန့် ပူဇော်ဗျာယ် သူရို့၏အိမ်တိကို ပြန်လားကတ်လီရေ။
\ No newline at end of file
diff --git a/23/title.txt b/23/title.txt
new file mode 100644
index 0000000..544d82e
--- /dev/null
+++ b/23/title.txt
@@ -0,0 +1 @@
+ကိုယ်တော်ယေရှုကို မွီးတော်မှုခြင်း
\ No newline at end of file
diff --git a/manifest.json b/manifest.json
index a8cbc74..c33b457 100644
--- a/manifest.json
+++ b/manifest.json
@@ -362,6 +362,17 @@
 		"22-04",
 		"22-05",
 		"22-06",
-		"22-07"
+		"22-07",
+		"22-reference",
+		"23-title",
+		"23-01",
+		"23-02",
+		"23-03",
+		"23-04",
+		"23-05",
+		"23-06",
+		"23-07",
+		"23-08",
+		"23-09"
 	]
 }
\ No newline at end of file