\c 1 \v 1 \v 2 \v 3 1 အဝ်ႏဘုရာꩻသျင်ꩻ အသွဉ်းအသယ်ႏ 'ပေါလု' ထျꩻမꩻ တဲမ်းလွေꩻလိတ် 'တိတု' အထျꩻနဝ်ꩻသွူ။ ခွေသွဉ်းနဝ်ꩻလဲ့ꩻ ထွာ ကိုယ်ႏတောႏ 'ယေရှု' တပဲ့ꩻတောႏတဖြာꩻနဝ်ꩻသွူ။ ဘုရာꩻသျင်ꩻကလွိုက်ရွေꩻဒါႏလိုꩻဖုံႏနဝ်ꩻ ဖေႏကယွုမ်းပိုႏဘုရာꩻ သျင်ꩻအတွက်ဖေႏကဆွုံꩻမꩻသွဉ်သင်ဖေႏနဝ်ꩻ ဖာဘုရာꩻသျင်ꩻ အွဉ်ႏလွစ်လွဉ်ခွေသွဉ်းနဝ်ꩻသွူ။ 2 ခလားကပ်ကမ္ဘာႏယို နီသွဉ်းသီးနဝ်ꩻ နိစ္စထာဝရအသက်ယို အောင်ႏမျင်ႏလꩻဒျာႏကရိုꩻယို ဘုရာꩻသျင်ꩻဖေႏခါꩻဗျာဒိတ်နဝ်ꩻသွူ။ ဘုရာꩻသျင်ꩻ နဝ်ꩻ ထာꩻလဲဉ်ငဝ်းမုꩻသာꩻဖုံႏကြောင်းစင်ငါႏနဝ်ꩻသွူ။ 3  ကွဲတွော့ꩻအခိန်ႏမဉ်ႏတွိုႏအီႏဟောꩻမင်္ဂလာꩻတရာꩻတောႏဖုံႏယို တွမ်ႏထာꩻယွုမ်းအံႏထွဉ်ႏသေခွေသွဉ်းနဝ်ꩻသွူ။ နီသွဉ်းသီးဖုံႏယို ဖေႏကဟောꩻဖောႏထန်ႏကကယ်ႏဒင်ႏဒါႏဘုရာꩻသျင်ꩻ ပညတ်တောႏဖုံႏနဝ်ꩻလဲ့ꩻမိန်းသေꩻခါꩻနဝ်ꩻသွူ။