Хуδойи Ирмийо пайғумбарард лу̊д иде̂, мардум қатита Наw А̄д ких̇т. Фарқ аз Кӣна̄ А̄д, Хуδойи wам Исроӣл қати пи Сӣно кӯ ца чӯд, йикеданд иде̂, Наw А̄дандта мардум хубаϑ шахсан Хуδой фа̄мт. Хуδойи лу̊д иде̂, Йута Ху қонӯнен ар одамен асти wеδдху, дев қонӯнента wев диленти нивишт. Арйак одамта Хуδой жӣwҷ ких̇тху, хойӣх̇та ких̇т Wи қонӯнен риойа̄ чӣдоw. Йута wев Хуδой исоб су̊дат, wа̄δ Wи халқ, ду̊ндҷа̄т Хуδойта мардум гунойен бахих̇ ких̇тху, ачгата wев Ху байоδ наwеδд. Дам Наw А̄дта Масе халқ қати ких̇т.