See in Reader
28 lines
3.2 KiB
Plaintext
28 lines
3.2 KiB
Plaintext
\id PHM - Indian Revised Version (IRV) Nagamese
|
|
\c 1
|
|
\v 1 Paul,Jisu Krista laga kaidi,aru Philemon laga bhai Timothy,moi khan laga morom sathi aru eke logote kam kora manu khan,
|
|
\v 2 aru moi khan laga bhoini Apphia ke,aru Archippus moi khan laga sipahi,aru girja manu khan kun ghor te lok kore.
|
|
\v 3 Baba Isor laga shanti aru Probhu Jisu Krista laga morom apuni khan logote thakibole dibi.
|
|
\v 4 Moi hodai Isor ke dhanyabad di kena thake.Moi laga prathna te apuni khan ke yad kori kena thake.
|
|
\v 5 Apuni khan probhu Jisu Krista aru sob bisasi manu khan logote morom aru bisas pora thaka tu moi huni loise.
|
|
\v 6 Moi prathna kori ahse apuni khan laga bisas aru krista moi khan logote thaki kena aru bhi bhal kam bisi kori kena jabo.
|
|
\v 7 Apuni khan laga morom thaka nimite moi bisi khusi aru aram ahse,kelemane dharmic manu laga mon apuni khan pora taza kori dise,moi laga bhai khan.
|
|
\v 8 Eitu karone,jodi bhi moi Krista laga nam pora mon dangor hoi kena apuni khan ke ki koribole lage eitu hukum dibole pare,
|
|
\v 9 kintu morom thaka nimite,moi apuni khan ke eitu koi ahse-Moi,Paul,ekjon bura manu aru etiya Jisu Krista nimite ekta kedi.
|
|
\v 10 Moi laga bacha Onesimus ke bhabna kori kena hudi ahse,moi chain pora bandhi kena thaka homoi te tai laga baba hoi jaise.
|
|
\v 11 Tai ekta homoi te apuni khan nimite eku kam laga thaka nai,kintu etiya tai apuni aru moi nimite bisi kam laga ahse.
|
|
\v 12 Moi tai ke apuni khan logote pothai di ahse,tai moi laga bisi morom kora ekjon ahse.
|
|
\v 13 Moi eacha thakise tai ke moi logote rakhi bole nimite,tai moi logote thaki kena apuni khan laga sewa koribole nimite,jetiya moi Jisu laga kotha nimite chain pora bandhi kena ahse.
|
|
\v 14 Kintu moi apuni khan pora najani kena eku kam koribole mon nai.Moi apuni khan pora bhal kam kori thaka tu hoile ene pora koribole dibole mon nai kintu ki bhal kam kori ahse eitu bhal echa pora hobole lage.
|
|
\v 15 Eitu karone tai apuni khan pora olop din nimite alak hoi jaisile,jate hodai nimite tai ke apuni wapas pai jobole nimite.
|
|
\v 16 Tai aru manu laga niche te sewa nokoribo,kintu tai eka sewa kora manu pora bhi bhal hoi jabo,ekta morom thaka bhai.Moi tai ke bisi morom kore,aru apuni ke bhi bisi morom kore,mangso pora bhi aru probhu Jisu laga nam pora bhi.
|
|
\v 17 Jodi moi bhi apuni khan laga sathi ahse koile,moi ke jeneka apuni khan pora loise eitu nisina tai ke bhi loi lobi.
|
|
\v 18 Kintu jodi tai apuni khan logote kiba beya korise aru dibole baki ahse koile,eitu moi uporte dhali dibi
|
|
\v 19 Moi,Paul,moi laga nijor hath pora eitu likhi ahse.Moi nijor sob tu wapas kori dibo-apuni khan nijor ke moi ke bibole nimite baki ahse!
|
|
\v 20 Hoi,bhai khan,probhu laga nam pora moi nimite ekta kam kori dibi;Krista nimite moi laga mon tu taza kori dibi.
|
|
\v 21 Apuni khan kotha mani kena thaka tu moi bharosa ahse, Apuni khan eitu pora bhi bisi koribo koi kena moi apuni khan ke likhi ahse.
|
|
\v 22 Aru eitu homoi te,moi nimite ekta kamra tayar kori kena rakhibi,moi ahsa ahse apuni khan laga prathna pora moi joldi apuni khan ke lok koribole paribo.
|
|
\v 23 Epaphras,Jisu Krista laga kam nimite moi logote jail te thaka sathi,tai bhi apuni khan ke salam di ahse
|
|
\v 24 Mark,Aristarach,Demas,aru Luke,eke logote kam kora laga sathi khan pora bhi salam di ahse.
|
|
\v 25 Apuni khan laga atma logote Jisu Krista laga morom hodai thakibole dibi.Amen.
|